اخر اخبار قرعة الاراضى

[جمال عامر]

والله يا أستاذ بدر انا فعلا ماافهمش اي حاجة في الزراعة بس بقول ان المناطق المجاوره للمدن الجديده ممكن مع الوقت حتى لو طال للاولاد يعني يستفيدوا منها وتزيد فيها نسبة المباني بعد فتره يعني زي الحزام الاخضر كان من حوالي سنة اسعاره مش كبيرة اوي يعني الفدان يصل متوسط سعره ل 45000 بس وبسبب التجار باه المتوسط للفدان في ال350000 حاجة مش معقولة فعلا حتى القادسية الاسعار اللي فيها صحيح اقل من اللي في الحزام بس كمان الناس بتشتري املا في المباني ومش الزراعة والله أعلم... :lol:

الاخ العزيز اللى بيسال على موضوع الاراضى الزراعيه

الحقيقه كلامك كله مظبوط 100 % ........ انا اشتريت من سنه تقريبا 10 فدان فى الحزام الاخضر وكان سعر الفدان 50 الف جنيه

وحاليا سعر الفدان 400 الف جنيه ......... وكمان كانت نسبه المبانى 2% بس وحاليا غيروها لـ 10 % وكمان لو بتفكر تزرع الموضوع مش صعب زى منتا متخيل وكمان مربح

اتمنالك التوفيق ولو فى امكانياتك انك تشترى اى قطعه دلوقتى متترددش

[vipwithyou]

يا جماعة كان عندى استفسار بسيط من اللى عندة خبرة فى الأراضى اللى كسبنا فيها دى

هل أنا لازم أبنى الأربعة أدوار كلهم قبل انقضاء الثلاثة سنوات ولا ينفع دور واحد وأشطبة من الخارج علشان ما تتسحبش منى الأرض

أنا واخد قطعة عمارات المبنى فيها هيكون 300 متر يعنى قطمة وسط اذا لازم أبنى الأربعة أدوار ؟؟؟

ياريت حد يطمنى بأى معلومة

شكرا ً لكم

أخوكم

تامر السيد

تم تعديل 27 نوفمبر 2007 بواسطة vipwithyou

[wansawansa]

vipwithyou

بص يا سيدي أنا سألت كذا واحد بيبنوا في بدر دلوقتي قالولي إنك لازم على الأقل ترمي أساساتك و تطلع بعمدان يعني مش لازم تبني المبنى كله و الجهاز عمره مابيسحب أرض للو فيها اساسات و عمدان

وده اللي أنا أعرفه يا تمارا و الله أعلم

[vipwithyou]

vipwithyou

بص يا سيدي أنا سألت كذا واحد بيبنوا في بدر دلوقتي قالولي إنك لازم على الأقل ترمي أساساتك و تطلع بعمدان يعني مش لازم تبني المبنى كله و الجهاز عمره مابيسحب أرض للو فيها اساسات و عمدان

وده اللي أنا أعرفه يا تمارا و الله أعلم

شكرا يا wansawansa على الرد

كان فى واحد صاحبى فى العبور قالى من فترة انهم بيسحبوا من الناس عندهم الأراضى اللى مش بانيين دورين ومشطبين خارجهم

ودا علشان بالدورين تقدر تدخل مرافق كهرباء وماء وتليفون وخلافة

فعايزين تفاصيل أكتر ربنا يكرمكوا لأن الموضوع كبير بجد

ودوامة

[wansawansa]

vipwithyou

جاري البحث عن المعلومات وينفذ يا تمارا

[vipwithyou]

جاري البحث عن المعلومات وينفذ يا تمارا

أنا كمان هأجرى معاك مش احنا جيران ولا ايه

[ام طارق]

ام طارق ..... السلام عليكم .... بصى ياستى لو انتى وصلتى لحد نادى الرماية وبعدين مشتى على طريق اكتوبر بعد حوالى 3 كيلو مفروض تدخلى يمين من جنب قيادة مرور طريق الفيوم الى اكتوبر..... لا امشى على طول بدل ماتدخلى يمين حوالى خمسة كيلو على طريق الفيوم تلاقى موقع هذة الارض وفيها جزء بة مرافق وجزء لا وهناك شركات خاصة بدات فى بناء فيلات ............... م على سعد

شكرا يا باشمهندس على على الرد معليش معندكش فكره هل هنتسلم الارض دى فى حدود اد ايه وقت هل فى وقت قريب ولا بعد 3 سنوات زى بعض الاماكن وشكرا

[moaz]

الأخوة الأفاضل

شكراً لكل من هنئني بالفوز وأخص الأخ vip والأخ sss والأخ سهران . والجميع له مني ألف شكر .

إخواني .. انا كنت مقدم القرعة باسم والدي .. لأني مسافر في الكويت . والآن المفروض الوالد يتنازل لي عن قطعة الأرض .

سؤالي :

ماهي خطوات التنازل ونقل هذه الأرض باسمي .. والإجراءات المطلوبة بالضبط ومن أين أبدأ ؟ ولكم مني وافر الشكر والتقدير .

أخوكم أبو معاذ

تم تعديل 28 نوفمبر 2007 بواسطة moaz

[ali m]

اختى ام طارق .......... السلام عليكم ان شاء اللة سوف اذهب الى جهاز المدينة غدا الخميس او الاحد على اقصى تقدير علشان اسئل لكى على موعد الاستلام بس عايز اعرف منكى قطعة الارض فى المنطقة الثالثة ام الرابعة لان دا افتكر ضرورى عند السؤال ........... على سعد

[ام طارق]

اختى ام طارق .......... السلام عليكم ان شاء اللة سوف اذهب الى جهاز المدينة غدا الخميس او الاحد على اقصى تقدير علشان اسئل لكى على موعد الاستلام بس عايز اعرف منكى قطعة الارض فى المنطقة الثالثة ام الرابعة لان دا افتكر ضرورى عند السؤال ........... على سعد

شكرا هتتعب معايا شويه انا ان شاء الله حجزت هنزل مصر على العيد ان شاء الله بس الواحد قلقان بسبب معاد تسليم الارض لان زى ما فهمت ان بعد التسليم او خطاب التخصيص هيبتدوا يعدوا علينا الوقت عشان البناء واكيد الموضوع هيتكلف كتير عشان كده قلقانه بسبب وقت التسليم واكيد موضوع التمويل العقارى مش هينفع الا اذا دفعنا الثمن كاش والارض اصبحت ملكى مفيش اقساط عليها وهذه هى البيانات زى ما هى مكتوبه على النت وشكرا

مسلسل المنطقة المنطقة الحي

3 بين طريق الفيوم والواحات       المنطقه ا           

[moaz]

إخواني ..

كنت أسأل عن ماهي إجراءات التنازل عن قطعة الأرض الفائزة .. لأني كنت مقدم باسم والدي والمفروض هو يتنازل لي عنها ؟

أرجو لمن لديه خبرة أن يدلني ويقول لي من أين أبدأ وماالمطلوب ولكم الشكر .

أخوكم أبو معاذ

[se_ Elsyed]

إخواني ..

كنت أسأل عن ماهي إجراءات التنازل عن قطعة الأرض الفائزة .. لأني كنت مقدم باسم والدي والمفروض هو يتنازل لي عنها ؟

أرجو لمن لديه خبرة أن يدلني ويقول لي من أين أبدأ وماالمطلوب ولكم الشكر .

أخوكم أبو معاذ

يابو معاذ ما تفتحش على نفسك فتحه ممكن تندم عليها بعد كده لان الدنيا كلها قايمه دلوقت على التنازلات والتوكيلات والذي منه وحيالله وفقوا على توكيل الادارة فقط لاقارب الدرجة الاولى

انا عارف ان انت بتقول ما حدش يضمن الحياه من الموت وربنا يدي والدك طولة العمر ممن يعمل لك عقد بيع موثق في الشهر العقاري فقط ... لإن مش مسموح لك تتصرف في الارض باي شكل من الاشكال الا بعد سداد جميع الاقساط ان شالله لو سددت المبلغ بكره ممكن تبيع براحتك ... لكن لسه 10 سنين قدامك

وفي نفس الوقت ممكن الوالد يعمل توكيل في الجهاز بالادارة فقط يعني متابعة بنا واستلام تراخيص وما الى ذلك .. ده في حالة اذا ماكانش هايقدر يتابع هذا بنفسه

لكن نصيحة في الوقت المشعلل ده اوعى تقرب من الجهاز وتتكلم عن تنازل او بيع حتى لو من والدك لك

بالمناسبة لو فرضنا ان والدك اتنازل لك - فرضاً - يعني ... يبقى انتوا الاتنين ليس لكما الحق في التقدريم على اي ارض بالقرعة بعد ذلك .

تحياتي

[الأقصرى]

إقتباس(ali m @ Nov 28 2007, 02:54 PM)

اختى ام طارق .......... السلام عليكم ان شاء اللة سوف اذهب الى جهاز المدينة غدا الخميس او الاحد على اقصى تقدير علشان اسئل لكى على موعد الاستلام بس عايز اعرف منكى قطعة الارض فى المنطقة الثالثة ام الرابعة لان دا افتكر ضرورى عند السؤال ........... على سعد

السلام عليكم

يا ريت يا استاذ على تسالى برضه عن تاريخ تسليم القطعه 668 مسلسل 4 فى الارض المحصورة بين الفيوم والواحات ب ولك جزيل الشكر وازاى برضه نعرف انها مميزه من عدمه , ربنا يوفق الجميع ان شاء الله

[ali m]

استاذ اقصرى .......... السلام عليكم حاضر 668 اللى باسم محمد عبد المجيد منطقة رابعة؟

[Tala]

لسلام عليكم ورحمة الله لو سمحت يا استاذ سيد بالنسبة للتنازلات في الاراضي اللي انا اعرفة ان مالهاش دعوه بان الواحد ياخذ ارض من الجهاز راساا يعني احنا نعرف ناس اشتروا من تجار من سنين وعملو تنازل رسمي في الجهاز وبعدين ادموا على قطعة من الجهاز راسا وحصلوا عليها ماشاء الله بدون مشاكل بنفس إسم الشخص ؟ مش عارفة يمكن قصدك على القرعات هي اللي بالنظام ده الجديد

[Tala]

السلام عليكم استاذ جمال عامر بالنسبة للجمعيات انا خفت منها لان لما جينا نشتري قلنا للبايع ان احنا حنعمل عقود رسمية على ايد محامي وبعد ما كان عاوز بسرعة يبيع اختفى وخاف وكان هو عاوزنا نروح ونخلص كل حاجة في الجمعية هي كانت القادسية على فكرة والمحامي قال لا ماينفعش لان لو دفعنا وخلصنا في الجمعية بس وبعدين الجمعية ببساطة رفضت العضوية بتاعتنا في الحالة دي كل حاجة ضاعت عشان كدا خفنا منها وياريت لو حد عنده خبرة بالاراضي اللي ليها مستقبل وسعرها معقول دلوقتي ومضمونة ايه لان الحزام الاخضر باى غالي فعلا وصعب اخد فيه وشكرا

[MinaAziz]

أهلا بيك يا أستاذ أقصري

أنا جارك قطعة رقم 666

أظن أن القطع المميزة سعرها 760 و العادية 700 جنيه للمتر. أقسم أجمالي السعر على المساحة ستعرف نوع القطعة. قطعة 668 عادية.

[الأقصرى]

السلام عليكم ورحمة الله وبركاته

استاذ على شكرا" على الرد وربنا يوفقنا جميعا" وفى انتظار نتائج زيارتك للموقع مع الشكر

واهلا بجارى الاستاذ مينا 666 وان شاء الله نتعاون فى المبانى

......... الاقصرى -قطعه 668 ب

[الأقصرى]

بسم الله الرحمن الرحيم

يا ريت الحكومه تفهم وتقتنع ان سياسة الاغراق وليس سياسة الترهيب هى اللى حنظبط السوق وتقضى على تجارة ومضاربة الاراضى

وان شاء الله دى البدايه

من المصرى اليوم بتاريخ 27 نوفمبر 2007

طرح أرض «المقاولون العرب» علي طريق السويس فبراير المقبل بنظام القرعة العلنية

كتب عادل البهنساوي ٢٧/١١/٢٠٠٧

قال المهندس إبراهيم محلب، رئيس شركة المقاولون العرب، إن أرض طريق السويس ستطرح في فبراير المقبل ومساحتها ١٥٠٠ فدان، بنظام القطع الصغيرة وبالقرعة العلنية، وأشار محلب لـ «المصري اليوم» أمس إلي أن البنك الأهلي، بالتعاون مع الشركة المالكة للأرض وهي شركة المستقبل، يقومان حاليا بإجراء تقييم لسعر المتر بالتزامن مع تنفيذ مشاريع مد الأرض بالمرافق.

أوضح رئيس الشركة أن خطة الشركة تجاه المساحة المتبقية من الأرض وهي ٩.٥ ألف فدان تتضمن التفكير في إقامة مشروع للتطوير العقاري علي أجزاء من المساحة المتبقية، لافتا إلي أن عائد البيع من المساحة الأولي سيوجه إلي سداد ديون بنك مصر البالغة مليار جنيه، والتي تمكنت الشركة من جدولتها مؤخرا، إلي ذلك كشف إبراهيم محلب عن قيام المقاولون العرب حاليا بالتفاوض مع مستثمر عربي للدخول في شراكة في الشركة الرياضية المساهمة، التي سيتم تأسيسها لإدارة نادي «المقاولون العرب»، وقال إن النادي سيدار بطريقة اقتصادية لتقليل حجم الدعم الذي ينفق عليه والذي كان قد وصل إلي ٢٠ مليون جنيه وانخفض حاليا إلي ١٠ ملايين جنيه خلال العام الماضي.

وأشار محلب إلي أن حصة المقاولون العرب في الشركة الجديدة لن تقل عن ٦٠% والباقي للمستثمر، وتوقع محلب نجاح المفاوضات مع المستثمرين للسمعة الكبيرة للنادي وللموقع العبقري الذي يحتله بالقاهرة، ونفي محلب وجود أي توجه لطرح حصص الشركة في الشركات المشتركة، بعد قرار تحويل «المقاولون» إلي شركة مساهمة.

وأشار إلي أن كل الشركات التي تسهم فيها الشركة تحقق أرباحا كبيرة تمثل عائدا للشركة، لافتا إلي أن أي إجراء من هذا القبيل سابق لأوانه، وأن الصورة ستتضح أكثر بعد إقرار مشروع تحويل الشركة إلي شركة مساهمة في دورة البرلمان الحالية، وأعلن محلب نجاح الشركة في الفوز بعدة مناقصات في السوقين الأفريقية والعربية مؤخرا، رغم المنافسة الشديدة التي تواجهها، خاصة في أفريقيا، وقال محلب إن الشركة حصلت علي مناقصة في تشاد منذ أيام لإقامة طريق طوله ٧٠٠ كيلو بتكلفة ٦٠ مليون دولار، وتغلبها علي الشركة الفرنسية المنافسة.

وأضاف محلب أن فرص الشركة في السوق الأفريقية كبيرة في ظل سابقة أعمالها في عدة دول أفريقية، لافتا إلي أن الشركة لا تواجه صعوبة عندما يكون تمويل المشروعات من بنوك إسلامية، حيث تعطي أفضلية للشركة في الحصول علي المشاريع، وتابع قائلا: «أحيانا تحدث ضغوط علي بعض الدول وتلغي مناقصات فازت بها الشركة بسبب خسارة الشركات الفرنسية أمام الشركة، ولكنها ليست ظاهرة»،

http://www.almasry-alyoum.com/article.aspx?ArticleID=84334

[elemam]

السلام عليكم جميع الأعضاء :............

أحب أهني وأبارك لكل من فاز في القرعة .. ونقول للي ما فازوا ربنا يجعل لكم نصيب في أحسن منها إنشاء الله

عندي سؤال إذا حد يعرف بالنسبة لشروط الأجهزة ..

أنا مش فاهم شروط البناء اللي كانوا كاتبيها في كراسة الشروط ..

مثلاً كاتبين البناء على 50% و 10% مفتوح ما معنى مفتوح دي ولا نخللي المواضيع دي للمكتب الهندسي اللي هيصمم

وازي أعرف مكتب كويس وابن حلال يصمم لي بشروط الجهاز لاستخراج التراخيص ..

زي ما قلت لحضراتكم أن فزت بقطعة في مدينة العاشر من رمضان ..

و إنشاء الله نازل على العيد علشان أشوف إيه المطلوب بعد كده ..

بس للأسف الأجازة محدودة أسبوعين فعايز حالياً أقدر أعمل أي حاجة وأجمع أي معلومات حتى لاستغلال الوقت

وجزاكم الله خيراً ...

يا ريت اللي عنده أي نصيحة لا يبخل عليا بها .. لقد لاحظت مدى التعاون والتفاعل بين أعضاء هذا المنتدى الرائع

بارك الله لكم ..