اخر اخبار قرعة الاراضى

[ahmed sattar]

الاخ احمد عبد الستار السلام عليكم من مفضلك استفسار هل عملت فى شركة منظفات عالمية فى مصر

لا

أنا أدرس بأحد الكليات فى أبوظبى

[Brave hurt]

السلام عليكم ورحمة الله وبركاته

أولاً أحب أهني وأقول مبروك لكل فائز في القرعة وإن شاء الله موفقين جميعاً في البناء وأقول للذين لم يحالفهم التوفيق إن شاء الله توفقوا في المرات القادمة

واحنا طبعاً الغلابة القرعة بتعتنا أخر يوم إن شاء الله تكون يوم السبت مدينة دمياط الجديدة ولكن لاحظت أنه تقريباً لا يوجد أحد ينتظر هذه القرعة إلا أنا .

ياريت تدعوا جميعاً لنا بالتوفيق ولكل الحاجزين بهذه المنطقة وأنا طبعاً مش في مصر ومقدم باسم أخي فياريت تتبعوا الموضوع وتضعوا نتيجة القرعة بعد ظهورها إن شاء الله .

موفقون جميعاً إن شاء الله.

والسلام عليكم ورحمة الله وبركاته

[moaz]

شكراً أخي سي السيد . وكذلك الشكر موصول للأخت tala وأنا لاحظت هنا إن في كتير مثلي كانوا مقدمين بأسماء أقاربهم الدرجة الأولى وفازوا .. يعني معنى كده مفيش تنازل ينفع إلا فقط نعمل عقد بيع ونوثقه من الشهر العقاري .

ياريت إذا أحد له تجربة مع التنازل من قريبه إليه يخبرنا بها . ولكم الشكر .. وطبعاً شكلي بنزل أيضاً في العيد أو في أجازة نصف السنة بالكثير عشان نشوف هذا الأمر وربنا ييسر لنا وللجميع .

في انتظار إفادتكم إن كان أحد له تجربه في التنازل من قريبه إليه وكيف تمت وماتبعاتها ؟

أخوكم

[se_ Elsyed]

لسلام عليكم ورحمة الله لو سمحت يا استاذ سيد بالنسبة للتنازلات في الاراضي اللي انا اعرفة ان مالهاش دعوه بان الواحد ياخذ ارض من الجهاز راساا يعني احنا نعرف ناس اشتروا من تجار من سنين وعملو تنازل رسمي في الجهاز وبعدين ادموا على قطعة من الجهاز راسا وحصلوا عليها ماشاء الله بدون مشاكل بنفس إسم الشخص ؟ مش عارفة يمكن قصدك على القرعات هي اللي بالنظام ده الجديد

يمكن كانوا مقدمين بأسامي ناس تانيه

لإن اللي اا متأكد منه غن الواحد لو عنده أرض مباني في أحدى المدن الجديدة سواء تنازل او قرعة أو خلافه يبقى غير مسموح له يقدم تاني على أض مدعمه زي بتاعت القرعة منالدولة ... وإلا قوليلي إنتي بقى هاتبقى إيه الفايده لما يكون عندي 50 قطعة أرض شاريهم مباشرةً وبعدين أقدم على قطعة أرض تاني من الدولةوأستفيد من الدعم ؟ ... فكده تبقى تجارة عالمكشوف ومش محتاجه تفسير

مش عارف حضرتك تقصد إيه بالأراضي اللي لها مستقبل ؟ مستقبل بناء ولا تجارة وتسقيع مشروع ؟

---------------

وازي أعرف مكتب كويس وابن حلال يصمم لي بشروط الجهاز لاستخراج التراخيص ..

زي ما قلت لحضراتكم أن فزت بقطعة في مدينة العاشر من رمضان ..

و إنشاء الله نازل على العيد علشان أشوف إيه المطلوب بعد كده ..

بس للأسف الأجازة محدودة أسبوعين فعايز حالياً أقدر أعمل أي حاجة وأجمع أي معلومات حتى لاستغلال الوقت

وجزاكم الله خيراً ...

يا ريت اللي عنده أي نصيحة لا يبخل عليا بها .. لقد لاحظت مدى التعاون والتفاعل بين أعضاء هذا المنتدى الرائع

والله يا أستاذ إمام .. كل التجارب اللي الواحد بيكتسبها في حياته كوم .... وموضوع البناء كوم تاني .. من حيث الخبرات والمرمطه والشعر اللي بيشيب بدري بدري من التعامل مع بني أدمين غير صادقين ولا يوفوا بالوعود ... تقريباً أكثر من 90 % من اللي بيعملوا في المجال ده كده بشكل أو باخر ... بالمناسبة مش في مصر بس

مش هاتكلم عن الدول الغربية لان عندهم معايير

لكن تعالى في الدول العربية مثلاً اللي منتشر فيه فيروس عدم الوفاء بالوعود أو الإلتزام بالمواعيد هاتلاقي الموضوع ده عادي وهو القاعدة والأمين الصادق بيبقى شذوذ عن القاعدة ..

حكيت في المنتدى قبل كده إن زوج اختي كان بيأسس شقة في مدينة نصر وما سمعش كلامي إنه يعطي الشقة لمكتب ديكور يشرف عليها ويبقى غالي شويه لكن هايتعامل مع شخص واحد فقط ويريح دماغه ... ولإنه هو واختي عايشين في أوروبا من فترة فأخدوا على نمط العيشة الأوروبية اللي الواحد فيها ممكن يصبح الصبح يروح البقالة يجيب جردل بوهيه متضرب جاهز ويدي الشقة وش جديد وممكن شريكه في الحياة يرجع من الشغل يلاقي نفسه في شقة تانية .. وفضل يقولي : يابني إنت ما شوفتنيش وأنا لابس الشورت والصندل وماسك الروله وبأشتغل بإيدي .. ولا شوفت أختك وهي ماسكه الشاكوش وعماله تصلح في سور الجنينه .. قلت له يابني إنسى وخد البنسة سور جنينه إيه وخولي الجنينه إيه ؟ إنت هنا في بولاق يا حبيبي يعني لو ما كنتش لابس جلابيه وشايل مطوه واختي الامريكانية دي لابسه ملايه لف وبتقول نعم يا عمممممممممر ويالدلعدي .. يبقى هاتتكل وهايتحلى بهدومك ...

لكن ما سمعش كلام ماما ونزل إتفق مع صنايعيه لهم سوابق - اعمال - وأبتدى الشغل ... وكل ما أروح لهم ألاقيه لابس نفس الشورت الفقري والصندل .... وعدى شهر ودخلنا في التاني وراح مع اللي راحو وبقى ماشي يكلم نفسه في الشارع من قلة أدب الصنايعية وكلامهم اللي ما بيصفاش على الرُبع والفتاوى الغير شرعية اللي بيفتوها بغير علم وبتيجي على دماغ أصحاب البيوت او أصحاب المصلحة ..

اللي عايز أقوله إنك تجهز نفسك نفسياً للمتاعب المتوقعة .. وقدامك حل من إتنين :

1- إنك تعطي الأرض لشركة او مكتب مقاولات وهو اللي ياخد الشغلانة مونة واجره " يعني يشتري هو مواد البناء ويشرف على العمل ويحاسبك في نهاية كل مرحلة " .... وفي الحالة دي يبقى هناك تكاليف أضافية لن تقل عن 25 % هاتتحلمها نظير ذلك ... يعني لو شغلانه هاتكلفك 100 ألف يبقى هاتدفع 125 ألف ...مقابل ترييح دماغك .. وخلي بالك لو مواد البناء غليت أثناء التنفيذ .. فالشركة مش عبيطة فبتكتب شرط في العقد إنك تتحملها يا حلو ... حتى لو ما غليتش فبيبقى من مصلحة الشركة إنها توفر في مواد البناء عشان مكاسبها تزيد ... وأنا شفت ده بعيني الإتنين دول ... فصاحب الفيلا اللي بجواري رجل أعمال وعنده عدة مصانع ومش فاضي يقف قدام صنايعية أو مقاول فأعطى الفيلا لشركة مقاولات وأقسم بالله كنت بأشوف شكل الخرسانة وكإنها معجونة بتراب مش بأسمنت ... يعني يادوب بيشمموها الأسمنت والحديد عشان يوفر وأهو ما حدش شايف حاجه .

2- إن ربنا يوفقك في مكتب كويس يشرف لك على عملية البناء وإنت تبقى واقف جنبهم أو حد من معارفك يادوب كل دوره إنه يشتري مواد البناء ويحاسب الناس .... ولو وثقت في المكتب يبقى هو ممكن يجيب المقاول من طرفه ويستلم منه رسمياً كل مرحله و يُستحسن يجيب هو المقاول عشان يبقى في تفاهم بينهم ولو إن ناس كتير بتفضل إن التنفيذ يبقى منفصل عن الإشراف عشان ما يحصلش تواطأ بين المنفذ وبين المشرف .... وميزة المكتب المُشرف إنه هو اللي بيوافق على كل خطوة تحصل في الموقع وبالتالي يسمح لك بدفع تكاليف ذلك .. يعني جبت بناء يبني .. يبقى هو بييجي يستلم منه ويقول على ملاحظاته وبعدين في الأخر يقولك خلاص أدفع له حسابه وهكذا .

أما عن تجرتبي الشخصية في البناء .. فانا عشان ظروف الغربة فلقد وكلت أخي في متابعة ذلك ... وبعد ما أتظبطت حوالي 3 مرات وفشلت فيها في التعامل مع مهندسين لمجرد تصميم المبنى .. ومش هاقول إتنصب عليه .. لكن كانوا بيفتوا بغير علم وتبقى عيب إنه يقول ما أعرفش او خليني أفكر في المسألة الفلانية اللي إنت طالبها ... ودفعت تكاليف التصميم 3 مرات .. لحد ما ربنا وفقني خير توفيق في مكتب إستشاري محترم وسبحان الله ما كانش في القاهرة .. لكنه في محافظة الزقازيق اللي بينها وبين العبور نصف ساعة وبينها أعتقد وبين العاشر من رمضان يمكن ربع او تلت ساعة ... وبصراحة نعم الرجل هو فهو دكتور مهندس بكلية الهندسة جامعة الزقازيق ولديه مكتب كبير والعديد من المهندسين اللي متطبعين بطباعه ... فمن ناحية هو مريح مادياً غير السفاحين بتوع القاهرة ... وفي نفس الوقت تتوفر فيه عنصر الامانة ... واهم من ذلك النصيحة والوقوف بجانب العميل وتحقيق مصلحته بقدر المستطاع ... وأنا لمست بنفسي توفيره لنفقات كانت مدفوعه مدفوعه لكنه يتدخل في الوقت المناسب عشان يخلي الواحد يمشي في المسار السليم .

فأي واحد مُقبل عل البناء ومحتاج تفاصيل أكثر فممكن أفيده بتفاصيل المكتب ويروح ويقعد مع الناس ويتكلم معهم عن طلباته وتصوره لمشروعه المستقبلي ..

وبالتوفيق للجميع .

[mhamed]

الفكره باختصار ..

بدلاً من تقدم ال 40 الف مواطن بتقديم طلب فردى تجمعهم في كيان واحد ثم تقديمهم طلب جماعى و كل المطلوب من الدوله هو اعطائهم قطعة ارض و لو بدون مرافق الهم الا توصيل المرافق الى قطعة الارض نفسها ثم تترك اعادة توزيع تلك المرافق ( شبكة الكهرباء و المياه و التليفونات ) لادارة هذا الكيان الذى اقترحت ان يكون جمعية اسكان ...

تكلفة المرافق يتم تقسيمها على اعضاء الجمعيه ( 40 الف كما في المثال الماضى ) و بالتالى ستكون تكلفة الارض + المرافق اقل من ما تقدمه الدوله اذا حسبناه كنتيجه نهائيه للتقسيم على الاعضاء ..

ثم البناء ..

حجم قطع الارض و حجم البناء عليها يصبح من اختصاص الجمعيه و يتم تصميمه في المرحله الاولى من استلام الارض و بالتالى يراعى افضل التصاميم تحقيقاً لاقتصادية البناء ...مثلاً المبانى الكبيره تكون تكلفة متر الشقق فيها اقل من المبانى الاصفر .. يعنى لو عماره فيها شقتين في الدور دائماً تكلفة متر المبانى فيها تكون اعلى من تكلفة المبانى في عماره فيها 8 شقق في الدور ...

ادعو الجميع للمشاركه في الفكره التى بدأت النقاش فيها مع العزيز عصام ابو الفتح في الموضوع الذى اشرت اليه

تحياتى ..

[mhamed]

السلام عليكم ورحمة الله

انا بصراحة ربنا كرمنى وفوزت بقطعة ارض فى بر ج العرب الجديدة مساحتها 273م فى القرعة القديمة وانا لى قريب اشترى ارض فى دمياط الجديدة وقال لى تعالى نبنيها انا و انت قلت له موافق بصراحة دى فرصة لى لاتتعوض لانها قريبة من عملى فى ميناء دمياط وذلك افضلى من الايجار فى دمياط الجديدة لانه بقى غالى وليس فى استطاعتى ان اشترى شقة وبالتالى لااستطيع ان ابنى هنا وهناك ومن له الرغبة فيها او قريبة من عمله ممكن يراسلنى على الايميل اوالشات

refat_77@yahoo.com

Best Regards

mhamed

[محسن عز الدين]

يا اخ رافت ازيا هاتبيع الارض الا فى برج العرب الجديدة الان وايه الاجراءات ؟؟؟؟

وكام ثمنها ممكن تقولى صراحا واشوف ويمكن يكون بنا خير ان شاء الله ؟؟ظ

منتظر ردك باسرع وقت ان شاء الله

[wansawansa]

الأخ mhamed و الأخ محسن

إزااى حتبيعوا و تشتروا الأرض ده ممنوع لأن التنازل و التوكيل للغير دلوقتي ممنوع و زي سي السيد ما قال متفتحوش علىيكم فتوحة في الوقت ده إستنوا شوية لما الدنيا تبان شوية و الأمور تتضح و كل واحد بياخد نصيبه

مش كده ولا إيييييييييييييييه ؟؟؟؟

[ali m]

الاخت ام طارق الاخ الاقصرى السلام عليكم

انا حالا لسة طالع من جهاز اكتوبر وعرفت من مكتب الاستثمار المعنى بشئون ارضى القرعة ان ارضى امنطقة 3 و 4 منطقة الوحات والفيوم ان هذة الارض غير مرفقة وان التسليم مش قبل سنة

ثم ذهبت الى البنك علشان اسحب المقدم الى كنت دفعة قالوا انهم سوف يرسلوا شيكات لنا ( اللى لم يخلفهم التوفيق) بعد يوم 10/12 وبالمرة سالت على اللى كسب فى الفرعة امتى يكمل العشرة % المقدم قالوا التعليمات سوف تصل لهم بهذا الخصوص بعد15/12 ان شاء اللة .............. على سعد

[مصري بالوراثة]

ياعم سي السيد

ماتقول على اسم المكتب اللي شوقتنا لمعرفة اسمه وعنوانه وتليفونه ، ولا لازم تخليها بعد الفاصل؟

العالم المغتربة دي غلابة وكلمة مغترب لوحدها كفيلة بفتح شهية أي طماع فيك ، لسه اليومين اللي فاتوا كلمت واحد قريبي في مصر يسأل عن تمن قطعة أرض قال له ان المطلوب 850 ألف أوفر ، قلت أكلمه بنفسي عشان أعرف تفاصيل أكتر وأحاول معاه في السعر فالباشا لقى الرقم اللي بيتصل عليه من بره فطلب مليون أوفر وبالبق المليان :blush2:

فياجماعة اللي يعرف حد أمين ومتميز في مهنته بخصوص أي مرحلة من مراحل البناء يقول عليه ، وهنيالك يافاعل الخير :blink:

[ام طارق]

الاخت ام طارق الاخ الاقصرى السلام عليكم

انا حالا لسة طالع من جهاز اكتوبر وعرفت من مكتب الاستثمار المعنى بشئون ارضى القرعة ان ارضى امنطقة 3 و 4 منطقة الوحات والفيوم ان هذة الارض غير مرفقة وان التسليم مش قبل سنة

ثم ذهبت الى البنك علشان اسحب المقدم الى كنت دفعة قالوا انهم سوف يرسلوا شيكات لنا ( اللى لم يخلفهم التوفيق) بعد يوم 10/12 وبالمرة سالت على اللى كسب فى الفرعة امتى يكمل العشرة % المقدم قالوا التعليمات سوف تصل لهم بهذا الخصوص بعد15/12 ان شاء اللة .............. على سعد

الف شكرا جزاك الله خير انا ان شاء الله هنزل على 11/12 ابقى اكمل العشره % والحمد لله ان التسليم مش دلوقتى عشان نقدر نعمل حسبنا ربنا يكرم الناس جميعا وشكرا يا باشمهندس على

[Tala]

السلام عليكم بالنسبة للتنازلات فعلا زي ما الاستاذ سيد ذكر مافيش دلوقتي خالص يبقى حلك الوحي الشهر العقاري بس بيتهيألي والله اعلم انك ممكن تعمل عقد بيع نهائي على يد محامي ثم تاخذ بيه صحة توقيع ونفاذ من المحكمه .

[vipwithyou]

يا أستاذ سى السيد ياريت تعرفنا المكتب اللى قلت عليه دة فين واسم صاحبة المؤتمن دة ربنا يكرمك لأننا محتاجين فعلا لكدة

شكرا ليك

[الأقصرى]

الاخت ام طارق الاخ الاقصرى السلام عليكم

انا حالا لسة طالع من جهاز اكتوبر وعرفت من مكتب الاستثمار المعنى بشئون ارضى القرعة ان ارضى امنطقة 3 و 4 منطقة الوحات والفيوم ان هذة الارض غير مرفقة وان التسليم مش قبل سنة

ثم ذهبت الى البنك علشان اسحب المقدم الى كنت دفعة قالوا انهم سوف يرسلوا شيكات لنا ( اللى لم يخلفهم التوفيق) بعد يوم 10/12 وبالمرة سالت على اللى كسب فى الفرعة امتى يكمل العشرة % المقدم قالوا التعليمات سوف تصل لهم بهذا الخصوص بعد15/12 ان شاء اللة .............. على سعد

[الأقصرى]

الاخت ام طارق الاخ الاقصرى السلام عليكم

انا حالا لسة طالع من جهاز اكتوبر وعرفت من مكتب الاستثمار المعنى بشئون ارضى القرعة ان ارضى امنطقة 3 و 4 منطقة الوحات والفيوم ان هذة الارض غير مرفقة وان التسليم مش قبل سنة

ثم ذهبت الى البنك علشان اسحب المقدم الى كنت دفعة قالوا انهم سوف يرسلوا شيكات لنا ( اللى لم يخلفهم التوفيق) بعد يوم 10/12 وبالمرة سالت على اللى كسب فى الفرعة امتى يكمل العشرة % المقدم قالوا التعليمات سوف تصل لهم بهذا الخصوص بعد15/12 ان شاء اللة .............. على سعد

شكراُ بارك الله فيك ................... الأقصرى

[زهرة الجبل]

في مدينه إسمها مدينة الأمل قريبه من الشروق

هل من معلومه عنها ؟؟؟

الأخ س س إتكلم عن الأراضي القريبه من الشروق و ذكر عدة جمعيات منها جمعية الأمل وجمعية الطلائع وزي جمعية القادسية

فهل المقصود بجمعية الأمل هي مدينة الأمل؟

8- نيجي لزبدة الموضوع - اللي عنده كليسترول ما يقرأش الحتتين دول :blush2: - ... إخواننا اللي بيذوبوا عشقاً في المدن الجديدة وعايزين يعيشوا في حماها ... يروحوا يشوفوا كمية الأراضي المحيطة بمدينة الشروق من أول بوابة المدينة لمسافة 20 ك متر بالتمام والكمال لحد يافطة بتقول " مرحباً بكم في مدينة العاشر من رمضان " وأراضي مُرخصة وبتتباع برخص التُراب ولكنها ليست في ذمام مدينة الشروق ولا تابعة للجهاز .. الغريب بقى إنها تابعة لمنطقة النُزهة الجديدة ... تخيلوا ؟ ولا فترة بُنا ولا دياولو وإعمل اللي إنت عايزه إن شالله تسقع ملايين الأمتار زي جمعية مصر الجديدة ما هي شاريه هناك وعامله كده وزي جمعية الأمل وجمعية الطلائع وزي جمعية القادسية وزي أفراد بالعبيط عاملين كده هناك ..

وهناك أراضي مميزة جداً جداً انا شوفتها وخصوصاً لو عايز برستيج بقى والناس تشاور عليك وتقول .. ده ساكن في حته مميزة بجوار المركز الطبي العالمي خبط لزق .... المتر هناك بيتبدي من 250 ج ده إن ماكانش عدا دلوقت لإن اخر أرض في الشروق خلاص بح واتباعت في القُرعة وبالتالي تجار أعرفهم نزلوا حتتك بتتك عالاراضي دي وأشتروا بالفدادين لإنها هي الإمتداد الطبيعي للشروق وبالتالي الدور جاي عليها عشان تولع ....

و هل تلك المنطقه هي نفسها المقصوده بالأماكن القريبه من المركز الطبي العالمي؟

و إن لم تكن هي فأيهما أفضل؟

لأن سألنا عن أرض قريبه من الشروق و جاء الرد عن مدينه إسمها مدينة الأمل المتر فيها القريب من الطريق وعلى واجهه ب 180 جنيه لكن البيع هناك بالقطعه يعني أقل شئ شراء 600 متر كقطعه واحده وكلما دخلت للداخل قل السعر قليلاً

فكيف أتأكد إن كان هذا المكان جيد وما هي الأسئله التي أطرحها على الشخص الذي ينصحنا بهذا المكان؟

أريد النصيحه وشكراً

[se_ Elsyed]

يا أستاذ سى السيد ياريت تعرفنا المكتب اللى قلت عليه دة فين واسم صاحبة المؤتمن دة ربنا يكرمك لأننا محتاجين فعلا لكدة

شكرا ليك

حاضر

هو مكتب الدكتور / محمد منتصر .... دكتور مهندس بكلية الهندسة جامعة الزقازيق ... المكتب يقع في برج المحافظة خلف قصر ثقافة الزقازيق .. ت المكتب هو 20552340256 00 فاكس 20552311256 00

ولما تبدأوا بناء بالفعل اونكل سين سين موجود ونحاول بمشيئة الله نجاوب عن اي تساؤل لو في الاماكن

----------------

الاخت ام كريم الشهيرة بزهرة الجبل العالي

جمعية الامل موجودة فعلاً بالشروق وبيقسموا اراضي في الجهة المقابلة لبوابة الشروق .. و180 سعر كويس جداً للاراضي القريبة من الطريق ولو اني شاكك في الرقم ده لانه قليل بالنسبة لارض مترخصة مباني

عامة قبل الاقدام على اي خطوة في شراء الاراضي لازم يكون معاكي محامي يتأكد من التراخيص والمستندات الرسمية حتى لو باشتري من اخويا

بالنسبة للمنطقة الموجودة بجوار المركز الطبية فهي ليست تابعة لجميعة الامل ولكنها تقسيم افراد يعني اشخاص عاديين هما اللي بيبيعوا ويشتروا فيها

-----------------

انا هاتكلم دلوقت عن تجارة الاراضي في المُدن او المناطق الجديدة وده كلام لوجه الله ما بيطلعش الا للحبايب لكن مش عايز حد يفهم الكلام ده بحزازية او يحمله اكثر مما يحتمل

المهم : نصيحة في الجون تاخدها من تجار الاراضي الاراري المخضرمين اللي ممكن يكون فيهم ناس ما بيفكوش الخط لكن الحياة بهدلتهم واكتسبوا خبرة ثمنها ملايين ومش موجودة في أي كلية ولا مدرسة

النصيحة بتقول : لو لقيت منطقة جديدة لسه بتتقسم وعايز تشتري عشان تضارب يبقى دور على :

1- الصعايدة ... لو لقيت صعايدة كتير شاريين في حته يبقى اشتري وانت مطمئن .

2- الاقباط : ..... لو لقيت مسيحيين شاريين كتير في حته برضوا .. يبقى برضوا اشتري وانت مطمئن

عارفين ليه ؟

لإن الصعايدة بيحبوا الارض قوي قوي وعنده يمشي بهدوم مقطعه بس يبقى عنده ارض ... وبما اننا في القاهرة فبيعوض شراء الارض الزراعية باراضي المباني والمتاجرة فيها واتجهوا منذ فترة للبناء وبيع التمليك

والاقباط .. تجار شطار وبيعرفوا بيحطوا قرشهم فين ... وهما اشطر تجار دهب ومجوهرات وصيدلانية

تعالوا نبص على منطقة فيصل وارض اللوا اللي كانت حتى وقت قريب زراعة وكان فيه هناك ترعة شهيرة واتردمت ... روح وشوف على الطبيعة مين اللي باني ابراج هناك وبيتاجر في الاراضي ؟

ما فيش حد غيرهم الصعايدة والاقباط وهما اللي غيروا معالم المنطقة هناك ورفعوا اسعار الاراضي اللي ما كانتش تسوي لحد وقت قريب

وخد عندك بقى مناطق كثيرة جداً جداً مثل عين شمس وعزبة النخل والمرج والمرج الجديدة والقلج والخانكة وكده احنا سايبين القاهرة وداخلين على محافظة القليوبية ... برضوا الصعايدة والاقباط يكادوا يكونوا محتلين تلك المناطق

انا بنفسي شفت منطقة جديدة متفرعة من شارع جسر السويس وتحديداً قبل سوق القنال يعني قبل مدينة قباء ... الارض دي متبورة وبقت مباني كأمر واقع يعني

الصعايدة يا جماعة عملوا تكتلات رهيبة وشتروا المنطقة دي كلها لدرجة انهم اشتروا شارع بحاله ... آه والله ... فالمنطقة الموازية لشارع جسر السويس اشتركوا في ثمنها جميعاً وحولوها لشارع عام عشان يبقى منفذ ومتنفس لاراضيهم على شارع جسر السويس الحيوي الممتد من منطقة كوبري القبة ويصل الى مدينة العاشر من رمضان ثم مدينة الاسماعيلية وفي منطقة كبيرة منه يُسمى طريق مصر الاسماعيلية

بدون مبالغة الارض دي طلعت من 250 جنيه الي 800 ثم 1000 في غضون شهور قليلة

منطقة اخرى مساحتها كبيرة جداً تمتد من محطة مترو انفاق عين شمس بالتوازي مع شريط القطار المتجه الى مدينة السويس ويتجه مباشرة الي شارع جسر السويس ثم الي مساكن الشيراتون ..... المنطقة دي كانت زراعة من حوالي 20 سنة واتبورت ثم اصبحت مقلب زبالة وخصوصاً الترلات الكبيرة اللي كانت بتيجي تدلق كسر و رملة وزلط وبلاوي زرقا المهم من حوالي 10 سنوات بالظبط نزل اسطول صعايدة واشتروا الارض دي على 150 ج و 200 ج المتر والناس كانت بتضحك عليهم لانهم شاريين مقلب زبالة .... لكن من 5 سنوات المنطقة دي تحولت الي كمية ابراج مالهاش حل ومدارس كمان ومنها مدرسة الاورمان الفندقية ... عارفين متر الارض هناك دلوقت ده لو لقيت متر فاضي بيتباع بكام ؟ قدام عيني على 6000 ج كاش وعالترابيزة

وبقوا الناس هناك عاملين زي القوي الاقتصادية اللي بتتكتل مع بعضها شوية صعايدة او اقباط او اقباط جايين من الصعيد يتجمعوا مع بعض ويقوموا ناتعين البرج من دول ويبيعوا الشقق وهي لسه عالارض ويروحوا علابرج اللي بعده وهكذا

الارض اللي بأقولكو عليها جنب المركز الطبي تقريباً معظمها مملوكة لاقباط وبرضوا مع شوية صعايدة وقسم ياسيدي وسقع واسقيني يا فرج الله

انا عايز ياخوانا اروح اشتغل محاضر دولي في علم الجيولوجيا والانثربولوجيا

اخوكم الدكتور سين سين اكبر تاجر ارضي بور في الصحراء الغربية

[vipwithyou]

شكرا يا سى السيد على امدادنا بكل المعلومات دى

طيب بينى وبينك يا خبير الصحراوء الشرقية والغربية والجوانية كمان

الصعايدة ناويين على فين المرة دى يمكن نلحق ناخد حاجة هناك للزمن ولا ايه رأيك

وشكرا على معلومات المكتب كمان

أنا كلمت الجهاز على فكرة النهاردة فى مدينة بدر وقالى خلص مع البنك الأول وتعالى واحنا نشوف قطعتك فين

وحسيت انه زهقان منى وأنا باكلمه بكل ادب واحترام

زى ما يكون رايح آخد الأرض بتاعته

فربنا يستر يا ريس

[msmsmsms]

اخوانى اريد معرفة اسعار الشقق والاراضى فى مدينة بدر لمن لدية فكرة عنها

[elemam]

الأستاذ المحترم / سي السيد ( سين سين سين تاجر الأراضي البور )

أولا أشكرك على نصيحتك التي أسعدتني كثيراً وصدق اللي قال "ما خاب من استشار"

فجزاك الله خيراً

هو مكتب الدكتور / محمد منتصر .... دكتور مهندس بكلية الهندسة جامعة الزقازيق ... المكتب يقع في برج المحافظة خلف قصر ثقافة الزقازيق .. ت المكتب هو 20552340256 00 فاكس 20552311256 00

وفعلاً لك كل الشكر والتقدير بس اسمح لي إنت في أي مدينة من المدينة الجديدة ومتغرب فين يمكن أطلع أعرفك ولا حاجة

وعلى فكرة أنا ناوي أعيش في مدينة العاشر من رمضان لأنها زي ما قلت سابقاً من أروع المدن الجديدة وتقدر تشوفها على النت من خلال الرابط التالي :

مدينة العاشر من رمضان من خلال موقع على النت

على فكرة قطعة الأراضي اللي إنشاء الله هأبنيها وصلت لها وموجودة وواضحة في الخريطة وكاتب عليها اسمي

تقدروا تستعينوا بالموقع ده للوصول لكافة المدن الجديدة

أتوجه أيضاً بالشكر للأستاذ علي اللي جاوب على تسأولاتنا نحن المغتربين بالنسبة لترتيب الإجراءات بعد الفوز في القرعة

أخوكم عصام الإمام

مجاورة 26 مدينة العاشر من رمضان