اخر اخبار قرعة الاراضى

[mohamd atia]

معلش ياباشا عايزين نعرف الدفع المقدم خلال مدة قد اية اقصاها

[vipwithyou]

يابنى اصبر لسة شوية فى مشوار لبنك الاسكان والتعمير فرع العبور لازم تروحة تعرف هتدفع امتى وتستنى للميعاد بالظبط وتروح

بس فكر الاول هتدفع كام

هل هتدفع 10 % والباقى أقساط على 7 سنوات بعد 3 سنوات من الأن يبدأ القسط الأول

ولا هتدفع 25 % وتقسط الباقى على 3 سنوات من الآن وتوفر حوالى 44100 حـ

ولا هتدفع كاش وتوفر حوالى 63945 حـ

لازم تفكر الأول

وركز شوية

حد هتعمل ايه وهنساعدك ان شاء الله

[vipwithyou]

وللعلم المدة أقصاها شهر من بداية اعلانه عن سداد المقدمات

ماشى يا عم ارتحت

[mohamd atia]

وكمان لو هاندفع على تلت سنين يبقى الدفع المقدم بتاعها امتى واقصاها امتى عشان مترحشى مننا ربنا يخليك لينا يارب ويسترها معاك

[vipwithyou]

محمد اكيد البيت عندك كله صاحى ادينى موبايلك أو تليفون البيت حتى هاكلمك حالا أقولك كل التفاصيل بس بسرعة أوكى

[vipwithyou]

محمددددددددددد انت نمت ولا ايه يابنى

[vipwithyou]

عموما يا محمد دا لازم يحددة الجهاز أو البنك لأن انت متعرفش هل القطعة دى تم ترفيقها أم لا اذا كان تم فعلا

ستقوم بدفع 34398 فورا ولمدة اقصاها شهر

دى عايزة زيارة لبنك الاسكان والتعمير قلت لك

اللى فى مدينة العبور

شكرا

[mohamd atia]

معلش ياباشا الكهربا فصلت وتليفونى 22625287

[vipwithyou]

لو احتجت يا محمد حاجة بقى ابعتلى ايميل او اطلبنى تليفون

أوكى يا محمد

تليفونى

0552500185

تامر السيد

والإيميل

vipwithyou@yahoo.com

[vipwithyou]

تصبح على خير بقى عندى سفر الفجر

سلالالالالالالالالالالالام

[mohamd atia]

وانتا من اهلة يااستاذ تامر لية الخير دة اللى بتعملة للناس دة مقابل اية يااستاذ تامر ربنا يحميك يااستاذ تامر

[الأقصرى]

السلام عليكم ورحمة الله

اعتذر عن مناقشتى الموضوع متأخراُ , لانشغالى الفرتة الماضية.

بخصوص سداد قيمة الارض

الراى الصحيح انكل تقسط على سبع سنين وذلك للأسباب الأتية

انا مثلا متر الارض فى 6 اكتوبر محسوب على اساس 700 تقسيط ولو على 3 سنين يبقى سعر المتر 520جم

نشوف بقى القيمة الفعليه كام دلوقتى انا حخدفع 10 % يعنى 70 جنيه والباقى 630 علىسبع سنين يعنى السنه 90 جنيه

مع كثير من التفأل ان التسليم حيكون بعد سنه وده شى ان مش مصدقهوبتوقع انهم اكثر من كده بكتــــيــــــــــر

خلينا على فرض ان التسليم بعد سنه حيكون اول قسط بعد 4 سنين

ال 90 جنيه اللى حدفعهم بعد 4 سنسن قيمتهم الفعليه دلوقتى لو فرضنا ان التضخم 8% بس مع كثيـــر من التفاءل بالاصلاح الاقتصادى ( ولو عايز تسميها فايدة البنك مش تضخم ماشى) 66 جم

وال 90 اللى حدفعهم بعد 5 سنين قيمتهم الفعلية دلوقتى 61 جم

وال 90 جنيه اللى حدفعهم بعد6 سنين قيمتهم 57 جم

وهكذا تلاقى قيمتةة قسط المتر تبقى52 و 41 -38-36جم

يهنى المتر يقف عليك من الاخر ب 422 جم

وهكذا نفس النسبه مع اى سعر مت يعنى الخلاصه ادفع فسط على سبع سنين وبلاش تزنق نفسك وخليك السيوله معاك تنفعك او استثمرها فى اى شىء ثانى وشكراُ

[vipwithyou]

صباح الخير الأول

يا عزيزى يا أقصرى أنا قلت اللى يقدر يدفع كاش يدفع هو أولى بالفلوس من البنك بس ودا مش غلط

شكرا

[vipwithyou]

وانتا من اهلة يااستاذ تامر لية الخير دة اللى بتعملة للناس دة مقابل اية يااستاذ تامر ربنا يحميك يااستاذ تامر

الحقوا يا رجالة الأستاذ محمد بيخلع ايدة من العزومة اللى وعدنى بيها

أنا بأشهدكم جميعاً عليه

وبعدين يا أستاذ محمد تقريباً أنا اتعودت من زماااااان انى بأكون شمعه تحترق من اجل الآخرين مش عارف ليه لكن متهيألى لما ربنا يسخرك لخدمة حد دة بيكون حاجة كويسة

صح ولا لا

بس مش هنسالك تخليك عن عزومتى هههههه

شكرا ليك ومبروك مرة اخرى

أخوك

تامر السيد

[زهرة الجبل]

يا أستاذ سى السيد ياريت تعرفنا المكتب اللى قلت عليه دة فين واسم صاحبة المؤتمن دة ربنا يكرمك لأننا محتاجين فعلا لكدة

شكرا ليك

حاضر

هو مكتب الدكتور / محمد منتصر .... دكتور مهندس بكلية الهندسة جامعة الزقازيق ... المكتب يقع في برج المحافظة خلف قصر ثقافة الزقازيق .. ت المكتب هو 20552340256 00 فاكس 20552311256 00

ولما تبدأوا بناء بالفعل اونكل سين سين موجود ونحاول بمشيئة الله نجاوب عن اي تساؤل لو في الاماكن

----------------

الاخت ام كريم الشهيرة بزهرة الجبل العالي

جمعية الامل موجودة فعلاً بالشروق وبيقسموا اراضي في الجهة المقابلة لبوابة الشروق .. و180 سعر كويس جداً للاراضي القريبة من الطريق ولو اني شاكك في الرقم ده لانه قليل بالنسبة لارض مترخصة مباني

عامة قبل الاقدام على اي خطوة في شراء الاراضي لازم يكون معاكي محامي يتأكد من التراخيص والمستندات الرسمية حتى لو باشتري من اخويا

بالنسبة للمنطقة الموجودة بجوار المركز الطبية فهي ليست تابعة لجميعة الامل ولكنها تقسيم افراد يعني اشخاص عاديين هما اللي بيبيعوا ويشتروا فيها

-----------------

انا هاتكلم دلوقت عن تجارة الاراضي في المُدن او المناطق الجديدة وده كلام لوجه الله ما بيطلعش الا للحبايب لكن مش عايز حد يفهم الكلام ده بحزازية او يحمله اكثر مما يحتمل

المهم : نصيحة في الجون تاخدها من تجار الاراضي الاراري المخضرمين اللي ممكن يكون فيهم ناس ما بيفكوش الخط لكن الحياة بهدلتهم واكتسبوا خبرة ثمنها ملايين ومش موجودة في أي كلية ولا مدرسة

النصيحة بتقول : لو لقيت منطقة جديدة لسه بتتقسم وعايز تشتري عشان تضارب يبقى دور على :

1- الصعايدة ... لو لقيت صعايدة كتير شاريين في حته يبقى اشتري وانت مطمئن .

2- الاقباط : ..... لو لقيت مسيحيين شاريين كتير في حته برضوا .. يبقى برضوا اشتري وانت مطمئن

عارفين ليه ؟

لإن الصعايدة بيحبوا الارض قوي قوي وعنده يمشي بهدوم مقطعه بس يبقى عنده ارض ... وبما اننا في القاهرة فبيعوض شراء الارض الزراعية باراضي المباني والمتاجرة فيها واتجهوا منذ فترة للبناء وبيع التمليك

والاقباط .. تجار شطار وبيعرفوا بيحطوا قرشهم فين ... وهما اشطر تجار دهب ومجوهرات وصيدلانية

تعالوا نبص على منطقة فيصل وارض اللوا اللي كانت حتى وقت قريب زراعة وكان فيه هناك ترعة شهيرة واتردمت ... روح وشوف على الطبيعة مين اللي باني ابراج هناك وبيتاجر في الاراضي ؟

ما فيش حد غيرهم الصعايدة والاقباط وهما اللي غيروا معالم المنطقة هناك ورفعوا اسعار الاراضي اللي ما كانتش تسوي لحد وقت قريب

وخد عندك بقى مناطق كثيرة جداً جداً مثل عين شمس وعزبة النخل والمرج والمرج الجديدة والقلج والخانكة وكده احنا سايبين القاهرة وداخلين على محافظة القليوبية ... برضوا الصعايدة والاقباط يكادوا يكونوا محتلين تلك المناطق

انا بنفسي شفت منطقة جديدة متفرعة من شارع جسر السويس وتحديداً قبل سوق القنال يعني قبل مدينة قباء ... الارض دي متبورة وبقت مباني كأمر واقع يعني

الصعايدة يا جماعة عملوا تكتلات رهيبة وشتروا المنطقة دي كلها لدرجة انهم اشتروا شارع بحاله ... آه والله ... فالمنطقة الموازية لشارع جسر السويس اشتركوا في ثمنها جميعاً وحولوها لشارع عام عشان يبقى منفذ ومتنفس لاراضيهم على شارع جسر السويس الحيوي الممتد من منطقة كوبري القبة ويصل الى مدينة العاشر من رمضان ثم مدينة الاسماعيلية وفي منطقة كبيرة منه يُسمى طريق مصر الاسماعيلية

بدون مبالغة الارض دي طلعت من 250 جنيه الي 800 ثم 1000 في غضون شهور قليلة

منطقة اخرى مساحتها كبيرة جداً تمتد من محطة مترو انفاق عين شمس بالتوازي مع شريط القطار المتجه الى مدينة السويس ويتجه مباشرة الي شارع جسر السويس ثم الي مساكن الشيراتون ..... المنطقة دي كانت زراعة من حوالي 20 سنة واتبورت ثم اصبحت مقلب زبالة وخصوصاً الترلات الكبيرة اللي كانت بتيجي تدلق كسر و رملة وزلط وبلاوي زرقا المهم من حوالي 10 سنوات بالظبط نزل اسطول صعايدة واشتروا الارض دي على 150 ج و 200 ج المتر والناس كانت بتضحك عليهم لانهم شاريين مقلب زبالة .... لكن من 5 سنوات المنطقة دي تحولت الي كمية ابراج مالهاش حل ومدارس كمان ومنها مدرسة الاورمان الفندقية ... عارفين متر الارض هناك دلوقت ده لو لقيت متر فاضي بيتباع بكام ؟ قدام عيني على 6000 ج كاش وعالترابيزة

وبقوا الناس هناك عاملين زي القوي الاقتصادية اللي بتتكتل مع بعضها شوية صعايدة او اقباط او اقباط جايين من الصعيد يتجمعوا مع بعض ويقوموا ناتعين البرج من دول ويبيعوا الشقق وهي لسه عالارض ويروحوا علابرج اللي بعده وهكذا

الارض اللي بأقولكو عليها جنب المركز الطبي تقريباً معظمها مملوكة لاقباط وبرضوا مع شوية صعايدة وقسم ياسيدي وسقع واسقيني يا فرج الله

انا عايز ياخوانا اروح اشتغل محاضر دولي في علم الجيولوجيا والانثربولوجيا

اخوكم الدكتور سين سين اكبر تاجر ارضي بور في الصحراء الغربية

الأخ الكريم س س

في البدايه أعتذر عن التأخر عن الرد والشكر والتعليق

لكن والله ردك قرأته من أول ما كتبته انت و عملت بيه لكن لضيق الوقت لم استطع الرد إلا الآن

شكراً لهذا الكم الهائل الرائع من المعلومات ...

بعد ردك صرفنا نظر عن موضوع مدينة الأمل و إتجهنا الى المركز الطبي

فرق السعر بينهم لم يكن أكبر بكثير لكن ربنا ييسر و يكون الكلام سليم

بالبحث عن معلومات عن هذا المكان .. المركز الطبي العالمي وجدنا الآتي

المصدر إعلان على النت وصاحب الإعلان وضع رقم موبايله و إتصلنا به فقال :

سعر المتر يبدء من 200 إلى 380 حسب المكان

و طريقة الدفع :50% من إجمالي مبلغ قيمة الأرض كمقدم والباقي أقساط

و بالسؤال أكثر وتضييق الخناق عليه قال :

وكمان ممكن دفع 25%من إجمالي مبلغ قيمة الأرض كمقدم والباقي أقساط على 24 شهر

طبعاً إتصلنا على مصر مره أخرى وقلنا للأخ اللي هيتولى الموضوع على رقم صاحب الإعلان وجاري إتخاذ اللازم

المفروض هيروح يقابله الجمعه القادمه إن شاء الله ويبلغنا بنتيجة المقابله

و كمان عملت بنصيحتك وقلناله إنه بعد الإتفاق لا يتخذ أي إجراء إلا بوجود محامي

وربنا ييسر ويوفقنا للخير

ألف شكر مره أخرى يا س س بالفعل تجاوبك في الموضوع رائع ومفيد لنا وللجميع

تقبل تحياتي وشكري وتقديري ....

أختك زهــــ أم ــــرة الجبـــــ كريم ــــــل

تم تعديل 3 ديسمبر 2007 بواسطة زهرة الجبل

[elemam]

الأستاذ تامر السيد المحترم VIPWithME

تصدق إني هأزعل منك عمال تقسم مع الناس وتحسب لهم ونسيتني أنا اللي لفت نظركم كلكم للموضوع ده

طيب قولهم اعزموني أنا وعصام مش أنا اللي فتحت موضوع الكاش والقسط ..

شكرا ومستنى الحلاوة بقى دعوة حلوة كدة ربنا يكرمك

مبرووووووووووووك مرة اخرى وانا أخدت عنوانك اهه فى العبور علشان أبقى أتغدى عندك بقى لما تبنى

أخوك

تامر السيد

لما تحسب لحد تاني ابقى افتكرني

المهم عندي سؤال لحضرتك ليه موضوع ال 1 % ده للبنك واحنا ما عندناش أي علم بيه

وإذا سددت كاش برضه هياخدوا ال 1% ده

أخوكم / عصام الإمام

مجاورة 26 مدينة العاشر

وحسبت اللي عليا بالضبط بس اللي فارق معايا ال 1% اللي قلت عليه

والحمد لله استفدت وهو ده الرأي اللي كنت ناوي عليها

" صدق اللي قال ما ندم من استشار وما خاب من استخار "

إلى اللقاء

عصام الإمام

وبالهنا والشفا العزومة بتاعت مدينة بدر

[د محمد على]

[

السلام عليكم

شكرا على المعلومات القيمة

ارجو من لديه معلومات عن موعد دفع العشرة بامائة في البنك يخبرنا

حيث ان اجازة عيد الاضحي اسبوعين فقط و اتمنى ان نتسطيع الدفع في هذه المدة و اذا لم نستطيع خلال هذه المده ما العمل

و ماذا عن استلام الارض هل ي سيتم مباشرة بعد السداد في البنك؟ علما بانها مرفقه و جاهزة للتسليم

وشكرا جزيلا

[محسن عز الدين]

الى الاخ تامر السيد

عفوا انا ارسلت ليك اميل وياريت ترد عليه على نفس الاميل ولك جزيل الشكر

وانا اسف ان اخذت الاميل للارسل لك :rolleyes:

[se_ Elsyed]

طبعاً إتصلنا على مصر مره أخرى وقلنا للأخ اللي هيتولى الموضوع على رقم صاحب الإعلان وجاري إتخاذ اللازم

المفروض هيروح يقابله الجمعه القادمه إن شاء الله ويبلغنا بنتيجة المقابله

و كمان عملت بنصيحتك وقلناله إنه بعد الإتفاق لا يتخذ أي إجراء إلا بوجود محامي

وربنا ييسر ويوفقنا للخير

ألف شكر مره أخرى يا س س بالفعل تجاوبك في الموضوع رائع ومفيد لنا وللجميع

تقبل تحياتي وشكري وتقديري ....

أختك زهــــ أم ــــرة الجبـــــ كريم ــــــل

لا شكر على واجب يا أم كريم ... إحنا هنا عشان نخدمكم

بس رجاء يعني .. إديني يومين تلاته اخلص من كوم الغسيل اللي عندي في الشغل ده وهارد عليكي قبل الأخ اللي هاتبعتوه يوم الجمعه يشوف الأرض

لسبب بسيط جداً وهو إن الأراضي اللي جنب المركز العالمي كتير وفيها الغث وفيها السمين ...

وكمان بما إننا تطفلنا على موضوع الزملاء بتاع أخبار القُرعة وخلطنا به ردود عن الإستثمار العقاري .. فهاحاول أفصل المداخلات التي تتعلق بالإستثمار وما شابه في موضوع منفصل لعله ينفع بقية الاخوة ..

بس عايزك دايماً تقعد ترددي الجُملتين دول " انا داخلة أضارب في الأراضي ... أنا داخله أضارب في الأراضي " لإن المضاربة مكسب وخسارة زي أي تجارة بس تتميز إن ما فيش أرض سعرها بينهار بين يوم وليلة .. فعلى الأقل بيتبعيها بثمنها ...

مع العلم بإن تلك المضاربات اللي من هذا النوع لا غبار عليها .... يعني إنت لا أعتديتي على حق حد .. ولا أشتريتي حاجه مالكيش حق فيها زي اللي بيحصل في مضاربات أراضي القُرعة ...

وعايز أسمع عنك بكره سمع خير وإن بقى عندك شركة تقسيم أراضي ولنسميها مبدئياً " شركة الحاجة ام كريم ... لتقسيم الأراضي والشغل السليم "

مع تحياتي ،،،،،

[ali m]

الاخوة والاخوات السلام عليكم

تلكس الى

تامر :- الواد تامر تامورا ....... دا واد حريف وبيلعب بالكورة

وجوزتك من اللة................... مكرووووووووووومة

د محمد على

1% دى مصاريف اداربة ........ بانور عنية

ام طارف .-

ما تتكسفيش عايزانى اروح الجهاز اوالبنك