اخر اخبار قرعة الاراضى

[ام طارق]

شكرا يا استاذ على انا يوم 11 هنزل مصر ان شاء الله

وشركر لمجهودك يا استاذ تامر انا بعد تفكير قررت ادفع 25 % عشان انا خايفه ادفع كل الفلوس ومحدش يعرف الظروف ايه ولو ربنا كرمنا السنه الجايه قبل ما استلم الارض ممكن اكمل او ادفعهم على 3 سنوات ذى ما حضرتك قولت وابقى استفدت من فرق سعر المتر وخلاص

[vipwithyou]

ممتاز يا ام طارق ودة نفس اللى هأعملة علشان أستفيد بفرق سعر المتر

غير ان الفرق بين الكاش والتقسيط على 3 سنوات فرق بسيط وهو 15 % فقط

ممكن نعتبرها فوايد للمبلغ كله على الثلاث سنوات ونستفيد بوجود نقدية للبناء

قرار سليم يا أم طارق ارجوا من الجميع تنفيذ ذلك

شكرا

أخوكم

تامر السيد

[vipwithyou]

تأكيدا ً لكلام الأستاذ ali m فعلا الـ 1% دى رسوم ادارية وبعدين يا عم elemam

جت على الـ 1% دة كبر دماغك بقى واخلص وخد الارض وخلاص

واكيد اذا دفعت كاش كمان هتدفع الـ 1 %

ماشى يا ريس

شكرا

أخوك

تامر السيد

تم تعديل 3 ديسمبر 2007 بواسطة vipwithyou

[vipwithyou]

يا أستاذ محسن ارجوا ارسال الإيميل مرة اخرى لأن اللغة واصلة مش مظبوطة

ابعته تانى وياريت من ايميل على الياهوا أو الهوتميل اضمن من مكتوب

شكرا منتظر ايميلك لأرد عليك فورا

أو اتصل بى على تليفونى حتى اتمكن من مساعدتك بأسرع وقت ممكن

أخوك

تامر السيد

[wansawansa]

بص يا تمارا لو اللغة مش مفهومة في اي ميل جايلك حتلاقي فوق كلمة view إضغط عليها بس بشويش وبعدين حتلاقي كلمة ترميز اللغة أو Encoding إضغط عليها بشويش برضه و بعدين حتلاقي لغات كتير إختار منها arabic اللغة العربية بس دي بقى تضغط عليها بشويش برضه

حشري مش كده ؟؟؟

بس معلش يمكن أحتاجك بعد كده و أبعتلك ميل ميكونش مفهوم ألوص أنا على طول

سلاااااااااااااامززززززززززز

[vipwithyou]

من غير ما تتدايق يا ريس بس انا عملت كدة

لكن واضح ان العيب فى الارسال

لأنه مرسل الميل من مكتوب وممكن ميكونش تاكد انه سليم

عموما انا رديت عليه بميل وقلت له يعيد ارسالة تانى أو حتى يتصل بى او يرسلة فى ملف مرفق ويكون وورد

وربنا ييسر

شكرا على التوضيح يا مان

سلالالالالالالالالالام

[vipwithyou]

كانك قرأت ليا الرسالة كمان يا ريس

شكرا للاهتمامك لمساعدتنا انا ومحسن

[s s s]

والله يا عم تامر مش عاوز اتعبك معايا

بس هعمل ايه اخوك مش عارف يحسبها

عموما بدر الحي المتميز A

المنطقه 5

قطعه 162

وشكر مقدما يا عم تامر

المساحة 816 متر ؟؟ مظبوط كدة ولا لا

خد الخلاصة مرة واحد :

اجمالى الأرض بكل نظام :

الأول : 212160 حـ على 7 سنوات يتم سداد 10 % الآن بالاضافة لـ 1 % للبنك ويبدأ سداد الباقى بعد 3 سنوات من الاستلام

الثانى : 155040 حـ على 3 سنوات يتم سداد 25 % الآن ويبدأ فورا ولمدة 3 سنوات سداد باقى الأقساط

الثالث : الكاش : 131784 حـ ويتم سدادهم كاملين للبنك قبل الاستلام

ماشى يا سيدى

وبعدين يا جماعة متنسونيش من الآلافات اللى بأخصمهالكم دى صح ولا لا

متهيألى يا جماعة الفرق يستاهل

بالنسبة ليك يا أستاذ s s s الفرق بين سعر التقسيط 7 سنوات و ( 3 سنوات أو الكاش ) فى المتر 70 حـ

شكرا ويارب أكون أفدتك

أخوكم

تامر السيد

والله يا عم تامر الواحد مش عارف هيرد جمايلك دي كلها ازاي

وبعدين انت مقامك اكبر من الالوفات بكتير

وكان نفسي الحاجه تدعيلك بس الله يرحمها

ففكرت نتغدي مع بعض

يتجيني الكويت يجيب انا الغداء واجيلك السعوديه

ايه رايك منتظر ردك

اخوك سامح

[s s s]

يا جماعه دي خريطه الحي المتميز ببدر

[wansawansa]

s_s_s

ألف شكر يا ياشا على الخريطة مكنتش حعرف أجيبها بصراحة ماننحرمش

[s s s]

s_s_s

ألف شكر يا ياشا على الخريطة مكنتش حعرف أجيبها بصراحة ماننحرمش

حبيب قلبي لا شكر علي واجب

لاننا في المنتدي شخص واحد

ومحدش فينا بيبخل علي التاني باي معلومه ولله الحمد

[wansawansa]

s_s_s

ده عشمنا برضه وربنا يوفق الجميع و الواضح الحمد لله إن كل القطع في منطقة الفلل مميزة فعلا أنا مش شايف فرق بين القطع المعروضة

مش كدة برضه ؟؟؟

[s s s]

s_s_s

ده عشمنا برضه وربنا يوفق الجميع و الواضح الحمد لله إن كل القطع في منطقة الفلل مميزة فعلا أنا مش شايف فرق بين القطع المعروضة

مش كدة برضه ؟؟؟

الحقيقه عندك حق بكلاوك ماشاء الله كلها مميزه وربنا يبارك لنا فيها ويقدرنا ونبني

[vipwithyou]

والله يا عم تامر الواحد مش عارف هيرد جمايلك دي كلها ازاي

وبعدين انت مقامك اكبر من الالوفات بكتير

وكان نفسي الحاجه تدعيلك بس الله يرحمها

ففكرت نتغدي مع بعض

يتجيني الكويت يجيب انا الغداء واجيلك السعوديه

ايه رايك منتظر ردك

اخوك سامح

ماشى يا ريس قابلنى على الحدود ونتغدى هناك احسن

[vipwithyou]

طيب يا أستاذ سامح بدل الغداء

ممكن اطلب منك طلب

انا حتى الآن لم أعرف مكان قطعتى ولا رحت هناك كله بالتليفون

فهل ممكن تساعدنى وتضع لى الخريطة بتاعتها ان امكن

ربما تكون متاحة لديك

واذا غير موجودة ولا يهمك هأتصرف ان شاء الله

القطعة فى المجاورة الاولى الحى الثانى رقم القطعة 185 عمارات

شكرا ليك

أخوك

تامر السيد

[محسن عز الدين]

الى الاخ تامر

ممكن اساللك سؤال ازيا لم يظهر اسم احمد عطيه فى نتيجة النت وبعدين انت جبتهاليه انه نجح فى القرعة افهم من كده ان النت بيخرف ساعات والا ايه الحكاية بالضبط

كانك بتعطينى امل ان ممكن اجد اسمى فى القرعة ولم اجدها على النت

منتظر ردك ولك جزيل الشكر

[طه بدر]

في اجتماع برئاسة نظيف:

مجمعات زراعية وصناعية علي طريق القاهرة الاسماعيلية الصحراوي

كتب عيسي مرشد:

استعرض د. أحمد نظيف رئيس مجلس الوزراء المخطط لمستقبلي لاستخدامات اراضي الدولة علي طريق القاهرة الاسماعيلية الصحراوي.. تمتد هذه المسافة من منطقة العبور وحتي العاشر من رمضان وصرح الدكتور مجدي راضي المتحدث الرسمي لمجلس الوزراء بأنه صدرت 4 قرارات مهمة تشمل إنشاء منطقة زراعية تمتد لتشمل 50 ألف فدان في هذا المثلث تروي بمياه الصرف الصحي المعالجة للزراعات غير التقليدية وزراعة غابات خشبية ونباتات زيتية تستخدم في عمليات الاحتراق والوقود.. وانشاء منطقة صناعية علي مساحة 13 ألف فدان شمال منطقة العبور متاخمة للمنطقة الزراعية وتضم صناعات الاخشاب والزيوت ووضع خطة لتقسيم الشريط الموازي لطريق القاهرة الاسماعيلية الصحراوي والبناء عليه بصورة غير مكثفة لأغراض الخدمات وعلي مساحة بين 7 الي 8 % فقط وعدم التصريح في هذه المناطق بانشاء تجمعات سكنية. والتعجيل بتحويل طريق القاهرة الاسماعيلية الصحراوي الي طريق حر وقال بأن رئيس الوزراء طلب من وزراء الزراعة والاسكان والبيئة وضع خطة شاملة لاعادة استخدام مياه الصرف الصحي المعالجة في زراعة الغابات الخشبية والنباتات الزيتية

الخبر منشور فى جريدة الاخبار اليوم فى الصفحة الاولى

بدون تعليق

[عاشق]

طلبت وزارة الإسكان والمجتمعات العمرانية من المستشار القانوني المنتدب في الوزارة من قبل مجلس الدولة، إصدار فتوي تمنع التعامل بالتوكيلات الشخصية للفائزين بالقرعة العلنية الرابعة لأراضي الإسكان العائلي، فضلاً عن عدم أحقيتهم في التنازل عن القطع للغير.

وقال المهندس محمد الدمرداش، مساعد أول الوزير: بعد قرار منع التعامل بالتوكيلات الشخصية في مشروع «ابني بيتك»، قررنا تطبيق ذلك علي قرعة أراضي الإسكان العائلي، علي اعتبار أنها أراضي قرعة مدعمة، ولن يسمح بالمتاجرة، وسيطبق ذلك علي القرعة الأخيرة مع استمرار سحب الأراضي من المخالفين.

وأضاف في تصريحات لـ«المصري اليوم»: الوزارة بدأت في حصر الأراضي ذات القطع الصغيرة، التي أخل أصحابها بشروط لسحبها علي الفور وطرحها في القرعات المقبلة مرة أخري.

وذكر الدمرداش أنه في حالة سفر أحد الفائزين في القرعة الأخيرة، لن يسمح بإصدار التراخيص، إلا في وجود الشخص نفسه، وما دون ذلك سيتم سحب الأراضي علي الفور، معتبراً أن ذلك ليس ظلماً لأحد، وإنما حفاظ علي أراضي الدولة المدعمة واستفادة المواطنين الجادين منها، مشيراً إلي أن الوزارة تبحث حالياً طرح عدد من الأراضي في القرعة العلنية الخامسة خلال نهاية الشهر الحالي.

وحول طرح أرض السويس بنظام القرعة في فبراير المقبل، أكد الدمرداش أن الوزارة لن تنسق مع الشركة والمساهمين معها في الأرض، ومنها البنك الأهلي، سوي في التسعير، مشيراً إلي أن الشركة ستقوم بتسعير الأرض، علي أن تتولي الوزارة مراجعة السعر، بما يتفق مع هدف هيئة المجتمعات العمرانية من طرح الأراضي المدعمة.

المصدر:المصري اليوم

[wansawansa]

إيه الخبر ده بس طب أنا أعمل إيه دلوقتي أنا مستحيل أخد أجازة وكنت معتمد على التوكيل اللي عامله لوالدي كده الأرض راحت عليا ولا إيه يا جدعان حد يفهمني حاجة واشمعنى يعني جايبيين سيرة اللي مسافر بيغيظونا يعني ؟؟؟؟؟

[vipwithyou]

أكيد يا أستاذ wansawansa هينفع توكيل والدك

لأنه من الدرجة الاولى

أنا متأكد يا جماعه من صحة توكيل الدرجة الأولى للاقارب

والكلام دة من واحد صاحبى فى بنك التعمير والاسكان

قالى صعب يلغوا التوكيلات من الدرجة الأولى

والا يبقى كلنا نقعدلهم فى مصر بقى وأكيد هما مش عايزين كدة يا جماعة

أكيد موضوع الالغاء بس علشان البيع والتجارة فى الاراضى ورفع سعر الارض

شكرا