اخر اخبار قرعة الاراضى

[مصري أصيل]

لأن بصراحة الناس اللي كسبت طبعا أحنا بنبارك ليهم وبنهنيهم بس هما عمالين يعزموا بعض علي الغدا ومش شايفين منهم حاجه وجوعونا علي الفاضي.

الأستاذ تامر السيد المحترم

انت عارف انا محترم مجهودك في الموضوع ده وتعاونك مع الناس اد ايه ودي حاجه واضحه لكل اللي متابع الموضوع وأنا كتبتلك اكتر من مره شكر علي المجهود ده ولو لاحظت انا كلامي واضح أنه ما كانش جد كان هزار انا كمان ولا ايه؟؟؟؟؟

[vipwithyou]

ماشى يا ريس ولا يهمك انا عارف بس كنت عايز اوضح اننا فعلا بنساعد بعض ومن قبل ما نكسب والله

اللى كان بيجى له معلومة ميقدمها وأكيد حضرتك عارف كدة

شكرا على ردك الجميل

أخوك

تامر السيد

[د محمد على]

الاخوه الاعزاء

هل هناك اي اخبار عن دفع العشرة بالمائة لبنك الاسكان -الموعد و مواعيد الاستلام لاراضي المرفقة بالفعل

الوقت ضيق جدا و الاجازة قصيرة التى سنتواجد خلالها في مصر ( اسبوعين فقط )

ثم ماذا عن الدفع هل يتم فقط في فروع البنك بالمدينة التى تقع فيها الارض ام في اي فرع من فروع البنك؟

و شكرا لكم

[د محمد على]

الاخ الاقصري

انا متفق معك فيما يتعلق بان السداد على اقساط طويله افضل بكثير من السداد الفوري

لا سيما وان تكاليف البناء ستكون كبيرة جدا و من الافضل الاحتفاظ بالسيولة

و ما حدش عارف اسعار مواد البنائ ستذهب الى اين الفترة القادمة

و الحسبة اللى انت حسبتها متفائلة جدا انا اعتقد ان نسبة التضخم اكبر بكثير

ولو اخذنا متوسط بين التقدير الدولى و المحلى للتضخم فان النسبة ستكون 12 بالمائة و ليس 8

و يمكنك ان ترجع للاسعار منذ عام واحد فقط لتتاكد ان نسبة التضخم اعلى بكثير من 8 بالمائة

وعلى ذلط فان السداد بالتقسيط في نظري يوفر الكثير

و ربنا يوفق الجميع ان شاء الله

[se_ Elsyed]

الأخ الفاضل س س

انا قرأت ردك السابق و وعدتني بإن في معلومات جديده قبل يوم الجمعه

إنتظرت تعليقك الجديد و معلوماتك ونصائحك الهامه جداً بالنسبه لنا

إنت فين؟ ... انهرضه الجمعه و الأخ اللي بعتناه هناك في الطريق حالياً يا ترى في حاجه نقدر نقول له يعملها أو يسأل عليها أو يتأكد منها ؟؟

أنا في إنتظار ردك أول ما تدخل الموضوع

ألف شكر

تقبل تحياتي

---------

أختك ... زهــــ أم ــــرة الجبــ كريم ــــل

اسف جداً يا ام كريم على التأخير اللي يرجع لسببين

1- انا كنت مشغول جداً

2- ما كنتش في المود لاسباب كثيرة وبالتالي مش عايز اضيف معلومة منقوصه

وانا متأكد ان الشخص اللي ارسلتوه مش هايبقى شايل الفلوس ويخلص في ساعتها

فياريت تقوليلي هو عمل ايه النهاردة

-------------

[الأقصرى]

الاخ الاقصري

انا متفق معك فيما يتعلق بان السداد على اقساط طويله افضل بكثير من السداد الفوري

لا سيما وان تكاليف البناء ستكون كبيرة جدا و من الافضل الاحتفاظ بالسيولة

و ما حدش عارف اسعار مواد البنائ ستذهب الى اين الفترة القادمة

و الحسبة اللى انت حسبتها متفائلة جدا انا اعتقد ان نسبة التضخم اكبر بكثير

ولو اخذنا متوسط بين التقدير الدولى و المحلى للتضخم فان النسبة ستكون 12 بالمائة و ليس 8

و يمكنك ان ترجع للاسعار منذ عام واحد فقط لتتاكد ان نسبة التضخم اعلى بكثير من 8 بالمائة

وعلى ذلط فان السداد بالتقسيط في نظري يوفر الكثير

و ربنا يوفق الجميع ان شاء الله

[الأقصرى]

شكراُ د./ محمد على

مع سيادتكم الحق فى نسبة التضخم المتوقعه, وبحكم عملى كدكتور مهندس انشائى اعرف جيدا ان اذكانت نسبة التضخم بوجه عام 8% ستكون حوالى 12% بالنسبة للحديد والاسمنت والخشب ( وهى المواد الاوليه للبناء) فاذا كان متوسط تكلفة المتر المسطح من الهيكل الخرسانى للاساس حتى سقف البدروم 300جم/م2 فعلى جميع الاحتمالات لن يقل العا م القادم عن 345جم/م2 وهى نسبة 15% , ده مع اهمال قضية الاحتكار فى الحديد وتكتلات شركات الاسمنت وسيطرة مستوردى الاخشاب على سعرها فى السوق ودون التطرق لقضية رفع الدعم وعدم السيطرة على الاسعار ( وتطبيق مبدأ كلوا بعض...... مع الاعتذار على اللفظ)

ويا ريت الفائزين فى القرعه يفكروا جيدا قبل توريد اى سيوله لللحكومه وخاصة فى المناطق التى لم يحدد جدول زمنى لتسليم الاراضى بها مع الاخذ فى الاعتبار ان الفائزين فى القرعة الثالثة بمدينة 6 اكتوبر التى كانت فى يناير 2007 لم يتسلموا الارض حتى الأن.

مع تمنياتى بالتوفيق وان يبارك الله سبحانه وتعالى فيما رزق

[vipwithyou]

انا والله يا جماعة متلخبط جدا فى موضوع التقسيط دة

لكن اللى فكرت فيه مباشرة انى على سبيل المثال على قطعتى اذا كنت هأدفع على 7 سنوات

هيكون الاجمالى 117000 حـ أما اذا دفعت على 3 سنوات هيكون 86000 حـ

في حين ان المقدم فى الحالة الأولى 10 % هيكون 11700 حـ اما فى الحالة الثانية 25 % هيكون 21500 حـ

انا حسبت ان الفرق بين المقدمين حوالى 9800 حـ

دا من غير نسبة البنك 2 % للأسف كمان ودة الجديد انى كنت فاكرها 1 % لكن اكتشفت أمس انها 2 % عمولة البنك

يعنى فى الحالة الأولى هيكون المقدم 14000 حـ والحالة التانية هيكون 23220 حـ يعنى الفرق هيكون 9200 حـ تقريبا ً

بس ودة يوفر ليا 31000 حـ من الاجمالى

علما بان القسط الشهرى للسداد على سبع سنوات هيكون 1254 حـ

أما القسط الشهرى للسداد على ثلاث سنوات هيكون 2150 حـ

يعنى فى فرق 900 حـ فعلا على الثلاث سنوات بس هأخلص منها بسرعة

غير انى ممكن خلال الثلاث سنوات دول أعمل الدور الأول بس وأشطب خارجى وخلاص بالنسبة لقطعتى لأنها عمارات

دة اللى باتخيلة ولا دة مش ممكن وياريت حد يفيدنى بهذا الموضوع هل ممكن بس أكتفى ببناء الدور الاول والتشطيب الخارجى أم لازم المبنى كله

أرجوا الافادة ضرورى

أنا حتى الآن لم أذهب للجهاز ولم أعرف الشروط لكن كله بالتليفون ومستنى الجواب من البنك علشان أروح أدفع

شكرا لكم

وأنتظر الرد

أخوكم

تامر السيد

تم تعديل 7 ديسمبر 2007 بواسطة vipwithyou

[elemam]

الاخوة الأعضاء جميعاً

السلام عليكم

أنا كنت فتحت موضوع القسط والكاش في البداية صفحة 33 وده طبعاً للاستفادة من الخبراء وأهل العلم في هذاالموضوع والحمد لله انتظرت مع النقاشات حتى إني لسه مصلي الفجر وراجع دلوقتي علشان أشوف الأخبار وفعلاً كل لما أفتح ألاقي جديد ..

ودي كانت بداية الموضوع

عايز أطرح موضوع :- " مهم في رأي خالص "

- نخلص مع البنك خالص ونستفيد من ال 15 % تخفيض

- ولا نأخد على عشر سنوات

-و لا 3 سنوات

وهذا السؤال لأني لاحظت إن البنك حاسب فوايده في السنة حوالي عشرة 10% أو أكثر ما رأيكم

معلومة : أنا طول عمري لا أحب التعاملات البنكية ولا الفبزا ولا التقسيط ولا السلف ولا الديون ولا الضمان ..

المهم أنا لما فتحت الموضوع ده للنقاش كنت قعدت حسبت اللي مطلوب مني في الثلاث حالات

بالنسبة للقطعة بتاعتي في مدينة العاشر وهي جاهزة للبناء والتسليم وأنا كنت شفت الموقع على الطبيعة فعلاً ..

الحالة الأولى

السعر على 10 سنوات 210.000 ألف ويسدد 10% يعني 21.000 وكمان موضوع ال 2% الجديد ده يعني هيكون الباقى 189.000 ألف ويكون القسط 27.500 على سبع سنوات .. ولاحظوا يبدأ السداد بعد 3 سنين فقط ..

الحالة الثانية

السعر على 3 سنوات يكون 155.000 ألف قسط أول 38.750 وزيهم على 3 سنوات مع مراعاة الفرق 55.000 ألف جنيه غير ال 2% للبنك

الحالة الثالثة

السعر كاش 131.750 ألف غير ال2% للبنك سددنا منهم 19.000 المقدم يبقى الباقي 112.750 ( الفرق عن 10 سنوات 78.250 ألف )

دي كانت وجهة نظري وأنا مش استاذ اقتصاد ولا غيره وخلوا بالكم البنك عامل حساباته صح أوي مش هنضحك عليه دول خبراء في الاقتصاد والتضخم والحاجات اللي حكيتوا عليها ولا أنا غلطان ...

طبعاً أنا مقتنع جداً بكل المناقشات اللي دارت بين حضراتكم ولكن برضه الواحد عامل حساب غربته ومش عايزين نبهدل العيال

نخلص من الأقساط ولا لأ أخر كلام إيه يا جماعة ..

حتى لو بنيت دور واحد أعيش فيه أنا وعيالي مش يبقى أحسن من الأقساط ووجع الدماغ

ملاحظة هامة :

على فكرة كل لما تعوز حاجة من جهاز المدينة اللي انت فيها حيقولك هات ورقة من البنك إنك مسدد لتاريخه حتى لو رايح تقدم على كهربا ولا مياه ولا أي تعامل مع الجهاز ..

في انتظار نصائحكم بالنسبة لحالتي وجزاكم الله خيراً ...

أخوكم عصام الإمام

[elemam]

اخواني الأعضاء جميعاً

وصلتني حالاً مجموعة من النصائح من منتدى " مستشارك للبناء " الذي أعجبني جداً وكنت طرحت هناك موضوع وجاءتني بعض الردود والنصائح الجميلة وإليكم هذه النصائح من أهل الخبرة في مجال البناء ..

نعلم إن المبلغ المدفوع للمكتب الاستشاري لا يصل حتى الى2 % من ما يصرف على المشروع بالكامل إلا إن المصمم يكون له التأثير على 60 % من إجمالي ما يدفعه المالك للمقاولين.

1- لا تكون التكلفة المالية مقياس اختيار المستشار لان اقل الأسعار لا تعني بالضرورة أجود الأعمال.

2-اجعل احتياجاتك هي التي تفرض التصميم ولا يكون العكس.

3-أشرك أفراد أسرتك المستفيدين من المنزل في إبداء الرأي.

4-أعط التصميم المعماري وقته ولا تستعجل.

5-قسم بيتك إلى عناصر وناقش وظيفة كل عنصر وكيفية ارتباط العناصر مع بعضها البعض.

6-عند بلورة الفكرة النهاية التصميم المعماري حاول تناقش الإنشائي في اختيار أماكن الأعمدة وهل يتناسب تصميمك المعماري

مع النظام الإنشائي المقترح حتى لا تتفا جئ بالأعمدة وربما يقترح عليك الإنشائي بعض التعديل الذي لايؤثر على الوظائف

هذه النصائح من المهندس بدر الزايدي وهو مشرف عام في هذاالمنتدى

حبيت أضعها للإفادة للجميع كما تعودنا في منتدانا الغالي الذي أفخر أن أكون عضو مشارك فيه

أخوكم عصام الإمام

[elemam]

إيه يا جماعة فينكم

خلاص الموضوع هيتقفل ولا إيه

الأخوة المتابعين للبنك لو سمحتوا إيه الأخبار من فضلكم طمنونا على كل جديد كما عودتمونا

بفالكم 3 أيام مفيش ولا خبر جديد

أخوكم الإمام

[vipwithyou]

انا لسة متصل حالا بفرع البنك فى مدينة بدر

قال البيه ..

: " لسة ما خلصناش الشيكات للى ما اخدوش وما تقلقش يا بيه هيوصلك جواب مننا

ابقى بعد ما يوصل تعالى ادفع "

وحسيت انه زهقان منى

شكرا يا عم احرجتنى مع البيه كدة .. ههه

اذا فى جديد يا جماعة بخصوص بدر هأبلغكم فورا طوال فترة وجودى بمصر

أخوكم

تامر السيد

[د محمد على]

[ يا جماعة خطابات البنك وصل بالفعل امس و قد اخبروني في مصر ان الخطاب مكتوب به انه على الذهاب للبنك و دفع المقدم خلال شهر على الاكثر من تاريخ الخطاب و الا سيعد التخصيص ملغيا

و المطلوب استكمال نسبة عشره بالمائة من المبلغ الاجمالي بالاضافة الى 1 بالمائة مصاريف ادارية.

مع تمنياتي بالتوفيق للجميع

[elemam]

أخواني الأعضاء جميعاً كل عام وأنتم بخير

و ألف شكر يا دكتور محمد علي

فعلاً شكراً أنا كل يوم في انتظار أي جديد وأهو بدأت الأخبار تيجي

أصل أنا نازل أجازة مخصوص للموضوع ده تبدأ يوم الوقفة الثلاثاء 18-12

[vipwithyou]

[ يا جماعة خطابات البنك وصل بالفعل امس و قد اخبروني في مصر ان الخطاب مكتوب به انه على الذهاب للبنك و دفع المقدم خلال شهر على الاكثر من تاريخ الخطاب و الا سيعد التخصيص ملغيا

و المطلوب استكمال نسبة عشره بالمائة من المبلغ الاجمالي بالاضافة الى 1 بالمائة مصاريف ادارية.

مع تمنياتي بالتوفيق للجميع

ارجوا يا دكتور محمد على انك تخبرنى انك مقدم فى اى مدينة لأنى مكلم البنك امس فى مدينة بدر وقالى انهم لسة مبعتوش الجوابات

شكرا

أنتظر الرد ضرورى

أخوك

تامر السيد

[زهرة الجبل]

اسف جداً يا ام كريم على التأخير اللي يرجع لسببين

1- انا كنت مشغول جداً

2- ما كنتش في المود لاسباب كثيرة وبالتالي مش عايز اضيف معلومة منقوصه

وانا متأكد ان الشخص اللي ارسلتوه مش هايبقى شايل الفلوس ويخلص في ساعتها

فياريت تقوليلي هو عمل ايه النهاردة

-------------

أولاً أخي الفاضل س س أتمنى يكون سبب تكدرك إنتهى ويكون إنتهى بخير

ثانياً أشكرك على الإهتمام

وهو بالفعل لم يكن ذاهب بنية الشراء كده من أول مره لكن للإستفسار والإستقصاء و إخبارنا بالتفاصيل

وكان غرضي أن تنصحني عن ماذا يسأل وهل هناك أشياء لا بد من التأكد منها وكده يعني

على كل حال هو ذهب و سأل عن موضوع مجموعة الأمل و هي بالفعل كما أخبرتنا أنها مجموعة ملاك تقسم ارض وتبيعها

لكن قال ان الكلام لم يعجبه و أن الشخص الذي قابله أطلعه على الخريطه و أشار له على عدة قطع على انها غير مباعه ثم عاد و أشار على بعضها عهلى إنه مباع

وبيقول ان هناك في الأمل المنطقه غير تابعه لجهاز مدينه ... فقط الملاك اللذين يبيعونها

وبيقول المكان كله من أوله لآخره صحراء جرداء لسه محدش بنى فيها ولا طوبه

و بالنسبه لمنطقه المركز الطبي العالمي بيشكر فيها جداً بيقول المكان هناك راقي جدا

وبيقول الشخص اللي قابله هناك قال له ان الأسعار بيبدء من 175 جنيه للمتر إلى 300 جنيه للمتر

و نظام الشراء خمسين بالمئه والباقي أقساط على 24 شهر أو 25 بالمئه كمقدم والباقي أقساط على 24 شهر أيضاً

لكن طبعا حضرتك أخبرتني أنه عندك تفاصيل عن إختلافات بين قطعة أرض و أخرى و أن هناك الغث والثمين

طيب يعني ما هي عناصر المفاضله و إزاي أعرف أن المكان ده غث والتاني ثمين؟

أنتظر توضيحك وتفسيرك ونورنا برأيك علشان تساعدنا في القرار لأننا تقريباً إستقرينا على الشراء هناك في هذه المنطقه

خاصة إنها ليست صحراء جرداء لا زرع بها ولا ماء

يعني معمره وبها بناء وناس و أقرب للتعمير منها لغيرها

أنتظر ردك و شكراً مقدماً و آسفه إن كنت أتعبك معي

تقبل تحياتي وشكري وتقديري

أختك أم كريم

تم تعديل 11 ديسمبر 2007 بواسطة زهرة الجبل

[vipwithyou]

[ يا جماعة خطابات البنك وصل بالفعل امس و قد اخبروني في مصر ان الخطاب مكتوب به انه على الذهاب للبنك و دفع المقدم خلال شهر على الاكثر من تاريخ الخطاب و الا سيعد التخصيص ملغيا

و المطلوب استكمال نسبة عشره بالمائة من المبلغ الاجمالي بالاضافة الى 1 بالمائة مصاريف ادارية.

مع تمنياتي بالتوفيق للجميع

ارجوا يا دكتور محمد على انك تخبرنى انك مقدم فى اى مدينة لأنى مكلم البنك امس فى مدينة بدر وقالى انهم لسة مبعتوش الجوابات

شكرا

أنتظر الرد ضرورى

أخوك

تامر السيد

[elemam]

الاخوة الأعضاء وللأستاذ تامر السيد

وصلتني رسالة من مصر إن خطاب البنك وصل

بالنسبة لي أنا قطعتي في مدينة العاشر من رمضان

أخوكم الإمام

[vipwithyou]

الاخوة الأعضاء وللأستاذ تامر السيد

وصلتني رسالة من مصر إن خطاب البنك وصل

بالنسبة لي أنا قطعتي في مدينة العاشر من رمضان

أخوكم الإمام

أشكرك اخى الإمام ومبروك وصول الخطاب لك وأتمنى انهم فى مصر يعرفوا هيستلموا الأرض امتى علشان هى خلصانه مرافق

بالتالى خليهم يعرفوا وهما بيدفعوا الفلوس متى سيتم تسليم الأرض والخطوات التالية تباعا ً

وشكرا ليك

بس اذا فى حد فى مدينة بدر وصله الجواب يقول

واليوم تأكدت من صديقى ببنك التعمير ان آخر ميعاد لدفع الـ 10 % هو 3 - 1 - 2008 م وهذا كلام مؤكد

اخوكم

تامر السيد

[vipwithyou]

الاخوة الأعضاء وللأستاذ تامر السيد

وصلتني رسالة من مصر إن خطاب البنك وصل

بالنسبة لي أنا قطعتي في مدينة العاشر من رمضان

أخوكم الإمام

أشكرك اخى الإمام ومبروك وصول الخطاب لك وأتمنى انهم فى مصر يعرفوا هيستلموا الأرض امتى علشان هى خلصانه مرافق

بالتالى خليهم يعرفوا وهما بيدفعوا الفلوس متى سيتم تسليم الأرض والخطوات التالية تباعا ً

وشكرا ليك

بس اذا فى حد فى مدينة بدر وصله الجواب يقول

واليوم تأكدت من صديقى ببنك التعمير ان آخر ميعاد لدفع الـ 10 % هو 3 - 1 - 2008 م وهذا كلام مؤكد

اخوكم

تامر السيد