اخر اخبار قرعة الاراضى

[هشام عباس]

الاستاز عصام الامام من فضلك ترد عليا انت كنت كاتب مقال عن اختيار التصميم و محاولة جعله يخدم الهدف او الاستخدام لكل فرد على حدى وسؤالي هو

اليس هناك نمازج مضطرين للألتزام بها في البناء ام ماذا؟

مع شكري

[elemam]

السلام عليكم استاذ هشام عباس

رد سريع علشان شايفك على الخط وموجود في الموضوع

التصميم براحتك المهم الالتزام بالمساحة المطلوبة وقوانين البناء

وأنا حالياً اللي مدوخني إني عمال كل يوم ألف في مدينة العاشر وأتفرج على تصميمات رائعة

وأدينا بنجمع أفكار لغاية ما نرسى على رسم

وفعلاً رحت مكتب واقترح عليا رسم جميل ومتناسق

بس للأسف لسه لم أستلم رسمي من الجهاز علشان أعرف اللي ليا واللي عليا

وادعوا لنا

ربنا يوفق الجميع ..

أخوكم عصام الإمام

[elemam]

سبب تأخري في الرد دلوقتي

كنت أقوم بمراجعة أخر 4 صفحات ردود من أخر متابعاتي .. وسعيد جداً بالردود والحمد لله الإخوان قايمين بالواجب جداً بارك الله في الجميعوهي دي الروح المعهودة بيننا في هذا المنتدى الرائع ..

إنا بقاللي يومين ما دخلتش المنتدى علشان النت كان فيه مشكلة وكنت يومياً بأسافر العاشر لمتابعة مصير الورق من البنك إلى الجهاز

علشان نفسي أستلم بنفسي قبل ما أجازتي تخلص زي النهارده الجمعة الجايه

ادعوا لي ربنا يوقف لنا ولاد الحلال وأنا في رأي إنها أهم دعوة في اليومين دول

حاكم ولاد الحلال دول عملة نادرة ....

وفقكم الله وإلى الأمام دائماً

ملحوظة الورق بتاع كل مدينة اللي كنا ساعة التقديم شوفناه موجود فيه شروط البناء الخاصة بكل مدينة

والخاصة بكل حي في المدينة .. إذا محتفظين بالورق ده أو كراسة الشروط هتلاقوا التفاصيل واضحة ...

والسلام عليكم ...

أخوكم الإمام

موجود في مصر في أجازة زي ما قلت لكم لو فيه أي طلب تحت أمركم وخيركم سابق

[هشام عباس]

الف شكر للأستاز امام وربنا يوقفلك ولاد الحلال يا رب

طيب يا جماعه يالي في مصر عاوزين حد كده ابن حلال يبعتلنا صور لتصميمات الفلل علشان يفتح نفسنا للبنا

وياترى هل من الضروري بناء بدروم ام لا؟ وما هي اهمية البدروم وخصوصا ان الفلوس على الأد وانا سامع ان البدروم بيكلف تمن دور كامل فياريت حد يفيدنا في الموضوع ده

وجزاكم الله خير

[s s s]

الاستاذ هشام مساء الخير

بالنسبه لموضوع التكلفه انا اتصلت علي اكتر من مقاول بمصر

وعرفت ان المتر المكعب مواد ومصنعيه بيتكلف من

900 جنيه

الي 100 جنيه

طبعا الاسعار دي عضم فقط والله اعلم

[هشام عباس]

شكرا استاز sss على المعلومه لكن هل موضوع البدروم ده مهم وما مدى اهميته؟

[vipwithyou]

يا أستاذ هشام بالنسبة للفيلات غير مطلوب منهم البدروم بصفة اساسية انت حر تعمله ام لا براحتك

وبخصوص التصميمات سمعت ان فى الجهاز الخاص بكل مدينة موجود التصميمات دى لكن كل واحد اعتقد مش هيقدر يوصل لها الا لما يستلم الأرض وهما اللى يدوله التصميمات على قطعته فقط

اعتقد ذلك وتقريباً لسة محدش استلم فعليا علشان نعرف واكيد لو حد استلم اى تصميمات هيبلغ الجميع

كنت عايز اعرف حاجة ؟

حضرتك فين بالتحديد خارج مصر ومين فى مصر متابع لك الموضوع ياريت تعرفنا ؟

شكرا

أخوك

تامر السيد

تم تعديل 28 ديسمبر 2007 بواسطة vipwithyou

[Goodman]

يا جماعه بالنسبة للبدروم هو عباره عن مساحة مفتوحه بكامل مساحة المبنى بارتفاع 1,2 متر فوق سطح الأرض والباقى تحت سطح

الأرض مثلا كمان متر أو متر ونصف تحت سطح الأرض. البدروم مكن يستخدم جراج و مكان تخزين و خلافه......

بس المشكله فى انه يزيد المبنى سقف اضافى و بينزل باالأساس تحت يعنى تكلفه اكثر.. انا ارض فى 6 أكتوبر و ناوى أعمل البدروم باذن الله عز

و جل.....

[Goodman]

الى الأخ الأستاذ توفيق

أرجو أن تطمنا عملت اه مع بنك 6 أكتوبر اتمنى انك تكون دفعت وكله تمام. ياترى البنك طلب منك نالامضاء على شيكات او سندات بالأقساط البقيه... حيث ان فى حالتى فقط دفعنا باقى ال 10 % + 2 % وبس

انا قلقان من الموضوع ده والفار بدأ يلعب فى عبى...كمان تلفون البنك دايما مشغـــــــــــــــول.....

أخوك د محمد

[Goodman]

بالنسبه لسعر البناء اناسألت فيه صديق لى مهندس مدنى فى مصر و قال لى ان سعر البناء حوالى 300 الى 350 جنيه للمتر لكل شقه عضم فقط بس داخل فيه الأساسات على أعتبار ان المبنى من 3 الى 6 ادوار... مثال ارض 400 متر بناء 200 متر فى 5 ادوار (بدروم+أرضى+3 متكرر) = 300 جنيه فى 200 متر فى 5 أدوار = 3000 الف جنيه هيكل خرسانى فقط....

أخوكم د محمد

[Goodman]

300 جنيه فى 200 متر فى 5 أدوار = 300 الف جنيه هيكل خرسانى فقط....

أخوكم د محمد

[tawfeek]

الأخ العزيز good man بالنسبه لموضوع التوقيع علي الشيكات فده بيتم عند أستلام الأرض وطبعا أرض العمارات في أكتوبر لسه مش جاهزه يعني لم يتم توصيل المرافق لها وأنت لسه ماخدتهاش وتوقيعك علي الشيك يعني أنت دفعت فلوس ، فهل معقول هتدفع فلوس حاجه لسه ماأخدتهاش علشان كده بقولك أطمن وهات مصيده للفار الي بيلعب في عبك ده ، والسؤال دلوقتي ياتري المرافق دي هتخلص أمتي وكمان ياتري فترة السماح للبناء والترخيص هتبدأ من دلوقتي ولا هتبدأ بعد أستلام الأرض

وكمان سؤال شخصي لك ياتري قطعتك في أي منطقه ورقمها كام يمكن نطلع قريبين من بعض هناك

أخوك توفيق

[vipwithyou]

بالنسبه لسعر البناء اناسألت فيه صديق لى مهندس مدنى فى مصر و قال لى ان سعر البناء حوالى 300 الى 350 جنيه للمتر لكل شقه عضم فقط بس داخل فيه الأساسات على أعتبار ان المبنى من 3 الى 6 ادوار... مثال ارض 400 متر بناء 200 متر فى 5 ادوار (بدروم+أرضى+3 متكرر) = 300 جنيه فى 200 متر فى 5 أدوار = 3000 الف جنيه هيكل خرسانى فقط....

أخوكم د محمد

هل يا دكتور محمد بالنسبة للعمارات يلزم بناء 5 ادوار قبل انتهاء مهلة الثلاث سنوات ؟؟؟ ارجوا الإفادة ؟؟؟

أم يكفى دور واحد وتشطيبة خارجياً ؟؟؟

[هشام عباس]

الأستاذ تامر السيد اولا شكرا على تعاونك معي ومع الجميع ثانيا وردا على سؤالك انا مقيم في سلطنة عمان بقالي فتره والارض بتاعتي وهي بأسم والدتي في مدينة بدر الحي المميز مرحله اولى فيلات b

وياريت يا جماعه الي يستلم وياخد اي تصميمات يطلعنا عليها علشان موضوع التصميم ده شاغلني جدا جدا

[هشام عباس]

على فكره يا جماعه انا اعتقد ان الي يبني ولو دور ارضي فقط مش ممكن حد يسحب منه الارض

ازاي يعني هيسحبوها وانت مكلف اساسات وبنا بتمن الارض نفسها؟

وكمان هو اصلا المهم تعمير المدينه وده معناه ان طالما نية البنا موجوده والواحد مش واخد الارض تجاره للبيع خلاص يبقى هيسحبوها ليه؟

لكن فيه حاجه مهمه جدا انا عندي واحد صاحبي عنده حتة ارض في القاهره الجديده عائلي وبناها كلها وبعدين راح يطلع ورق علشان يدخل الكهربا والميه والعدادات لكن في الجهاز بعتو مهندس يعاين المبنى وكان لسه مشطبش السور بتاع العماره فلم يوافقو على ادخال عداد الميه والكهربا غير لما يشطب السور كويس الاول

مش عارف ده هينطبق علينا ولا لأ!

لأنه مكنش واخد الارض ديه في القرعه ده كان واخدها من الاراضي الي كانت بتتخصص من الجهاز على طول

الي عنده اي معلومات في الموضوع ده يا ريت يفيدنا

[vipwithyou]

انا اعتقد انه لازم بناء دور واحد على الأقل وتشطيبه من الخارج

[s s s]

انا اعتقد انه لازم بناء دور واحد على الأقل وتشطيبه من الخارج

الاخوه الاعضاء كان فيه مشاركه من الاخ سي السيد

وجاوب علي سؤال مماثل وقال بالنسبه لاراضي العمارات

لازم البناء يتم بالكامل مع التشطيبات الخارجيه

وشكرا اخوكم سامح

[هشام عباس]

يا جماعه هم مش قالو البيع ممنوع؟ امال كل ما ادخل موقع الاقي ارضي القرعه الجديده للبيع

لأ وايه الاسعار مش معقوله يعني الي طالب اوفر 200 الف والي طالب 300الف اما بقى في الشيخ زايد فالاوفر واصل للمليون!!!!!!!!!!!!!!! معقوله الكلام ده بجد ولا دول بيهزروا ولا ايه الحكايه

حد يرد عليا الله يخليكو

[Goodman]

بالنسبه للبناء...........

موظف فى بنك الاسكان فرع 6 اكتوبر قال يكفى بناء دور واحد فقط بشرط تشطيبه كاملا داخل وخارج ويشرط ان يسكن صاحب الأرض فى هذا الدور... ده بمعنى توصيل عداد ماء و كهرباء و خلافه

[vipwithyou]

انا اعتقد انه لازم بناء دور واحد على الأقل وتشطيبه من الخارج

الاخوه الاعضاء كان فيه مشاركه من الاخ سي السيد

وجاوب علي سؤال مماثل وقال بالنسبه لاراضي العمارات

لازم البناء يتم بالكامل مع التشطيبات الخارجيه

وشكرا اخوكم سامح

ارجوا من الأستاذ سى السيد تأكيد هذة المعلومة لأنها اذا أكيدة ان البناء لازم يكمل تبقى من وجهة نظرى

ومحدش يزعل منى بس بأتكلم عن نفسى اذا اكيد تبقى مصيبه فعلا وانا لله وانا اليه راجعون فربنا يستر

لأن على كلامكم 300000 حـ عظم فقط وتشطيب اكتر منهم يبقى مين يقدر يبنى بقى ؟؟؟؟؟؟؟؟؟؟؟؟؟؟

ارجوا الإفادة يا سى السيد

أخوكم

تامر السيد