اخر اخبار قرعة الاراضى

[د محمد على]

يا جماعة

المطلوب فيما يخص البناء

هو تنفيذ وحده سكنية واحده صالحة للسكنى و تشطيبها من الخارج و عمل سور الفيلا و تشطيبه من الخارج

و يمكن بناء هذه الوحده على مساحه اقل من 50 بالمائة المقررة

بمعنى ان الارض لو 600 متر و المسموح البناء على 300

فيمكن مثلا بناء وحده سكنية على 150 متر فقط او حتى اقل و تشطيبها من الخارج

هذا هو المطلوب للجهاز و هذا كلام مؤكد بنسبه مائة بالمائة

و انا سالت بنفسي في الجهاز كل المسئولين تقريبا و هناك امثله حيه على ذلك ناس شطبوا وحده واحده و ادخلوا الكهرباء

يا جماعه الهدف من هذا القرار هو منع الاتجار بالاراضي و بمجرد الشروع في البناء و لو شقه واحده يعنى ان الانسان جاد في البناء و ليس تاجرا

توكلوا على الله و ابداوا في البناء على قدر الامكانية

[هشام عباس]

اهوه ده الكلام الي يفتح النفس بصحيح ويارب يطلع صح علشان انا كمان زي الاستاز تامر مستحيل اقدر ادفع مبلغ البناء للمبنى بالكامل وانما كل الي اقدر اعمله ان شاء الله هو اني ابني دور واحد

طيب عاوزين هنا رأي المختصين

اكيد سعر الاساس للفيلا بيختلف عن سعر الاساس للعماره فيا ريت حد يقلنا لو اساس فقط لدور ارضي وبدون بدروم لكن يكون صالح لبناء دور فوقه على مساحة 240م للأرضي يتكلف كام؟

انا بسأل على الاساس فقط

علشان الواحد ياخدها خطوه خطوه

من فضلكوا حد يجاوبني

[tawfeek]

وماذا بعد سداد ال 10% وال 2% لأراضي عمارات أكتوبر

أخواني الأعزاء ياتري ماهي الخطوه القادمه بعد سداد باقي المقدم علشان اخاف يكون ال 9 شهور الخاصه بعمل الترخيص بدأت من يوم القرعه وأحنا مش عارفين بالظبط 0 زي أنك تسدد باقي ال 10% قبل يوم 4/1 والله لولي الموقع ده كانت راحت عليه الأرض ، ثانيا ياريت كل واحد يحدد في ايميلاته مكان الأرض الي بيتكلم عنها لأن أكتوبر غير بدر غير الشروق كل مكان وله ظروفه

وياريت لوفيه طريقه بحيث يكون لكل مكان موقع الخاص به علي هذا الموقع يعني 6 أكتوبر لوحدهم وكمان بدر لوحدهم وهكذا علشان كل واحد يقدر يتابع بدون تضيع الوقت لي وللأخرين وأسف علي الأطاله عليكم

[vipwithyou]

اعتقد يا جماعة اللى فى 6 اكتوبر مينفش يبدأوا فى اى حاجة قبل استلام الأرض والا ازاى هتعملوا التراخيص ومفيش ارض اساسا يطلع عليها الترخيص دة يبقى اكيد لسة بعد الاستلام

هذا اعتقادى والناس اللى حاجزين هناك ياريت حد منهم يتأكد افضل ويبلغ الجميع

[هشام عباس]

هو اخر معاد لدفع ال 10% يوم 4-1؟ وده كمان بالنسبه لبدر؟

[هشام عباس]

هو انا بقالي كام مره كده بكتبلكو ومحدش بيرد عليا ليه؟

هو انا زعلت حد في حاجه؟

عموما شكرا ومش هشارك بحاجه تاني

[wansawansa]

بالراحة بس يا أخ هشام متزعلش نفسك كده الناس برضه وراها شغل و مصالح برضه واللي عنده رد مش حيبخل عليك صدقني

[wansawansa]

بالراحة بس يا أخ هشام متزعلش نفسك كده الناس برضه وراها شغل و مصالح برضه واللي عنده رد مش حيبخل عليك صدقني

[vipwithyou]

هو اخر معاد لدفع ال 10% يوم 4-1؟ وده كمان بالنسبه لبدر؟

هو انا بقالي كام مره كده بكتبلكو ومحدش بيرد عليا ليه؟

هو انا زعلت حد في حاجه؟

عموما شكرا ومش هشارك بحاجه تاني

على فكرة يا أستاذ هشام النت فصل عندى بعد ما كتبت لك الرد ولسة بأبعته راح فاصل

المهم آخر ميعاد هو 2 - 1 - 2008 م وليس 4/1 زى ما بتقول ودة مطبق على كل المدن

ارجوا الاهتمام بالميعاد دة

وتاكيداً لكلام الأستاذ wansawansa احنا محدش بيتأخر على حد بس المشكلة ممكن زى ما حصل معايا النت هنج

او ممكن حد يكون سايب الجهاز شغال ومشى ودة برضوا انا بأعمله كتير ولما بأرجع بأرد على قد ما أقدر

على فكرة كمان احنا مش فى غرفة CHAT احنا فى مكان اللى يقدر يساعد اى حد بيساعدة دون انتظار مقابل

شكرا اخوك

تامر السيد

تم تعديل 31 ديسمبر 2007 بواسطة vipwithyou

[vipwithyou]

وعلى فكرة كمان مشاركتك كانت الساعة 1:12 ظهرا وزعلك من عدم الرد كان 1:23 ظهرا برضوا يعنى بعد مرور 11 دقيقة فقط

ورد الأستاذ wansawansa كان 1:42 ظهرا يعنى بعد سؤالك بـ 30 دقيقة فقط وأنا كمان رديت عليك بعد ما رجع النت وكان دة 1:59ظهرا ودة كان بعد ما رجع النت مباشرة لأنى لقيت ان السؤال مهم ولازم له الرد فورا علشان دا ميعاد مينفعش تتأخر فيه

بس دى كانت معلومات للعلم فقط

شكرا

[tito]

:closedeyes::closedeyes: كل عام و أنتم بخير و في أتم صحه :closedeyes:

[tito]

:closedeyes: للعلم لقد و جدت تعاون من كل من شارك برأي و أتمني ان تستمر هذه الروح :closedeyes:

د . خالد

[هشام عباس]

حبيت بس ابلغكم ان موعد دفع باقي ال10% زائد ال2% بتوع الارض اتمد لمدة شهر من النهارده

[vipwithyou]

خبر جميل يا أستاذ هشام بس ياريت تقولنا المصدر بتاعه لأن مفيش فرصة دلوقتى نتأكد غير يوم الأحد القادم من البنك

شكرا

[vipwithyou]

بس برضوا اعتقد ان الكل دفع المبلغ لأن اكيد الكل كان حريص انه يسدد قبل الميعاد حتى لو سلف ؟!!

[هشام عباس]

الخبر اكيد من البنك لأن والدتي كانت هناك النهارده بتدفع باقي الفلوس وقالولها كده وكان اخو زوجتي وهو فاز ايضا برضه بقطعه في بدر عمارات وكان واخد رقم علشان يدفع لكن قفلو البنك وقالوا ان المعاد اتمد لغاية شهر كمان وانا متأكد من المعلومات ديه

بس فيه سؤال هنا

يا ترى ال9 شهور بتوع التراخيص يبدأو من اليوم ام يبدأو كمان شهر؟ وانا هقله وهو رايح يدفع يبقى سألنا على الحكايه ديه

ويا ترى استخراج التصاريح بتاخد وقت اد ايه؟ يعني الواحد يبدأ من دلوقتي ولا يستنى شويه؟

[vipwithyou]

اولا مش هتفرق كتير يا أستاذ هشام ان الـ 9 شهور يبدأوا من اليوم ام من بعد شهر

وبما انك دفعت يبقى اعتبر ان الـ 9 شهور تبدأ من يوم ان دفعت رغم ان المعلومة دى سهل الوصول لها عند استلام الأرض

لأننا دفعنا لكن لسة الاستلام اللى المفروض انه خلال الـ 10 أيام القادمة وابدأ فورا فى اجراءات الترخيص انه موال كبير

ورسومات هندسية ومكتب وكلام من دة يبقى احتياطى ابدأ الآن علشان ما تذنقش نفسك

وبعدين سؤال

احنا كنا قلنا لحضرتك ان آخر ميعاد 2 / 1 والنهاردة 3 / 1 يبقى اكيد فى تغيير

بس مدة الشهر دى ؟؟

غير انك ازاى خاطرت وخليت والدتك تروح بعد الميعاد ؟؟؟؟؟؟؟؟؟

صح ولا لا ؟؟؟؟؟؟؟؟؟

شكرا

[هشام عباس]

والدتي كان عندها امتحانات النقل لأنها مديرة مدرسه وكان تليفونها مقفول ومفتحتش النت غير امبارح وانا بصراحه كنت خلاص فقدت الامل وقلت خلاص الارض راحت بس الحمدلله ربنا ستر وبعدين ادوها الجواب للجهاز علشان تروح تستلم النهارده لكن مكنتش فاضيه واتأخرت على شغلها فقالت تستلم في وقت تاني

يعني الاستلام كان ممكن النهارده مش لازم بعد 10 ايام

[elemam]

أخواني الأعزاء باركولي الحمد لله استلمت الأرض بتاريخ 1-1-2008 بمحضر استلام رسمي والحمد لله قبل انتهاء أجازتي بيومين فقط

وكمان اتفقت مع مكتب لاستخراج التراخيص أثناء سفري بعد مراسلتي والاتفاق على الرسم

أحكي لكم الإجراءات لمن لم يقم بتنفيذها وأن تستعد لها من الأن لأني أعتقد إني كنت سريع شوية في إجراءاتي والحمد لله ..

اولا بعد سداد البنك يقوم البنك بإخطار جهاز المدينة بموقفك من القطعة ويقوم جهاز المدينة بتشكيل لجنة للموافقة على تخصيص القطع لمجموعة كبيرة (( فضلوا يجمعوا قطع لمدة حوالي 10 أيام ثم عملوا لجنة ))

وتطلع موافقة اللجنة وتقوم بإرسال إخطار على عنوان مراسلتك بالتخصيص فتقوم بالذهاب إلى الجهاز قسم العقارية والعقارية تبعتك للإسكان وتدفع رسم محضر الاستلام أعتقد يختلف من مدينة إلى أخرى (( أنا عندي في العاشر من رمضان كان 81 جنيه ))

ثم يكتب لك الموظف محضر الاستلام ويطلب منك توقيعه من ثلاث جهات (( المساحة والعقارية والإسكان )) وأهم واحدة المساحة لأنه بيطلع خرائط المجاورة ويتأكد منها وممكن كمان يطلع يعمل معاينة على الواقع إذا لزم الأمر ثم يوقع لك المحضر .. ثم باقي التوقيعات وفي الختام توقيع رئيس اللجنة ثم الختم وهكذا تم استلام الأرض .. محضر الاستلام مهم جداً لأنه ضروري في كل تعاملاتك لأي شئ على أرضك من (( تراخيص ومرافق وتعديلات وأي شئ يخص هذه الأرض )) .. فحافظوا عليه جداً حتى لا تقعوا في مشاكل ..

أنا بالنسبة لي فضلت متابع موضوع اللجنة بنفسي ولم أنتظر خطاب التخصيص والله يبارك لهم في قسم العقارية والمدير الله يبارك له وافقوا يسلموني وأنا لسه لم يصلني خطاب التخصيص الرسمي بعد ما عرضت على حضرته ظروف سفري والله لولا الملامة كنت كتبت اسم المدير لأنه إنسان محترم وبعت العامل قال له هات ملف الاستاذ ومشى لي الملف على طول دون انتظار والله لسه فيه ناس محترمة جداً وولاد حلال وبتقدروا الظروف ..

ويظهر برضه لما طلبت منكم تدعوا لي ربنا يوقف لنا ولاد الحلال (( الحمد لله ربنا استجاب وكل الناس كانت زي العسل ))

وأنا بأمر الله راجع بعد بكره إلى عملي .. وربنا يقدرنا على البناء

هذا كل ما حدث وأدعوا الله أن يوفق الجميع ويوقف لكم ولاد الحلال ...

أخوكم : عصام الإمام

[tito]

حبيت بس ابلغكم ان موعد دفع باقي ال10% زائد ال2% بتوع الارض اتمد لمدة شهر من النهارده

الاخ 'هشام عباس' هذا الكلام صحيح لبدر و المده لغايه 29-1-2008 ده اللى قالوة في البنك

د/خالد