اخر اخبار قرعة الاراضى

[vipwithyou]

شكرا يا أستاذ هشام على كلامك الجميل

وكمان ايميلى موجود بس هتلاقيه فى الصفحات الثلاثينات عموما هو بنفس الـ User Name اللى على المنتدى هنا على كل من Yahoo , Hotmail وبعدين يا عم انت مش محتاج تبعتلى ميل علشان تقولى انى متضايق ليه علشان يا عم انا مش متضايق ولا حاجة لاقدر الله انا خفت ان حضرتك اللى تكون متدايق من ردى لكنه غير هجومى ولا حاجة

عموما احنا هدفنا واحد وهو مساعدة اى حد محتاج لمساعدة او تقديم اى معلومة مفيدة للمصريين هنا وخصوصا المغتربين زيينا لأننا فى مركب واحدة

المهم بخصوص الارض لسة انا متابع مع الجهاز وكل ما اتصل بيهم يقولوا اتصل كمان اسبوع علشان الأرض لسة مش جاهزة للتسليم علشان لم يتم تحديدها بحديد ( رجمه ) واول ما اوصل لأى حاجة اكيد هأضعها على المنتدى وياريت لو حد من بدر استلم ارضه يقولنا بياناتها ايه علشان اكيد كل اللى فى نفس الحى بتاعه يبقى هيستلم هو كمان

شكرا يا أستاذ هشام

ولك تحياتى

تم تعديل 10 يناير 2008 بواسطة vipwithyou

[newshare]

هل فى أى أخبار عن أراضى جديدة سيتم طرحها فى أى قرعة أراضى جديدة

أرجو من من لدية أى خبر أن يفيدنا

و جزاكم الله تعالى خيرا

[vipwithyou]

لا جديد والله لدى يا أخ new

[vipwithyou]

انا اتصلت بجهاز المدينة ( بدر ) وحددوا ليا يوم الثلاثاء القادم لاستلام الارض

وقال المهندس ، اجيب معايا 200 حـ رسوم استلام الأرض

طبعاً انا هآخد معايا كتير احتياطى لكن انا بأقولكم اللى حصل

شكرا

[tawfeek]

علي فكره ياجماعه ارض العمارات في 6 اكتوبر المنطقه أ واحد قالي ان جامعة القاهره لها أرض هناك وقالي ان المنطقه أ أفضل من المنطقه ب ويارب يكون الكلام ده صحيح بالنسبه لموضوع جامعة القاهره

[ssamir]

أخبار محلية

انتهاء مهلة السداد لمقدم الحجز لأراضي القرعة الأخيرة.. الثلاثاء القادم

غير الفائزين يتسلمون شيكاتهم من أفرع بنك الإسكان

كتب محمود غنيم:

فتحي السباعي

تنتهي يوم الثلاثاء القادم '22 يناير الحالي المهلة المحددة لاستكمال سداد مقدم الحجز لاراضي البناء للقرعة الاخيرة 'الرابعة ونسبة 10 % من القيمة الاجمالية للارض والتي تمت في الفترة من 24 يوليو حتي 12 سبتمبر الماضيين. كان المقرر انتهاء المهلة في 5 يناير الحالي ووافق المهندس احمد المغربي وزير الاسكان والمرافق والتنمية العمرانية علي مدها تقديرا لظروف بعض الحاجزين.. يتم بعد انتهاء المهلة إلغاء تخصيص الارض وعرضها في مراحل قادمة علي ان يبدأ فورا استخراج تراخيص المباني من اجهزة المدن الجديدة في مدة اقصاها تسعة اشهر من تاريخ الاستلام والانتهاء من الخرسانات والمباني خلال 21 شهرا من الاستلام والتشطيب خلال 33 شهرا من الاستلام ويتم سحب الارض في حالة عدم الالتزام بكل مرحلة.

من جهة اخري وافق المحاسب فتحي السباعي رئيس بنك التعمير والاسكان علي ان يتسلم الحاجزون الذين لم يفوزوا في هذه القرعة الشيكات الخاصة بهم من افرع بنك التعمير والاسكان التي سددوا بها مقدم الحجز خلال الفترة المسائية من الساعة الرابعة حتي السابعة مساء وذلك نظرا لعدم وضوح عناوين بعضهم او لعدم تواجد البعض الاخر في عناوينهم المسجلة في استمارات الحجز مما ترتب عليه عدم تمكن شركة البريد المخصصة لتسليم الخطابات المرفق بها الشيكات لاصحابها.

--------------------------------------------------------------------------------

منقول من جريدة الاخبار

[هشام عباس]

السلام عليكم

الاخوه الي عندهم ارض في مدينة بدر وموجودين في مصر الرجاء ابلاغي بأسماء المكاتب الهندسيه بخصوص استخراج التصاريح لأني ان شاء الله هنزل مصر بعد 10 ايام علشان قالولي في مصر انه لازم انا الي اختار الرسم الهندسي للفيلا لكن مش هقدر اقعد اكتر من 5 ايام ومش عارف المده ديه هتكفي ولا لأ؟ بس ديه المده الي قدرت اخد اجازه بيها وهم ان شاء الله هيستلمو الارض يوم التلات الي جاي مع العلم انهم دفعو باقي ال 12% وربنا يسهل وياريت كمات تقولولي ايه رأيكم في موضوع البدروم يعني الاحسن اطلع التصريح للفيلا بالبدروم ولا من غيره احسن؟!

ولكم تحياتي

[عاشق]

40 ألفاً تقدموا لقرعة الأراضي خلال أسبوعين والشروق علي رأس القائمة.. و«بدر» مفاجأة

كتب وفاء بكري ١٦/٨/٢٠٠٧

اقترب عدد المتقدمين في القرعة العلنية الرابعة، لأراضي الإسكان العائلي «عمارات ـ فيلات»، من الوصول إلي ٤٠ ألف حاجز علي مستوي ٢٠ مدينة جديدة في أول أسبوعين من فتح باب الحجز،

في مفاجأة «متوقعة»، بعد الإعلان شبه الرسمي عن ندرة الأراضي المدعمة التي تطرحها هيئة المجتمعات العمرانية، خاصة في مدن القاهرة الكبري، وانتهائها في مدن أخري مثل ٦ أكتوبر والشيخ زايد والشروق والعبور.

جاءت مدينة الشروق علي رأس المدن، بعدد ٧٥٠٠ حاجز لعدد ٦٨٩ قطعة، تلتها مدينة بدر في مفاجأة حقيقية، حيث يعتبرها الكثيرون امتداداً لمدينة الشروق، ووصل عدد الحاجزين إلي ٦٥٠٠ حاجز لعدد ١٤٩٢ قطعة، بينما وصل عدد المتقدمين في مدينة أكتوبر، التي تعد البديل الوحيد للقاهرة الجديدة.

إلي ٦ آلاف حاجز لعدد ٢٠٠٠ قطعة، أما مدينة الشيخ زايد فيمكن اعتبارها علي رأس القائمة علي اعتبار قطع الأراضي المعروضة بها، حيث وصلت أعداد المتقدمين إلي ٣٥٠٠ حاجز لعدد ٣٨ قطعة فقط، وبلغت الأعداد في مدينة ١٥ مايو، والتي تطرح لأول مرة في القرعة ٢٥٠٠ حاجز لعدد ٥٠٨ قطع.

ووصلت مبالغ جدية الحجز، في فروع بنك التعمير والإسكان خلال الأسبوعين، إلي نحو مليار جنيه.

من جانبه، اعتبر المهندس محمد الدمرداش، مساعد أول وزير الإسكان ، أن تزايد أعداد المتقدمين دليل علي نجاح نظام القرعة العلنية للأراضي المدعمة التي تطرحها الهيئة.

وأشار الدمرداش إلي أن معظم مدن القاهرة الكبري لم يعد لها امتداد طبيعي، لافتاً إلي أن مدينة العبور لا يوجد بها سوي ١٠٠ قطعة بعد سحبها من أصحابها، لمخالفتهم شروط القرعة الأولي والامتداد الطبيعي الوحيد لها قطعة بمساحة ١٥٠٠ فدان تابعة للإنتاج الحربي،

ويتم التفاوض عليها لشرائها، أما مدينة أكتوبر فهناك دراسات لضم الأراضي من طريق الواحات حتي مطار أكتوبر، بينما انتهت أراضي الشيخ زايد والشروق ولا يوجد لهما امتداد طبيعي.

ويغلق باب الحجز يوم ١٢ سبتمبر المقبل، ويتم الحجز في أي فرع من فروع بنك التعمير والإسكان من الساعة الرابعة عصراً وحتي السابعة مساءً.

في اي اخبار عن القرعة الخامسة

يا ريت حد يفدنا

انا شايف ان كل المحاورات الان مع الفائزين بالقرعة الرابعة

الف مبروك ليهم بس نحب نعرف اخبار القرعة الخامسة متي بالضبط

شكرا للجميع

وعلى فكرة بنستفيد كثير بالنقاشات الموجودة

لعل وعسى ان نفوز في القرعة الخامسة

شكرا

[عاشق]

هل هناك اى اخبار عن القرعة الخامسة

تحياتي للجميع

ارجو اعلامي عن موعد القرعة الخامسة

هل صدر اي قرار بخصوصها ام لا

ومتى نتوقع طرحها

[هشام عباس]

انا كنت سمعت ان فيه قرعه خامسه هتتعمل في شهر فبراير القادم بس الكلام ده كان من مده ولغاية الان مفيش اي اخبار عنها خالص وربنا يوفقك ان شاء الله

[د محمد على]

انا كنت سمعت ان فيه قرعه خامسه هتتعمل في شهر فبراير القادم بس الكلام ده كان من مده ولغاية الان مفيش اي اخبار عنها خالص وربنا يوفقك ان شاء الله

لا توجد قرعة خامسة حتى الان و لا يوجد اي اخبار عنها كما لم يؤكد احد ان هناك قرعة خامسة كلها تكهنات و الامر الوحيد المعروف هو نيه شركة المقاولون بيع اراضي على طريق السويس بنظام القرعة لكنهم حددو 1500 جنيه سعرا للمتر

[هشام عباس]

اليوم ذهبو الى جهاز مدينة بدر لأستلام الارض ودفعوا 200ج لكن قالولهم تعالو بعد 3 او اربع اسابيع علشان تاخدوا ورق الاستلام؟؟؟؟!!!!!!!

بالرغم من ان مهلة ال9 شهور يبدأوا من النهارده

هو ده الي انا فهمته منهم وشكلي الصلا ولا فاهم حاجه

الي عنده توضيح للنقطه ديه ياريت يوضحلنا الكلام ده

ولكم تحياتي

[vipwithyou]

يا استاذ هشام

لا تنزل مصر قبل ان يتسلموا بيدهم محضر تسليم الارض

لأنك مش هتعرف تعمل اي حاجة فى الرخصة الا بالمحضر دة

بالتالى اجل نزولك فورا لبعد شهر من الآن

ورأيي تعمل بدروم

وخمسه ايام فقط ستفيدك فى اختيار الرسم ودة كان ممكن وانت عندك فمفيش فائدة من الاجازة للأسف

علشان مش تنزل وبعدين ترجع تشتكى من مصر والروتين فيها والاجراءات وانك ملحقتش تعمل حاجة فى المدة دى

شكرا

تم تعديل 30 يناير 2008 بواسطة vipwithyou

[هشام عباس]

شكرا استاز تامر على ردك واهتمامك وفعلا هاخد بنصيحتك واعمل بدروم لأن فيه ناس قالولي انه مهم جدا وليه استخدامات كتير وممكن كمان يتعمل زي قاعة حفلات لأعياد ميلاد الولاد او يعني حاجات زي ديهوممكن كمان يستخدم كجزء للغرف الاضاقيه بلأضافه للجراش

وانا خلاص لغيت السفر بسبب موضوع الشهر الي طلع في المقدر جديد ده

بس مكنتش هزعل لو نزلت مصر وملحقتش اخلص الاجرائات لأني بصراحه كنت عاملها حجه علشان انزل مصر واشوف اهلي واريحلي يومين

اما موضوع اني اقدر اختار التصميم من هنا !! مش عارف؟ اصل انا عندي شوية احلام كده نفسي اعملها في التصميم الداخلي على وجه الخصوص واعتقد انها محتاجه كزا قاعده مع المهندس علشان اعرف ايه الي ممكن يتنفز وايه الي يندرج تحت كلمة تخيلات!!!!!

بس طالما انت بتقول انه مش بياخد وقت كتير خلاص يبقى ممكن يتأجل لشهر 6 معاد الاجازه السنويه

وشكرا ليك جدا استاز تامر

[جمال عامر]

مساء الخير لكل الاعضاء

ياترى حد عارف مكان مشروع ابنى بيتك فى 6 اكتوبر فين

وارجوا لو فى اى حد عنده خريطه لمكان المشروع او لمدينه 6 اكتوبر يبعت الرابط بتاعها واكون من الشاكرين

[vipwithyou]

الاستاذ جمال يمكنك متابعه اخبار ابنتى بيتك على الجروب الخاص بهم وستجد هناك كل ما تريد معرفته

وشكرا

هذا هو عنوان الجروب

[Horus]

ياجماعه... فيه اى اخبار عن تسليم ارض العمارات في 6 اكتوبر.. المنطقه ب

[vipwithyou]

امس استلمت محضر الأرض الخاص بى فى مدينه بدر

وجارى السؤال عن التراخيص

تسلمت ايضاً رسم كروكى للأرض وقمت بزيارتها

شكرا

[s s s]

السلام عليكم

الخبر موجود بجريده الاخبار

وبعتبرو بشري للاخوه الاعضاء

واتمني انها تتفعل بجد

تحديث يوم

تحقيقات

بعد الارتفاع الجنوني لأسعار الحديد

'بيوت.. من خشب' أكثر أمانا وأقل تكلفة

خبير مصري: التجربة مطبقة في أمريكا وأوروبا والخليج وتصلح للتنفيذ في مشروع 'إبني بيتك'

تحقيق: ميرفت شعيب

مع استمرار الارتفاع الجنوني لأسعار الحديد، والبحث عن البدائل لحديد التسليح والاسمنت والطوب.. طرحت وزارة الاسكان فكرة العودة للبناء باستخدام الحوائط الحاملة الأقل تكلفة والأكثر مناسبة للمدن الجديدة لانخفاض مبانيها. وناقشت 'الاخبار' الفكرة مع كبار المهندسين المتخصصين الذين وضعوا شروطا لسلامة البناء بهذه الطريقة، واليوم تطرح 'الاخبار' الطريقة الجديدة 'تسمي البيوت الخشبية الآمنة' التي تنفذ في الولايات المتحدة الأمريكية وبني بها البيت الابيض وبدأت بعض دول الخليج في اعتمادها وبنيت منها نماذج بطريق الواحات.. فلماذا لا يستعان بها في مشروع 'ابني بيتك 'فهي الاقل تكلفة والأسرع تنفيذا مع توفر السلامة والأمان وجمال الشكل!

البيوت الخشبية الآمنة التي نراها في الافلام الأمريكية، هل تصلح للتنفيذ في مصر كبديل للبيوت الاسمنتية التي اعتدنا عليها، لقد فرض علينا ارتفاع اسعار مواد البناء تحديا لا فكاك منه.. فلابد من البحث عن بدائل رخيصة للبناء دون ان نتخلي عن شرط الأمان الذي يضمن حياة الساكنين وهنا نؤكد علي ضرورة الرقابة علي المباني سواء بطريقة الحوائط الحاملة أو البيوت الخشبية، لأن الاجتهاد وعدم مراعاة المواصفات يمكن ان يؤدي إلي كوارث لا قدر الله فكم سقطت بيوت بنيت بالخرسانة المسلحة دون مراعاة للمواصفات وسقط سكانها ضحايا بين قتيل وجريح ومشرد، فما بالنا بالمباني التي تحتاج لدقة في التنفيذ خاصة انها جديدة علي العاملين في سوق البناء بمصر.

تبني فكرة البيوت الخشبية الآمنة المهندس رأفت ابراهيم العائد من الولايات المتحدة الامريكية بعد ان عاش بها أكثر من عشرين عاما وتخرج فيها من كلية الهندسة ثم حصل علي الماجستير وأسس شركة للبناء ثم عاد لمصر وأسس شركة ليبني بيوتا خشبية علي النسق الأمريكي.. وبدأ في تنفيذها بعد حصوله علي خمسة أفدنة في طريق الواحات بالقرب من مدينة 6 أكتوبر، ويطرح فكرة البناء بهذه الطريقة لتنفيذ مشروع 'ابني بيتك' وهو مستعد لتدريب الشباب والمهندسين علي تقنيات البيوت الخشبية الآمنة التي تستغرق 3 شهور فقط ولا تزيد تكلفة بناء المتر عن 700 جنيه شاملا التشطيب مقابل 1100 جنيه للمتر بطريقة الخرسانة المسلحة.

ضد النمل والحشرات

ويشرح المهندس رأفت الحاصل علي الرخصة الدولية للبناء من أمريكا: ان فكرة البيوت الخشبية تعتمد علي اقامة منزل خشبي متكامل باستخدام نوع معين من الاخشاب دون حاجة لاستخدام الرمل أو الاسمنت أو الحديد.. وبالاضافة لقلة تكلفته فإنه يضمن درجة امان ضد الحريق حيث يتم وضع مواد عازلة خارجية باستخدام مادة 'الجبسن بورد' المتوفرة في الجبال المصرية بسعر رخيص في حين تركب الوصلات الكهربائية الأرضية علي كافة المفاتيح مما يقلل من خطورة الكهرباء، أما السباكة فيتم تصميمها وفقا للنظام العالمي الذي يعتمد علي التهوية للتخلص من الروائح الكريهة وباستخدام 'بانيو كوع' حتي لا يحدث انسداد للصرف.. كما ان الخشب المستخدم معامل ضد النمل الابيض والحشرات.

أما الاخشاب المستخدمة في البناء فهو خشب مجفف مستورد فنلندي رقم (1) بمقاسات ثابتة 2ھ9 ، 2ھ8، 2ھ6، 2ھ4 ويستخدم كحوائط حاملة علي جانبي المبني وسعر المتر المكعب من الخشب 2350 جنيها،و وتركب الجوانب الخشبية فوق الاساس وهو صبة أسمنتية بالزلط مساحتها 50 سنتيمترا ھ 50 سنتيمترا بارتفاع متر واحد أو متر وعشرين سنتيمترا من الطوب بعدها تركب الحوائط الحاملة في طبقتين بينهما مسافة 16 بوصة وبين الطبقتين توضع مادة عازلة من الصوف الزجاجي والجبس ويتم تثبيتها بمسامير من نوعية خاصة، ويمكن تغطية الارضيات بالباركيه أو البلاط أو السيراميك، كما يمكن طلاء الحوائط الداخلية بأي دهان يرغبه صاحب البيت، وكذلك يتم تشطيب الحمامات والمطابخ علي أحدث طراز.. ويسمح الكود الأمريكي ببناء مساحة 550 مترا علي 16 شقة بارتفاع 4 أدوار بطريقة البيوت الخشبية الآمنة.. ولا تزيد تكلفة بناء فيلا مساحتها 200 متر عن 140 ألف جنيه.

ويضيف المهندس رأفت ابراهيم: أما سطح البيت فيكون مائلا حتي لا يحتفظ بمياه الأمطار ويغطي بمادة 'شيخل' وسعر المتر منها 50 جنيها وتستورد من الخارج ويمكن تصنيعها في مصر.. وتتحمل ان يبقي عليها وألوانها جميلة ولا تتغير وهي مضمونة لمدة 3 سنوات.. أما الواجهة الخارجية فيمكن تجليدها بالطوب أو الحجارة.. ويمكن ان يغطي بالمحارة والاسمنت، ويعزل الخشب بمادة البوتامين المضادة للحرائق ويتم بناء المنزل حسب كود الزلازل.. واثبتت التجارب صمود المنازل الخشبية أمام الزلازل والاعاصير في الولايات المتحدة الامريكية، كما يقاوم الخشب الرطوبة والحرارة والبرد ولهذا لا يحتاج لتركيب أجهزة تكييف أو مدافئ! كما ان تصميم البيت من الداخل يمكن صاحبه من اجراء أي تعديلات داخلية كما يقوم بأعمال السباكة والكهرباء والدهان بنفسه لان بساطة التصميم تتيح له القيام بذلك.

'ابني بيتك'

وبني المهندس رأفت بالفعل بيتا مساحته 500 متر بطريق الواحات باستخدام طريقة البيوت الخشبية الآمنة.. كما بني مسجدا يتسع لحوالي 300 مصل وترتفع مئذنته إلي 22 مترا وهي مصنوعة بالكامل من الخشب وسلمها الداخلي كذلك.. وبالمسجد زخارف إسلامية دقيقة الصنع، وتم تسليمه لوزارة الاوقاف.

ويعرض جهوده للمساعدة في بناء مشروع 'ابني بيتك' بطريقة المباني الجاهزة بحيث تتراوح تكلفة البناء للبيت مساحة 75 مترا ما بين 100 ألف إلي 120 ألف جنيه، وما دامت وزارة الاسكان تقدم لكل شاب مبلغ 15 ألف جنيه للبناء فهذا المبلغ لن يكفي في ظل ارتفاع اسعار مواد البناء ويمكن تمويل الفرق بنظام التمويل العقاري بضمان البيت، ويمكن تحديد مساحة تكفي لبناء 10 بيوت مثلا، ويمكن تنفيذها خلال ثلاثة شهور فقط بالاستعانة ب 30 عاملا فقط، فالبيوت الخشبية تحتاج إلي جهد ذهني أكثر من العمل البدني، ويمكن تدريب العمال في فترة قليلة، وسوف يقدم تصميمات المباني وكلها تعطي تجديدا في الشكل ومرونة في التنفيذ، ولن يحتاج المبني لنجار مسلح أو حداد مسلح مثلا، أما المعدات فلن تزيد علي منشار كهربائي وشنيور كهربائي لا يزيد ثمنهما عن 3 آلاف جنيه فقط.. ويمكن لوزارة الاسكان ان تحدد مساحة في أي مدينة جديدة للبناء بتقنية المساكن الخشبية ليختبرها المتخصصون علي الواقع ويمكنهم الاطلاع عليها بالتفصيل من المواصفات الامريكية للبناء.

نصف التكلفة

ولأن تقنية البناء للمساكن الخشبية توفر تقريبا نصف التكلفة مع توفر عنصري الجمال والأمان فإن العديد من دول الخليج بدأت في تنفيذها، كما تعاقدت استراليا علي استيراد جدران خشبية تامة التصنيع من المهندس رأفت ابراهيم لان مصر تتمتع برخص الايدي العاملة فيها، وسوف يتم بناء بيوت متحركة لكبار السن بهذه الجدران بحيث يتم فكها وتركيبها بسهولة في أي مكان، اما العمر الافتراضي للمباني المبنية بهذا النظام فغير محدد، فهناك مبان خشبية مبنية في مصر منذ مائة عام، كما ان البيت الابيض مقر الرئيس الأمريكي مبني بهذه الطريقة، وتستخدمها العديد من الدول الأوروبية واليابان لأنها أكثر مقاومة للزلازل.

[se_ Elsyed]

والله العظيم .. قلبي مع إخواني الذين فازوا في أراضي القُرعة ورغبتهم الوحيدة هي بناء أربع جدران تأويهم ...

ولكن ذلك بالنسبة للدولة والحكومة وعلى رأسها مبارك ..يعتبر جريمة تستحق العقاب والسحل كمان ...

فها هي أسعار مستلزمات البناء ترتفع بشكل جنوني غير مسبوق ..

فبعد أن أشتريت طن الحديد بإيدي الإتنين دول في أغسطس 2005 بـ 2700 ج .... ها هو الأن في مارس 2008 يصل إلى 6 ألاف جنيه ... والأسمنت من 280 إلى 500 جنيه .... والطوب أيضاً وصل إلى ما فوق الـ 400 ج ... ناهيك عن أسعار مواد أخرى ليست ذات أهمية في مراحل البناء الأولية كالمسامير والاخشاب والدهانات والادوات الكهربائية وادوات السباكة والبلاط والسيراميك التي أرتفعت اخرى بشكل كبير وبالتأكيد سيتعرض لها كل من يبني ....

كل ده والناس ساكته ومُتقبلة الوضع

والمسئولين يقولوا لنا : هانعمل إيه دي أسعار عالمية ؟

يا سلامممممممممممممممم

يعني هي العالمية تيجي لحد عندنا وتوقف عند إرتفاع الأسعار فقط .. وما تحودش او تجيب سيرة إرتفاع الأجور او تحسين المستوى المعيشي او زيادة الإنتاج ؟!!!!!!!!!!!!!!!!!!!!!!!!!!

------------

ومع إحترامي للزملاء الذين يتحدثون عن المباني الخشبية والحجرية وحسن فتحي وما إلى ذلك ..

ففي المدن الجديدة لا محل من الأعراب لهذا الكلام لإنك مُلزم بشكل بناء مُعين وفي فترة محددة ...

الكلام ده يحصل لو الأرض دي تخصك وفي منطقة ليس لها تخطيط وشكل عمراني محدد ... أبني بالخشب أبني بالطوب الني ماحدش هايقولي إنت بتعمل إيه ..