اخر اخبار قرعة الاراضى

[هشام عباس]

السلام عليكم

وحشتوني كلكم

الاستاز سي السيد كلامك مضبوط بس المشكله اني لما سألت عن تكلفة البناء للأرض الي طلعتلي في القرعه وهي ارض فيلات ومساحتها 615م قالولي انها هتتكلف حوالي 600 الف جنيه بدون تشطيب!!!!!

وانا طبعا مش معايا ولا حتى نص المبلغ ده بعد غربه 13 سنه ولو بعت كل الي حيلتي برضه مش هقدر اكمل المبلغ ولو حصلت معجزه وكملته مستحيل هقدر اشطب لا داخلي ولا خارجي

واكيد زيي كتيييييير علشان كده بنحاول ندور على اي مخرج يخلينا نقدر نبني الارض ديه بدل ما في النهايه نضطر اننا نبيع وديه حاجه نفسي معملهاش

[هشام عباس]

الاستاز sss

بتقول فيلا تتكلف 140 الف !!!!!!!!! ياريت يكون كلامك ده صحيح وفعلا يوافقوا على كده في اجهزة المدن الجديده والله انا عامل زي الغرقان الي بيتعلق بقشه

وعموما ربنا يسمع منك

[mohamedzaki]

[salam alikom

first of all i wasnt to apologize for writing in english as my keyboard doesnt support arabic for the moment. and i have a question regarding the 2or3a as i allhamdolelah won in the firts 2or3a in shiekh zayed city and i got the land on october 2006. and according to the rule the period given to us which is 9 month to issue the license was supposed to be finished by july 07 but anyway i managed to get it and i recieved the license on october 07 so my first question is does the second period which is 12 month to build the concrete structure apply from the time i recieved the license or from the end of the 9 month ? my second question is that i saw on the papers that they extend the period till the end of march this year. is that for every body including the first, second and the third 2or3a ? and are wel all have the same 12 month to build which is till end of march next year insha2lah ? thanks for your help

[هشام عباس]

انا هجاوبك على قد ما فهمت

انت بتسأل هل ال12 شهر يبدأوا من بعد انتهاء ال9 اشهر الفعليين ولا بعد تمديد المده؟؟؟

الأ12 شهر بتوع بناء الهيكل الخرساني يبدأوا من بعد انتهاء اخر مده للتصاريح يعني بعد انتهاء فترة المد لل9 اشهر

وبالنسبه للسؤال التاني كل واحد مدته لأستخراج التراخيص بتبدأ من تاريخ استلامه للأرض مضاف اليها فترة التمديد

ولو كتبت بالعربي هقدر افيدك اكتر بكتير

لأني مش واثق اني فهمتك كويس!!!!!!

ولك تحياتي

[MABELGABRY]

انا هجاوبك على قد ما فهمت

انت بتسأل هل ال12 شهر يبدأوا من بعد انتهاء ال9 اشهر الفعليين ولا بعد تمديد المده؟؟؟

الأ12 شهر بتوع بناء الهيكل الخرساني يبدأوا من بعد انتهاء اخر مده للتصاريح يعني بعد انتهاء فترة المد لل9 اشهر

وبالنسبه للسؤال التاني كل واحد مدته لأستخراج التراخيص بتبدأ من تاريخ استلامه للأرض مضاف اليها فترة التمديد

ولو كتبت بالعربي هقدر افيدك اكتر بكتير

لأني مش واثق اني فهمتك كويس!!!!!!

ولك تحياتي

الأستاذ هشام ،

ما معنى انتهاء فترة المد --- هل صدر قرار بمد الـ 9 اشهر الخاص بالتراخيص -- حيث انني في قطعة الأرض الخاصة بي استلمت الارض شهر 10 2006 ولكن تم استلام التراخيص الخاصة بالأرض 12 2007 فهل يعني هذا أن مهلة السنة الأولى تنتهي 12 2008

[هشام عباس]

حضرتك بتقول انك استلمت الارض شهر 10 2006 واستلمت او استخرجت التراخيص بتاريخ 12 2007 اي بعد 14 شهر وبكده تكون حضرتك استفدت من ال6 شهور بتوع المد بس يكون فاضلك شهر واحد وبعده يبدأ ال 12 شهر بتوع انهاء الهيكل الخرصاني واظن انهم هيمدوها اكتر من 12 شهر بسبب غلاء حديد التسليح

ولك تحياتي

[هشام عباس]

يعني اعتقد ان مهلة ال12 شهر بالنسبه ليك تنتهي 1 2009

[mohamedzaki]

أشكر كل من أجاب سؤالى و أعتقد ان الجميع يتفق على ان زياده أسعار الحديد و الأسمنت و باقى مواد البناء سيؤثر على قرارات معظم الى يرغبون فى البناء, بدليل انخفاض أسعار الأراضى مؤخرا. ربنا يستر.

[khalid]

مين قال لك ان الاراضي سعرها انخفض مفيش حاجة بتنزل و خصوصا ان السوق في احتياج بناء

[هشام عباس]

سعر الاراضي فعلا نزل لأن فيه احجام عن البناء من ناس كتير جدا جدا بسبب زيادة سعر الحديد والاسمنت وحتى الطوب والكلام ده كان مكتوب في جريدة الاسبوع من كام يوم وكمان كان فيه مقال عن نظر وزارة الاسكان للطرق البديله للبناء بحديد التسليح علشان مشروع ابني بيتك

وفيه كلام كتير وكلام وكلام ومحدش عارف الحكايه هتوصل لفين

[د محمد على]

سمعت ان الوزير سيمد مهلة البناء لمدة عام اس انها ستصبح 4 سنوات بدلا من 3 ي بسبب غلاء اسعار مواد البناء

هل من تفاصيل عن ذلك

[vipwithyou]

ياريت يا دكتور والله

انا هأسأل واذا عرفت حاجة ان شاء الله هأبلغكم

واللى يعرف حاجة ياريت يبلغنا يمكن دة يكون امل للإحتفاظ بالأرض

شكرا

[هشام عباس]

ها يا جماعه فيه اي اخبار عن تمديد مهلة البناء ل4 سنين بدل 3؟

ياريت لو حد عرف حاجه يبلغنا

[سهران]

الخبر منقوول بنصه من جريدة الجمهورية :

زيادة المهلة الممنوحة لبناء أراضي القرعة 6 شهور

أحمد حسين

وافق المهندس احمد المغربي وزير الإسكان علي زيادة المهلة الممنوحة للانتهاء من إنشاء الوحدة السكنية علي الأراضي المخصصة بنظام القرعة بمدة 6 شهور اضافية تضاف للفترة الزمنية المخصصة لانشاء الهيكل الخرساني للوحدة والذي كان محددا فيما قبل بسنة فقط مع باقي بقاء المدد كما هي وهي 9 شهور لاستخراج الترخيص وسنة لأعمال التشطيب ويستفيد من هذه الميزة الجديدة أصحاب 40 ألف قطعة أرض تم تخصيصها بنظام القرعة.

صرح المهندس محمد الدمرداش مساعد أول وزير الاسكان والمرافق والتنمية العمرانية بأن الغرض من اضافة المدة الجديدة العمل علي استرخاء اسعار الحديد والأسمنت في السوق ومنع التكالب عليها في فترة زمنية محددة.

تم تعديل 25 مارس 2008 بواسطة سهران

[vipwithyou]

الخبر مظبوط فى جريدة الجمهورية

وسأتصل بالجهاز غدأ لمعرفة مدى تنفيذ هذا الامر

تم تعديل 25 مارس 2008 بواسطة vipwithyou

[هشام عباس]

طيب ده خبر كويس ويارب اسعار مواد البناء يحصل فيها حاجه توقف الجنون بتاعها ده

اصل مش الحديد لوحده الي غلي

ده كل مواد البناء غليت غلاء غير عادي من اسمنت لطوب لظلط لرمل واكيد العمال الي بقوا قاعدين من غير شغل دلوقتي اول ما هيلاقوا حد بيبني هيقولوا ده ملياردير تعالوا نخرب بيته

ربنا يستر

[هشام عباس]

فيه اشاعه بتقول ان فيه قرعه جديده اخر الشهر ده او اول شهر 5!!!

يا ترى حد عنده معلومات؟ يعني فعلا فيه قرعه جديده قريبا؟

ولو فيه! ليه مفيش اي تصريحات زي المرات السابقه قبل القرعه بشهر او اكتر؟

عموما انا اعرف حد في وزارة الأسكان وسألته وقالي هيتأكد ويرد عليا يوم الأحد ان شاء الله

ولو عرفت اي جديد هبلغكم ان شاء الله

[sigma]

هل دخول القاهرة الجديدة محافظة حلوان (التجمعات+الشروق+الرحاب+مدينتى+بدر) أثر فى تغيير أسعار الأراضى أو الشقق سواء بالإرتفاع أو بالإنخفاض؟

[mhamed]

هل حقيقي موجود قرعة فى أول شهر مايو

[tawfeek]

السلام عليكم جميعا

ياتري فيه أخبار جديده عن مواعيد تسليم أرض القرعه بأكتوبر وهل ياتري ماهو تأثير تحويلها الي محافظه علي مواعيد تسليم الأراضي وكذلك علي 6 أكتوبر من جميع النواحي