اخر اخبار قرعة الاراضى

[ابو حودة]

انا بأسال على اراضي البناء للبيوت يعني مساحات في حدود 400 متر مثلاً

[عاشق]

انا بأسال على اراضي البناء للبيوت يعني مساحات في حدود 400 متر مثلاً

الاخ ابو حوده

الموضوع مساحات 400 متر بيت هي دي القرعة الخامسة التي ستطرح قريبا

وحسب ما علمت ان هناك بعض المدن ممكن تقدم مباشرة عليها ويتم تخصيص المساحة المطلوبة زي الفيوم الجديدة والعاشر يعنى بعض مدن الي معلهاش اقبال ممكن يخصصو ليك ارض فورا

اما بخصوص الاراضي باكتوبر والقاهرة الجديدة وزايد والي عليهم طلب ضخم جدا دي هي الاراضي الي بتنزل قرعة بالقرعة الخامسة القادمة انشاء الله ودي حسب علمي اول الشهر القادم

ارجو ان يكون ردي كافي وعلى فكرة زي ما سمعت ان الارض هتكون بالقرعة صغيرة المساحة يعنى حدود 300 متر فقط

[ابو حودة]

شكرا على الرد والمساحة دي كويسة قوي بس تيجي يعني حتى 200 متر زي الفل بس ربنا يبارك

[أشرف محمد]

الأخ الكريم : عاشق

ياترى ماهي الأسعار المتوقعة لأراضي مدن القاهرة الجديدة والشروق ؟ هل هي أسعار السوق أم أسعار مدعمة من الدولة ؟ علماً بانني ذهبت إلى جهاز مدينة القاهرة الجديدة ( التجمع الخامس ) وسألت عن الأسعار المتوقعة فأخبروني بأنها ستكون في حدود 2500 جنيه للمتر ، فهل هذا ممكن فعلاً ؟ أرجوا الرد - ولكم تحياتي

[عاشق]

الأخ الكريم : عاشق

ياترى ماهي الأسعار المتوقعة لأراضي مدن القاهرة الجديدة والشروق ؟ هل هي أسعار السوق أم أسعار مدعمة من الدولة ؟ علماً بانني ذهبت إلى جهاز مدينة القاهرة الجديدة ( التجمع الخامس ) وسألت عن الأسعار المتوقعة فأخبروني بأنها ستكون في حدود 2500 جنيه للمتر ، فهل هذا ممكن فعلاً ؟ أرجوا الرد - ولكم تحياتي

والله انا بجد معنديش علم ولكن لو تعرف اسعار القرعة الرابعة لان كان في تصريح ان هتكون زيادة الاسعار عن القرعة الرابعة من 5 الى 10% وده حسب تصريح الدمرداش وكيل وزارة الاسكان

اما بالنسبة لاكتوبر انا كنت مقدم على المتر بالقرعة الرابعة بـ 700 جنية فيعنى منتظر توصل الى 800 جنيه

بس بجد القاهرة الجديدة معنديش علم بس اسأل حد من الي قدمو فيها بالقرعة الرابعة ممكن يفيدوك وتفدنا برده عشان احتمال نقدم بالقرعة بالقاهرة الجديدة نظرا لانتهاء الاراضي بأكتوبر وزايد

تحياتي

[tawfeek]

السلام عليكم أخواني كل الي عايز يعرف سعر أرض القرعه الأخيره يروح علي موقع هيئة المجتمعات العمرانيه الجديده هناك نتيجة القرعه السابقه يقسم سعر الوحده علي عدد الأمتار يعطيك سعر المتر بكام وذلك لجميع الأماكن التي تم عليها القرعه

وياتري حد عنده أي معلومات عن أرض أكتوبر القرعه الماضيه موعد التسليم أمته وهل ياتري هما شغالين في المرافق

وشكر لتعاونكم

[ali m]

عمى توفيق

سوف اذهب الى جهاز المدينة يوم السبت اسئل لك على اية الاخبار .............على سعد

[Ahmed el- ghamraway]

منتظرين علي احر من الجمر

[عاشق]

السلام عليكم أخواني كل الي عايز يعرف سعر أرض القرعه الأخيره يروح علي موقع هيئة المجتمعات العمرانيه الجديده هناك نتيجة القرعه السابقه يقسم سعر الوحده علي عدد الأمتار يعطيك سعر المتر بكام وذلك لجميع الأماكن التي تم عليها القرعه

وياتري حد عنده أي معلومات عن أرض أكتوبر القرعه الماضيه موعد التسليم أمته وهل ياتري هما شغالين في المرافق

وشكر لتعاونكم

:rolleyes:

على فكرة يا جماعة القرعة الرابعة مكنش فيها القاهرة الجديدة

هما بس المدن ادناه الي كان عليهم قرعة فقط

بدر

الشروق

الشيخ زايد

اكتوبر

النوبارية

السادات

الصالحية

العاشر من رمضان

المنيا

الفيوم

بنى سويف

برج العرب

سوهاج

طيبة

اسوان

اسيوط

دمياط الجديدة

العبور

مايو

قنا

ويا ريت الي هيروح ويسأل عن موضوع اراضي اكتوبر يسأل عن الموعد المقترح للقرعة الخامسة واسعار الاراضي لو امكنه ذلك

وشكرا

[عاشق]

عمى توفيق

سوف اذهب الى جهاز المدينة يوم السبت اسئل لك على اية الاخبار .............على سعد

يا ريت يا اخ على لو تعرف موعد القرعة الخامسة بالمرة

بيكون برده في جهاز المدينة عندهم علم

وشكرا :rolleyes:

[himahamid]

انا اتصلت ببنك التعمير و الاسكان قالولى ان القرعة هتنزل كمان 3 اسابيع

حد عندة اى فكرة عن الموضوع دة.

[ali m]

الاخوة الاعزاء السلام عليكم

الاخ توفبق ارض القرعة الرابعة على طريق الفيوم جارى ترفيقها وستسلم فى الفترة من ابريل الى يولبو 2009 ان شاء اللة ............ اما بالنسبة للقرعة الخامسة فجهاز المدينة معندهمش فكرة والمعياد غالبا فى الاسبوع الثالث من هذا الشهر زى مقالوا لى فى بنك الاسكان ................على سعد

[tawfeek]

الأخ العزيز علي بارك الله فيك علي تلك المعلومه القيمه أفادكم الله ولي طلب أخير منك ياتري لو تقدر تبعت لي صوره من مخطط المنطقه أ بين طريق الفيوم والوحات والذي يوضح أماكن القطع بالأرقام

شاكر لك تعاونكم وعلي فكره هي موجوده في جميع مكاتب عقارات أكتوبر وكذلك في جهاز مدينة 6 أكتوبر

[عصام أبوالفتح]

باقعد اضحك لفترة طويلة كل ما افتكر ان يوم 31 اكتوبر اللى صرح المغربى انه يوم القرعة الخامسة .. كان يوم جمعة

المفروض الراجل ده يمسك الوزارة الجاية .. ويخترع وزارة جديدة اسمها الطاخطيخ .:)

[DoctorFawzy]

أستاذنا الكبير عصام بك.... القرعه منزلتشى ولا جمعه ولا سبت ولا أحد ودى مش اول مره دول بقالهم سنه كامله من ساعة القرعه اللى فاتت بيدوا مواعيد للقرعه عجيبه معتمدين ان الناس بتنسى ومش بتاخد بالها.. ده انا فاكر واحد حبيبى مكسبشى فى القرعه اللى فاتت وكلمته أسأله حنسترد الفلوس ازاى قاللى حسيب الفلوس لأن في كلام ان فيه قرعه تانيه بعد شهر اى فى نوفمبر 2007 وحيدوا اولويه للمقدمين فى القرعه الرابعه ومفازوش مع العلم بأن صاحبى ده شغال فى وزارة الاسكان نفسها.. ولا حس ولا خبر وسلموا الناس فلوسهم ...... وبعدين قالوا فى ديسمبر وكل كام شهر المهندس محمد بيه الدمرداش مساعد الوزير يطل طله حلوه فى المصرى اليوم او الاخبار او الاهرام ويقول بقين حلوين عن القرعه القادمه......... طيب فاكرين موضوع تقسيم ارض المقاولين العرب اللى فى طريق السويس قريبه من القاهره الجديده والتصريحات عن تحديد اثمانها و الانتهاء من تقسيمها وطرحها فى اوائل فبراير 2008 وبعدين لا حس ولا خبر ...... هوه التعامل مع الوزاره لا تحكمه اية معايير ولا احترام ولا مواعيد والمغربى قال قبل كده طرح الاراضى بعد العيد مباشرة ثم 31 اكتوبر... إنه تلاعب بآمال واحلام الناس لدرجة أشعر معها انها حركه منظمه ومرتب لها لسحب سيوله من السوق فى وقت محدد لغرض ما فى نفس الحكومهبس يا جماعة الواضح ^{انهم فعلا ناويين ينزلوا الاراضى دى باشتراطات صعبه ومنع التوكيلات} _ ده بفرض ان القرعه نزلت يوما ما _ ودى بصراحه تبقى خطوه كويسه عشان يقضوا على التجار والسماسره الجشعين اللى بيدخلوا القرعه باكتر من اسم لمجرد التجاره والبيع للخليجيين واخد أوفر ..... ودول اللى بينافسوا الناس اللى عايزه تبنى بجد وبحق وحقيقى

الواضح كمان ان المره دى فرصة الفوز قليله جدا جدا بالنسبه للقرعات السابقه نظرا لقلة المعروض مع وجود معظم الاراضى بمدن الصعيد وندره قليله جدا جدا جدا بالمدن الجديده القريبه من القاهره وتحياتى للجميع

[عاشق]

أستاذنا الكبير عصام بك.... القرعه منزلتشى ولا جمعه ولا سبت ولا أحد ودى مش اول مره دول بقالهم سنه كامله من ساعة القرعه اللى فاتت بيدوا مواعيد للقرعه عجيبه معتمدين ان الناس بتنسى ومش بتاخد بالها.. ده انا فاكر واحد حبيبى مكسبشى فى القرعه اللى فاتت وكلمته أسأله حنسترد الفلوس ازاى قاللى حسيب الفلوس لأن في كلام ان فيه قرعه تانيه بعد شهر اى فى نوفمبر 2007 وحيدوا اولويه للمقدمين فى القرعه الرابعه ومفازوش مع العلم بأن صاحبى ده شغال فى وزارة الاسكان نفسها.. ولا حس ولا خبر وسلموا الناس فلوسهم ...... وبعدين قالوا فى ديسمبر وكل كام شهر المهندس محمد بيه الدمرداش مساعد الوزير يطل طله حلوه فى المصرى اليوم او الاخبار او الاهرام ويقول بقين حلوين عن القرعه القادمه......... طيب فاكرين موضوع تقسيم ارض المقاولين العرب اللى فى طريق السويس قريبه من القاهره الجديده والتصريحات عن تحديد اثمانها و الانتهاء من تقسيمها وطرحها فى اوائل فبراير 2008 وبعدين لا حس ولا خبر ...... هوه التعامل مع الوزاره لا تحكمه اية معايير ولا احترام ولا مواعيد والمغربى قال قبل كده طرح الاراضى بعد العيد مباشرة ثم 31 اكتوبر... إنه تلاعب بآمال واحلام الناس لدرجة أشعر معها انها حركه منظمه ومرتب لها لسحب سيوله من السوق فى وقت محدد لغرض ما فى نفس الحكومهبس يا جماعة الواضح ^{انهم فعلا ناويين ينزلوا الاراضى دى باشتراطات صعبه ومنع التوكيلات} _ ده بفرض ان القرعه نزلت يوما ما _ ودى بصراحه تبقى خطوه كويسه عشان يقضوا على التجار والسماسره الجشعين اللى بيدخلوا القرعه باكتر من اسم لمجرد التجاره والبيع للخليجيين واخد أوفر ..... ودول اللى بينافسوا الناس اللى عايزه تبنى بجد وبحق وحقيقى

الواضح كمان ان المره دى فرصة الفوز قليله جدا جدا بالنسبه للقرعات السابقه نظرا لقلة المعروض مع وجود معظم الاراضى بمدن الصعيد وندره قليله جدا جدا جدا بالمدن الجديده القريبه من القاهره وتحياتى للجميع

كلامك مضبوط جدا دكتور توفيق

لكن موضوع سبب هذا التخبط مش قادر احدده

واعتقد انها تأجيلات فقط لأسباب اخرى لا نعلمها

بس بجد المفروض منعولش كثير على هذه القرعة لان فعلا الاراضي قليله جدا

وربنا يوفق الجميع

[عاشق]

<_< في اي اخبار عن القرعة يا شباب :o

[أشرف محمد]

الأخ الكريم عاشق

تحية طيبة وبعد 000

نشرت جريدة العقارية الصادرة أمس الأحد 9/11/2008 عنوان في الصفحة الأولى وتفاصيله موجودة في الصفحة الثالثة بخصوص طرح أراضي القرعة للمواطنين الأسبوع القادم بتصريح خاص صادر من الدكتور أشرف كمال مساعد نائب رئيس هيئة المجتمعات العمرانية الجديدة علماً بأن هذه القرعة للإسكان العائلي فقط ولم يتضمن الخبر أي معلومات إضافية بخصوص هذا الموضوع 0

شكراً مع خالص تحياتي

م/ أشرف محمد

[isa]

الاخ العزيز

ماهو موقع " الجريدة العقارية " على الانترنت

وشكرا

[أشرف محمد]

الأخ الكريم / Isa

تحية طيبة وبعد 000

جريدة العقارية ليس لها موقع على الإنترنت فهي جريدة أسبوعية تصدر كل يوم أحد من كل أسبوع وسعرها 1 جنيه فقط وهي أول جريدة متخصصة عن العقارات في مصر والعالم العربي 0

مع خالص تحياتي

م / أشرف محمد