اخر اخبار قرعة الاراضى

[bahaaxp]

ننبه الإخوة الحاجزين في 6 اكتوبر و بخاصة الأخ mohosaka أن قرعة المنطقة رقم (3) سوف تتم كاملة يوم الأربعاء 14 نوفمبر بمشيئة الله بينما تتم قرعة المنطقة رقم (5) يوم الخميس 15 نوفمبر و الجدول الصحيح موجود على الرابط التالي

جدول القرعة الرابعة من موقع هيئة المجتمعات العمرانية الجديدة

[عصام أبوالفتح]

ياجماعة أفهموا :

التوكيلات زى ماهى ضرورية جداً للناس اللى بره البلد زى حالاتى مثلاً

نفس التوكيلات - كأسلوب للتعامل- بتستغل أبشع استغلال فى التقديم من السماسرة اللى بيلموا صور بطايق الغلابة ويبصموهم

ويقدموا بعشرات ومئات الأسماء التى لا تمثل طلب حقيقى وكل هدفها الحصول على اكبر عدد ممكن من الاراضى وبيعها بأوفر .. واسلوب استغلال البسطاء فى الحاجات دى شائع جدا ومعروف لنا كلنا فى الانتخابات وغيرها واتوبيسات رايحة واتوبيسات جاية وكلهم بيمضوا او بيبصموا على عقود تنازل فاضية لانه معندوش حاجة يخسرها وكل اللى يهمه المعلوم وخلاص

التوكيل لازم له اثبات عدم امكانيه الحضور شخصياً ( سفر - مرض - عجز ) ولازم التثبت من جديته لنتجنب مساؤئه

فى برنامج حالة حوار أجبت معاليكم على سؤال احد شباب الحزب الوطنى بخصوص موضوع القرعة وتحكم السماسرة بسعر المتر ، أن من عنده نظام أفضل فليقترحه علينا ومن هنا جائتنى فكرة هذا الخطاب ..

والفكرة هى طرح كل ما لدى الدولة من اراضى مجهزة فى المدن الجديدة للمواطنين دفعة واحدة بدون قرعة وهى بكل تأكيد ستكفى الطلب .

والفوائد من ذلك ضخمة للدولة وهى كما يلى :

 تسديد المديونية الداخلية المزعجة والتى زادت بدلا من ان تقل رغم كل ما فعلتموه .

 كبح جماح ارتفاع اسعار الاراضى

 جذب المواطنين للمدن الجديدة بضوابط للتخصيص تلزم بالبناء ولا تسمح بالتنازل عن الارض .

 القضاء على شريحة مصاصى الدماء والجيوب من السماسرة وتشجيع المواطن الصغير لانه فى النهاية استثمارته الصغيرة عندما تتحرك جماعيا تفوق استثمارات المستثمر الكبير

ده جزء من رسالتى لوزير الاسكان وشايف تحرك فى الاتجاه ده وهو اتجاه صحيح وانبسطت جدا لما اتلغى المزاد التاتى للمستثمرين اللى كان هايخلص على الاراضى فعلا فى المدن الجديدة

واللى تابع موقع الهيئة لاول8 شهور لهذا العام شاف الاعلان عن مزاد تانى لقطع متوسطه من 50 ل 150 فدان وشاهد عدة تأجيلات للاستفسارات و لفتح المظاريف وبعدين اترفع من الموقع كل ما يخص الموضوع ولم يذكر فى الاعلام ابداً

ده فى حد ذاته امل كبير للراغبين فى اراضى لان الاراضى دى ستقسم بالمسطحات 300 ل 400 وستطرح للراغبين مع المسحوب من عدم الجادين ,,,

و ننتظر لنتأكد من حدوث ذلك

[mohosaka]

ننبه الإخوة الحاجزين في 6 اكتوبر و بخاصة الأخ mohosaka أن قرعة المنطقة رقم (3) سوف تتم كاملة يوم الأربعاء 14 نوفمبر بمشيئة الله بينما تتم قرعة المنطقة رقم (5) يوم الخميس 15 نوفمبر و الجدول الصحيح موجود على الرابط التالي

جدول القرعة الرابعة من موقع هيئة المجتمعات العمرانية الجديدة

شكرا"للاخ bahaaxp على التوضيح وان شاء الله هكون هناك بكرة ومتنسوش تدعولى ان كان فيها خير ربنا يرزقنى بيها وان كان فيها شر ربنا يبعدها عنى ولأمة المسلمين اجمعين

[wansawansa]

الأخ mohosaka

ربنا يكتبهالك او فيها خير يارب

و ياااااااا رب كل اللي قدموا يطلعلهم حتة أرض لو فيها خير ليهم يا رب

بس إبقى طمنا على اللي حيحصل في الأستاد و خصوصا شفافية القرعة

و متنساش تقول : اللهم إني أسألك بأني أشهد أنه لا إله إلا أنت الأحد الصمد لم يلد و لم يولد بأن ......... و تقول اللي إنت عايزه و إن شاء الله الدعاء مستجاب و أنا مجربه

[moaz]

ندعو الله أن يرزق الجميع كل الخير وأن يعطيهم من قطع الأرض هذه ويعطينا معهم ويبارك لنا جميعاً فيها . اللهم آمين .

يرجى من الأخوة الذين يحضرون القرعة أن يوصوا إخوانهم الذي سيأتيهم دور قرعتهم بالذي يجدوه مهماً كأهمية الحضور مثلاً أو أي تصرف يجب أن يتخذوه حتى ينالوا من وراءه الخير إن شاء الله .

وندعوا الله أن يهدي القائمين على القرعة أن يتخذوا الشفافية في القسمة بين الناس . إنه ولي ذلك والقادر عليه . اللهم اهديهم إلى الرشاد وإلى الحق والعدل . آمين آمين .

[wansawansa]

اللهم آمين

[Brave hurt]

السلام عليكم ورحمة الله وبركاته

إخواني الأعزاء أتمنى من الله أن يكون لنا جميعاً نصيب في هذه القرعة ولكن لي سؤال أرجو الإجابة عليه

هل النتيجة ستعلن يومياً على أي موقع في الإنترنت أم لا وكيفية الحصول عليها إن أمكن؟

فمثلاً نتيجة قرعة اليوم متى يمكن مشاهدة نتائجها

ولكم جزيل الشكر

[wansawansa]

سؤال وجيه برضه

[alantonecam]

يا جماعة محدش هنا راح القرعة النهاردة لو فى حد راح ممكن يقولنا ايه الحصل يكون مشكور

[wansawansa]

مفيش أخبار يا جدعان حد يطمنا و النبي

[روح الحياة]

ننبه الإخوة الحاجزين في 6 اكتوبر و بخاصة الأخ mohosaka أن قرعة المنطقة رقم (3) سوف تتم كاملة يوم الأربعاء 14 نوفمبر بمشيئة الله بينما تتم قرعة المنطقة رقم (5) يوم الخميس 15 نوفمبر و الجدول الصحيح موجود على الرابط التالي

جدول القرعة الرابعة من موقع هيئة المجتمعات العمرانية الجديدة

شكرا"للاخ bahaaxp على التوضيح وان شاء الله هكون هناك بكرة ومتنسوش تدعولى ان كان فيها خير ربنا يرزقنى بيها وان كان فيها شر ربنا يبعدها عنى ولأمة المسلمين اجمعين

أرجو من الاخmohosaka .. ان يفيدنا إذا كان ذهب اليوم فعلا ؟ وماذا حدث بالقرعة حتى لو لاقدر الله ولم يوفق . فكلها ارزاق ونصيب بيد الله وحده .

نحن في انتظارك أخي طمننا وفقك الله .

لأننا كلنا مثلك ننتظر نصيبنا لكن لم تسمح لنا ظروفنا من الحضور ؟؟؟؟؟؟؟ هل من مجيب ؟؟

[stone]

اخر تصريح لوزير الاسكان فى جريدة الاخبار اليوم

وزير الإسكان يؤكد ما نشرته 'الأخبار':

أراض إضافية للمواطنين وضوابط لمنع المتاجرة والمضاربة

السحب الفوري من المخالفين للشروط وإلغاء التوكيلات

كتب محمود غنيم:

أكد المهندس أحمد المغربي وزير الإسكان والمرافق والتنمية العمرانية انه سيتم طرح المزيد من أراضي البناء بمساحات 300 و400 متر في المدن الجديدة خاصة بمدينتي القاهرة الجديدة و6 أكتوبر اللتين تحظيان برغبة كبيرة من المواطنين للحجز بهما.. يتم ذلك من خلال التوصيل الفوري للأراضي التي يفرزها الحصر الدقيق الذي تقوم به أجهزة المدن الجديدة للأراضي غير المستغلة بها.

يأتي ذلك تنفيذا لتوجيهات الرئيس مبارك في خطابه في ختام أعمال المؤتمر القومي للحزب الوطني لتوفير المسكن الملائم للمواطنين الجادين ولتحقيق توازن في الأسعار بين المعروض والمطلوب وهذا ما نشرته 'الأخبار' يومي17 و31 أكتوبر الماضي.

ولتحقيق هذا الهدف أصدر المهندس المغربي توجيهات لأجهزة المدن الجديدة بالسحب الفوري للأراضي التي أخل أصحابها بشروط التعاقد والمتابعة الدورية والدقيقة لذلك وينطبق ذلك علي القرعات الثلاث التي تمت مؤخرا..

كما قررت هيئة المجتمعات العمرانية منع التعامل بالتوكيلات لوقف ظاهرة المتاجرة بالأراضي وأن يقتصر التعامل عي أجهزة الوزارة والمواطن نفسه وينطبق ذلك علي الأراضي ذات النشاط التجاري والخدمي والاستثماري وإعادة طرح هذه الأراضي للمواطنين الجادين في البناء والإقامة في المدن الجديدة

لحد كده انتهى الخبر

كلام جميل وكلام معقول بنتكلم على مدن محددة لها فعلا امتداد واستبعد مدن العبور والشروق والشيخ زايد علشان زى ما كلنا عارفين قفلت من زمان

يعنى القاهرة الجديدة ممتدة الان حتى محافظة السويس ولها امتداد حتى شط القناة

واكتوبر سرحة على طريق الفيوم وطريق الواحات يعنى عندنا حتى حدود لبييا

انما طبقا لوزير الاسكان الارض تبع القاهرة الجديدة واكتوبر ماشــــــــــــــــــــــــــــــــــــى :happy:

انما سوالى الان لجميع اخوانى اللى بيعرفوا قانون (بتاع المحاكم مش الاغانى) هل من حق وزير ان يلغى التعامل بالتوكيل

مش عمل التوكيلات ده حق قانونى للى مريض او مشغول او مش عايز يشوف وش موظفين الوزارة

يعنى لو الاستاذ احمد نظيف طلع اسمه فى القرعة وربنا كرمه بحتة ارض 300 متر هاشوفه واقف فى الطابور بيدفع الاقساط ويطلع الرخصة ومايطلعش توكيل (اللى هو حق قانونى) بناء على تعليمات وزير الاسكان؟؟؟؟؟؟؟؟؟؟؟؟؟؟؟؟؟؟؟؟

ومش وزير العدل اللى بيعمل التوكيلات ده تبع الحكومة برضة اللى بيشتغل فيها وزير الاسكان؟؟؟؟؟؟؟؟؟؟؟؟؟؟؟؟؟؟؟؟؟

طب هما زعلانين من بعض علشان كده عايز يوقف حاله ومايعترفش بالتوكيلات اللى الناس بتدفع فلوس للحكومة علشان تعملها؟؟؟؟؟؟؟؟؟؟؟؟؟؟؟؟؟؟؟

حد يفهمنا حاجة الله يكرمكم علشان خلاص **** :closedeyes:

[wansawansa]

في العاشرة مساء اليوم الناس كلهم بيقولوا إن القرعة غير نزيهة و إن اللي حاضريين كانوا حوالي 6000 اللي طلعلوا حتة أرض منهم كانوا 170 واحد بس و عموما منى الشاذلي قالت الكل كان متضايق.

ياريت يا جماعة اللي يدخل يشاركنا بمعلومة أو تعليق أو رأي بدل ما كل واحد يدخل عايز ياخد أي خبر جديد وخلاص

[wansawansa]

mohosaka طمنا خير إن شاء الله ؟؟؟؟؟

[vipwithyou]

بسم الله الرحمن الرحيم

الأخ wansawansa

السلام عليكم

أنا عضو جديد كنت أبحث عن أى معلومات عن نتيجة القرعة فى Google ووجدت الموقع الجميل دة

وكنت فعلا محتاج أعرف النتيجة ومش عارف أعمل ايه

انا مقدم فى القرعة ومستنى يومى بس مش عارف أروح أحضر ولا بلاش

ياريت حد من اللى حضر يفيدنا باللى حصل

وحتى لو لا قدر الله ماكانش ليه نصيب فدى هتبقى مساعدة منه لينا أخوانه برضوا وربنا يكرمنا جميعا

شكرا

أخوكم

تامر السيد

تم تعديل 14 نوفمبر 2007 بواسطة vipwithyou

[mohosaka]

السلام عليكم الأخوة الأعزاء

فى البداية احب اعرفكم انى لم اوفق بقطعة ارض فى القرعة والحمد لله فعلا انا راضى تماما" عن اللى حصل فيها النهاردة قصدى امس

وقدر الله وما شاء فعل ولا راد لقضاءة ..... واليكم التفاصيل

فى البداية الدخول من 10 ص الى الواحدة ظهرا عشان تسجل اسمك فى الكشوف وكمان تتأكد ان الورقة بتاعتك توضع فى الصندوق الزجاجى الخاص بالمطقة او ابنك اللى حجزت منة ودة تسهيل على السادة الحاجزين لسرعة التسجيل وكان اليوم فية 24 صندوق

المهم فى تمام الواحدة تم وقف التسجيل ومنع الدخول الى تراك الاستاد اللى بيتم فية القرعة والسادة الحضور فى المدرجات بتابع الموضوع بمنتهى الشفافية على فكرة الحاض رين كانوا حوالى 2000 الى 2500 واحد مش قادر احدد بس مش اعتقد انهم اكتر من كدة.

بعد ذلك بدأ العاملين فى البنك والمندوبين لحضور القرعة فى وضع باقى الورق بتاع الحاجزين اللى محضروش ودة لحد الساعة 1:45 تقريبا وبعد ذلك تم تجميع الصناديق الخمسة الاولى المخصصة للمنطقة مسلسل (1) وكان عدد الحاجزين حوالى 2500 ل عدد 31 قطعة تم التجميع فى صنوق واحد كبير شفاف دوار عشان يقل الورق فى بعضة بعد كدة طلع تلاتة من الجماهير او الحاجزين وبعد التقليب للصندوق بيفتح وياخد الورقة وينادى على الاسم اللى فيها ويعيد الايم مرة تانية المسئول عن اعلان القرعة الاسم ورقم القطعة المحجوزة ثم الذى يلية وهكذا.... وكل اسم يتم اختيارة يتم اخذ بياناتة فى اللجنة المخصصة للتسجيل النتيجة خلف الصنوق وكل حاجة واضحة وتمام التمام .......

بعد ذلك وعشان المنطقة مسلسل (3) اللى انا كنت حاجز فيها عليها اقبال كبيرحوالى 12500 حاجزل 899 قطعة ويمكن عشان برضة مقدمها مكنش كبير قوى زى المنطقة الاولى اللى هية فوق الالف 1000 متر مربع

فكانت متوزعه على 19 صندوق ودة عشان التسجيل زى مقلت فى الاول وبعد كدة جابوا صندوق كبير جدا شفاف برضة وتم تجميع الصنايق ال 19 فية على بعض ومن هنا كانت ثورة السادة الحاجزين على اساس ان الورق كلة على بعضة واللى تحت تبقى فرصتة اقل كتير فكانوا السادة العاملين على القرعة مجهزين مجدافين زى بتوع الزوارق بتاعة المية المهم بعد كدة تم اختيار ولد صغير حوالى 10 سنين عشان هوة اللى يختار الورق من جوة الصندوق الكبير اللى الواد وقف فى وسطية يقلب الورق ويختار ورقة ورقة ويعطيها لأحد الجاهير المساعدين فى العملية لقرأة الاسم ويعيد المعلن للنتيجة الاسم مرة تانية وهكذا ..................

بس هوة دة اللى حصل النهاردة بعض الجماهير الحاجزين كانت معترضة على التقليب وكدة بس بعد شوية الناس سكتت عشان اللى ربنا كاتب لية حتة ارض هياخدا وهوة اية اللى عارفة ان الورقة بتاعتة هى اللى تحت ميمكن فوق وهتنزل تانى لما يقلب

السادة الفائزين من الحاضرين اللى قلت حوالى 2500 فى حدود 40 الى 50 فرد فقط

المهم فضلت قاعد لحد مخلصوا ال 899 اسم فائز والحمد لله على كل حال لم اسمع اسمى فيهم

فى انهاية اقدر اقولكم ان القرعة تمت فعلا فى منتهى الشفافية والنزاهة بس هية ان المشكلة ان العدد بس كبير جدا على القرعة عشان كدة الناس بتحس بأمل كبير وبعدين ينطفى مع نهاية القرعة لآنهم فقط فية 899 واحد فائز من حوالى12500 يعنى الباقى لازم هيكونوا فى خانة الخاسرين او اللى لم يوفقوا فى القرعة لذلك مع امنياتى ودعائى للجميع بالتوفيق فى المناطق التالية ان شاء الله

هذا كل ما لدى والى اللقاء فى القرعة الجاية ههههههههههههه

[vipwithyou]

قدر الله وما شاء فعل

أشكرك أستاذ mohosaka على امدادنا بتلك المعلومات القيمة ويا سيدى تتعوض باذن الله فى قرعة تانية اللى ليك نصيب فيه هتاخدة هتاخدة لو ايه حصل

علمت أن رزقى لن يأخذة غيرى فاطمئن قلبى

شكرا لك

أخوك تامر السيد

تم تعديل 14 نوفمبر 2007 بواسطة vipwithyou

[alantonecam]

الاخ الكريم /mohosaka

نشكرك على شرحك الوافى على ما حدث اليوم فى القرعة ولى سؤال محدش قال الناس الى مرحتش تعرف الزاى انها رست عليها ام لا

[alantonecam]

mohosaka

مش ممكن ترد عليا لو سمحت

متعرفش الواحد يعرف ازاى

[mohosaka]

أة على فكرة نسيت اقول ان النتيجة هتكون على موقع بنك التعمير ةالاسكان بكرةالظهر ودة اللى قالة المعلن بعد نهاية القرعة وكمان اللى لم يوفق سيتم ارسال الشيك الخاص بمبلغ الحجز على عنوانة فى استمارة الحجز ودة بعد نهاية القرعة على حميع المن الجديدة يعنى بعد اول ديسمبر والله أعلم