اخر اخبار قرعة الاراضى

[wansawansa]

بسم الله الرحمن الرحيم

الأخ vipwithyou

لحد دلوقتي محدش يعرف نتيجة القرعة حتنزل في موقع بنك التعمير و الإسكان إمتى بالضبط لكن إحنا ممكن نتابع مؤقتا الموقع :

http://www.hdb-egy.com

وعموما إنت مهما تدور في جوجل أو ياهو مش حتلاقي حاجة خالص و متنسساش إن القرعة لسة بقالها يوم واحد بس فلازم نستنى كام يوم كده على الأمور ماتتضح و بالمناسبة إنت يومك إمتى إن شاء الله ؟؟؟

وأنا لو مكانك كنت ححضر طبعا بدل ما أستنى النتيجة و أدعبس عليها و في نفس الوقت علشان تحط الورقة بتاعتك بنفسك وتطمن إن إسمك موجود في الصندوق الزجاجي و يطمن قلبك بإذن الله

و لو في أي معلومات جديدة حنزلها أول بأول و البركة في الشباب اللي موجودة في المنتدى الهايل ده

[wansawansa]

الأخ mohosaka

شرحك أكتر من رائع و روحك رياضية و قل لن يصيبنا إلا ما كتب الله لنا

الحمد لله على كل حال و كده خير إنك مخدتهاش

وخيرها في غيرها

وفقك الله

[زهرة الجبل]

الأخ mohosaka

جزاك الله خيراً للتوضيح وربنا يرزقك بخير منها إن شاء الله

شكراً

تم تعديل 15 نوفمبر 2007 بواسطة زهرة الجبل

[moaz]

السلام عليكم جميعاً ورحمة الله وبركاته

نشكر الأخ mohosaka على شرحه ونتمنى له التوفيق في غيرها إن شاء الله .

لكن سؤالي الأخ قال اللى بيروح بيضعوا ورقته في الصندوق ولازم نروح علشان نتأكد من ذلك . طيب إذا لم نذهب مثلاً هل الورقة لم توضع ؟ وكيف إذا ذهبنا توضع ؟ وهل بهذا الشكل توضع مرتين ؟

ياريت الأخ يفهمنا أو أي أحد فاهم هذا الإجراء الذي يقومون به

شكلها كده لابد من الحضور ..

بانتظار ردودكم

[زهرة الجبل]

سؤال يا جماعه من فضلكم

التقديم كان على قطعه في العمرانيه التانيه

0 أراضي مرحله رابعه

هل كلمة أراضي مرحله رابعه دي هي المنطقه الرابعه يعني ولا ايه؟

لأن الجدول المعلن عنه بالموقع بيقول المناطق 1 و 3 كانت أمس

و المناطق 2 و 3 و 4 السحب عليها اليوم

طيب أرض بالعمرانيه التانيه من أراضي المرحله الرابعه تبقى تابعه لأي يوم؟؟؟

يعني القرعه التي تضمنا كانت في سحب أمس؟ ولا لسه إنهرضه؟

حد يعرفني لأن الأخ اللي قدم لنا بتوكيل مش عارفين نلاقيه فين دلوقت

ومعندناش معلومه ومنتظرين النتيجه لما تعلن عالموقع

شكراً

[moaz]

الأخت زهرة الجبل

بعد السلام عليكم

أعتقد أن كلمة مرحلة رابعة يقصدوا بها رقم القرعة بأنها القرعة الرابعة لكن القطعة تسمى بالمنطقة فيقولون المنطقة واحد أو اثنين وهكذا .

لابد تكوني عارفة في أي منطقة حجزت . أسأل الله لي ولك التوفيق . وعلى فكرة أنا كمان مصري مقيم بالكويت وقدمنا أيضاً من خلال توكيل .

وفقنا الله وإياك .

تم تعديل 15 نوفمبر 2007 بواسطة moaz

[زهرة الجبل]

أخي الكريم moaz

شكراً جزيلاً وجزاك الله خير

ربنا يكرمك ويكرمنا ولو لنا بها خير يجعل لنا بها نصيب

و إن لم يكن لنا بها الخير فيبعدها عنا ويبعدنا عنها إن شاء الله

على كلامك ليس أمامنا بإذن الله سوى إنتظار إعلان أسماء الفائزين بالموقع

تمنياتي لك بالخير والتوفيق

وشكراً

[vipwithyou]

والله يا جماعة انا من غير ما أحبطكوا يعنى بس نسبة الأمل عندى ضعيفة جدا ويمكن دة يريحنى شوية علشان ما أتعقدش انها هتيجى

حتى اذا كانت القرعة نزيهه ودا اللى نتمناه طبعا وواضح انها كدة فعلا على كلام الأستاذ mohosaka بس علشان ما نزعلش بعد كدة لا قدر الله

حاولوا تتجاهلوا الموضوع رغم انه أهم موضوع فى حياتنا جميعا وهو الاستقرار

والله الواحد نفسة يعيش فى مصر بس يكون عندة بيت كويس وشغل كويس وخلاص

لكن للأسف مفيش حاجة حتى الآن تشجع على كدة وربنا يستر

تم تعديل 15 نوفمبر 2007 بواسطة vipwithyou

[زهرة الجبل]

نتيجة اليوم الأول هنا يا جماعه

نتيجة الأقتراع لليوم الأول 14_11 هنا

ألف مبروك للفائزين و عقبالنا بكره يا رب

واللي فاز يفرحنا معاه واللي ملوش نصيب ربنا يرزقه في غيرها

دعواتكم بقى

تحياتي

أم كريم

[ali m]

ان شاء اللة ربنا يكرم المقميين بالخارج قبل منى حتى يكون لهم مكان خاص بهم ورجاء ممن ذهب اليوم يوافينا بالاخبار اول باول

[wansawansa]

شكرا زهرة الجيل

[wansawansa]

الأخت زهرة الجيل حضرتك متأكدة إن دي نتيجة قرعة إمبارح ؟؟؟؟

أصلها ممكن تكون نتيجة القرعة اللي فاتت

هي موجودة فين في خدمات إلكترونية ؟؟؟

[زهرة الجبل]

والله ما عارفه يا أخ وانسا

انا كنت فاتحه الصفحه ولقيتها فجأه بتحمل تاني وطلع لي الجدول اللي حضرتك شفته ده

بس هتلاقي عندك أخر الصفحه تحت خالص كلمة (( تم تحديث الصفحه بتاريخ 14-11)) يعني معلوماتها حديثه

والله أعلم

ولو حد عنده معلومه مختلفه ينورنا يا جماعه الله يكرمكم

تم تعديل 15 نوفمبر 2007 بواسطة زهرة الجبل

[ali m]

اختى زهرة الجبل واضح ان فية لخبطة فى الموضوع عندك القرعة الحالية هى قرعة المرحلة الرابعة وهى مقسمة الى خمس مناطق لمدينة اكتوبر امس كانت قرعة منطقة واحد ومنطقة 3 واليوم انشاء اللة قرعة منطقة اثنان - اربعة ----خمسة

مع تحاتى على سعد

[زهرة الجبل]

الأخ الفاضل سعد

أشكرك و أنا عارفه انها القرعه الرابعه وان امس كان السحب الأول و نتيجته تعرض اليوم

واليوم السحب التاني ونتيجته تعرض غدا.... علشان كده بقول عقبالنا بكره في النتيجه يعني لان لن نعرف شئ غير بعد أعلان النتيجه على النت

المهم والذي نريد تحديده الآن .... هذا الجدول حديث ؟ أم نتيجه لقرعه قديمه؟

[روح الحياة]

نشكرك أختي زهرة الجبل .. ونشكرك أخي mohosaka على ماقدمتموه لنا من معلومات قيمة وهامة

وجعلتنا أخي نشعر أننا كنا موجودين معك وشاهدنا كل مايحدث ... وأهمس لك بشئ يجب الا تنساه

(عسى أن تكرهوا شيئا وهو خيرلكم)

ويكفينا شرف المحاولة في سبيل تطوير أوضاعنا اقتصاديا . ولاتيأس فقد يعوض الله الجميع خيرا

[طه بدر]

الاخ العزيز mohosaka

بداية اسجل عظيم احترامى لك على حاجتين

اولا على اهتمامك بالرد وتعريف جميع المشاركين بما تم بالتفصييل وبهذه السرعة

وثانيا على نزاهتك فى تقييم الموقف وشهادتك للعاملين به بالعدالة على الرغم من عدم توفيقك فى الفوز

وعلى كل حال تاكد اخى العزيز انت وكل من لم ولن يحالفه الحظ افضل بكثير من غيرك الذى سيسمع فيما بعد بمن فاز ويندم لانه لم يحاول او يتقدم

فعلى الاقل انت حاولت

ولكنها فى النهاية قرعة ولن يفوز الجميع

hard luck وبالتوفيق فى المرات القادمة

او ان يتحقق فعلا بعض ما وعد به المسئولين لتوفير الاراضى باسلوب افضل بدلا من هذا الاسلوب

ومرة اخرى اقول للجميع عسى ان تكرهوا شئ وهو خيرا لكم

تم تعديل 15 نوفمبر 2007 بواسطة طه بدر

[nana]

نتيجه القرعه نعرفها منين :rolleyes:

[nana]

نتيجه القرعه نعرفها منين :rolleyes:

لوحد عارف ياريت ياجماعه يقولنا :blink:

[vipwithyou]

الأخت زهرة الجبل أعتقد ان النتيجة اللى حضرتك وضعتى اللينك بتاعها دى لقرعة قديمة

حيث أن القطع التى كانت مطروحة بياناتها تختلف تماما عن اللى فى النتيجة

وشكرا

توضيح فقط

وربنا يوفقك يا ستى ويكرمنا جميعا