الانتحار أم الحياة في مصر ؟

[فولان بن علان]

لا أعتقد أن الأخ الفاضل شاوشنك يقصد دعوة للانتحار

ولكن ما تصورته أنه يتحدث عن الوضع في مصر حاليا

هل وصل لدرجة من السوء تجعل المصريين على استعداد لفعل أي شئ لتغييره

وليس الانتحار بمعنى قتل النفس ولكن قد تكون الهجرة انتحار وقد تكون المواجهة مع النظام انتحار

الذين يتحدثون عن المقارنة بين الأوضاع حاليا والأوضاع المعيشية فيما سبق

يغفلون عامل الزمن وتطور الحياة والظروف المقارنة في بقية دول العالم

فما كان رفاهية أصبح ضرورة وما لم يكن قد اخترع أصبح لا يمكن الاستغناء عنه

المقارنة بين الحاضر والماضي تعطي صورة مغبشة وإلا فالذين كانوا يعيشون في الخيام كانوا سعداء

[رمضان]

لو كان من الموت بد فلا تمت جبانا

وطبعا قصدي واضح

[د. السيد عمر سليم]

يا سيد أبو محمد. من أين جئت بالتالى:

"شايفك زعلان قوى من اللى بيحاول يقول إن الانتحار ليس أفضل من الحياة فى مصر .. وده معناه إنك متحمس لفكرة الانتحار .. مش تبقى غريبة شوية إنك لسه بتكتب لحد دلوقت بالرغم من هذا الحماس للفكرة ؟ .."

لإنى لا ولم ولن أوافق على الإنتحار ، ناهيك عن التحريض عليه. كل ما ضايقنى فى كلام Amenemhet هو ترديده لكلام أقطاب النظام الفاسد ، من أمثال د. أحمد نظيف وأنس الفقى وغيرهم ، الذى تبثه الفضائيات المصرية ليل نهار تحت شعار "شفتوا مصر اتقدمت ازاى" و "مصر بتتقدم بكل واحد فينا ".

مصر اتقدمت؟ لا يا أعزائى . . مصر اتبهدلت . . والحالة اتنيلت lmo:

مش انتم وحدكم اللى كافحتم وجعتم وشقيتم وكأن ماحدش تانى عمل زيكم. لا وألف لا.

وبعدين يا Amenemhet يا عزيزى ليه بتفترى عليه بقولك:

"يا جماعة ما تصدقوش الناس اللى بتسد الدنيا فى وشكوا ..... الناس اللى بتكفركم دى محدش عارف هما مين وعايزين ايه ....... يا دكتور ...... يا اخى ارجوك ..... حاسب على نفسك ...... اللى جواه نار بتحرقه وبتدمر حياته ...... راعى ربنا ...... حافظ على نفسك وعلى مستقبلك ومستقبل اسرتك ...... ربنا حيحاسبنى على اللى انا كتبته وحيحاسبك على اللى كتبته ...... ارجوك راعى ربنا ...... اللى بنعمله مع الناس بيتردلنا فى عيالنا ...... حاسب."

طيب يا أخى قلنا اسمك الحقيقى إيه قبل ما تقول محدش عارف أنا مين. والحمد لله أنا باكتب بكل شفافية وبإسمى الحقيقى وسيرتى الذاتية فى كل مكان ولعلمك لا أنتمى لأى فكر أو جماعة أو حزب وإذا كنت مش مصدق إسأل أصحابك بتوع جريدة النظام ، أقصد الأهرام ، وهم حا يقولوا لك إنى "مستقل". وأنا لا أكفر أحدا يا سيدى الفاضل لأنى لست عالم دين أو مفتى أوشيخ الأزهر ولا حتى داعية.

أما عن تهديدى بالمحافظة "على نفسى وعلى مستقبلى ومستقبل أسرتى" فهذا لا يغير فى نفسى شيئا لإنها ليست المرة الأولى التى يصلنى فيها هذا التهديد أو التحذير - إننى لن أتوانى لحظة عن التنديد بنظام الفساد وعن مساندة شعب مصر المقهور المطحون المريض طالما عشت أما عن حياتى ومستقبلى ومستقبل أسرتى فهى فى يد الخالق وحده.

وأخيرا ، وحيث أنى إتهمت بالتحريض فسوف أبدأه الآن حتى لا تصبح تهمتكم باطلة. والله لو كنت مكان البعض الذين انتحروا نتيجة ظلم وقهر شديدين تعرضوا له لما تركت الإكتئاب يتملكنى ولما انتحرت ولكن كنت طلعت همى فى اللى كان السبب بأى طريقة تتيسر لى- وطبعا كنت فعلت ذلك فقط بعد أن عملت كل ما يمكن عمله من رفع الظلم والقهر بالطرق السلمية.

[se_ Elsyed]

يا د / السيد عمر سليم

أنا ملاحظ إن حضرتك كررت في عدة مواضيع مسألة الكتابة بإستخدام الإسم الحقيقي .. وبالتالي جعلتها ميزة لك وعيب للاخرين .. بالرغم من إن ما تأخذنيش يعني حضرتك لست بالدكتور زويل او الدكتور احمد شفيق مثلاً اللي مجرد ذكر أسماءهم بيكونوا معروفين للجميع ...

ومع ذلك فلك كل الإحترام . ومتشكرين على إستخدامك لإسمك الحقيقي في الكتابة

ولكن هل في حد مننا طلب من حضرتك صورة البطاقة أو إثبات إنك إنت هو د / السيد عمر سليم ؟

يا عزيزي الدكتور نحن مجرد حروف تتحاور لمصلحة هذا الوطن ... وبالتالي لا تهم مسألة الأسماء ..

انا عن نفسي يا فرحتي احاور واحد إسمه جميل وكمان يذكره ثلاثي او يذكر لقب قبيلته أو عائلتة التي يرجع أصولها إلى القرن السابع قبل الميلاد ولكن بالرغم من ذلك كل حروفه جوفاء وأفكاره فقيرة ؟

يا سيدي الفاضل .. جميعنا أرتضينا بلعبة الأسماء المستعارة في عالم الإنترنت

ولا توجد هناك ميزة لمن يذكر إسمه .. وكل ما يعنينا هو أفكاره ....

فياريت حضرتك تهدأ من حروفك شويه عشان نقدر نتواصل ...

ولك جزيل الشكر .

[somebody]

بالنسبة للانتحارمحرم في جميع الشرائع السماوية لأنه يعتبر قتل نفس

بغير حق وده من رحمة ربنا علينا

-----------------------------

وبعدين الاسلام علمنا الصبر

--------------------------------------------

وبعدين انتحار ليه امال فين دعاء سيدنا يونس(فلولا أنه كان من المسبحين للبث في بطنه إلى يوم يبعثون)

الدعاء ده لا يقوله مكروب الا تحول همه الى فرح والكلام ده أكيييييييييييييييييد ميه بالميه

----------------------------------------------

تم تعديل 1 سبتمبر 2007 بواسطة somebody

[somebody]

(قد من الله علينا إنه من يتق ويصبر فإن الله لا يضيع أجر المحسنين)

سورة يوسف

[عبده بيه]

انا شخصيا لا احبذ الكلامبهذه الصورة الفقيرة والقليلة من الخبرة والايمان بالله

تحياتي

[عصام أبوالفتح]

انا طبعا اعطيت صوتى للخيار الثانى

لكن خطر على بالى شئ مهم لما استكملت قراءة الموضوع

اذا كان الانتحار هو إنهاء اختيارى للحياة

فاليأس من الحياة فى مصر = ( انتحار مجازى من الحياة بمصر - وهو حلال )

وتكون هذه الاشكال غربة سفر هجرة بمثابة انهاء اختيارى للحياة بمصر

اذا الانتحار المجازى هنا وهو الرحيل او السفر او الهجرة كان اختيار 10 مليون مصرى

واليأس من الحياة بمصر ليس عيبا فيمن يأس لانه لا يكلف الله نفساً الا وسعها ، والنبى نفسه هاجر من مكة للمدينة لتيسيرهدفه

فهمتوا قصدى ولا لأ ؟

والكلام ده سنة انسانية .. المكان اللى مش عاجبك متعيش فيه .. المشكلة اننا بنحن لمصر واهلنا لاننا لم نمت بالفعل ويمكننا العودة لنراهم ونسلم عليهم ونسترجع اغلى ذكرياتنا هناك

والمشكلة الاخرى هى تعامل المصريين المقيمين بمصر مع هؤلاء المسافرين ( المنتحرين مجازاً )

المهاجر بيعامل بكل امانة فى مصر معاملة اللى الله يرحمه وكذلك الذى سافر وطال سفره ، اجد علامات عدم التصديق وكأن البعض رأى شبحاً امامة ، والكلمة المألوفة عند العودة لمصر هى ايه اللى جابك مانت كنت كويس ، بصرف النظر اين كنت فى الجنة ام فى النار ، انت كنت فى حياة اخرى بالنسبة للمصريين

ويبدو موسم نزول المصريين المغتربين كحفلة للاشباح والبلد بيركبها 10 مليون عفريت :wub:

اظن كلنا بنحس الاحساس ده فى الاجازة فى مصر

اللى عايز اقوله ان مصر صحيح ام الدنيا لكنها مش كل الدنيا ..

الحياة بمصر ليست الجنة وليست هى النار

ولكنها مكان لجنة الاختبار

ويمكنك ان تختار مكانا اخر لتختبر فيه لانك ولد لتختار ..

واختيارك فى النهاية ليس ابدا انتحار

( ألم تكن أرض الله واسعة فتهاجروا فيها .. صدق الله العظيم )

[مونتى]

ليه ياجماعه الاكتئاب ده مصر حلوه واجمل بلد فى الدنيا بس العيب فينا احنا ,,,, احنا مش عارفين ازاى نعيش فيها :wub: انا سافرت كل حته فى مصر من اسكندريه الى اسوان والعريش ومطروح وش هقدر اقول عن مدى حبى لمصر مع اننى مغترب بالسعوديه واعمل مهندس بس نفسى ارجع لمصر وادعو الله ان تتحسن الاوضاع ونرجع كلنا نحب مصر wst::