قادم جديد الى بلاد الغربه

[humanrights]

قدمت مؤخرا من مصر للعمل مهندسا بأحدى الشركات ومقرها بالملز واقيم حاليا وبصفة مؤقته بفندق ،وأرجو من حضراتكم معاونتى بالمعلومات حيث ابحث عن شقة صغيرة / ستوديو (عوائل) بالاحياء القريبة من ذلك (مش مهم اوى) ويا حبذا لو داخل كومباوند واشكركم مقدما ، ولا تعلمون كم خفف عنى ولو بعض الشيء ان اجد منتدى يضم بلدياتى ببلاد الغربه التى اشعر بها بمنتهى الوحشه والوحده ولا أرى حولى الا جمادا واشباحا تلهث

[Amenemhet]

ومقرها بالملز

انا معرفش يطلع ايه البالمز ده ... بس كل اللى اقدر انصحك بيه هو الجرايد وسؤال زملاء العمل ..... ايضا اليك وصله لجريدة الوسيط وتصدر فى بعض البلاد تحت اسم الوسيله .... انا معرفش انت فى اى بلد بس الوسيط بيغطى دول كتيره ... ارجو ان يساعدك ذلك نوعا ما.

http://ewaseet.com/newlook/en/index.php

[Amenemhet]

ملحوظه : احساس الوحشه والغربه بيكون فى ذروته عندما تكون مسافر طازه .... اهدى واصبر .... عدى اول تلات شهور ... وبعد كده الدنيا بتمشى .... ما يبقاش قلبك خفيف يا مان.

[mohamedsamy]

فين الملز دي ؟

[الرويناء]

يا جماعه الخير الاخ على ما ظن يقصد حى الملز فى مدينه الرياض المملكه العربيه السعوديه

والله اعلم

وانا بقول بالاضافه الى الوسيط فى مكاتب عقارات فى الاحياء وايضا البوابين ممكن يكونوا دلليل كويس

انا عن نفسى زوجى كان بيحدد الاحباء اللى بتعجبه ويسأل المكاتب وبعدين يشوف كام بواب وفى منهم مصريين ويسالهم وعثرنا على شقتنا بطريقه البواب وطبعا يفضل الاستعانه بسلاح الدعاءوخاصه دعاء الضاله مفيد جدا

اللهم يا جامع الناس ليوم لا ريب فيه دلنى لضالتى

وبالتوفيق والموضوع ممكن ياخد وقت فلا تياس لان ده موسم

تم تعديل 18 أغسطس 2007 بواسطة الرويناء

[MZohairy]

بالنسبه للكمبوندات ممكن تدور في كمبوندات العقاريه بجوار اسواق العقاريه في حي العليا بيبتدي في بعضها الايجار من 25000 و يصل الى 60000 ريال

حتلاقي هناك حوالي 12 بوابه ل 12 كمبوند

ان شاء الله حتلاقي هناك و ربنا معاك

بالنسبه للشقق احسن حاجه تاخد عربيه و تلف بيها في الحي اللي انت عايز تسكن فيه اكيد حتلاقي اكتر من فرصه