القولون العصبى..

[Cleo]

- ما هى أسباب الإصابة بهذا المرض؟؟

- هل له علاج نهائى أم أنه مزمن؟؟

- ما هى أفضل وسيلة للتغلب على اضطرابات القولون المؤلمة والتى قد تستمر لمدة شهر متواصل؟؟

- ما هى مضاعفاته؟؟

- كيف يمكن الوقاية منه؟؟

لا أراكم الله مكروه...... :? :(

[بنت شعنونة]

على قد معرفتي ها اتكلم

القولون العصبي يصنف مرض نفسي او مصاحب لحالة نفسية غالبا بتكون نرفزة او شدة عصبية واحيانا حزن

بيكون على شكل مغص شديد وحموضة و ممكن قيء واحيانا يصل الى حد العجز عن المشي من شدة الم المعدة...

حلة انك تاخدي بوسكبان او اي مضاد للتقلصات مع كباية شاي دافية او اي حاجا دافية

وشوية والموضوع كله ينتهي

تفاديه

انك ما تزعليش نفسك

وتضربيها طرشة :lol:

سلامات يا فندم

:lol:

[Cleo]

أختى العزيزة الدكتورة أم سمر.... (دعابة.. دعابة... :lol: )

ألف شكر يا جميل على "الكشف المجانى" (عقبال يا رب ما أشوفلك عيادة فى عمارة الإيموبيليا)... :cry:

القولون العصبي يصنف مرض نفسي او مصاحب لحالة نفسية غالبا بتكون نرفزة او شدة عصبية واحيانا حزن 

أحيانا يهاجمنى القولون فى فترات عادية جدا لا فيها حزن ولا دياوله... :?

حلة انك تاخدي بوسكبان او اي مضاد للتقلصات مع كباية شاي

مش عارفة مين فتالى إن كل المشروبات ذات اللون البنى(شاى قهوة نسكافيه كاكاو كولا) بتساعد على حدوث الألم.... :(

تفاديه 

انك ما تزعليش نفسك 

وتضربيها طرشة

إزاى يا شانا بس .. ده على رأى محمد صبحى. العيش و العيشة و اللى عاشينها....

بعدين انت برج القوس و ست العارفين الشعننة و الدم الحامى.... :lol:

سلامات يا فندم 

الله يسلمك يا قمر.... :lol:

[وسام]

سلامتك يا كليو و سلامة كل سكان برج القوس :wink:

[ragab2]

القولون العصبى Irritable colon

ويسمى أيضا

التهاب القولون العصبى أو التشنجى spastic colitis

موجود لدى البعض ذوات القولون الحساس

وجدير بالذكر أن القولون هو الأمعاء الغليظة ويبدأ من الأمعاء الدقيقة التى ينتهى فيها هضم وامتصاص غالبية الغذاء الذى نأكله

والقولون هو قناة طولها حوالى خمسة أقدام وملفوفة على شكل u لامتصاص فائض الماء والأملاح وبقايا الطعام وبه يتكون فيتامين K و B المركب بواسطة البكتريا النافعة

الأعراض

مشكلة القولون أنه يحتوى على كمية كبيرة من نهايات الأعصاب والعقد العصبية التى ترتبط بكثير من الأعضاء فى الجسم والتى تمكنه من تحريك بقايا الطعام بوسطة الحركة المنتظمة له الى خارج الجسم

لذا نلاحظ فى القولون العصبى كثرة التقلصات والانتفاخ والشعور بعدم الارتياح والقلق والأرق ومحاولة البعد عن لقاء الناس والتوتر العصبى وتناوب الامساك والاسهال عند نفس الشخص أو اصابة شخص بالامساك constipation

وغيره بالاسهال diarrhea والشعور بالاجهاد وسرعة التأثر بالحرارة والبرودة

والوقاية

تتركز فى الابتعاد عن مهيجات القولون مثل مضغ الطعام جيدا والاقلال من الوجبات المحتوية على الدهون والألبان واستبدالها بالزبادى الذى يحتوى على ميكروبات نافعة تصنع انزيم اللاكتيز الذى يهضم سكر لاكتوز اللبن ومنتجات اللبن كما يجب الاقلال من الشيكولاته والمنبهات والامتناع عن الكحوليات

كما يجب الاكثار من الطعام المحتوى على الألياف مثل الخضراوات والفواكه الطازجة التى تساعد على انتظام حركة القولون والقضاء على الامساك

كما يجب الاقلال من كمية الوجبات حتى يعطى فرصة لهضم الطعام بالكامل دون مروره فى القولون بنصف هضم فيحدث له التخمر والتعفن ويزيد من تهيج القولون كما يجب الابتعاد عن أسباب الضغط والتوتر العصبى

والعلاج

عبارة عن أدوية تساعد على الهضم لتخليص القولون من أى طعام غير مهضوم جيدا وأخرى مهدئة للعصب الحائر أو مهدئة للتقلصات لتهدئة أعصاب القولون ويوجد منها الآن والحمد لله مهدئات خالية من التأثيرات الجانبية مثل جغاف الحلق والامساك

مع ضرورة زيارة الطبيب المختص لتحديد الأدوية والجرعة المناسبة

وألف سلامة

[disappointed]

العزيزه كليو

سأكون مختصرا وعمليّا فى الرد

القولون العصبى خلل وظيفى وليس خلل عضوى , وبناءا على ذلك فيه خبرين لسيادتك : واحد كويّس والتانى وحش

الخبر الكويّس ان مضاعفاته قليله بل شبه معدومه ولايخرج الأمر عن التعب والألم والانتفاخ ونوبات الامساك التى يعقبها اسهال واحتباس فى الغازات وباقى الأعراض الأخرى التى تعرفينها (يعنى من الآخر كده مافيش داعى للخوف من نشوء أورام أو أمراض خطيره كمضاعفات للقولون العصبى)

الخبر الوحش بقى انه مالوش علاج نهائى وحاسم لأنه خلل وظيفى ويعتبر من أحد طبائع الجسم (زى مثلا لمّا تقولى فلان عصبى أو سوداوى أو مرح....الخ الخ....دى طبيعه ومش حتتغيّر لكن ممكن محاولة السيطرة عليها لتقليلها وليس للتخلّص النهائى منها)

ولذلك العلاح هو :

=نظام غذائى : بتجنّب جميع البقوليّات(خاصة اللوبيا والفاصوليا البيضاء والفول السودانى والفول الحراتى...الخ الخ الخ) والبصل والثوم والكرنب والمسبّكات والطماطم والصلصات والجوافه ومنتجات الألبان والزبادى والبسطرمه.....وبالنسبه للفول المدمّس اذا كنت من الذين لايستطيعون مقاومة سحره وجاذبيته فينصح بأكل الفول المقشور المضروب فى الخلاّط.....كما ينصح بأكل الخبز البلدى (أبو ردّه)

=علاج طبّى : وأفضل مايمكنك استخدامه عند حدوث نوبة تهيّج القولون هو

Duspatalin 135 mg tab

قرص ثلاث مرّات يوميّا(قبل الأكل بربع ساعه)

Flatidyl tab

مضغ قرصين أو ثلاثه بعد الوجبه الرئيسيّه

Dogmatil tab

قرص مرّتين يوميّا

Librax tab

قرص قبل النوم

مع تجنّب الامساك قدر المستطاع بتناول 15 مللى كل ليله من

Duphalac or Ezilax liquid

مع ملاحظة البعد عن التوتّر العصبى والمشاحنات والتفكير المستمر فى المسائل العويصه

والأهم من ذلك : يجب أن تصلى الى قناعة أنك بامكانك السيطرة على المرض وتقليل نوبات تهيّج القولون ولكن عليك أيضا أن تعى أنك لن تشفى من هذه الحالة نهائيّا حتى تستطيعى التعايش معها وتتجنّبى الاحباط كلّما أصابتك نوبة تهيّج قولونى

[Cleo]

ألف شكر لكل من ساهم بعلمه و معلوماته و تمنياته...

ربنا يسلمكم جميعا :) :) :)

[Cleo]

هل صحيح أن اللبن الرايب مفيد لمشاكل القولون فى حين أن اللبن العادى يتعب القولون؟؟؟ et:(

[kfaya]

كنتوا مخبيين الموضوع ده فين ؟؟؟؟؟ ايوه كدا يا كليو كل شوية ادخلى الصندرة و دعبسى و ها تيلنا الحاجات دى ...

أنا بقى متهيئلى أنى اتولدت عندى قولون عصبى ... يعنى ما كانش لازم يرضعونى لبن ....

كل الأدوبة اللى أشار اليها الدكتور محبط و غيرها العشرات تمت تجربتها بواسطة العبد لله ..

خلاصة عصارة تجربتى :

البعد تماما عنى الألبان بجميع اشكالها حتى الرايب و الزبادى و طبعا الحليب

التدخين عدو فظيع لمرضى القولون العصبى

الأعتدال فى الأكل ... على فكرة حتى بين مرضى القولون العصبى تختلف تأثير نوعيات الأكل طبقا للشخص نفسه ... يعنى كل واحد يقدر يقرر بالظبط ايه اللى بيتعبه و يبتعد عنه

البعد عن التوتر .... مقولة سهلة النطق صعبة التنفيذ ... لكن شدة الأيمان بالله و التقرب اليه سبحانه و تعالى يدخل السكينة و الطمأنينه فى كثير من الحالات و المواقف ...... ( ليلة امتحان الثانوية العامة ما جاليش نموم طول الليل و رحت الأمتحان مش قادر افتح عينى )

عموما كل ما نتقدم فى العمر ... تقل اعراض القولون العصبى ... بنرضى بقى بالمقسوم .. و نعقد شوية معاهدات و تصالحات مع الدنيا ..

[yasovinas]

كليو clwn:

اقول لك على الوصفة اللي هي

تقعدي في الفراندا بعد الظهر وشوب عصير فرش tea))(:

وجنبك الكاست واسمعي شريط محمد منير الاخير

وبعدها ادعي لخوكي ياسوفيناس :angry:

[ragab2]

هل صحيح أن اللبن الرايب مفيد لمشاكل القولون فى حين أن اللبن العادى يتعب القولون؟؟؟

طبعا

اللبن الرايب والزبادى منزوع الدسم أسهل فى الهضم من اللبن العادى

ويختلف سرعة الهضم من شخص لآخر

ويتميز الزبادى واللبن الرايب بوجود بكتريا نافعة تصنع اللاكتيز الذى يهضم اللاكتوز وهو سكر اللبن كما ذكرنا آنفا

وللعلم كثير من الناس يعانى من قلة افراز هذا الإنزيم المهم لهضم سكر اللبن لذا يعانى من الانتفاخ وسوء الهضم بعد تناول اللبن العادى

ولذا

فى رأيى الشخصى أنه لا ضرر لمرضى القولون العصبى من تناول الزبادى واللبن الرايب بشرط نزع الطبقة الدهنية التى تتكون أعلى الزبادى والأمر متروك للشخص نفسه لموازنة حالته

[SilverSwan]

فعلا موضوع مهم جدا,,,

انا واحده من مرضى القولون العصبي و بعاني منه فعلا لدرجة اني اوقات مش بقدر فعلا اقف و امشي .. :angry: الحمد لله على كل شئ

طيب نتجنب ال ...

جميع البقوليّات(خاصة اللوبيا والفاصوليا البيضاء والفول السودانى والفول الحراتى...الخ الخ الخ) والبصل والثوم والكرنب والمسبّكات والطماطم والصلصات والجوافه ومنتجات الألبان والزبادى والبسطرمه

سهله و بسيطه و مافيش اي مشاكل انا مش باكل معظم الحاجات دي طبيعي بس النتيجه الحتميه لاصابه بالانيميا المزمنه..

منين هنجيب حديد للجسم ؟؟ انا اي حاجه فيها حديد بتتعبني

زي السبانح و الخبيزه و الباذنجان و الخرشوف و القرنبيط كمان و حاجات كتير تانيه حتى البسله اللي بحبها برضه بتتعبني و في بعض الاحيان الملوخيه cbyb:

وفعلا زي ما قال كفايه .. الاطعمه اللي بتتعب شخص ممكن ما تتعبش شخص اخر ..و كمان مش كل الاوقات نفس الطعام بيتعب نفس الشخص .. يعني مثلا لومتدايقه واكلت باذنجان .. بتعب و لو مش متدايقه و اكلته مش بتعب .. كله حسب الحاله النفسيه ...

اما البعد عن النرفزه ..فده شبه مستحيل .. انا ممكن اكون زي الفل و يجيلي تليفون شغل ما يزيدش عن 4 دقايق مااقدرش بعده اتحرك من شدة الالم ..

واخيرا انا جربت ادويه كتيره و افضل النتايج جاتلي مع ال Librax .. و ليه عليه مفعول سريع ..ولكني بتحمل على اد ما اقدر علشان ما اخدوش الا اكون فعلا مش قادره اتحمل الألم وفاضلي شعره و اعيط .. اصلي لو اخدت الدوا كل ما القولون هيوجني هتجيلي قرحه من كتر الادويه ..

السؤال باه اللي دايما بفكر فيه .. يا ترى في اثار سلبيه لتأخيري اخد المسكن ؟؟ يعني هل يفضل اخده لما احس بالالم ولا اصبر شويه و لا اصبر كتير زي ما بعمل؟؟

والحمد لله على كل شئ