اريد المساعدة من الاخوة الافاضل ---- اريد العودة لمصر

[mohamed speedo]

بسم الله الرحمن الرحيم

احب اولا ان اشكر هذا المنتدى والذى يعتبر فيه ميزة رائعة وهى المواصلة بين المصريين فى كل مكان بالعالم

لن اطيل عليكم حيث اننى بالفعل اريد المساعدة الضرورية منكم

بداية احب ان اعرفكم بنفسى :

المهندس / محمد

لقد جئت الى السعودية من عام تقريبا ووجدت شىء غريب وهو ان الكفيل اتفق معى على شىء فى مصر وعندما اتيت الى هنا اتفق معى على شىء اخر او بمعنى اصح يريد ان يجعلنى امضى على عقد تانى تماما بمميزات اقل

وعموما انا شفت ان العمال هنا مش بتقبض من 9 شهور تقريبا

وقعدت اشتغل معاه لمدة 3 شهور ولما اقبض ويحال ان يجعلنى امضى على العقد الجديد ولم امضى

والحمد لله ان كان معايا فلوس من مصر ولم استلف من اى شخص

وعموما بعد مرور 3 شهور واكتشفت اننى فى المكان الخطا وليس كما وصفه له فى مصر سواء من ناحية المؤسسة او من ناحية وضعى الوظيفى قررت ان ابتعد عنه ( اتركه ) واذهب اعمل فى مكان اخر على لارغم انى عرفت ان هذا مخالف هنا

ولكن هذا ما حدث

وبالفعل لم اجد عمل بسهولة ولكن الحمد لله ربنا وقف معايا وساعدنى

واشتغلت فى حدود 5 شهور وغطيت مصاريفى التى تحملتها للقدوم الى السعودية

وعرفت ان كفيلى بلغ عنى هروب

ومشكلتى الان هى :

الاقامة قربت تنتهى واريد العودة الى مصر

لا اريد ان اكسر الاقامة او اجلس المزيد من الوقت هنا

الحمد لله انا انسان قنوع ومش عاوز المزيد

مع العلم ان الاقامة سارية ولم اكسرها او اتجاوز مدتها واريد العودة خلال هذا الاسبوع لان الاقامة سوف تنتهى الاسبوع القادم وانا واثق ان ربنا سوف يعوضنى خيرا والحمد لله انى اتعلمت واكتسبت خبرة من هذه السفرية

اريد ان اسافر الى مصر فما هو العمل والحل ؟؟؟؟ هل اذهب الى السفارة المصرية ؟؟؟ وهل سوف تساعدنى ام سوف تسلمنى الى كفيلى مرة اخرى او الى الشرطة او الجوازات

اتمنى من الاخوة ان يفيدونى فى هذا الموضوع واريد ان اعرف الاجراءات وما سوف يحصل معى وهل سوف يتم سجنى او يتم اهانتى

انا خايف وقلقان ومش عارف انام

وعاوز ارجع بلدى سالما

اريد الرد هنا فى المنتدى او البريد الخاص او البريد الالكترونى : mohamed_m22@yahoo.com

ولكم جزيل الشكر

[se_ Elsyed]

إنت غلطت يا أخي الكريم وضيعن فرصه كبيرة كانت في إيدك وهي إستغال القانون الجديد اللي بقى له عدة شهور فقط وينص على " في حالة ثبوت عدم تمكن الكفيل من دفع راتب الموظف لمدة 3 شهور متواصلة .. فيحق للعامل التقدم بشكوى لمكتب العمل ويحق له نقل الكفالة بشكل تلقائي دون الرجوع للكفيل "

وبعدين إنت كان في إيدك فرصة أخرى وهي عدم موافقتك على التوقيع على العقد الجديد اللي بشروط أقل ولو كنت أثبت ذلك أيضاً أمام مكتب العمل كان الكفيل إتبهدل وكنت اخدت حقك كامل ,,,

ومعليش يعني بالنسبة للحالات الأخرى اللي بقى لهم 9 شهور لم يستلموا راتب وراضيين وساكتين .. يبقى يستاهلوا أكتر من اللي بيجرى لهم

أما عن الحل .. فهو بسيط ..

روح لشركتك اللي مبلغه عنك .. وجهز 2000 ريال مصاريف إلغاء بلاغ الهروب ... واعطيها لهم مع الإفصاح عن رغبتك بالعودة إلى بلدك بشكل نهائي .. ولكن لما تديلهم المبلغ خليهم يوقعوا بالإستلام ويذكروا إن المبلغ ده مقابل إلغاء بلاغ الهروب وإنهم صدد منحك تأشيرة خروج نهائي ..

مش هايتم سجنك ولا حاجه .... وما تخافش حتى لو كفيلك بلغ الشرطة وقال إن فلان اللي بلغت عنه موجود هنا وتعالوا أقبضوا عليه .. فلن يتحركوا وهايردوا عليه ويقولوا له " هاتو إنت لحد هنا عشان نقبض عليه "

أنا باتكلم جد

كل اللي بينك وبينه دلوقت هو إلغاء بلاغ الهروب .. ومنحك التأشيرة

وامرك لله

[mohamed speedo]

اخى العزيز :

الموضوع ده حصل من 8 شهور تقريبا ومكنش القانون الجديد موجود ساعتها

وكمان الناس اللى مخدوش راتب بقالهم 9 شهور دول عمال وممكن يستحملوا

وانا لم امضى على العقد الجديد

حبيت بس اوضح هذه النقاط

وشكرا

[فولان بن علان]

بغض النظر إنك أخطأت

أنا عندي لك حل تاني

لو كنت وفقت في عملك ووجدت كفيل يوفر لك عمل ترضاه

اقنعه يقوم بالاتصال بالكفيل الأول لترتيب الأمور معاه والتنازل عنك لنقل الكفالة

كلام الكفلاء مع بعض أحيانا يحل المواضيع وخاصة إذا كان الكفيل الجديد يحتاج لك

يمكنك الذهاب للقنصلية المصرية وعرض الموضوع عليهم وإن شاء الله يساعدوك

القنصل الجديد رجل نشيط واعتقد أنهم لن يتأخروا في مساعدتك بما يستطيعونه

[tarek nokia]

نصيحه لك ان تحاول ان تجد عمل اخر بدل من الرجوع الان وانت لم تفعل شيء وحاول مع الكفيل ان تقوم بنقل الكفاله

الوضع في مصر صعب الان وكان الله في عونك