هزيمة ثقيلة للأهلي المصري من الهلال السوداني 3 \صفر

[kokomen]

الآن أنتهت مباراة الأهلي المصري بطل أفريقيا مع الهلال السوداني في السودان

بهزيمة ثقيلة 3 \ صفر وسط ذهول الجماهير المصرية وذهول المدير الفني مانويل جوزيه

وجماهير الزمالك حزينة على هذه الهزيمة .. ونرجوا أن يعيد الأهلى ترتيب أوراقه

ودي حال الكورة يوم لك ويوم عليك ... إنها الساحرة المستديرة

lmo: :wub: art:)

[badroora]

ايه الشماته دى يا كوكومن

ولا انت بترد الجميل اللى عملوا معاك اخوانا السودانيين لما هربت من البلدية هناك

مكنش العشم يا كوكومن الفرحة هتنط من عنيك

[Ahmad Farahat]

ايه الشماته دى يا كوكومن

ولا انت بترد الجميل اللى عملوا معاك اخوانا السودانيين لما هربت من البلدية هناك

مكنش العشم يا كوكومن الفرحة هتنط من عنيك

ليه كده يا نجفة

بتظلمي الراجل ليه

ده حتى حاطط 3 وشوش حزينة

أنا مصدقك يا كوكو

أنتم السابقون

ونحن اللاحقون

[امانى]

بضم صوتى لصوت نجوفه واقول

ليه يا ابو احمد الشماته دى ما صدقت خلص الماتش علشان تنقل الخبر

الا صحيح جمهور الذمالك زعلان زى ما بتقول أمال الفرحة اللى انا ونجفة شيفنها دى جاية منين

عموما العبرة بالنهاية يا ابو احمد ومتفرحش قوى ليقولو الاسكندرانية بيحبو يشمتو اوى وانا اسكندرانيه ذيك

وهو بعض من عندكم هههه

امانى

[kokomen]

الأخت الفاضلة : نجفة هانم الأهلاوية

الأخ الحبيب : أرسين لوبين الأهلاوي

والله مفيش شماته ولا حاجة .. وبعدين الأهلي نادي مصري

لما يلعب بأسم مصر أكيد بنشجعوه وبنحبوه يفوز طبعا .. مش علشان أنا زملكاوي أشمت ليه ؟؟؟؟

لكن دي أحوال الكرة المستديرة الساحرة .. وماشيه على الكل كبير وصغير .. ولا أيه يا جدعان ؟؟

نرجوا أن يستعيد الأهلي عافيته ونتمنى له التوفيق في المباريات القادمة بإذن الله

[kokomen]

بضم صوتى لصوت نجوفه واقول

ليه يا ابو احمد الشماته دى ما صدقت خلص الماتش علشان تنقل الخبر

الا صحيح جمهور الذمالك زعلان زى ما بتقول أمال الفرحة اللى انا ونجفة شيفنها دى جاية منين

عموما العبرة بالنهاية يا ابو احمد ومتفرحش قوى ليقولو الاسكندرانية بيحبو يشمتو اوى وانا اسكندرانيه ذيك

وهو بعض من عندكم هههه

امانى

الأخت العزيزة : أماني

أنتي عارفة أخلاق الأسكندرانية الجدعان .. برده ممكن يشمتو في أي حد

والله مش شماته ولا حاجة وحنشمت ليه في فريق بيمثل مصر كلها وكل الأهلاوية حبيبنا

يعني بعض أولادي أهلاوية يبقى أقدر أشمت فيهم .. مش معقول .. كلنا أسرة مصرية واحدة

صحيح لما يلعب الأهلي ضد الزمالك با أتمنى فوز الزمالك .. لكن الشماته مرفوضه

وبعدين حنشمتوا في مدام أماني الرقيقة الأسكندرانية ... أيوه يا جدعان ... ؟؟؟؟؟

يا أهلاوية ... يا زملكاوية .. أتحدوا ... عايزين الروح الرياضية الأسكندرانية الجميلة

[otaka]

الهلال و لا الاهلى المهم النهائى يكون عربى ان شاء الله و لكن فى مشكله هنا

انا اللى اصابى بالذهول حاجه واحده الاخ عصام الحضرى شاتم لعيبه الهلال فى مصر و كابتن فرقه الهلال طلع قال الكلام ده على التليفزيون البيه بيقولهم يا عبيد و ده اللى شعلل الموقف و صوره الاتوبيس دليل على الرغبه فى رد الاهانه

طبعا الكوره شئ و الشغب شئ اخر و الروح الرياضيه لازم تكون اساس الرياضه شجع اى حد بس فى حدود الادب و لكن الحضرى فعلا لو قال الكلمتين دول لازم يكون فى وقفه معاه قى اوربا اى تعليق عنصرى بيطير فيه رقاب

كان ايه العمل لو واحد من لعيبه الاهلى اتعور و لا مات فى الاتوبيس من تعليق غير مسؤول زى بتاع الحضرى ده

[أبو محمد]

الهلال و لا الاهلى المهم النهائى يكون عربى ان شاء الله و لكن فى مشكله هنا

انا اللى اصابى بالذهول حاجه واحده الاخ عصام الحضرى شاتم لعيبه الهلال فى مصر و كابتن فرقه الهلال طلع قال الكلام ده على التليفزيون البيه بيقولهم يا عبيد و ده اللى شعلل الموقف و صوره الاتوبيس دليل على الرغبه فى رد الاهانه

طبعا الكوره شئ و الشغب شئ اخر و الروح الرياضيه لازم تكون اساس الرياضه شجع اى حد بس فى حدود الادب و لكن الحضرى فعلا لو قال الكلمتين دول لازم يكون فى وقفه معاه قى اوربا اى تعليق عنصرى بيطير فيه رقاب

كان ايه العمل لو واحد من لعيبه الاهلى اتعور و لا مات فى الاتوبيس من تعليق غير مسؤول زى بتاع الحضرى ده

ألف حمد لله على السلامة يا أوتاكا .. فينك يا راجل من زمان .. ياريت ما تطولش الغيبة بالشكل ده

كنت أتمنى أن يصادف رجوعك إلينا يوما أفضل للكرة المصرية .. الناديين اللى بيمثلونا فى بطولات أفريقيا انهزموا النهاردة .. الأهلى من الهلال ، والاسماعيلى من دولفين .. على العموم أرجو أن تكون مجرد كبوة وليست بداية لفترة انحدار بعد تلك الفترة المزدهرة أفريقيا

شاهدت اليوم مباراة الأهلى والهلال .. وساءنى الغل الذى كان يلعب به لاعبو الهلال .. الغل كان ظاهر حتى فى تعبير كابتن الفريق عن فرحته بالفوز أثناء تغييره قرب تهاية المباراة .. وأعتقد أنه هو اللاعب صاحب المشكلة مع الحضرى .. وده بيؤكد إن إدعائه على الحضرى صحيح .. وقد قرأت أن هذا اللاعب مهندس بل وحاصل على ماجستير أو دكتوراه فى تخصصه .. ولاعب بهذه النوعية من المستبعد أن يدعى كذبا .. أما الحضرى فبالرغم من امتيازه كحارس مرمى إلا أن مستواه الثقافى على قده .. ويبدو أنه من النوع اللى النجومية بتسبب لهم مشاكل .. على فكرة هناك لاعبين لم ينالوا حظا كبيرا من التعليم أو الثقافة ولكن لا تزيهم النجومية إلا تواضعا

أنا كنت خايف النهاردة على لاعبى الأهلى أن يحدث لهم ما حدث لأحد منتخباتنا فى ليبيا ..

[شينكاوي]

طبعا اللهم لا شماته وبعدين الهتاف الجديد حبة حبة تاتة تاتة الاهلي شال تلاتة .

اولا هزيمة نادي الفرن هي نتيجة تلقائية لحالة الغرور والفوقية التي اعاشها الاعلام الاهلاوي الاحمر لجماهير النادي الاهلي ولجماهير مصر بصفة عامة

طبعا انا احترم جماهير النادي الاهلي العاقلة التي ادركت منذ مدة طويلة ان فريق الكرة بالنادي الاهلي في حاجة غلط وهذه الاسباب من وجهة نظر زملكاوي ( ما دايما

الاهلوية حاشرين نفسهم في امرو نادي الزمالك فلماذا نحن لا ):-

1- هناك حالة من الغرور تنتاب الادارة وهي نتاج طبيعي للبطولات التي حققها النادي الاهلي في الاعوام الاخيرة ولكن الغير طبيعي هو عدم الاعتراف بالخطا فصفقات الاهلي

الاخيرة من عينة احمد عادل ورضا الويش وحتي اينو ليست علي المستوي المطلوب لنادي يسعي للعالمية بينما فرط الاهلي في صفقتي كريم ذكري ومحمود فتح الله

بغرابة شديدة للزمالك في حين انه يحتاجهم وبشدة نظرا لتواضع مستوي كل مدافعيه بدون استثناء ثم خرج علينا القيعي ليؤكد ان هناك ناشئ بالاهلي احسن من فتح الله

وانا اتساءل اين هو لان السودانيين امس خلوا دفاع الاهلي وكانه دفاع نادي لا يسعي للبطولة بل للخروج باقل عدد من الاهداف.

2- اهلنة مصر والتي ادخلت في نفوس لاعبي الاهلي قبل جماهيرهم انهم من المستحيل ان يهزموا- علي الرغم من تواضع مستوي اغلبهم- حتي حينما دكت حصون

الحضري من برشلونة خرج علينا النقاد الرياضيين والجرائد القومية لتؤكد ان الارهاق هو الذي سبب الهزيمة وكأن فوزهم علي البرشا هو الذي من المفترض ان يحدث.

3- نقاد الاحمر ومن علي شاكلتهم لم يقدموا المطلوب منهم في نقد فريقهم بل تفرغوا لتقطيع نادي الزمالك ولاعبيه وادارته والاتجاه الجديد هو الان الهجوم علي السيد

الكومي لانه بدا يظهر للاسماعيلي صوت ينافس ويهاجم خطف الاهلي للاعبيه.

4- لماذا حينما يقع ابوتريكة ارضا يخسر الاهلي بالثلاثة فعلها في مباراة الاسماعيلي وشال الاهلي ثلاثة وفعلها امس وشال الاهلي ثلاثة اليست المفارق عجيبة ( يا رب

يعملها في مباراة الزمالك)

طبعا كل من يقرا تحليلي المنطقي - شوفوا الغرور زي علاء صادق ابو العريف- سيقول هذا هو حقد الزملكوية لكن ما كتبته هو يعبر عن راي في المباراة بحياد تام ولم الجأ

الي السخرية مثلما يحدث من الاهلوية عقب كل هزيمة للزمالك وسبحان الله من كام شهر بهدلوا النادي المسكين الزمالك لان انهزم 2 من الهلال واليوم يشيلوا هما 3

ولنري ما الذي سيفعله الاعلام الاحمر هل سيواجه الموقف برجولة ويقدم نقد بناء للاهلي ام سنسمع ان الاهلي هزم بسبب الارهاق والارهاب السوداني ووقوع ابوتريكة

هذه مبررات الفشل يا سادة.

واخيرا حبة حبة تاته تاته الاهلي شال تلاته

[se_ Elsyed]

الهلال و لا الاهلى المهم النهائى يكون عربى ان شاء الله و لكن فى مشكله هنا

انا اللى اصابى بالذهول حاجه واحده الاخ عصام الحضرى شاتم لعيبه الهلال فى مصر و كابتن فرقه الهلال طلع قال الكلام ده على التليفزيون البيه بيقولهم يا عبيد و ده اللى شعلل الموقف و صوره الاتوبيس دليل على الرغبه فى رد الاهانه

طبعا الكوره شئ و الشغب شئ اخر و الروح الرياضيه لازم تكون اساس الرياضه شجع اى حد بس فى حدود الادب و لكن الحضرى فعلا لو قال الكلمتين دول لازم يكون فى وقفه معاه قى اوربا اى تعليق عنصرى بيطير فيه رقاب

كان ايه العمل لو واحد من لعيبه الاهلى اتعور و لا مات فى الاتوبيس من تعليق غير مسؤول زى بتاع الحضرى ده

ألف حمد لله على السلامة يا أوتاكا .. فينك يا راجل من زمان .. ياريت ما تطولش الغيبة بالشكل ده

كنت أتمنى أن يصادف رجوعك إلينا يوما أفضل للكرة المصرية .. الناديين اللى بيمثلونا فى بطولات أفريقيا انهزموا النهاردة .. الأهلى من الهلال ، والاسماعيلى من دولفين .. على العموم أرجو أن تكون مجرد كبوة وليست بداية لفترة انحدار بعد تلك الفترة المزدهرة أفريقيا

شاهدت اليوم مباراة الأهلى والهلال .. وساءنى الغل الذى كان يلعب به لاعبو الهلال .. الغل كان ظاهر حتى فى تعبير كابتن الفريق عن فرحته بالفوز أثناء تغييره قرب تهاية المباراة .. وأعتقد أنه هو اللاعب صاحب المشكلة مع الحضرى .. وده بيؤكد إن إدعائه على الحضرى صحيح .. وقد قرأت أن هذا اللاعب مهندس بل وحاصل على ماجستير أو دكتوراه فى تخصصه .. ولاعب بهذه النوعية من المستبعد أن يدعى كذبا .. أما الحضرى فبالرغم من امتيازه كحارس مرمى إلا أن مستواه الثقافى على قده .. ويبدو أنه من النوع اللى النجومية بتسبب لهم مشاكل .. على فكرة هناك لاعبين لم ينالوا حظا كبيرا من التعليم أو الثقافة ولكن لا تزيهم النجومية إلا تواضعا

أنا كنت خايف النهاردة على لاعبى الأهلى أن يحدث لهم ما حدث لأحد منتخباتنا فى ليبيا ..

لأمش صحيح يا أبو محمد تأكيدك على إن الحضري قال كده

لإن هناك قاعدة فقهيه تقول " البينة على من ادعى .. واليمين على من انكر "

والحضري طلع في وسائل الإعلام وحلف على المصحف إن هذا لم يحدث مطلقاً ولم يتفوه بمثل هذه العبارات .. وكل ما هنالك إن كان في إحتكاك عادي بينه وبين هيثم مصطفى كراجل بيؤدي دور مهاجم في أثناء المباراة فقط ...

وبعدين لو شاهدت مباراة الهلال في إستاد القاهرة هاتلاحظ إنها كانت " ون سايد جيم " من جانب الأهلي .. ولم تكن هناك هجمات تُذكر للهلال .. يبقى منين الحضري هايقول له " بقى عايزين تغلبونا على أرضنا يا شوية عبيد " ؟

الكلام نقول ماشي ممكن يكون حصل لو الفريق المنافس كانت له هجمات كثيرة على مرمى الاهلي .. لكن هذا لم يحدث ولم يظهر الحضري في الكادر إلا قليلاً جداً ..

أما عن هزيمة الأهلي بالأمس فهي مستحقة لإن الفريق به ثغرات منذ فترة ... ومش هانتحجج بالإرهاق ومش عارف إيه ... لكن اللي لا يذكر موضوع الإرهاق وإستهلاك اللاعبين من ضمن أسباب هبوط المستوى في المباريات الأخيرة يبقى ما بيتكلمش كورة ...

بصوا يا جماعة :

- الأهلي لعب الإثنين الماضي في بورسعيد ... قعدوا يومين في القاهرة يتدربوا وسافروا السودان ... ومن السودان ستة من لاعبي الأهلي وهم القوام الرئيسي للمنتخب سيسافروا النهاردة من بره بره إلى فرنسا للإلتحاق بالمنتخب للعب أمام منتخب ساحل العاج في مباراة ودية بعد غداً ... يرجعوا تاني يوم لو لقوا طيران عشان يستعدوا لمباراة أمام حرس الحدود في القاهرة يوم السبت ...

يعني بورسعيد . السودان .. فرنسا .. القاهرة .... في 10 أيام ؟

هل هذا نظام كرة قدم ... وفي حد في العالم بيحصل له كده ؟

طبعاً هانقول فرق أوروبا ؟

فرق أوروبا المسافة بين بلادها يادوب ممكن يروحوا قبل المباراة بساعات قليلة لسهولة التنقل وبعدين مستحيل تلاقي بطولات تتداخل مع بعضها مهما كانت ... ولازم فترة راحة بين الموسمين ليس فيهما اي نشاط مما يجعل اللاعب يحصل على راحه عقلية وجسدية ...

خلي حد فينا كده يشتغل 3 سنوات متواصلة بدون راحة كافية ويشوف هايحصل له إيه ؟

حتى الراحة اللي أخدها 9 لاعبين في أخر مبارتين أمام الزمالك والإسماعيلي إنضموا خلالها للمنتخب إستعداداً لمباراة موريتانيا .

ألف مبروك للهلال السوداني اللي مستواه إتقدم بشكل ملحوظ وأتمنى أن ينهي البطولة بهذه القوة ..

وهارك لك للأهلي اللي برضوا لما بيتهزم بيظل الأول والحمد لله موضوع التأهل مضمون بإذن الله لإن أخر مباراة هاتبقى في القاهرة أمام اسيك أبيدجان يوم 2/9

وإلى اللقاء في الحديث عن المباراة بشكل أكثر تفصيلاً ..

وكنت هانسى .. هارد لك للإسماعيلي لخروجه خالي الوفاض من كأس الإتحاد بعد هزيمته أمس أمام دولفين النيجيري أضعف فرق في المجموعة .

[رمضان]

موضوع التأهل مضمون بإذن الله لإن أخر مباراة هاتبقى في القاهرة أمام اسيك أبيدجان يوم 2/9

مش بالسهولة اللي انت متوقعها كده يا سي السيد لان اسيك افندي اصبح عنده فرصة كبيرة جدا للتأهل لو كسب الاهلي وطبعا الاخوة في تونس هيسيبوا الماتش للهلال مش حبا في السودان ولكن لكرههم الشديد للاهلي ومش هتفرق معاهم لانهم بره بره وبكده يصعد اسيك والهلال لا قدر الله

[Ahmad Farahat]

الأخت الفاضلة : نجفة هانم الأهلاوية

الأخ الحبيب : أرسين لوبين الأهلاوي

والله مفيش شماته ولا حاجة .. وبعدين الأهلي نادي مصري

لما يلعب بأسم مصر أكيد بنشجعوه وبنحبوه يفوز طبعا .. مش علشان أنا زملكاوي أشمت ليه ؟؟؟؟

لكن دي أحوال الكرة المستديرة الساحرة .. وماشيه على الكل كبير وصغير .. ولا أيه يا جدعان ؟؟

نرجوا أن يستعيد الأهلي عافيته ونتمنى له التوفيق في المباريات القادمة بإذن الله

يا ابني مانا دافعت عنك وقلت انك مظلوم

وإنك مش شمتان ولا حاجة

وان شاء الله الأهلي يرجع أقوى مما كان

إلى اللقاء

[se_ Elsyed]

موضوع التأهل مضمون بإذن الله لإن أخر مباراة هاتبقى في القاهرة أمام اسيك أبيدجان يوم 2/9

مش بالسهولة اللي انت متوقعها كده يا سي السيد لان اسيك افندي اصبح عنده فرصة كبيرة جدا للتأهل لو كسب الاهلي وطبعا الاخوة في تونس هيسيبوا الماتش للهلال مش حبا في السودان ولكن لكرههم الشديد للاهلي ومش هتفرق معاهم لانهم بره بره وبكده يصعد اسيك والهلال لا قدر الله

بص يا رمضان

الهلال تأهل بالرغم من أي نتيجة في المباراة النهائية ومستحيل الترجي يفوت المباراة لإنه بينظر لها على إنها مباريات ثأرية .. وكمان على أرضه وهو فريق بيعيد تكوين نفسه ومحتاج ثقه أحسن يبقى ملطشة في الدوري التونسي القوي لإن معاه فريقين ما بيرحموش وهما الصفاقسي والنجم الساحلي

فالهلال يتصدر المجموعة بتسعة نقاط بفارق الأهداف عن الاهلي وحتى لو إتهزم في تونس والاهلي غلب .. فهايبقى التاني

ولو الأهلي إتغلب والهلال إتغلب برضوا التاني بعد أسيك

ولو الأهلي فاز والهلال إتعادل فهو التاني

ولا اعتقد إن أسيك اللي إحنا غالبينه هايقدر يهزمنا على أرضنا ..

اللي عايز أقوله وخصوصاً للأقلام الزملكاوية اللي دايماً بيتعايقوا بشعر بنت اختهم وشمتانين والفرحة مش سايعاهم ، إن الأهلي بيستطيع أن يجمع قواه في منتهى السهولة .. وهو فريق عارف بيعمل إيه ...

على سبيل المثال .. في نهائي أفريقيا بالعام الماضي الأهلي إتعادل مع الصفاقسي بالقاهرة 1-1 في مباراة الذهاب وساعتها خرجوا وكتبوا مانشت بيقول " الاهلي .. ما بيعرفش " والزملكاوية كانوا موجودين في المدرجات بيشجعوا الصفاقسي وماسكين أعلامه في تقليد جديد إخترعوه هما .... ولكن خذلهم البطل وفاز على الصفاقسي في عقر داره وأستحوذ على الكأس .

انا أفهم الشماتة ممكن تكون لما الأهلي يخرج من البطولة أو يُهزم رايح جاي زي ناس ... أو يسرسب نقاط طول ما هو ماشي ويحصل على نقطتين فقط من 9 مثل ما حدث للإسماعيلي .. ساعاتها نقول البطل وقع ... لكن فريق لسه في الصدارة ولسه بينافس بإسم مصر يبقى الشماتة دي لمصلحة مين ؟

ومع ذلك مالقيتش حد من جماهير الأهلي متشائم أو رمى الفوطه وسلم أو إنقلب على فريقه وهات يا شتيمه .... لإنه جمهور بيفهم كره .. وعارف إن اللعبة اللي إسمها كرة القدم مكسب وخسارة والعبرة في النهاية وده اللي ما بيفهموش كتير ممن يدعون إنهم بيحبوا الكرة

إمبارح كان الأحد 19/8 .. بصوا حصل إيه : الاهلي إتهزم .. والإسماعيلي إتهزم والترجي إتهزم ومانشتسر يونايتد إتهزم وليفربول وليون الفرنسي .... فهل هذه الأندية إنتهت وممكن تودع كرة القدم لمجرد خسارة 3 نقاط أو حتى توديع بطولة ؟

[شينكاوي]

بصوا يا جماعة :

- الأهلي لعب الإثنين الماضي في بورسعيد ... قعدوا يومين في القاهرة يتدربوا وسافروا السودان ... ومن السودان ستة من لاعبي الأهلي وهم القوام الرئيسي للمنتخب سيسافروا النهاردة من بره بره إلى فرنسا للإلتحاق بالمنتخب للعب أمام منتخب ساحل العاج في مباراة ودية بعد غداً ... يرجعوا تاني يوم لو لقوا طيران عشان يستعدوا لمباراة أمام حرس الحدود في القاهرة يوم السبت ...

يعني بورسعيد . السودان .. فرنسا .. القاهرة .... في 10 أيام ؟

هل هذا نظام كرة قدم ... وفي حد في العالم بيحصل له كده ؟

طبعاً هانقول فرق أوروبا ؟

فرق أوروبا المسافة بين بلادها يادوب ممكن يروحوا قبل المباراة بساعات قليلة لسهولة التنقل وبعدين مستحيل تلاقي بطولات تتداخل مع بعضها مهما كانت ... ولازم فترة راحة بين الموسمين ليس فيهما اي نشاط مما يجعل اللاعب يحصل على راحه عقلية وجسدية ...

خلي حد فينا كده يشتغل 3 سنوات متواصلة بدون راحة كافية ويشوف هايحصل له إيه ؟

حتى الراحة اللي أخدها 9 لاعبين في أخر مبارتين أمام الزمالك والإسماعيلي إنضموا خلالها للمنتخب إستعداداً لمباراة موريتانيا .

بص انت يا سي سي هذه هي مبررات الهزيمة يا عزيزي يجب ان تعترف ان الاهلي تعبان ملة ولاعبيه بحاجة لتبديل وعمرة بنفس الوقت .

وهارك لك للأهلي اللي برضوا لما بيتهزم بيظل الأول والحمد لله موضوع التأهل مضمون بإذن الله لإن أخر مباراة هاتبقى في القاهرة أمام اسيك أبيدجان يوم 2/9

اولا هو مش الاول هو تاني المجموعة بفرق الاهداف ايه سي سي هم التلاته اثروا عليك ولا ايه والاهلي ممكن يعملها ويصعد عادي بس ما تنساش ان الاهلي مرة شال اربعة في القاهرة من بتاع انجولا .

وكنت هانسى .. هارد لك للإسماعيلي لخروجه خالي الوفاض من كأس الإتحاد بعد هزيمته أمس أمام دولفين النيجيري أضعف فرق في المجموعة

شفت سيبتوا فضيحة الاهلي ام تلاته وامسكتوا في الغلبان الاسماعيلي اللي اتغلب يا عم خليكوا في الاهلي الاول وبعدين نشوف الغلابة الاسمعلاوية اللي لا تالت العالم ولا هيروحوا اليابان

[se_ Elsyed]

شنكاوي ... إزيك يا راجل .... قلبي عندك والله ... لا هنري نافع ولا معسكر نافع ولا كرول نافع ولا .. إيهاب نافع

ما تاخدش جزء من كلامي يا شنكو على طريقة الأية الكريمة " يا أيها الذين امنوا لا تقربوا الصلاة "

ولو قرأت كويس تاني هاتلاقيني كاتب

فالهلال يتصدر المجموعة بتسعة نقاط بفارق الأهداف عن الاهلي

والأهلي اللي تعبان مُله يا صديقي مازال هو بطل الدوري أخر 3 سنوات وبطل أفريقيا مرتين متتاليتين والثالثة في الطريق بإذن الله وثالث العالم وأقوى هجوم وأقوى دفاع سواء في الدوري او في بطولات أفريقيا التي يخوضها ..

أما عن هزيمته سنة 2001 أمام بترو اتليتكو 4-3 في القاهرة ... فعشان بس أديلك حبوب إنعاش للذاكرة .. الأهلي كان أول مجموعتة والمباراة كانت تحصيل حاصل وبالتالي لم تؤثر لا من بعيد ولا من قريب على ترتيب المجموعة .. وتمكن الاهلي من الفوز بكأس أفرقييا في هذه السنة ..

عشان كده قلت لك العِبرة بالنهايات .... وهاتروح بعيد ليه .. في ماتش معاكم الشهر اللي جاي ... جهز نفسك بقى وأستعد نفساوياً عشان ترجعوا ( تاني )

[رمضان]

الا من الحق هل فعلا الاهلي هيلعب مع الاتحاد السعودي الشهر في اطار كأس السوبر السعودي المصري

[se_ Elsyed]

الا من الحق هل فعلا الاهلي هيلعب مع الاتحاد السعودي الشهر في اطار كأس السوبر السعودي المصري

للاسف العرب صعب جداً أن يجتمعوا على كلمة سواء .. زي ما حصل في مهزلة البطولة العربية اللي هاتتعمل في مصر في نوفمبر القادم يعني بعد شهرين ومعظم الدول إعتذرت .

كذلك لم يتم تحديد مباراة السوبر المصري السعودي حتى الأن

[شينكاوي]

هههههه عم سي سي حبيب شعب المحاورات كله ... هههه ههههه هههه

عشان كده قلت لك العِبرة بالنهايات .... وهاتروح بعيد ليه .. في ماتش معاكم الشهر اللي جاي ... جهز نفسك بقى وأستعد نفساوياً عشان ترجعوا ( تاني )

يا راجل وهتلاعبونا بدول هما هما لا لا دا النحاس ولا الحضري ولا مين يا عم الحاج خليني ساكت بص انا امبارح طول الماتش وانا بضحك علي المسخرة اللي حاصلة ولاني لوني اسمر- عبد - علي رأي الحضري - ههههه كانوا فاكريني سوداني ههههه هههه

بس شوف يا عم سي سي واخونا رمضان -اللي ان شاء الله اقبل عزومته في ماتش الاهلي والزمالك - انتوا امبارح اتروقتوا خالص يا راجل برده مش هما دول الي ما سيبتوش حته الا ما فضتحتوتنا لاننا اتغلبنا اتنين شوفوا انتوا وانتوا تالت هههه العالم شيلتوا تلاته .

وبعدين سيبك من كرول وهنري خليك في جوزية - ابو دراع وابو بنطلون -يا راجل بالله عليك حد ينزل وائل جمعه وهو مغلوب 2 يا راجل حد يركن شوقي علشان حسام عاشور يا راجل حد يلاعب احمد عادل ويسيب اسلام انتوا ماشية معاكم في الدوري بدعوات الوالدين والتحكيم والذي منه لكن في السودان لا ينفع دعوات ولا تحكيم

والعنصري الحضري يقول للراجل يا عبيد هههههه ما كلنا عبيد الله يا عم .... وابو محمد بيقولك الراجل عنده دكتوراه يعني صعب يختلق حاجة زي كده مش تقولي ابو ابتدائية وتقولي حلف ع المصحف .... اولا الحلف ع المصحف لا يجوز ..... ولا ايه يا عم سي سي الموضوع مش حلفان وعلشان كده التلات اهداف امبارح غلطة الحضري

واخيرا ههههه امبارح اتروقتوا .

[se_ Elsyed]

يا راجل وهتلاعبونا بدول هما هما لا لا دا النحاس ولا الحضري ولا مين يا عم الحاج خليني ساكت

إنت تاني

مش هما دلو اللي لسه مروقينكو في الكاس ؟ ولا نسيت يا مان

بس برضوا الهلال السوداني ما روقناش رايح جاي وخرجنا قفانا يأمر توست ومزال الأهلي في المقدمة يا مان .... أما المؤخرة فأهلها معروفين ....

بس قولي الأول .. إنت فرحان للهلال .. ولا فرحان في الأهلي ؟ عشان اعرف إنت مع مين .

[شينكاوي]

إنت تاني

مش هما دلو اللي لسه مروقينكو في الكاس ؟ ولا نسيت يا مان

ايوة تاني وتالت وكل يوم ولا ايه يا عم الحاج مش عاوزين الرأي التاني في المحاورات ولا ايه ولا هي اهلنة مصر والسلام.

روقونا ايه يا عم احنا لاخر عشر دقايق احنا اللي بنهدف وانتو اللي بتتعادلوا انما لما اقول روقوكم هما روقوكم لعب ونتيجة يا عم سي سي ههههه :wub:

وبعدين انا لما قولت بترو اتليتكو روقوكم 4/3 في القاهرة قصدي يعني ممكن اسيك بك يروقوكم الا انكم تبيعوا النحاس وجمعه لاي حد زي ما عمل الزمالك في القباني وحوده

والله يا عم السي سي ان ماتش الاهلي والزمالك السنة دي هيكون اشطة خالص معاكم يعني لو لاعيبة الزمالك ما ردوش الستة يبقوا المفروض يتسرحوا بدري

دا انتو جايه لكم ايام اسماعيلي ومصري وانبي ومقاولين وبلدية وغزل واخر روقان ده موسم اسود ع الاهلي السنة دي يا عم الحاج.

بجد انا مش فرحان في الاهلي ولا للهلال الموضوع انني عدو لفرض رأيك ع الاخرين والتسفيه من الاخرين وده ديدن اعلام الاهلي من زمان يعني ان لم تشجع الاهلي فانت

ما بتفهمش كورة وانك اقلية ومصر كلها اهلاوية والعالم العربي والاوربي والفضاء كله بيشجع الاهلي برده ده معقول يا راجل .بس انا امبارح كان ممكن اتروق وانا بتفرج ع الماتش من كتر الضحك وانا قلتلك انا - اسمر يعني عبد علي راي الحضري - والجماهير كان ممكن تفتكرني سوداني واطحن.

من زمان ما شفناش الاهلوية كده..... هههههه ...ههههههههههههه قال ايه الارهاق والارهاب بلاها الحجج دي .....

حبة حبة تاتة تاتة الاهلي شال تلاتة مش حلوة ههههههه انا بهزر يا جماعه .