هزيمة ثقيلة للأهلي المصري من الهلال السوداني 3 \صفر

[se_ Elsyed]

إقرأوا ما جاء في رسالة مراسل جريدة المساء اليوم من السودان

وأظن إن وزارة الخارجية والسفارة مش اهلاوية هما كمان عشان يتحيزوا للأهلي بالباطل

بعد الخسارة من الهلال:

احتجاج رسمي من السفارة المصرية..أمام وزارة الخارجية

البدري يهدد بعدم اللعب في السودان.. ويصف لقاء أم درمان بالموقعة الحربية

منح فرصة الاحتراف لمتعب.. تجهيز الويشي للمباريات.. البحث عن مهاجم سوبر

رسالة أم درمان

ابراهيم داوود

في أول رد فعل للتجاوزات التي حدثت من الجماهير السودانية من اعتداءات متكررة تجاه بعثة الأهلي في الخرطوم واجواء الرعب التي عاشها اللاعبون مع جهازهم الفني تتجه النية لسلك عدة طرق قانونية تبدأ من اسامة شلتوت القائم باعمال السفير المصري بالسودان الذي أعد تقريراً مفصلاً عن تلك الحوادث وقام برفعه لوزارة الخارجية تمهيداً لتقديم احتجاج رسمي للحكومة السودانية وخاصة بعد أن اكتشف الأهلي أن توقيع عقوبات علي الهلال من جانب الاتحاد الافريقي لكرة القدم "الكاف" لن يكون في صالح الأهلي لأن الهلال سيكون معرضاً لنقل مبارياته بعيداً عن ملعبه باكثر من 200 كيلو متر أي في ولايات الغرب أو الجنوب وهي مناطق تقل فيها الحماية الأمنية عن العاصمة الخرطوم والتي اكتظت باكثر من 15 ألف جندي لتأمين بعثة الأهلي ومع ذلك تعرض الفريق وجماهيره لاعتداءات كثيرة تمثلت في تحطيم اتوبيس اللاعبين أكثر من مرة.

كما تعرضت ايضاً سيارات القنصلية المصرية لاعتداءات مماثلة وإصابة عدد كبير من ابناء الجالية المصرية في السودان والذين يتعرضون منذ انتهاء مباراة الأهلي لاستفزازات لاحصر لها وصلت إلي حد التهديد بالقتل لبعض ابناء الجالية المصرية.

الهلال فريق قوي وأثبت ذلك لا جدال ..

لكن هل ده جو كره قدم صِحي ؟

[otaka]

إقرأوا ما جاء في رسالة مراسل جريدة المساء اليوم من السودان

وأظن إن وزارة الخارجية والسفارة مش اهلاوية هما كمان عشان يتحيزوا للأهلي بالباطل

بعد الخسارة من الهلال:

احتجاج رسمي من السفارة المصرية..أمام وزارة الخارجية

البدري يهدد بعدم اللعب في السودان.. ويصف لقاء أم درمان بالموقعة الحربية

منح فرصة الاحتراف لمتعب.. تجهيز الويشي للمباريات.. البحث عن مهاجم سوبر

رسالة أم درمان

ابراهيم داوود

في أول رد فعل للتجاوزات التي حدثت من الجماهير السودانية من اعتداءات متكررة تجاه بعثة الأهلي في الخرطوم واجواء الرعب التي عاشها اللاعبون مع جهازهم الفني تتجه النية لسلك عدة طرق قانونية تبدأ من اسامة شلتوت القائم باعمال السفير المصري بالسودان الذي أعد تقريراً مفصلاً عن تلك الحوادث وقام برفعه لوزارة الخارجية تمهيداً لتقديم احتجاج رسمي للحكومة السودانية وخاصة بعد أن اكتشف الأهلي أن توقيع عقوبات علي الهلال من جانب الاتحاد الافريقي لكرة القدم "الكاف" لن يكون في صالح الأهلي لأن الهلال سيكون معرضاً لنقل مبارياته بعيداً عن ملعبه باكثر من 200 كيلو متر أي في ولايات الغرب أو الجنوب وهي مناطق تقل فيها الحماية الأمنية عن العاصمة الخرطوم والتي اكتظت باكثر من 15 ألف جندي لتأمين بعثة الأهلي ومع ذلك تعرض الفريق وجماهيره لاعتداءات كثيرة تمثلت في تحطيم اتوبيس اللاعبين أكثر من مرة.

كما تعرضت ايضاً سيارات القنصلية المصرية لاعتداءات مماثلة وإصابة عدد كبير من ابناء الجالية المصرية في السودان والذين يتعرضون منذ انتهاء مباراة الأهلي لاستفزازات لاحصر لها وصلت إلي حد التهديد بالقتل لبعض ابناء الجالية المصرية.

الهلال فريق قوي وأثبت ذلك لا جدال ..

لكن هل ده جو كره قدم صِحي ؟

مش ممكن يعنى الاهلى راح هناك عشر مرات و الزمالك غلب الهلال فى السودان بجول الحاج العندليب العبد الحليم على من حوالى 5 سنين و محصلش حاجه

اكيد فى خلل ما حصل و المسؤول عن هذا الخلل يجب عقابه سواء هيثم مصطفى او الحضرى او الصحافه ارجو فتح تحقيق جاد فى الموضوع ده

[شينكاوي]

اللي يسمعك كده يقول دول غلبوا 10-0 !!!!!

طب أومال الزمالك اللي خد إتنين رايح وإتنين جاي منهم ... تقول عنهم إيه ؟

ايه اللي دخل الزمالك في الموضوع يا سي سي يا عمي ا.....وتاكا اللي اعتقد انه زملكاوي بيتكلم عن نتيجة الاهلي والهلال طيب ايه دخل الزمالك

منه لله الهلال اللي زعلنا من بعض .

[se_ Elsyed]

نتكلم بقى بطريقة نقدية بجد عن اداء الأهلي في المباريات الأخيرة

( شد لك كرسي يا شنكو إنت وأوتاكا وأقعدوا في اول الصف وإسمعوا )

- لابد أن نعترف بإن أي فريق مصري بيلعب في بطولة قارية أو دولية خارج مصر فلابد للجميع أن يلتف حوله إن لم يكن بالتشجيع فليكن بالصمت فالحب والتأييد لا يُمكن أن يُفرض على حد غصباً ... خصوصاً لما تكون البطولة لسه شغالة ولسه الفريق بيعتلي القمة زي الأهلي ... يعني مش عشان 3 نقاط خسرناهم يبقى حملة التشكيك والنقض والهدم تبتدي .. وحتى مع فريق زي الإسماعيلي بالرغم من إن أمله ضعيف للغاية حيث أنه جمع نقطتين فقط من 3 مباريات والمطلوب منه الفوز في الثلاث مباريات المتبقين ولا مفر من ذلك وهو أمر شبة مستحيل .. لكن برضوا لازم نشجعه ونقف جنبه .

- دخلت إمبارح على موقع " يالا كوره " ولقيت الزملكاوية هاتك يا تريقه على فريق الأهلي كالمعتاد وكإنه نزل درجة تانية او خرج من بطولة أفريقيا مثلاً من دور الـ 64 ... وإذ بمداخلة لشخص يعرف نفسه على إنه سوداني وفرحان بفوز الهلال وهاتك يا شتيمه في جميع الفرق المصرية وفي المنتخب المصري وأعرب عن سعادته عما يراه من روح العداء بين الزملكاوية والأهلاوية .... وتذكرت وقتها حال الزملكاوية بعد مباراة الذهاب في نهائي أفريقيا العام الماضي بين الأهلي والصفاقسي وكيف ان بعض جماهير الزمالك ذهبت لتشجع النادي التونسي وكيف إن بعد التعادل 1-1 إتملت برضوا المنتديات الرياضية بشماته زملكاوية لا محل لها من الأعراب وكغن البطولة إتحسمت والأهلي خرج خلاص .. لم يتوقف الموضوع عند ذلك .. فإذ بنا نفاجأ بمنتديات كرة تونسية تستشهد ببعض تلك الشماتات على لسان زملكاوية وبصور لمشجعي الزمالك وهم يساندون الصفاقسي في منظر مخزي للزملكاوية قبل أن يكون للاهلوية ولكن إرادة الله وتوفيقه شاءت أن يفوز الأهلي على الصفاقسي في عقر داره .....

- نرجع للنادي الأهلي .. وسبق ان ذكرنا مراراً وتكراراً بإن عملية الإحلال والتجديد وضخ دماء جديدة في أي فريق كرة القدم لابد أن تتم وأنت في موقف قوة ولا تنتظر كبوة أو إنهيار أو تعثر لكي تبحث عن تجديد الفريق وتدعيمه لإن ذلك سيؤدي حتماً إلى Gap وحلني بقى لحد الفريق ما يقف على حيلة تكون ضاعت منك كذا بطولة .. تماماً مثلما حدث للاهلي بعد ترك حسام حسن وأخوه وأعتزال اللعيبة الكبار وحالة التشبع الليو صل لها النادي بفوزة ببطولة الدوري لسبع سنوات متو اصلة لحد سنة 2001 وسكرة الفوز أنست الإدارة إن معدل السن أرتفع او إن اللعيبة المهرة زي رضا عبد العال أو حسام حسن وأحمد فيلكس الغاني وغيرهم وغيرهم لم يعودوا موجودين وكان لابد إنك تدبر البديل علشان يعمل عملية تسليم وتسلم ... وحتى هذا البديل كان لابد أن يكون كفء وعلى درجة عالية من المهارة ... فكانت النتيجة إننا إبتعدنا عن بطولة الدوري تحديداً لأربع مواسم ...

الغريب بقى إن فريق الزمالك كان شايف حالة الاهلي دي أمامه ومع ذلك لكثرة الخلافات لم يعتبر ونسي نفسه وفجأة لقى عنده فجوة وما فيش لعيبه عندها روح البطولة وعلى ما أشترى لعيبه ودعم صفوفه كل عام في عملية التجربة والخطأ كانت البطولات إبتعدت عنه 3 سنوات متتالية من 2003 إلى 2006 مما أثر على نفسية لاعبيه وعلى إدارة النادي وما زال إلى الأن في هذه الدوامة ولعيبه إنضمت له ومشيت بعد سنين وهما ما شافوش الإنتصار بعنيهم حتى في أي بطولة وإن تكن ودية .

- نرجع للاهلي واظن جميعنا فوجيء في مباراة السوبر منذ أسبوعين أمام الإسماعيلي إن في بداية المباراة جابو صور اللعيبة وأعمارهم السنية وفوجئنا - وكإننا كنا ناسيين - إن متوسط أعمار لاعبي الأهلي بلغ 32 عاماً .. وهذا مؤشر خطير ويجب الإنتباه له ... أينعم الخبرة مطلوبة لكن الخبرة لابد أن تكون جنباً إلى جنب مع الشباب والحيوية .... لإن كده هاييج عليك وقت وهايكون قريب جداً إذا مالحقتش نفسك وتلاقي اللعيبة دول إعتزلوا وتبتدي تدور على من يسد مكانهم وتلاقي نفسك بعدت عن البطولات .

- حتى التدعيم ده لابد أن يكون له معايير .. وما اجيبش لعيبه بالكيلو والسلام .. بل لابد لهؤلاء ان تكون لديهم روح البطولة ... وأقول إن لعيب واحد حريف ومحترم أبرك من 10 لسه هاعلمهم .. الغريب بقى إننا نلاقي فرق سودانية أحوالها المادية تعبانه ولا تقارن بميزانية وإمكانيات الأهلي او الزمالك بقت تشتري محترفين على أعلى مستوى .. كذلك الفرق التونسية جميعها بتعرف تختار محترفيها اللي بيبقوا إضافة للفريق وبيشيلوه وقت الزنقه ... أما إحنا فأصبحنا نعتمد على السماسرة اللي بيعملوا سبوبه علينا وتلاقي في الدوري عندك لا يقل عن 50 لاعب أفريقي محترف ما تطلعش منهم إلا بالكتير قوي واحد أو اتنين كل موسم هما اللي تقدر تقول عليهم ده لعيب كورة .... والباقي جاي يتفسح في مصر ويسكن في فيلا فاخرة ويركب عربية أحدث موديل زي جونيور كده لاعب الزمالك في الموسمين الماضيين وزي ما ييجي زي ما يروح ... وأيضاُ محترفي الأهلي ومنهم على سبيل المثال أنيس أبو بتنجان وآكوتي مانساه وغيرهم .

لا أحد ينكر دور السمسار او وكيل اللاعبين .. لكن فين العين اللي بتختار وتفرز ... وليه ما أشوفش مباراة وإتنين و100 للاعب قبل ما أشتريه وأبعت خبير يتطقس عن أخباره في بلده وناديه قبل ما أدفع ملايين فيه وألبس في الحيطه وأكل البالوظا وأكتشف إن مستواه أقل من اي ناشيء عندي لو اعطيته فرصة .

- كذلك الإنتقالات الداخلية وشراء اللعيبة المحليين وده مصيبة أخرى .

وللحديث بقية

[شينكاوي]

دخلت إمبارح على موقع " يالا كوره " ولقيت الزملكاوية هاتك يا تريقه على فريق الأهلي كالمعتاد وكإنه نزل درجة تانية او خرج من بطولة أفريقيا مثلاً من دور الـ 64 .

وتذكرت وقتها حال الزملكاوية بعد مباراة الذهاب في نهائي أفريقيا العام الماضي بين الأهلي والصفاقسي وكيف ان بعض جماهير الزمالك ذهبت لتشجع النادي التونسي وكيف إن بعد التعادل 1-1 إتملت برضوا المنتديات الرياضية بشماته زملكاوية لا محل لها من الأعراب وكغن البطولة إتحسمت والأهلي خرج خلاص

شوف سلوك المشجعين مرفوض اوكي بس انت ليه بتلوم الزمالك والاسماعيلي والاهلي لا .....اولا ادخل علي المنتدي اللي قلته وشوف الاهلوية يوم الفيصلي ونفس الهلال كتبه ايه...

وتاني حاجة قبل كده الاهلي يدي ملعبه لفرق تنافس الزمالك تتدرب عليه ............يا عم عيب بص هو في خلل فيي المنظومة شاركت الاقلام الحمراء وذلك عن طريق التقليل من الفرق المنافسة

خد دليل ايوة استلم دي ... دفاع الزمالك لهم كام سنة بيمسخروا فيه حتي شككوننا احنا كجماهير في الدفاع اوكي شوف دلوقتي دفاع الاهلي تعبان كل الارض بتدافع عنهم مع انهم لما لعيب جامد بيلعب عليهم بيبهدل ام الارض اللي ماشيين عليها ...اوكي يا سي سي يا اخوي

يعني ان شاء الله الاهلي يفوز بالبطولة وسلوكياتنا احنا كمان تتغير وانا معاك 100% اننا اتفضحنا قدام الناس اللي بره بشمتتنا في بعض .

بس برده الاهلي والاهلوية مش ملايكة يا سي سي يا اخوي .... ولا ابوي مش عارف سنك كام... ربك يعدلها والاحوال والتحيز والاعلام الاحمر والابيض والاصفر ينصلح حاله وزاهر وشوبير يروحوا من الاتحاد ويريحونا...............

شفت يا سي سي اكتر من كده يا رب يا سيدي الاهلي يفوز بالبطولة .... طيب اكيد مبسوط

وبعدين نصيحة لجماهير الزمالك لكا الاهلي يلعب مع فريق تاني بلاش تشجعوا النادي التاني في الاستاد...

كفايه تشجعوا منافسين الاهلي من قدام التلفزيون :rolleyes:

[kokowawa1979]

كوكومين كتب :

وجماهير الزمالك حزينة على هذه الهزيمة

ده أنا حزنت حزن ياأبو أحمد ياخويا على مرسي الزناتي ماعندكش فكرة !!!

وماكنتش مصدق إن اللي بيلعب ده هو نادي القرن !!!

ده الزمالك لما كانت فرقته كسر ماخدش التهزيئ ده كله على الرغم إن تامر عبد الوهاب هو اللي افتتح أهداف الهلال اللي بيعايرنا بها حبيبنا الغالي سي السيد !!

وأخونا سي السيد بيفكرنا بإن الهلال جاب جونين في مصر !! ياترى ياعم سي السيد فاكر الأهلي جاب الجونين في الهلال في مصر إزاي !!!

الهدف الأول الاسطى فلافيو برك على مدافه الهلال زي الجمل لامؤاخذة وكان الحكم سيد ضباشة اللي مابيشوفش يقول عليها فاول مع إنذار !! إلا أن الحكم يبدو أنه كان من طيبنة ياسر عبد الرؤوف - اللي للأهلي يحسبه واللي عليه مايتحسبش !!! بدليل شلاليت عماد متعب وبوكسات وائل جمعة والإنذارات العكسية وهدف أسامة حسني اللي من أوفسايد واضح زي ضربة جزاء أبو تريكة في مباراة السوبر !!!

أمسيتك زي الفل ياعم سي السيد :unsure:

[se_ Elsyed]

كوكو جه .. كوكو جه ... يالا نهيص ونقول هيهه

طب ويا ترى سيد طبش ده الأهلي كان مأكله برضوا زي ما بنأكل الأتراك والأسبان يا كوكو ولا ماحدش قالك إن أخطاء الحكام جزء من اللعبة ؟

بعد ما الإسماعيلي هزم الأهلي في مباراة الدور لاثاني بالدوري .. محمود معلوف كتب وقال إن الإسماعيلي لا يفوز على الأهلي إلا في وجود حكام أجانب .... وطبعاً ده راجل كذاب ومنافق .. لإن الثلاثة سنوات الماضية على سبيل المثال الإسماعيلي كا بيشيل بالستة والـ 4 على أرضه هو راخر زي حبيبه الزمالك ... وبحكام أجانب برضوا يعني لا دخل للحكام هنا .. ودي حجة الخايب بس مش أكتر

بالمناسبه بقى ... شوفت الحكم الجزائري اللي حكم المباراة الأخيرة للأهلاي والهلال ؟

ولو شفتو ... عايزك تجاوب على سؤال : هل وظيفة الحكم إنه يزمر بالزمارة اللي في بؤه طول الماتش .. ولا يحمي لاعبي الكرة في كل فريق لإن ده أكل عيشهم ؟

وإذا كان وظيفته يحميهم ... يبقى ما رأيك في الضرب بدون كره اللي مارسه لاعبي الهلال طوال الماتش واللي رقدوا فيها محمد أبو تريكه شهرين من غير لعب وجه من حظكو لإن في مباراة بين الإهلي والزمالكيوم 17/9 ؟

حتى لو كان الضرب من لعيب من الأهلي كنت هاكتب كده ... لإن لا محل من الاعراب لموضوع الضرب في الكرة ، وده إتكرر طوال المباراة وحتى الشد من الفانلة لم يحتسب عليه إلا فاول عادي ....

بالمناسبة الضرب بدون كره مش خطأ عادي نقول إن الحكم ممكن يمشيه ... خصوصاً لما يتكرر عدة مرات من نفس الفريق

[DARWEEN]

يا س س يا أخويا سيبهم يفرحوا ويعملوا عزايم علشان الأهلي خسر ...

أنت عارف .. هي دي مشكلة الأخوة الزمالكويه ... دايما يفرحوا لهزيمة الأهلي ...

عارف ليه ؟؟؟؟ لأن من تعود الهزيمة يفرح بهزيمة الأخرين أكثر من حزنه لهزيمته ...

وبما أننا دخلنا قافية الأفلام والمسرحيات ... فهذا يذكرني بعادل أمام أيضا .... متعوده دايما

[MZohairy]

مفيش شك ان الأهلي كلاس اكتر من الزمالك بكتير

واقيم وانبل و اشرف و انور و وارفع و امهر واسعد gt:

[DARWEEN]

يا زوهيري ... ليه كده بس ... هي العمليه مش ناقصه حقد

يعني مش كفايه الزملكاويه ... لأ وناس جايه من بره تحقد وتمشي

مش لازم بقى كل شويه تفكرهم بالأرقى والأعلى والأنبل

المصيبة يا أخي ان لو الأهلي بطل يلعب الدوري 20 سنه كمان ... برضه الزمالك مش حيحصله

gt: wst:: wst::

[Amenemhet]

يا جماعه دى ما كانتش كوره ..... دى كانت مزيكااااااا

يلا بقى ...... متفكروش الاهلاويه gt:

الهلال كان داخل معركه والاهلى كان بيلعب برقه.

تم تعديل 26 أغسطس 2007 بواسطة Amenemhet

[Sameha]

يا زوهيري ... ليه كده بس ... هي العمليه مش ناقصه حقد

يعني مش كفايه الزملكاويه ... لأ وناس جايه من بره تحقد وتمشي

مش لازم بقى كل شويه تفكرهم بالأرقى والأعلى والأنبل

gt: wst:: wst::

فعلا ... بأمارة مطرب الأهلى سعد الصغير و الراقصة دينا ...

حكاية الأوفر بطولات مقبولة بغض النظر عن كيفية تحقيقها سواء بالتحكيم أو بالإنحياز من قبل إتحاد الكرة .... بس الأعلى و الأنبل دى شعار للإستهلاك المحلى داخل جدران النادى الأهلى وصحف الأهلى وكتابه من عينة إبراهيم حجازى وينطلى على السذج فقط....حتى بأمارة التزوير الفج فى قضية شريف أشرف ...

الأهلى والحزب الوطنى طينة واحدة .... بينكشفوا على أرض الواقع فى ظل عدالة التحكيم والإشراف زى ما الهلال أدب الأهلى و بهدله ....

[DARWEEN]

طيب وقضية التزوير اللي مش فج في عقد محمد عبد المنصف ؟؟ gt: wst::

ولو كان الأهلي هو اللي عمل اتفاق مع ناشيء من الزمالك كان زمانكم بتقولوا الأهلي بيحرض الناشئين .. وفين المباديء والأخلاق لما نادي يسرق ناشيء اتربى في نادي تاني ويغريه بالفلوس ؟؟

على الأقل بعد هزيمة الأهلي من الهلال لم يخرج رئيس النادي يسب كل من يقابله بألفاظ تخدش الحياء ... ولم يتم تغيير المدرب والطاقم الفني .... ماهي دي هي الأدارة ... ودي سر أحترام وتفوق الأهلي .... وده اللي مش ممكن الزمالك يعرفه

أما حكاية البطولات بالحكام والتزوير .... الله يرحم بطولتين دوري من أصل عشره بنقاط أعتباريه

والله يرحم أكتر من نص بطولات الأهلي أخدها قبل نهاية الموسم بأكتر من التلت

خليكم على جنب وبلاش نفتح الدفاتر القديمه أحسن حتتعبوا قوي

[DARWEEN]

فعلا ... بأمارة مطرب الأهلى سعد الصغير و الراقصة دينا ...

أيه اللي دخل الراقصه دينا في الأهلي ؟؟؟

يمكن غلطتي ونسيتي الكابتن عزه شريف زوجة الكابتن الكبير جمال عبد الحميد

ولا الكابتن شمس خطيبة الكابتن مدحت عبد الهادي

ولا نسيتي أن نص صفقات الزمالك بيعملها المطرب هاني شاكر

[محمد عبدالعزيز]

سمعت نكتة قبل كده بس مش فاكرها قوى, عموماً حقولها عشان تلطف الجو بس مش أكتر wst::, وعموماً هى نكتة قديمة شوية سمعتها لما الزمالك كان عنده 8 بطولات دورى بس.

بيقولك مرة واحد سأل واحد تانى: تعرف مين واخد بطولة الدورى أكتر؟

رد عليه قال له: الأهلى وبعده الزمالك

قال له: ﻷ غلط

قال له : إزاى غلط ده الأهلى واخد الدورى 30 مرة والزمالك واخد الدورى 8 مرات.

قال له : مش باقول لك غلط, ﻷن أسامة عرابى واخد الدورى 11 مرة. يبقى الترتيب الصحيح هو الأهلى - أسامة عرابى - الزمالك gt:

طبعاً الزمالك دلوقتى حصل أسامة عرابى وبقى عنده 11 بطولة

[kokomen]

أيه الحكاية دي ..... كل الجماهير الأهلاوية مش معترفين بالهزيمة الهلالية وواخدين على خاطرهم قوي

يعني فريق الأهلى على راسه ريشه ..؟؟ لا ينهزم أبدا ..؟؟ الظاهر ضعف فرق الدوري أوهمت أولاد أعمامنا

الأهلاوية ..أن الأهلى حديد ومش ممكن يهزم أبدا ... وأنه النادي الوحيد اللى عنده مبادئ والفرق الأخرى

كلها تعبانة .. أفيقوا يا أصحاب الفنلة الحمراء .. ولا تنسوا أن كل لاعبي الأهلي تقريبا خطفتوهم من الأندية الأخرى

يعني الأهلى بيلعب مع أندية باعت أفضل لاعبيها للأهلى وبعد كده .. نقول الأهلى حديد والشعارات الرنانة الجميلة

gt: wst::

[الطيار المصرى]

يابو احمد الموضوع مش موضوع اعتراف او لأ....الموضوع هو الهجوم الغريب من الاخوة الزمالكوية علي الاهلي بعد الهزيمة كأن البطولة قد انتهت بهذه المبارة....

احنا عايزين نهدي اللعب شوية....و نفتكر و لو لمرة واحدة ان الاهلي بيلعب باسم مصر ....خلي الكلام ده في الدوري....

و لو تسمحلي بملحوسة...... هل كل لاعبي الزمالك خاصة من لعبوا مبارة الامس قد تربوا منذ الصغر في النادي؟؟؟؟ام ايضا الزمالك قد اختطفهم علي حسب تعبير حضرتك؟؟

تحياتي...

الطيار المصري

[se_ Elsyed]

أيه الحكاية دي ..... كل الجماهير الأهلاوية مش معترفين بالهزيمة الهلالية وواخدين على خاطرهم قوي

يعني فريق الأهلى على راسه ريشه ..؟؟ لا ينهزم أبدا ..؟؟ الظاهر ضعف فرق الدوري أوهمت أولاد أعمامنا

الأهلاوية ..أن الأهلى حديد ومش ممكن يهزم أبدا ... وأنه النادي الوحيد اللى عنده مبادئ والفرق الأخرى

كلها تعبانة .. أفيقوا يا أصحاب الفنلة الحمراء .. ولا تنسوا أن كل لاعبي الأهلي تقريبا خطفتوهم من الأندية الأخرى

يعني الأهلى بيلعب مع أندية باعت أفضل لاعبيها للأهلى وبعد كده .. نقول الأهلى حديد والشعارات الرنانة الجميلة

wst::

مين قال كده ؟!!!!

يا عزيزي ميزة الأهلي إنه لا يتعامل بالقطعة ولو الأهلي خرج من الدوري وكأس أفريقيا وجميع البطولات بخفي حنين فجماهيرة ستتقبل ذلك بصدر رحب لإن عندها ثقة في فريقها وإن الكرة مكسب وخسارة وإن خسارة ماراة وانت على القمة ليست نهاية العالم .

أقولك على حاجه ظريفة : إدارة وجماهير النادي الزمالك كانت تتربص برود كرول بالأمس وكان الراجل هايركب الطفطف لو خسر من البلدية لولاش الواد المدافع صعبتو عليه وأحرز جون في نفسه .... بالله عليك وأنا راضي حكمك .... هل في نادي محترم بيشتغل بالكيلو كده زي نادي الزمالك ؟

يا راجل شوف الموسم الماضي واللي قبله غرتو كام مدرب ... لدرجة إن في واحد إسمه محمد صلاح نزل درب الفريق مره واحد ليوم واحد وبعدين قتلتوه ... وفي بداية الموسم لسه بتقولوا يا هادي واتعادلتوا مع الاتحاد السكندري في أول ماتش وإذ بمرتظى حنطور يقتل المدرب الألماني بوكير اللي ذهب إلى فريق الوحدة السعودي وهو من الفرق المغمورة واصبح مرعب للكبار ووصل للمربع الذهبي في الدوري وأصبح محط أنظار وأحترام الجميع .... وحت من كام يوم ... يصدر قرار مجلس إدارة بتعيين أحمد رمزي مدرباً للزمالك ... والراجل يزجطط من الفرحة ولسه يادوب واخد ميكروباص أول فيصل - ميت عقبه إلا ويجيله قرار تاني في الطريق إنه إتسرح

أما عن إن الأهلي بيخطف العيال الصغيرة وبيسقيهم حاجه اصفرا ويقول لهم تعالوا أجيب لكن نبوت الغفير وبعدين يخليهم يوقعوا للأهلي ... فخد عندك يا سيدي :

بسم الله الرحمن الرحيم

سادتي وسادتي كابتن أبو الأسيان يحيكم من أستاد المحاورات الرياضي الدولي وينقل لكم على الهواء والميه مباشرة مباراة الزمالك ... والزمالك برضوا .. ويمثل الزمالك نخبة من أفضل أبناءه .. الذي نموا وترعرعوا في شوارع ميت عُقبة ...

في حراسة المرمى ... محمد لا مؤخذه عبد المنصف ... وده جاي من نادي لا مؤخه جولدي ..

المرحوم وائل القباني ... اعتقد الشرقية للدخان أو أسوان ...

عمرو الصفتي ... المصري ...

خالد سعد ... الفيصلي الأردني وأخدناه لإنه دخل جون في عبمنصف ... إنما عالمي وحتى بالامارة كرول رماه برا المعسكر في مباراة إمبارح .

محمود فتح الباب ... المحلة

كريم ذكري .... المصري .. وتحديداً من الجمرك في بورسعيد

بشير التابعي ... دمياط .... تركيا ... رايح جاي ...

يامن بن ذكري ووسام العابدي ... تونس ( يعيشك برشه )

أحمد مجدي ... الأهلي .. اليونان يا قلبي لا تحزن

مجدي عطوه أبو مطوه ... إنبي على جنبي ...

عمرو زكي ..... المنصورة ... خوروشوف موسكو

عبحليم علي ... الشرقية للدخان

علاء عبغني ... المقاولين

احمد حسام ...المقاولين برضوا وسمعني سلام لمبيضين المحارة

شريف أشرف ... لسه ما لمسهاش .... الأهلي

ده دول بس الي فاكرهم دلوقت

نقول كمان ولا كفايه كده ؟

يا كابتن كوكو ياللي لو بتحب الكورة .. هاتعرف إن في فرق بأكلمها بالإحتياطين ما فيهاش بيبي .. قصدي ما فيهاش لاعب من ابناء البلد .. ومنها برشلونه على سبيل المثال ... تمشي خمسه كيلو في النادي ما تلاقيش واحد أسباني .. أو تلاقي واحد برشلوناوي من أبناء الفلنه اللي بحمالات الكاتلونيه ...

أما إنتو فلسه عايشين في العصور الوسطى .... وبتعلقوا شماعة فشلكو على إن الأهلي بيشتري لعيبه حريفة وبيكتسح بهم البطولات ... ولو جيت بالورقه والقلم تلاقي إن الأهلي أقل نادي في مصر شراءً للعيبة . وإسأل الزمالك الموسم ده واللي قبله واللي قبله ... مش هاقول والعياذ بالله فريق سيد متولي البورسعيدي اللي كل سنة بيشترى لا يقل عن 15 لعيب يعني فريق ونص ... وبرضوا بيصارع الهبوط كل مره ... لكن معظم صفقة الأهلي هي ما قل ودل ...

[kokowawa1979]

سي السيد كتب :

بالمناسبه بقى ... شوفت الحكم الجزائري اللي حكم المباراة الأخيرة للأهلاي والهلال ؟

ولو شفتو ... عايزك تجاوب على سؤال : هل وظيفة الحكم إنه يزمر بالزمارة اللي في بؤه طول الماتش .. ولا يحمي لاعبي الكرة في كل فريق لإن ده أكل عيشهم ؟

هو لعيبة الأهلي مسكت كورة في المباراة دي يا سي السيد علشان الحكم يحميهم !!! - معلهش اصل نظري ضعيف wst::

[se_ Elsyed]

سي السيد كتب :

بالمناسبه بقى ... شوفت الحكم الجزائري اللي حكم المباراة الأخيرة للأهلاي والهلال ؟

ولو شفتو ... عايزك تجاوب على سؤال : هل وظيفة الحكم إنه يزمر بالزمارة اللي في بؤه طول الماتش .. ولا يحمي لاعبي الكرة في كل فريق لإن ده أكل عيشهم ؟

هو لعيبة الأهلي مسكت كورة في المباراة دي يا سي السيد علشان الحكم يحميهم !!! - معلهش اصل نظري ضعيف wst::

لأ أبداً دول كانوا ماسكين نفسهم ... حتى بالامارة أبو تريكه طلع مطوه من جبيته وضرب نفسه عشان يرقد شهرين في السرير .