هزيمة ثقيلة للأهلي المصري من الهلال السوداني 3 \صفر

[kokomen]

سي السيد كتب:

يا كابتن كوكو ياللي لو بتحب الكورة .. هاتعرف إن في فرق بأكلمها بالإحتياطين ما فيهاش بيبي .. قصدي ما فيهاش لاعب من ابناء البلد

مفيش لاعب من أبناء البلد كلام جميل هل يعني بيفرغوا الأندية في الدوري الأسباني من لاعبيه

علشان يبقى دوري زي الفل زي الدوري المصري مثلا ... دي مقارنة غير منطقية

نحن نتحدث عن الدوري المصري أبو عيون جريئه هل تشبهه بالدوري الأسباني مثلا

ولا تشبهه بدوري أبطال أوروبا مثلا ..؟؟؟؟ الله يخليك ياسي السيد خلينا في الدوري المصري

علشان ينصلح حاله .. يعني فيها أيه لو يحدد لكل فريق 3 لاعبين منتقلين على الاكثر يسمح

بإنتقالهم الي الأهلى أو الزمالك ... ويسمح ب 5 أو 6 لاعبين لأي فريق صاعد للدوري الممتاز

لنحافظ على الأقل على بقية الأندية ليكون دوري قوي .. بدلا من الدوري الهزيل الذي يتنافس عليه

ثلاث أو أربع فرق فقط ... وسلملي على الدوري المصري اللى محصلش الدوري السعودي مثلا

وهل خدمنا الدوري المصري في الوصول الي كأس العالم مثلا .. أن شاء الله سنة 2030 لو كنا متفائلين

ولا تنسى صفر المونديال يا سيدي الفاضل ... وسلملي على الدوري المصري اللى بنتفاخر بيه ... ويجعله عامر

wst:: :lol:

[الطيار المصرى]

احب اضيف للكلام المعلق الكبير الكابتن س.س و ازود علي القائمة بتاعته اللاعب احمد مجدي اللي برده منتقل من الاهلي...

و عشان محدش يشكك...الكلام ده من موقع رابطة مشجعي الزمالك...و ادي اللينك

http://www.zamalek.tv/index.php?pid=394&loc=plrprof

و شكرا لحسن استماعكم...

الطيار المصري

[Ahmad Farahat]

مصطفى جعفر...........المصري ...بلدية المحلة

أحمد حسام......المقاولون

تامر عبد الحميد...........المنصورة

أسامة حسن...........الأهلي......إنبي

دي زوادة فوق الخمسين قرش

[kokowawa1979]

وده بقى فريق لاعبي الأهلي اللي اتربوا منذ أن كانوا في الكافولة بين جدران نادي القرن : !!!

عصام الحضري : دمياط

إسلام الشاطر : الاسماعيلي

وائل جمعة : المحلة

شادى محمد : الكروم

عماد النحاس : الاسماعيلي

محمد شوقي : المصري

أنيس بو جلبان : تونس

جيلبرتو : أنجولا

فلافيو : أنجولا

أبو تريكة : الترسانة

محمد بركات : الاسماعيلي

طارق السعيد : الزمالك

إينو : الزمالك

رامي عادل : المقاولين

طبعا ال 11 الإول هم فريق الأهلي الأصلي اللي بيلعب باسمه كل المباريات لإن دول أبناء الأهلي الأصليين - والباقي خونة wst:: وكفاية دول مؤقتا !!

[se_ Elsyed]

كوكو مين لسه بيتكلم عن تفريغ وتهليب وخطف .. ومصطلحات إنتهت من 100 سنة فاتو

وبرضوا نسي إن الزمالك في أقل من 3 سنين شاري من داخل أندية مصر اللي بيقول عليها تفريغ لا يقل عن 20 لاعب ذكرت منهم ييجي 15 والاخوة الزملاء ذكروا الباقيين ...

وكأن حرام على الأهلي يشتري لاعبين من داخل مصر ...

وحلال مصفي وبفتوى شريعه كمان للزمالك

شيء عجيب وميزان عدالة بكفه واحده كعادة الزملكاوية ...

بالمناسبة بقى وبما إن شايف الزعيم كوكو واوا بيتسلل وبيقرأ التوبيك الأن wst::

إيه رأي الأخوة المجاهدين الزملكاوية في اللي عملوا عمرو زكي في مباراة البلدية أول أمس وسجلته الكاميرا صوت وصورة وحركات وجاء لنا على الإيميل إمبارح ؟

بس من الواضح إنكم بتباركو ذلك والدليل إنكم ما اتكلمتوش عنه ( ولا هاتتكلموا كالعادة ) ...

طبعاً أنا لن أُدرج اللقطة المصورة بالفيديو هنا منعاً لخدش حياء ناس أبرياء مالهمش ذنب معانا في المنتدى

وسلم لي على الزمالك أبو عين واحده ما بيشوف بها إلا مساويء الأهلي عشان كده عمرهم ما هايتقدموا ...

آه نسيت ... لو حد زملكاوي عايز يشوف اللقطة يبعتلي إيميله وأنا أرسلها له بس يشوفها لوحده بعد الساعة 12 بالليل لما يكون البيت فاضي وبالمره أهو نبلغ عنه بوليس الأداب ونخلص

[se_ Elsyed]

وده بقى فريق لاعبي الأهلي اللي اتربوا منذ أن كانوا في الكافولة بين جدران نادي القرن : !!!

عصام الحضري : دمياط

إسلام الشاطر : الاسماعيلي

وائل جمعة : المحلة

شادى محمد : الكروم

عماد النحاس : الاسماعيلي

محمد شوقي : المصري

أنيس بو جلبان : تونس

جيلبرتو : أنجولا

فلافيو : أنجولا

أبو تريكة : الترسانة

محمد بركات : الاسماعيلي

طارق السعيد : الزمالك

إينو : الزمالك

رامي عادل : المقاولين

طبعا ال 11 الإول هم فريق الأهلي الأصلي اللي بيلعب باسمه كل المباريات لإن دول أبناء الأهلي الأصليين - والباقي خونة wst:: وكفاية دول مؤقتا !!

إنت بتتكلم في إيه يا كوكو ؟

هات لي واحد أهلاوي قال إنهم لعيبة متربيين في الأهلي ؟

يا حبيب قلبي النادي الاهلي هو النادي الوحيد الذي يُطبق الفكر الإحترافي بحذافيره ..

أما البقية فلسه بيبكوا على الأطلال والتفريغ والتحميل والتهليب ... وينهون عن أفعال هم اول من يأتون بها ومنهم الزمالك

وبعدين معلوماتك منقوصه يا كوكو ... ده عشان التاريخ بس

محمد بركات : إشتريناه من العربي القطري والإسماعيلي لم يكن له علاقه بالصفقة .. أنا عارف إنك عارف بس عامل مش عارف

عماد النحاس : النصر السعودي

إسلام الشاطر : الإتحاد السعودي

وبما إنكم قرايب الإسماعيلي .. تقدر تفسر القرار الذي أخذه يحي الكومي الأسبوع الماضي بالبيع الفوري لأي لعيب يصل له عرض إحتراف - خارجي - وهايبدأ بحسني عبد ربه صاحب الميتم والنعش الشهير ...

وكذلك سيد معوض ثم محمد فضل وهاني سعيد ؟

أين جماهير الإسماعيلية اللي خرجت بالنعوش تطالب بالثأر من الأهلي خطاف الرجالة ؟

وخد دي كمان ... تعرف إن خزينة النادي الإسماعيلي ما فيهاش ولا جنيه يوحد ربنا .. وحسن صقر سافر الإسماعيلية من يومين عشان يجتمع بالمحافظ ويشوفوا حل للمصيبة دي وإن لعيبة الإسماعيلي كانوا بيهددوا بعدم السفر لنجيريا للعب مباراتهم في كأس الكونفدرالية ... ولكن طه بصري إتحايل عليهم وسافروا وإتغلبوا ... ونفس الشيء إتكرر قبل مباراة أول أمس مع الترسانة على أرض الإسماعيلي وما كانوش هايلعبوا المباراة لإن ما معاهمش فلوس .... اللي زاد وغطى إن البيه رئيس النادي والمليونير المحترم أعطى اللعيبة شيكات بدون رضيد وبعضهم اخد من البنك بروتيستو وموريتيستو - على رأي عبفتاح القصري - على تلك الشيكات يعني ممكن يدخل الكومي السجن مستريح من أول جلسة ......

وهل هناك فرق بين إحتراف اللاعب في الخارج أو الداخل طالما مبدأ الإستغناء موجود ؟

خد دي كمان

هل تعلم يا عزيزي إن الإسماعيلي بايع أحمد فتحي في يناير الماضي يعني من 7 شهور لنادي شيفيلد يونايتدي الإنجليزي بمبلغ وقدره 800 ألف يويو ... والنادي ركب الحلزونه ونزل درجة ثانية ... وإن الزمالك تقدم بعرض لشراءه بحوالي 2 مليون يورو ؟

يعني الخواجات بقوا يعملوا شغل على قفانا هما كمان

[أبو محمد]

الكلام فى الرياضة ، وبالذات عن كرة القدم ، وبالذات بالذات بالذات عن الأهلى والزمالك بيثبت لى إننا من الصعب جدا قبول الجديد من الحقائق .. بالضبط زى موضوع "الانتحار أم الحياة فى مصر" إللى فيه ناس بتلعن الدنيا وما فيها ومن فيها لإن مفيش حد بيجيب لهم الشغل "إللى هم عاوزينه" لحد عندهم .. تلك ثقافة فترة من الزمن مرت على مصر كانت الحكومة تقوم بعمل كل شئ حتى بيع أكياس الطعمية فى الجمعيات .. وكان الشعب كله "موظفين" عند الحكومة .. كانت فعلا الحكومة بتجيب الشغل لحد باب البيت .. بس ده كان تمنه باهظ

نفس الشئ ينطبق على كرة القدم .. لا زالت الجماهير تتكلم عن انتماء الهواة للنادى اللى رباهم وعملهم لعيبة ، يتكلمون بلسان زمن الهواية الجميل ، وينسون أن الرياضة ومنها كرة القدم قد أصبحت بيزنس يبيع متعة مزاولتها ومشاهدتها إلى زبائنها المتعطشين

أنظروا إلى النادى الأهلى .. تجدون بيزنس مؤسسى .. أنظروا إلى الزمالك والإسماعيلى .. تجدون بيزنس فردى .. نعم هناك رجلان من رجال الأعمال يتسللان بمنتهى المكر لشراء الناديين بأبخس الأثمان .. قرأت أن ديون نادى الزمالك للخيوى عباس بلغت أكثر من 13 مليونا .. قرأت عن مديونية الإسماعيلى للكومى ولكنى لا أتذكرها ... ولا زالت الجماهير (الواعية جدا لبيع القطاع العام) .. بتاكل البلوظة وبتعتقد إن عباس والكومى بيساندوا الزمالك والإسماعيلى من أموالهما الخاصة حبا وعشقا وهواية .. مايجرى لهذين الناديين هو عملية شراء بأبخس الأثمان .. إللى يقدر يشيل الديون بفوايدهم يشيل وإلا سيبقى عباس والكومى أصحاب الناديين.

إللى بيتكلم عن شراء اللاعبين وبيعهم .. يحاول يفكر كده فى أشبال النادى الأهلى الذين خرجوا منه ويمثلون قوام معظم الأندية التى لا تتمتع بجماهيرية الزمالك والإسماعيلى .. بل من ينظر إلى أبرز لاعبى الإسماعيلى (حوالى أربعة أو خمسة) سيجد بينهم لاعبين بارزين أحدهما فى الدفاع والآخر فى الهجوم وهداف النادى (هانى سعيد ومحمد فضل) وهما كانا من أشبال الأهلى .. ومن يتذكر عملية انتقال حسن مصطفى من أشبال النادى الأهلى إلى الاتحاد السكندرى ثم عودته للأهلى سيفهم كلامى .. ميزة الأهلى إن رءوس الحربة الهدافين صناعة محلية .. فباستثناء فلافيو (الآن) سنجد أن الهدافين من أيام التتش وتوتو وصالح سليم وطه اسماعيل والخطيب وأيمن شوقى وطاهر ابو زيد وحسام حسن وبلال ومتعب وأسامة حسنى صناعة محلية .. يليه الإسماعيلى من أيام رضا وشحتة وأبناء "أبو جريشة" ويأتى بعدهما الزمالك ..

الآن النادى اللى ماشى صح يربى أشبال .. (مش ممكن طبعا يقيدهم كلهم فى القائمة عندما يتخطون السن) .. يلعبوا فى "السوق" .. إللى يبرز منهم ويصقل موهبته بالمشاركات الفعلية ممكن يرجع يشتريه "مثال حسن مصطفى" ..

ياريت نحاول استيعاب الحقائق الجديدة علشان ما نضيعش وقتنا فى محاولات الحياة فى الماضى "الجميل" اللى مش ممكن يرجع تانى

[أبو محمد]

نرجع بقى لموضوع مباراة الهلال

الناس معادن ومن أغلى المعادن ناس

[أبو محمد]

ياما ناس كثير طيبين

[أبو محمد]

وياما ناس مش ناس

[أبو محمد]

الموال والصور بيبينوا المعدن الحقيقى للمصريين .. ومعادن الغير ..

سؤالى الآن :

هل نريد إبراز معدننا الحقيقى .. أم تفضلون الطلاء بالمعادن الرخيصة ؟

[se_ Elsyed]

لأ لأ حاسب يا عم

هي الصورة اللي لاعب الهلال متحزم فيها وبيرقص ... دي بجد ؟

والله العظيم ما مصدق ده أنا بأحسبها متفبركة بالفوتوشوب

إوعى حد يقولي دي بجد

ده بيتحزم ويرقص لما أخد 3 نقاط من الاهلي .... أومال لو وصل كأس العالم للاندية في اليابان زي الأهلي ما عملها في إنجاز تاريخي لمصر ولم تحدث من أي نادي في العالم حتى الأن ... ساعتها هايعملوا إيه ؟

عجبي عليك يا زمن

[kokowawa1979]

حبيبنا الغالي أبو محمد كتب :

إللى بيتكلم عن شراء اللاعبين وبيعهم .. يحاول يفكر كده فى أشبال النادى الأهلى الذين خرجوا منه ويمثلون قوام معظم الأندية التى لا تتمتع بجماهيرية الزمالك والإسماعيلى .. بل من ينظر إلى أبرز لاعبى الإسماعيلى (حوالى أربعة أو خمسة) سيجد بينهم لاعبين بارزين أحدهما فى الدفاع والآخر فى الهجوم وهداف النادى (هانى سعيد ومحمد فضل) وهما كانا من أشبال الأهلى

ياسلام ياأبو محمد يا أمير لما تحمل لواء الدفاع عن الأهلي وتسيب الاتحاد السكندري اللي احنا (حقيقي بنحبه بعد الاسماعيلي)... غرقان

أشبال الأهلي ياأبومحمد خرجوا من الأهلي طفشانين وليس بمزاج الأهلي والدليل على ذلك تكملة لكلام حضرتك اللاعب شريف أشرف اللي انضم للزمالك - الأهلي حاول إجباره للعب في إنبي رفض الشاب - راحوا هوب مزورين توقيعه وهات ياردح على موسيقى وأنغام الصحفيين الحمر - وإيه كانت النهاية؟؟؟ زي ما إنت عارف بقى ياأبو محمد :)

أنا بس عاوز من حضرتك مثال واحد لهؤلاء اللاعبين الأهلي إداه للاسماعيلي أو أي نادي آخر بمزاجه !! خاصة وحضرتك ياأبو محمد تعلم علم اليقين إن الأهلي إذا أراد الاستغناء عن لاعب يشترط عدم لعبه في الزمالك والاسماعيلي بالذات واللا نسيت حكاية خالد بيبو !!! وكمان أحمد بلال اللي اعتلاه الصدا لما رجع من تركيا من الركنة على الرف !!!

الخلاصه ياأبو محمد ياحبيبنا أن من ساهموا في حصول الأهلي على أغلب بطولاته كانوا من خارج أبناء النادي ويأتي على رأسهم الخطيب واللا إنت مش معايا :lol:

حبيبي الغالي سي السيد :

عندي لك خبر حلو : أبو تريكة اتضح إنه سليم وهايلعب مباراة آسيك .

أمال ياراجل مطلع إشاعة ليه إنه هايقعد شهرين في غرفة الإنعاش :lol:

دي تاني مرة أبو تريكة يعملها لما يعرف إن اليوم نذير شؤم على الأهلي وهايتغلب 3/صفر - نفس اللي حصل يوم الاسماعيلي بالضبط - اقع والكتيبة الحمرا للصحفيين هاتتعاطف معاك وتقول غياب شهرين والحمد لله الناس بتنسى بسرعة :lol:

أمسينكم زي الفل يا أهلوية :lol:

[Ahmad Farahat]

أنا نفسي كوكوواوا وبقية الزملكاوية

يحلفوا بالله العظيم إن الأهلي اشترى بركات والشاطر والنحاس من الإسماعيلي

ممكن تحلف بكده يا كوكو

ده لو انت عندك استعداد تحلف بالله كدب

[شينكاوي]

هي الصورة اللي لاعب الهلال متحزم فيها وبيرقص ... دي بجد ؟

والله العظيم ما مصدق ده أنا بأحسبها متفبركة بالفوتوشوب

إوعى حد يقولي دي بجد

ده بيتحزم ويرقص لما أخد 3 نقاط من الاهلي .... أومال لو وصل كأس العالم للاندية في اليابان زي الأهلي ما عملها في إنجاز تاريخي لمصر ولم تحدث من أي نادي في العالم حتى الأن ... ساعتها هايعملوا إيه

مساء الفل يا سي سي يا كبير ومساء الفل لعم ابو محمد ومسائين فل لاخونا لوبين ومساء كبير قوي لعم الشباب كوكو حامل لواء الدفاع عن الاسد الابيض ايوة اسد

بقول لعمنا الكبير سي سي يا باشا لما انت مستكتر علي بتوع الهلال يرقصوا امال لما الاهلي بياخد كاس السوبر -وهي مباراة واحدة- او حتي لما الاهلي يفوز علي فريق من جزر القمر في اي مباراة رسمية نشوف عم الشباب الحضري طالع لنا فوق العرضة زي القرد وشغال يرقص والجماهير ارقص يا حضري يبقي ايه ؟

ولا هو الرقص حلال للحضري وحرام علي بتوع السودان وهو عموما الراجل بيرقص 100%

طيب دلوقتي نقول ايه ارقص يا حضري ولا لأ طالما انت معترض علي الرقص يا سي سي

وممكن سؤال هو دفاع الاهلي في ايه الناس دي عجزت ولا ايه دول شايلين 8 اهداف في 4 مباريات

هههه وبعدين شكلنا هنقول ارقص يا حضري كتير السنه دي اسف ارقص يا شادي ويا نينو - نحاس يعني -هههههه يا ابو السيد قليلا من المصاقية في موضوع الرقص دا بالذات

[kokomen]

الأخوة الأهلاوية الأعزاء

كل الكلام تعرض لإنتقال اللاعبين من الأندية الصغيرة الي الأندية الكبيرة مقابل مادي بالطبع ودي طبيعة الإحتراف

من حق الأهلي والزمالك شراء أي لاعب بموجب الإحتراف .... لكن هل بقية الأندية لديها السيولة النقدية لتستطيع

شراء أي لاعب متميز إن جاز التعبير ..؟؟؟ بالطبع لا .. إلا في حدود ضيقة جدا .. هل هذا هو الإحتراف في كرة القدم

ثم ماذا عن بقية عناصر اللعبة ..؟؟ هل مجالس الإدارة محترفة ..؟؟؟ هل أعضاء إتحاد الكرة محترفين ..؟؟ أين قواعد

الإحتراف الذي نتحدث عنه ..؟؟ هل الإحتراف هو شراء اللاعبين فقط بملايين الجنيهات ..؟؟ والله أنه لإحتراف عجيب

لا يحدث إلا في مصر المحروسة فقط ..؟؟ هل من العدل والمنطق أن يتنافس الأهلي والزمالك والإسماعيلي وقليل من

الأندية على شراء اللاعب .. وترفع سعره ..؟؟ وبقية الأندية تتفرج على الإحتراف بحسرة وألم ..؟؟؟

ونقول أن العالم كله يطبق الإحتراف ..؟؟؟ نعم يطبق الإحتراف المتكامل بجميع جوانبه .. وتكون جميع الأندية لديها

القدرة على التنافس وشراء اللاعبين ..؟؟؟ وكيف نصل لدوري قوي تستطيع من خلاله التنافس بين الأمم .. بدلا من العشوائية

ولا أيه رأيك يا سي السيد ياحبيبي ...؟؟؟ مع خالص إحترامي لجميع الأهلوية والزملكاوية .. ويجعله عامر

تحيا مصر ... ويحيا الإحتراف على الطريقة الفرعونية ....؟؟؟؟؟؟

:) :lol:

[أبو محمد]

ويحيا الإحتراف على الطريقة الفرعونية

حلوة دى يابو حميد .. بس ياريت تقولنا "سر التحنيط الحويط ، للاحتراف والدخول فى الغويط" :lol:

تقدر تقول لى سر شراء لاعيبة بمبالغ خيالية لا يقابلها "إنتاج" يساوى ربع المدفوع ؟

تقدر تقول لى ليه ييجى لاعب زى بلال من تركيا عشان يتعالج على حساب الأهلى ؟

تقدر تقول لى ليه ييجى عمرو زكى من روسيا عشان يتعالج على حساب الزمالك ؟

في اي مباراة رسمية نشوف عم الشباب الحضري طالع لنا فوق العرضة زي القرد وشغال يرقص والجماهير ارقص يا حضري يبقي ايه ؟

ولا هو الرقص حلال للحضري وحرام علي بتوع السودان وهو عموما الراجل بيرقص 100%

عزيزى كوكو (الزعيم الأبيض)

رقص عن رقص يفرق .. رقص الاحتفال ببطولة ، بعيدا عن لاعبى الخصم غير الرقص أمام لاعب الخصم وكيدا له بعد الفوز بمباراة كانت أشبه بالموقعة الحربية .. قارن مايفعله لاعب الهلال أمام الحضرى وما يفعله أبو تريكة والحضرى مع لاعبى السفاقصى بعد الفوز ببطولة أفريقيا .. حبيت بس أبين إننا شعب مختلف ولو جعّر المجعّرون .. وتحنجر الحنجوريون ..

أما عن نادى الاتحاد الغلبان فهو يتعرض لما يتعرض له الزمالك والاسماعيلى من محاولات قفز بعض المغامرين الذين لهم مآرب أخرى .. وبالمناسبة .. تكتيك الخديوى عباس ، والكومى اللى بيقش ما بيفكركش بحاجة حصلت رويدا رويدا فى منطقتنا دون أن يشعر أحد إلى أن فوجئنا بالطامة الكبرى من 60 سنة وقبلها حصلت فى مصر أيام الخديوى اسماعيل وانتهت بالاحتلال وإنشاء صندوق الدين ؟ :) ... شفت فايدة الاستفادة من التاريخ .. وإذا ربنا إدانا العمر نبقى نفكر بعض عندما يجلس الخديوى عباس على عرش الزمالك ، والكومى اللى بيقش على عرش الاسماعيلى

[kokomen]

ويحيا الإحتراف على الطريقة الفرعونية

حلوة دى يابو حميد .. بس ياريت تقولنا "سر التحنيط الحويط ، للاحتراف والدخول فى الغويط" :)

تقدر تقول لى سر شراء لاعيبة بمبالغ خيالية لا يقابلها "إنتاج" يساوى ربع المدفوع ؟

تقدر تقول لى ليه ييجى لاعب زى بلال من تركيا عشان يتعالج على حساب الأهلى ؟

تقدر تقول لى ليه ييجى عمرو زكى من روسيا عشان يتعالج على حساب الزمالك ؟

في اي مباراة رسمية نشوف عم الشباب الحضري طالع لنا فوق العرضة زي القرد وشغال يرقص والجماهير ارقص يا حضري يبقي ايه ؟

ولا هو الرقص حلال للحضري وحرام علي بتوع السودان وهو عموما الراجل بيرقص 100%

عزيزى كوكو (الزعيم الأبيض)

رقص عن رقص يفرق .. رقص الاحتفال ببطولة ، بعيدا عن لاعبى الخصم غير الرقص أمام لاعب الخصم وكيدا له بعد الفوز بمباراة كانت أشبه بالموقعة الحربية .. قارن مايفعله لاعب الهلال أمام الحضرى وما يفعله أبو تريكة والحضرى مع لاعبى السفاقصى بعد الفوز ببطولة أفريقيا .. حبيت بس أبين إننا شعب مختلف ولو جعّر المجعّرون .. وتحنجر الحنجوريون ..

أما عن نادى الاتحاد الغلبان فهو يتعرض لما يتعرض له الزمالك والاسماعيلى من محاولات قفز بعض المغامرين الذين لهم مآرب أخرى .. وبالمناسبة .. تكتيك الخديوى عباس ، والكومى اللى بيقش ما بيفكركش بحاجة حصلت رويدا رويدا فى منطقتنا دون أن يشعر أحد إلى أن فوجئنا بالطامة الكبرى من 60 سنة :lol: وقبلها حصلت فى مصر أيام الخديوى اسماعيل وانتهت بالاحتلال وإنشاء صندوق الدين ؟ :lol: ... شفت فايدة الاستفادة من التاريخ .. وإذا ربنا إدانا العمر نبقى نفكر بعض عندما يجلس الخديوى عباس على عرش الزمالك ، والكومى اللى بيقش على عرش الاسماعيلى

*************************************************************

الأخ الغالي : أبو محمد

حلوة دى يابو حميد .. بس ياريت تقولنا "سر التحنيط الحويط ، للاحتراف والدخول فى الغويط" :)

كل كلامك جميل وواقعي جدا .... شوف اللاعيبه اللى الأهلي والزمالك دفعوا فيهم مبالغ طائلة والأخر جلسوا على الخط

ولم يستفيدوا منهم ... أو باعوهم بثمن بخس... وخسرت خزائن الناديين الكثير من الأموال على من لايستحق من اللاعبين

الذين يطالبون بالمزيد من المبالغ ويلعبون على حبال الأهلي والزمالك .... مثل أكوتا منساه ب 11 مليون جنيه ولم يستفاد منه

وكذلك في الزمالك على رأي الأغاني الهابطة للدرجة الثانية ..ههههههههه :lol: ... ثم على رأيك الرقص على العارضة من

الحضري مما ساعد لاعبي الهلال وشجعهم على الرقص في الملعب :lol: حتى الرقص علمناه لأولاد النيل .. علشان يبقى فيه عوامل

مشتركه وهي مياه النيل والرقص في الملاعب .....؟؟؟؟؟؟؟؟؟؟؟؟؟؟؟؟

ولن ينصلح حال الكرة في مصر إلا بالإحتراف الكامل غير المنقوص لكل عناصر اللعبة ... لاعبين وحكام ومجالس إدارة للأندية والإتحاد

عايزين نشوف نهضة رياضية مصرية لنرتقي بالفرق المصرية جميعها مثل فريق الإتحاد السكندري حبيب قلبي والأوليمبي السكندري وغيرهم

من الفرق المصرية المطحونة ...... اللى طلعت لنا أفضل لاعبي مصر على مر العصور ... وأكيد كلكم عارفين الأسماء المشهورة من الزمن الجميل

:)

[أبو محمد]

أشبال الأهلي ياأبومحمد خرجوا من الأهلي طفشانين وليس بمزاج الأهلي والدليل على ذلك تكملة لكلام حضرتك اللاعب شريف أشرف اللي انضم للزمالك - الأهلي حاول إجباره للعب في إنبي رفض الشاب - راحوا هوب مزورين توقيعه وهات ياردح على موسيقى وأنغام الصحفيين الحمر - وإيه كانت النهاية؟؟؟ زي ما إنت عارف بقى ياأبو محمد

أنا بس عاوز من حضرتك مثال واحد لهؤلاء اللاعبين الأهلي إداه للاسماعيلي أو أي نادي آخر بمزاجه !! خاصة وحضرتك ياأبو محمد تعلم علم اليقين إن الأهلي إذا أراد الاستغناء عن لاعب يشترط عدم لعبه في الزمالك والاسماعيلي بالذات واللا نسيت حكاية خالد بيبو !!! وكمان أحمد بلال اللي اعتلاه الصدا لما رجع من تركيا من الركنة على الرف !!!

كوكو يا غالى

موضوع شريف أشرف ده الأهلى غلطان فيه .. وانا باقول الأهلى لأن حتى لو موظف فى الأهلى زور توقيع اللاعب عشان يحمى نفسه بعد إهمال .. أو لو كان الولد "على رأى الخديوى عند كلامه عن أحمد فتحى" لعب على موظف عبيط وكتب إسم رابع مختلف ورقم بطاقة مختلف (ودى غلطة لا يقع فيها أصغر مزور) فالأهلى برضه غلطان لأنه خرج عن عادته وأعلن أن اللاعب موقع استمارة دون التأكد من صحة تلك الاستمارة .. هنا غلطة الأهلى مثل غلطة أى شركة هيئة محترمة يرتكب فيها موظف عبيط حماقة ساذجة وينساق وراءها موظفون كبار مثل القيعى أو ضياء السيد

أما بخصوص اشتراط عدم اللعب فى مصر إلا بموافقة النادى الأهلى كما حدث مع محمد جودة ومحمد فيلكس اللى رجعوا من بره ولعبوا فى الاسماعيلى .. فهو إجراء ولو إنه قراقوشى ويعتبر من عقود الإذعان إلا أنه نابع من ثقافة الاحتراف الناقص السائدة فى مصر كما قال أخونا "أبو أحمد الاسكندرانى" .. وأعتقد الأهلى لم يثر مشاكل فى انضمام جودة أو فيلكس للإسماعيلى .. ويبدو أن هناك حسابات أخرى لإدارة الأهلى .. بحيث إنها لا تطلق رصاصها على أهداف لا تستحق

ألاحظ هذا الموسم أن الأهلى بدأ فى اتباع سياسة جديدة وهى إعارة لاعبيه الذين لا يرغب فى ضمهم إلى القائمة مثل وائل رياض ، واحمد جلال ، وعبد اللاه جلال ، وطارق سعد ، والفزانى ، وبوبو (مع الفارق.. ) وهو من الأشبال وغيرهم .. وذلك لإعطائهم فرصة اللعب فى الدورى الممتاز .. فإن برزوا عادوا وإن أثبتوا جدارتهم بدكة احتياطى الأهلى ممكن التصرف فيهم بالبيع .. هذه سياسة ناس بتشتغل وتستفيد من أخطائها السابقة .. من يعمل يخطئ .. ولكن المميز فى عمله هو من يستفيد من أخطائه

إسمع يا كوكو

الزمالك السنة دى أكتر نادى اشترى لعيبة ممتازة .. وأكتر نادى دفع ملايين (كله سلف ودين) .. وأتمنى أن يحقق إنجازا أو إنجازات هذا العام .. وأهو مرتضى مازال رهين المحبسين والزمالك لم يعد زبونا مستديما فى المحكمة الإدارية .. والخديوى عباس جدد بوضع اليد .. وعندكم مدرب أجنبى خبير بالكرة المصرية .. والأمور مستقرة وآخر تمام .. يعنى بقى لو لم يحقق إنجاز(ات) .. فلن يبقى ما تكتب عنه إلا الحكام والحظ والإعلام الأحمر وانحياز اتحاد الكورة .. يعنى نرجع نقرا الموضوعات القديمة من أول وجديد

[أبو محمد]

kokomen كتب :

كل كلامك جميل وواقعي جدا .... شوف اللاعيبه اللى الأهلي والزمالك دفعوا فيهم مبالغ طائلة والأخر جلسوا على الخط

ولم يستفيدوا منهم ... أو باعوهم بثمن بخس... وخسرت خزائن الناديين الكثير من الأموال على من لايستحق من اللاعبين

الذين يطالبون بالمزيد من المبالغ ويلعبون على حبال الأهلي والزمالك .... مثل أكوتا منساه ب 11 مليون جنيه ولم يستفاد منه

وكذلك في الزمالك على رأي الأغاني الهابطة للدرجة الثانية ..ههههههههه :)

والله يابو احمد انت اللى كلامك موزون ويدخل العقل على طول .. نعم اللعيبة بتحاول تلعب على حبال الأهلى والزمالك .. والخاسر هو الكرة المصرية .. بلال وبشير جايين من تركيا مكسحين ولعبوا على الحبلين .. الزمالك اتدبس فى بشير والأهلى اتدبس فى بلال ..

الكرة المصرية تعيش أياما مثل أيام الحرب الباردة وسياسة الاستقطاب .. الأهلى (كما قرأت) إتبع سياسة رومانسية شوية بوضع سقف مالى لشراء أى لاعب ، كان من نتيجتها إنه خسر صفقات (أو قل معارك) عمرو زكى ، وشيكابالا ، وفتح الله .. على الطرف الآخر .. ولأن هناك من له مآرب أخرى فالشيكات كانت مفتوحة والحسابة بتحسب وكله على النوتة .. (مش عارف ليه افتكرت شيلوك فى رواية شكسبير "تاجر البندقية") .. كان من نتيجة سياسة الحرب الباردة والاستقطاب أن طلب نادى المحلة 5 مليون فى فتح الله ودفع الزمالك فيه 2.5 بعدما توقف عرض الأهلى عند 2 مليون واشترى الزمالك عمرو زكى بمبلغ 18 مليون جنيه .. وشيكابالا كلها سنة وينتهى تجنيده ويرجع اليونان بعد ما لهف اللى فيه القسمة واتوقف 6 شهور (بس مش عارف ده وقف عن مباريات المنتخب فقط أم عن جميع المباريات) .. يعنى رزق الهبل على المجانين .. والجماهير عمالة تهلل وتهيص ..

ومثل شيلوك الزمالك والاسماعيلى هناك شيلوك النادى المصرى وشيلوك الترسانة .. وهناك كذا شيلوك يتصارعون على الاتحاد السكندرى ومفيش حد عارف حترسى على مين ... ده غير شيلوك الدولة المتمثل فى شركات البترول والأسمنت والألومنيوم .. وعليهم القوات المسلحة ... عرفت ليه أنا شايف إن البيزنس المؤسسى الوحيد فى الكرة المصرية موجود فى الأهلى ؟ لأنه الوحيد اللى له سياسة لم تتغير بتغيير الأفراد .. مفيش توجيهات سيادة الرئيس .. ومفيش "على خساب ساخب المخل" ... يعنى الخديوى عباس ، والكومى اللى بيقش ، وسيدى المتولى هم من يتفاوضون مع اللاعبين (دون الرجوع للأجهزة الفنية) .. وهم الذين يدفعون (على النوتة) .. وهم كل شئ .. ولذلك تجد إنهم مش بيعيش لهم مدربين .. هنرى هرب عندما تم الاستغناء عن لاعبين بعد 48 ساعة من سفرهم معاه ، والتجديد للاعبين لم يكن يريدهم .. نوفو عمل نفس الشئ بعد بيع احمد فتحى وتمثيلية حسنى عبد ربه وتهديد فضل ومعوض برفع قضايا شيكات بدون رصيد .. أما حلمى طولان فالله أعلم متى ستحين ساعته

ولن ينصلح حال الكرة في مصر إلا بالإحتراف الكامل غير المنقوص لكل عناصر اللعبة ... لاعبين وحكام ومجالس إدارة للأندية والإتحاد

لابد أولا من التخلص من رياضة المقاولات (زى أفلام المقاولات إللى خربت الذوق الفنى لجمهور السينما) ..