البحث عن فرصة عمل بالشارقة

[محمود كامل]

السلام عليكم و رحمة الله و بركاته

بدايتا , انا مهندس معماري عايش في مصر و عندي خبرة 4 سنوات في مجالي . اشتغلت في كذا مركز وظيفي.....اشتغلت في مكتب استشاري و اشتغلت مهندس مكتب فني و اشتغلت مهندس تخطيط و متابعة ..و الحمد الله كويس في البرامج الخاصة بمجالي (الاوتوكاد و الفوتوشوب و الماكس و البريمافيرا).... مرتبي حاليا 2700

- بفكر انزل زيارة للامارات و ادور على شغل في الشارقة

-ياريت الي عندو خبرة في الموضوع دا يرد.....هل في فرص للعمل كمهندس معماري ,, و بمرتب كام تقريبا في الشهر....و تقريبا الواحد هيصرف كام في الشهر بردو؟(سكن و اكل)

-يعني الواحد ينزل زيارة و يدور على شغل ويبقى عندو حرية الاختيار ولا الواحد يشفلو عقد من هنا وهو و حظو؟

شكرا جزيلا , و في انتظار ردكم

[محمود كامل]

مفيش اي ردود

[mffaswan]

الأخ الفاضل .. محمود

بص .. أنا عاوز أقولك على حاجة .. أنت لو جيت البلد زيارة و قعد تعمل ف اعلانات ف الجرايد و تدور على شغل .. إن شاء الله هتلاقي شغل .. بس هاتتمرمط ف الأول .. لذلك أنا أنصحك بالآتي:

أولاً أدخل على المواقع اللي تحت دي .. و سجل فيها و ارفع السي في بتاعك عليها ، و بعدين هما بعد كده بيتصلو بيك (أنا عن نفسي جيت عن طريق القصة دي بدون تجارة فيزا و لا وعود عقود العمل ولا الكلام الفاضي ده)، معماري مطلوب و مدني مطلوب

اهم وكالات التوظيف بالامارات هى

كلاريندون باركر .................. www.clarendonparker.com

نادية .................. www.nadia-me.com

باك – الشرق الأوسط ............. www.bacme.com

كيرشاو ليونارد ................. www.kershawleonard.net

ناوكري جلف (ممتاز)....................http://www.naukrigulf.com

و ممكن تعمل سيرش على الياهو أو الجوجل على وكالات التوظيف في الامارات و هتلاقي مواقع كتير .. و قدم فيهم .. و ما تقلقش أكيد ان شاء الله هتلاقي .. الموضوع مش صعب

ثانياً لو في مهندس زميلك هناك .. ممكن يقدملك ورقك في شركة موثوق فيها .. و هما بيجيبوك مباشرة .. ودي أفضل طريقة و أسرع طريقة

ربنا يوفقك

تم تعديل 21 أغسطس 2007 بواسطة mffaswan

[محمود كامل]

[

شكرا جزيلا على الرد

- طمنتني والله ,

بصراحة انا ليا اصدقاء في الشارقة ... عشان كدا نوي انزل عليهم ...فا اعتقد الموضوع هيكون اسهل شوية من انك تنزل بلد متعرفش فيها حد.

- انشاء الله هسمع نصيحتك و هبعت السي في بتعاتي و ربنا يسهل ... انا لسه قدامي 4 شهور على ما أنزل ... اكون خلصت دبلومة في ادارة المشروعات من الجامعه الامريكية .. و لو ربنا مسهليش عن طريق النت .. يبقى هنزل و ربنا يعمل الي فيه الخير.

- معلش ممكن تقولي تقريبا متوسط المرتبات ايه عندكو ؟ .... لمهندس معماري 4 سنوات خبرة ؟ ... و تقريبا بردو هصرف كام في الشهر.

- انا عارف اني ممل في أسألتي بس الواحد يحب يطمن

مع جزل الشكر

quote name=mffaswan' date='Aug 21 2007, 10:20 AM' post='294534]

الأخ الفاضل .. محمود

بص .. أنا عاوز أقولك على حاجة .. أنت لو جيت البلد زيارة و قعد تعمل ف اعلانات ف الجرايد و تدور على شغل .. إن شاء الله هتلاقي شغل .. بس هاتتمرمط ف الأول .. لذلك أنا أنصحك بالآتي:

أولاً أدخل على المواقع اللي تحت دي .. و سجل فيها و ارفع السي في بتاعك عليها ، و بعدين هما بعد كده بيتصلو بيك (أنا عن نفسي جيت عن طريق القصة دي بدون تجارة فيزا و لا وعود عقود العمل ولا الكلام الفاضي ده)، معماري مطلوب و مدني مطلوب

اهم وكالات التوظيف بالامارات هى

كلاريندون باركر .................. www.clarendonparker.com

نادية .................. www.nadia-me.com

باك – الشرق الأوسط ............. www.bacme.com

كيرشاو ليونارد ................. www.kershawleonard.net

ناوكري جلف (ممتاز)....................http://www.naukrigulf.com

و ممكن تعمل سيرش على الياهو أو الجوجل على وكالات التوظيف في الامارات و هتلاقي مواقع كتير .. و قدم فيهم .. و ما تقلقش أكيد ان شاء الله هتلاقي .. الموضوع مش صعب

ثانياً لو في مهندس زميلك هناك .. ممكن يقدملك ورقك في شركة موثوق فيها .. و هما بيجيبوك مباشرة .. ودي أفضل طريقة و أسرع طريقة

ربنا يوفقك

[mffaswan]

والله يا أخ محمود .. أنا ما أقدرش أقولك الراتب بتاع المهندس المعماري ف الشارقة كام .. لكن أقولك إنه من 5 أو 6 آلاف و طالع على حسب شركتك و على حسب مؤهلاتك و كده ..

بالنسبه لهاتصرف كام

موضوع السكن هو البند الأعظم .. و تخلي بالك إنه مش مستقل .. أنت هاتقعد مع ناس .. و ممكن توفرلك الشركة سكن (وده نادر) بالنسبة للأكل و الشرب .. لو أكلك من بره البيت و مش شيف .. ما بين 800 لـ 1200 درهم على الأقل .. مواصلات و موبايل و سجاير .. و كده .. قول هتاخد منك 800 درهم تاني ,,

أنا بأنصحك زي ما قلتلك تخلي حج من أصحابك يوفرلك كل الأمور قبل ما تنزل البلد .. عشان ما تتهدلش في سكن و تدوير على شغل و كده

ربنا يوفقك

[محمود كامل]

اشكرك شكرا جزبلا على رد و اهتمامك

:rolleyes: