إمسك صورة شخصية واتملى ف جمالها.....

[Ahmad Farahat]

أختي جنان كتبت

العفو استاذ ارسين معفيش داعي للاعتذار

كنت في لبنان في اجازة والحمد لله رجعت من تاني اشارك معاكم

باذن الله الاخت عازفه على أوتار الذهب تعود قربيا الينا وتكون بصحة وسلامة

ان شاء الله المانع خير

شكرا لك مرة اخرى استاذ ارسين

تحياتي لكم اجمعين

لا عفو على واجب يا جنان

لكننا لا ننسى تلك المشاركات قليلة العدد جيدة الكيف والتي قمتي بها

على كل حال ألف حمد الله على سلامتك

ونتمنى جميعا عودة العازفة الرائعة على أوتارها الذهبية بفارغ الصبر ولكي خالص التحيات

أرسين

[Ahmad Farahat]

اولا الاخ ارسين

بصيت لصورتك حسيت ان وراها شاب هيمان وكمان حيران 0 دائما فى حالة انتظار يمكن انتظار

لحظة مجتش لسه أو بتيجى وتروح 0 عنده بعد وتأمل كبير 0 جواه انسان ساخر للأقدار وكمان

جواه شاعر عايز يقول كتير وكتير الى جانب انه خفيف الظل وكفاية كدة يارب يكون تحليلى مظبوط

يا اخ ارسين

نسيتي تقولي حاجة

إنه أمور قوي

مش أنا

اللي في الصورة طبعا :lol: :lol:

شمي دول

[أبو محمد]

انا بقي اللى نفسي اشوف صورة رمزية لابو محمد

مش عرفة ليه مش حاطط صورة

ولا تزعلى ياست البنات .. أدينى حطيت صورة رمزية .. إوعى تقوليلى بقى عاوزة توقيع كمان

[badroora]

انا بقي اللى نفسي اشوف صورة رمزية لابو محمد

مش عرفة ليه مش حاطط صورة :lol:

ولا تزعلى ياست البنات .. أدينى حطيت صورة رمزية .. إوعى تقوليلى بقى عاوزة توقيع كمان :)

مشكور يا ابو محمد يا غالى ربنا يبارك فيك يا رب

وحلوة الصورة الروشة دى هعلق عليها بعدين بس فى ايدي زبون هاخلصة وارجع اعلق عليعا

بس قبل مامشي

ممكن وغلاوة محمد وربنا يخليهولك تحطنا توقيع عشان رمضان بقي وكل سنه وانت طيب

دا رجاء لا امر

وحيات محمد وحيات محمد

رجاء من بنت لابوها وانت وكيفيك بقي :lol:

وانا مش نسيت البريانى اللى ليك عندي

[ahmed_tito91]

بسم الله الرحمن الرحيم

صوره امانى اكتر شئ شدنى ليها انها صوره لبنت صغيره اموره قوى ولها مستقبل قى طابور البنات الامامير

احمد تيتو

اصغر محاور

[نبض الابداع]

والله موضوع اكثر من رائع

جزاك الله خيرا عن المنتدى كله .........يظهر كده الموضوع عجبهم ونال استحسانهم

وهو فعلاً رائع

هي في صورة تشدك كده وتحبي تبصيلها وتحسي بالانكسار وانو الناس كلها صعبانه عليكي :quest:

( صورة الراجل العجوز وايدة علا خدة)

[Ahmad Farahat]

والله موضوع اكثر من رائع

جزاك الله خيرا عن المنتدى كله .........يظهر كده الموضوع عجبهم ونال استحسانهم

وهو فعلاً رائع

هي في صورة تشدك كده وتحبي تبصيلها وتحسي بالانكسار وانو الناس كلها صعبانه عليكي :ninja:

( صورة الراجل العجوز وايدة علا خدة)

متشكر قوي يا أستاذ نبض

وشرفني قوي وجودك

بالنسبة للعجوز دي صورة سكوربيون ربنا يرده لينا بالخير

برضه التمثال بتاعك جميل ولعلمك دي كانت صورتي في وقت من الأوقات

وآسف على التأخير في الرد

[Ahmad Farahat]

صورة جديدة أقف أمامها

صورة البروفيسور وهي لطفل يعقد ذراعيه أمام صدره باعتداد كبير

أشعر معها بشيئين

الطفل يمثل قلب صاحب الصورة

والإسم يمثل عقله

ولا أدري إلى أي مدى

كنت على صواب

[Alex Lover]

ممكن اشترك معاكم :ninja: :blink: :sad:

انا عندي تعليق ... على كذا صورة

صورة نجفة .. بعيد عن انها واحدة وطنية والكلام ده .... انا حاسه انها واحدة رايقة وواخدة الدنيا بعفوية بدون تعقيد ، دمها خفيف وبتفكرني باصحابي بتوع المدرسة ...

صورة داروين .. لذيذة خالص تدل انه شخص قلبه طيب جدا وجتماعي وعلاقاته باصحابه القدامى بتفضل موجوده ومش بينسى حد بسهولة

صورة ارسين .. شخص رومانسي خفيف الظل وقد تكون له عدة مغامرات عاطفية يفتخر بها دائما

صورة فلانة .. شخصية ادبية الى حد كبير تميل الى الجو الدافئ تعشق ايام الشتاء وتحب السكون الأسري

صورة ماده .. تدل على ان وراء هذا الطفل ام تحبه جدا وتحرص عليه وتهدهده كثيرا .... ولكن انا لا احبذ وضع صور اولادي على الملأ ...

صورة ناش .. مين قال مفيهاش اي معنى دي معناها واضح جدا وعكس ما تتخيلول انا ارى خلفها شخصية هادئة خجولة الى حد كبير ولكنها تحاول ان تصبح غير ذلك ومع كل ذلك هي اجتماعية ومتحدثة مع الاشخاص الذين اعتادت عليهم

ارجو ان اكون غير مقصرة اعذروني انا لا اتذكر باقي الصور ....

شكرا يا يا ارسين موضوعك جميل جاد

تم تعديل 19 سبتمبر 2007 بواسطة Alex Lover

[Ahmad Farahat]

صورة ارسين .. شخص رومانسي خفيف الظل وقد تكون له عدة مغامرات عاطفية يفتخر بها دائما

ارجو ان اكون غير مقصرة اعذروني انا لا اتذكر باقي الصور ....

شكرا يا يا ارسين موضوعك جميل جاد

حقيقي قعدت أضحك قوي على موضوع المغامرات العاطفية

أنا جايز رومانسي آه

خفيف الظل يمكن

حبيت قبل كده صحيح

بس ما وصلتش إطلاقا للمغامرات العاطفية وكمان تزودي الطين بله وتقولي بيفتخر بيها ده انا امي تبهدلني كده

بس بجد أنا سعيد بمرورك ونفسي تغيري صورتك الشخصية لأنها مش بتعبر عن أي حاجة فيكي من خلال اللي أنا شايفه في كلامك يعني

مش عارف ايه حكاية الدموع والعياط اللي ماشيين فيها انتي وشهد

عموما أهو فال كويس وربنا يوعدنا بمغامرات عاطفية عن قريب ان شاء الله

مع تحياتي

مش قادر امسك نفسي من الضحك :ninja: :blink: :sad: :sad:

أرسين

[nash]

إن شاء الله بعد عشر سنين كمان هاعرف أعمل الاقتباس مظبوط

صورة ناش .. مين قال مفيهاش اي معنى دي معناها واضح جدا وعكس ما تتخيلول انا ارى خلفها شخصية هادئة خجولة الى حد كبير ولكنها تحاول ان تصبح غير ذلك ومع كل ذلك هي اجتماعية ومتحدثة مع الاشخاص الذين اعتادت عليهم

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

Alex :sad:

ماشاء الله عليكي...وربي بالظبط تحليلك تمام :ninja: :blink:

تم تعديل 19 سبتمبر 2007 بواسطة nash

[badroora]

صورة نجفة .. بعيد عن انها واحدة وطنية والكلام ده .... انا حاسه انها واحدة رايقة وواخدة الدنيا بعفوية بدون تعقيد ، دمها خفيف وبتفكرني باصحابي بتوع المدرسة ...

ميغوريكيش الكوشت والترنك والماشية بتهز فى راسها دى مش رايقة خالص دا يا ما الكوشتات والترنكات بتدارى :ninja:

لا بجد انا عندى لكل خطوة حساب ولازم اكون مخططة لكل خطوة قبل ان اخطوها وعندى صميم وعزم على تحقيق ما اود

وعلى الجانب الاخر مش نكدية واخده الدنيا على اعصابي لااااااااااااااا الخالص ودا نابع من الايمان انا باعمل اللى على واجتهد والتوفيق والنجاح من عندالله

لذلك لو فشلت فى شيء اقول الله عاوز كدا ومش ناصيبي واستمر فى البحث عن السعادة والبهجة وباحب الضحك ومحبش العنكننه ابدا مع انى احيانا باكون استاذةه عكنننه

بس فى الاخر انا زى ما وصفتينيى بالظبط رايقة وعايشة اليوم بيومة واعمل للاخرة محدش ضامن وفوتك بعافية

نجفة الرايقة المغرورة :blink: :sad:

[otaka]

الصوره بتاعه اخونا ابو محمد جامده اخر حاجه على راى الجيل الجديد

[miramar]

كثير من الصور الشخصية الي بشوفها في المحاورات رائعة جدا

ولكن تعجبني صورة سمسمة

وكذلك نجفة عندما ترى صورتها تشعر بانها فتاة رياضية أهلاوية في الاولمبياد ترفع علم مصر

اما صورتي فلم الحظها من زمن بعيد حتى رايت هذا الموضوع

حتى انني لم اخترها بل وضعت اول صورة وجدتها امامي

تقبلوا تحيات

مرمر

تم تعديل 20 سبتمبر 2007 بواسطة miramar

[amrhoras]

الموضوع فوق الرائع يا أرسن وفكره لذيذه جدا

عن نفسي حتكلم عن بعض الصور اللى قدرت اشوفها

أولا أ/ أحمد محمود :- اجمل مافيها بساطة الانسان المصرى وبشاشة وجهه عند الابتسامة تستطيع أن تستشف روح الانسان المصرى الأصيل.

ثانيا / الاخت نجفه :- بعيد عن الروقان والوطنيه برده احس انها صريحة وصادقة فى نفس الوقت بتقول رأيها واللى يحصل يحصل كما انها لبقة فى الكلام وتقدر تكسب الشخص اللى بتناقشه غير خفة دمها وماشية فى الطريق اللى اختارته بنفسها ولها هدف واحد وانشاء الله حتوصله.

ثالثا/ ألاخ / أرسن :- انا شايف الى جانب الرومانسية انسان زكى جدا جدا جدا وتقدر تقراها من عنيه وهو باصص لجنب كدى وشكله شقى ولكنها شقاوره محبوبهشكلك انسان متأمل على ما اعتقد.

رابعا الأخت / أمانى :- صورة البنت دى تدل على ان صاحبة الصورة انسانة خجوله ورقيقة جدا وطبعا الابتسامة يارب تكون ديما مرتسمة على وجهك فعلا.

خامسا الأخت / ناش :- شكلك بقى كنتى بتحبي تذاكرى كتييير اوى جدا بتفكريني بأيام المدرسة بنوته جاده والعلم رسالتها واحلى حاجة الفيونكات .

سادسا / الأخ / نبض الحياه :- صزرتك جميلة بغض النظر ايه هي بس بتفكرنى بالانسان المصرى ايام عهد جدو اسكندر الاكبر بتقول انا المصرى الذى لا أهزم اطلاقا ومع ذلك شايل جبال وتلال من الهموم ومع ذلك متماسك ارجو انك تكون الجانب المضي منها فقط وريبنا يبعد بينك وبين الهموم .

سابعا أليكس لوفر :- صورتك جميلة اوى مع انها حزينه بعض الشيء والدموع محبوسة داخل العين بتحسسني انه شخص رقيق وهادىء من كتر العذاب والحزن جفت دموعه داخل عيناه ارجو انها تكون مجرد صورة برده وغير مرتبطة بكى وأن تكونى دائما فى سعادة وراحة بال.

وأخيرا الأخت شهد :- أعتقد أن الوجه الدامع ده من رقة مشاعر انسانه مرهفة الاحساس

وكل سنه وانتم جميعا بصحة وعافية وراحة بال دائما وابدا ان شاء الله

تم تعديل 20 سبتمبر 2007 بواسطة amrhoras

[badroora]

الصورة اللى عجبتنى وشددت انتباهى اوى صورة الاخ العزيز عمرو حورس واكيد فى قصة وراء اختيارة لهذه الصورة او بتعبر عن امنية جواه

فتاه وسط النار

فتاه فى الجحيم

فتاه فى جهنم

استحالة بقي حد هيقولى دا الجو فى الخليج وقت الصيف اظن دى باينه اوى انها جحيم .

السؤال هنا بقي لعمرو

يا ترى يا عمروا هذه الفتاه فعلا فى الجحيم من وجهة نظرك .

ام تتمنى لها الجحيم .

ام صورة تعبر عن واقع تعشيه.

تم تعديل 24 أكتوبر 2007 بواسطة Badria Mekkawy

[Simba]

طب انا عايز اتكلم عن صورة الاستاذ س س ( سي السيد )

انا اولا بحب الاستاذ س س لانه مش مع الناس دهم ولا الناس دكهما :happy:

وبيقول كلمة الحق ورزقه علي الله سواء كان التيار اللي قدامه سلفي ولا علماني

ما علينا مش موضعنا

هو حاطط صورة طفل برئ الصورة صحيح حلوة حلاوة لكن كل ما بشوفها باخد انطباع عن الاستاذ س س يعني انا مكون له صورة كده في خيالي

مش ماشية مع صورة الطفل خالص :D

يعني متهيالي هو رجل أصلع حليق اللحية والشارب يميل إلي السمنة

[Salwa]

طب انا عايز اتكلم عن صورة الاستاذ س س ( سي السيد )

انا اولا بحب الاستاذ س س لانه مش مع الناس دهم ولا الناس دكهما :happy:

وبيقول كلمة الحق ورزقه علي الله سواء كان التيار اللي قدامه سلفي ولا علماني

ما علينا مش موضعنا

هو حاطط صورة طفل برئ الصورة صحيح حلوة حلاوة لكن كل ما بشوفها باخد انطباع عن الاستاذ س س يعني انا مكون له صورة كده في خيالي

مش ماشية مع صورة الطفل خالص :D

يعني متهيالي هو رجل أصلع حليق اللحية والشارب يميل إلي السمنة

:blush2: :unsure:

no no no no

[yasser moustafa]

لو تسمحولى أعلق على الصور

فالابتسامة اللى فى صورة مدام/ اجابى مميزة وتفتح النفس على قرائة الموضوع

اما صورة سى السيد ... فأجمل حاجة فيها انا بتعطيق الحرية فى تخيل ملامح للشخصية كما تشاء

تقبلوا مرورى

[لماضة مصرية جدا]

يعني متهيالي هو رجل أصلع حليق اللحية والشارب يميل إلي السمنة

السلام عليكم و رحمة الله و بركاته

يا ربي....

أصلع

حليق اللحية

حليق الشارب

و فوق ده كله........كرش....(وش واحدة مصدومة و هي ماسكة بايديها فاتورة الكهربا.....مصعوووووووقة يعني)

ااااااااااااااااااه.....لا كده حضرتك بتوصف البيضة اللي اسمها Humpty Dumpty اللي كانت بتطلع مع اليس في بلاد العجائب... :rolleyes:

انا اول ما دخلت المنتدي....كنت بحاول اتخيل الشخصية من تركيب 3 حاجات الصورة ع الاسم ع التوقيع الشخصي.....مش عارفة بحس انهم بيقولوا كتير عن صاحبهم

فيه صورتين بيوقفوني

لولا......امرآة جميلة.....ع الرغم من ان ملامح الوجه مختزلة جدا....لكن يكفي جدا....العين التي تنظر الي السماء و كأنها تبحث عن شيء لا تجده في الارض

السؤال...يا تري العين بتضحك.....و لا بتخبي دمعة.....و لا بتسأل....و لا بتعافر بكرامة و تعتزل بصمت !!!!

صورة مهيب...اتكعبلت فيها مرة.....و فضلت معلقة معايا

شاب....ملامح الوش بتقول كده....بس الشعر الابيض بيقولك فيه هموم كتير...فيه خيبات امل متكررة بتنبت و بتزحف علي مساحات الامل.....والعينين اللي ورا الخصلات البيضا فيها تحدي.......صامت جدا

لازم تقف عندها شوية كده و تسرح فيها

فكرة حلوة كتير

مسااااكم صور.....يمكن حقيقة....يمكن خيال....بس جميل ان احنا بندور وراها علي احساس وسط الملامح

مساكم لقطة حلوة