حكايتى مع ال 09

[أبو مروان]

حكايتى مع ال 09

كنت اعمل مهندسا فى شركة المقاولون العرب فرع ....... بادارة ...... (فى الفترة من 1998 وحتى استقالتى فى 2003 ) و ريت بعينى الفساد و الظلم مجسدا فى هذا الصرح الكبير ... وكنت باحاول على قدر الامكان الابتعاد عن المافيات و العصابات و اكون فى حالى حتى لا اتعرض للاذى مع ان الاذى كان ياتى الى سعيا حيث اننى لا اقبل الظلم او الاهانة مع اننى اعمل بكل جد و اجتهاد مطبقا قول رسولنا الكريم : من اخذ اجرا سأله الله بالعمل .... ولذلك كنت دائما محروما من العلاوات او الزيادة وكان اسمى دائما غير وارد فى كشوفات المكافأت رغم ان فى اسماء كتير مش ملاحقة على قبض المكافأت مع اننا لا نراهم البته فى المشروع .... المهم فى يوم نحس فاض بى الكيل اتى الى امين المخزن ليخبرنى ان الباشا مدير المشروع يريد منى التوقيع على بعض المواد التى مفروض اننا استلمنها من المورد و لما طلبت من امين المخزن ان اراى المواد ثار و غضب و كانى لعنته باحد والديه و قال الباشا استلمهم .... طيب ياسيدى روح للباشا خليه يمضى انتا جاى لى ليه ... انا قلت له كده ... وقامت الدنيا و لم تقعد ثار مدير المشروع و صمم على توقيعى و انا صممت على عدم التوقيع وفى النهاية هفنى 3 ايام جزاء و اخر الشهر وانا باقبض مرتبى و جدته نزل النصف ... ولما سألت الصراف ليه ؟ قال لى معليش ياباشمهندس من الان فصاعدا حضرتك اتحولت الى 09 (زيرو تسعه) يعنى ايه يا عم ؟ يعنى مش حتقبض غير مرتبك الاساسى (147 جنيه) و بعض البدلات البسيطة بدون الحوافز او الانتاج او ما الى ذلك ... و لما سألت عن ماهية ال 09 دى قالوا لى يعنى " عمالة زائدة" بقى انا عمالة زائدة وانا طافح الدم طول النهار باشتغل 14 ساعة فى اليوم و غير اللى بيحضر الى الموقع فقط يوم صرف المرتبات مش عمالة زائدة ؟.....

فقررت الاستقالة وليس لدى اى بديل و لكن ربنا سبحانة و تعالى اكرمنى احسن كرم و سافرت الى احدى الدول العربية و انهيت رسالة الماجيستير و اعمل الان فى وظيفة محترمة مع ناس بيقدرونى و يحترمون و لا يعتبروننى 09

أخوكم أبو مروان