استشاره قانونيه

[abdalla elshamy]

بسم الله الرحمن الرحيم

نبدأ الموضوع

تخصص لى شقه . فى محافظه الاسماعيليه

بمدينة المستقبل . شقه 2 عماره 13 مميز ( أ ) سنة 1999 ميلاديه

واستلمت ايصال التخصص . والمفروض ادفع اول دفعة اقساط 4 الاف جنيه

ومكانش معى المبلغ المراد ذكره . فقمت ببيع الايصال بمبلغ 500 جنيه

لشخص آخر ليقوم هو بدفع الاقسط المراده وعلى 3 مراحل متفاوته ..مع ان الاشخاص واكثر من 30 %باعوا الايصالات ولعدم مكانش معهم نقود يدفعوها لمجلس مدينة الاسماعيليه مثل حالتى..

واستلمت له مفتاح الشقه واعطيته له لكى يتمكن عليها . بعد ان سجلت

فى الشهر العقارى بموجب توكيل منى له . يتصرف بها حيث يشاء.........

ففوجئت بمحضر الى منزلى يسلمنى اوراق مرفوعه ضدى من محافظ الاسماعيليه

ومجلس المدينه بعدم سداد الايجار لمدة سنه علما بأن الايجار للشقه 135 جنيه شهريا

فذهبت الى الشخص الذى اشتراها منى وسلمته الاوراق كى يذهب الى مجلس المدينه ويدفع المتأخرات التى عليه وتبسم فى وجهى وقال لى . بس كده بسيطه . وبنفس الطريقه كل سنه يـأتينى محضر من المحكمه يسلملى اوراق جلسه انعقدت . وان مجلس المدينه سوف يلغوا عقد التعاقد وفسخ العقد الذى بيننا

فكلما اذهب للمدعو الشخص الشارى الشقه يقولى . تلاقى المحضر اللى جايلك عايز له بريزه ولا حاجه

وعدت 8 سنوات الى هذا الحال دون جدوى من المحضرين اللذين يتوافدون الى~ لحد ما وقع الفأس فى الرأس

طالبونى بمبلغ 5700 جنييه دفعه واحده وان محافظ الاسماعيليه ومجلس المدينه . رافعين ضدى دعوى قضائيه وتنص بفسخ التعاقد بيننا ودفع المبلغ المرقوم . ففوجئت بالموحضر بتاع التنفيذ ليحجز على منقولاتى . اى بأشياء بثمن المبلغ . وهى الحجز على الكمبيوتر والغساله الفول اوتوماتيك والتليفزيون وجعلونى حارسا عليها

لحين الفصل فى الموضوع . علما تم الحجز فى شقتى القاطن بها وليس شقة النزاع عليها..فذهبت من فورى الى قلم المحضرين وسألتهم على المشكله . وقالوا سوف نبيع هذه المنقولات منفذ البيع اوتدفع المبلغ ال 5700جنيه رسوم عليا خلاف المبالغ الايجاريه والمقدر بمبلغ يفوق ال6 الاف جنيه. فذهبت الى المدعو الشارى الشقه

وقال لى ؟ مش انا بعت الشقه؟ ب16000 جنيه اذهب الى المشترى الجديد وطلعه من الشقه وسلمهالهم لمجلس المدينه لو تقدر. ياعم روح لحالك. فذهبت الى الشخص الذى اشتى الشقه الجديد وعرضت عليه الامر . وقال. لا تخف واننى اساعدك بكل جوارحى. فذهب الى مجلس المدينه مشكوراا ودفع المتأخرات التى على الشقه . من الايجارات المتأخره . وليس الرسوم طبعا. وانما والمفروض تقع على عاتق المستفيد من سنة 1999 الى سنة 2007 شهر 5 مايو وسدد كافة الايجارات التى على الشقه. مع العلم انه اشترى هذه الشقه من الشارى القديم فى شهر مايو 2007 وهو الشارى الجديد. فقام مجلس المدينه بعدم تجديد الدعوى المرفوعه ضدى . لانهم اخذوا مستحقاتهم الماليه... وان المحكمه للان تطالبنى برسوم تقدر ب 5700 جنيه. ...........

فعملت دعوه اشكال لرفع الرسوم من عليا . وتحددت الى جلسة 20 / 8 / 2007 وحضرتها مع محامى وتم فيها

التأجيل لحين ارفاق مستندات مهمه . واننى سألت مكتب مطالبة الرسوم وقالوا لى حتدفعقا حتدفعها . حتى ولو جبت مين ( اكبر محامى ) لذا اتكرم من سيادتكم بروح العطف والانسانيه بالذى عنده الحل السريع لمشكلتى هذه . مع اننى بأجهز ابنتى 25 سنه جهاز عروسه ان يرد على اجابتى بالحل واعمل ايه فى مشكلتى ولا يبخل عليا برئيه او يفهمنى الطريق السليم . جعلكم الله عونا لنا ولامثالنا . وواننى متأسف لطول شكواى هذه وشكرااا

[عصام أبوالفتح]

والله مش عارف اقولك ايه !

يعنى تاخد 500 جنيه سنة 1999 وتدفع 5700 سنة 2007 لطرف تانى هو الدولة

بس الصراحة يا أستاذى الفاضل ده جزاء طمعك فى كسب سريع وعدم وعيك بالاساس من الأول للوضع .. او انك كنت عارف من الاول ومطنش وزيك زى ال 30 % التانيين

اعذرنى لبواخة ردى ولأنى مش هاساعدك لأنك أول مثال يرد لمحاورات المصريين من اولئك الاشخاص الذين يتزاحمون على شئ لا يرغبون فيه ولا يملكون ثمنه وبالتالى يتسببون فى ازمات قانونية وتمتلئء بهم وبخصومهم المحاكم بالاضافة لضياع حقوق المحتاج الرئيسى للشئ هذا

الوضع ده مزرى ومنتشر الان فى اراضى الفقراء اللى هى كلها 150 متر ومن الحاجات النادرة الكويسة اللى عملها وزير الاسكان السياحى ولكن ايصالاتها تباع الان ب 42 الف واللى بيشترى عارف انه بيورط اللى بايع مع الدولة ولانه سمسار فهو هايلبس الناس فى بعضها ويطلع منها زى الشعرة من العجين ، وقد اعطى ما لا يملك لمن لا يستحق .

مأساة والله

مفيش حد هيقدر يعملك حاجة وهاتدفع المبلغ بكل بساطة اذا كان اقل من قيمة المنقولات اللى حجزوا عليها .

انت نصبت على نفسك للاسف !!

لكن .

اتمنى ان تملك من الشجاعة الادبية للاعتراف بالخطأ ونشره بالصحف لفضح هذه العملية القذرة التى يمارسها السماسرة تجار الايصالات وجوابات التخصيص و ممكن الناس لما تشوف النتيحة دى تعقل شوية وتبطل تزاحم على الفاضية والمليانة ويكونوا العوبة فى يد السماسرة الأوغاد .

اعتذارى وأسفى لشدة ردى واتمنى ان تفكر فى سطوره الاخيرة جيداً

[abdalla elshamy]

والله مش عارف اقولك ايه !

يعنى تاخد 500 جنيه سنة 1999 وتدفع 5700 سنة 2007 لطرف تانى هو الدولة

بس الصراحة يا أستاذى الفاضل ده جزاء طمعك فى كسب سريع وعدم وعيك بالاساس من الأول للوضع .. او انك كنت عارف من الاول ومطنش وزيك زى ال 30 % التانيين

اعذرنى لبواخة ردى ولأنى مش هاساعدك لأنك أول مثال يرد لمحاورات المصريين من اولئك الاشخاص الذين يتزاحمون على شئ لا يرغبون فيه ولا يملكون ثمنه وبالتالى يتسببون فى ازمات قانونية وتمتلئء بهم وبخصومهم المحاكم بالاضافة لضياع حقوق المحتاج الرئيسى للشئ هذا

الوضع ده مزرى ومنتشر الان فى اراضى الفقراء اللى هى كلها 150 متر ومن الحاجات النادرة الكويسة اللى عملها وزير الاسكان السياحى ولكن ايصالاتها تباع الان ب 42 الف واللى بيشترى عارف انه بيورط اللى بايع مع الدولة ولانه سمسار فهو هايلبس الناس فى بعضها ويطلع منها زى الشعرة من العجين ، وقد اعطى ما لا يملك لمن لا يستحق .

مأساة والله

مفيش حد هيقدر يعملك حاجة وهاتدفع المبلغ بكل بساطة اذا كان اقل من قيمة المنقولات اللى حجزوا عليها .

انت نصبت على نفسك للاسف !!

لكن .

اتمنى ان تملك من الشجاعة الادبية للاعتراف بالخطأ ونشره بالصحف لفضح هذه العملية القذرة التى يمارسها السماسرة تجار الايصالات وجوابات التخصيص و ممكن الناس لما تشوف النتيحة دى تعقل شوية وتبطل تزاحم على الفاضية والمليانة ويكونوا العوبة فى يد السماسرة الأوغاد .

اعتذارى وأسفى لشدة ردى واتمنى ان تفكر فى سطوره الاخيرة جيداً

شكرا للاخ / عصام ابو الفتح

لرده على موضوعى . ومهاجمتى على عريضتى

واتمنى من الحكومه بعد توزيع ايصال التخصص للشقق . ان تعمل لهم قروض ميسره وذلك لسداد قيمة القسط الاول للاسكان . وهذا يرفع من الروح المعنويه للمواطن محدود الدخل مثلى .. وان يمنع مثل ما حصل وان بعت الايصال لشخص اخر زى ماحصل . وارد عليه واقول بان الشقه بتفضل بأسم صاحبها مدة 30 سنه . وانا كان عشمى فى الله وفى الساده المحامين . بان يردوا ولو بكلمه ترتاح بها القلوب الحائره ونريد النصيحه مش اكتر

[tarek hassan]

عظيم الرد والله شكرا على الوعي وعلى الضمير لسه الدنيا فيه خير