كم تكلفة بناء منتجع دور واحد مع بركة سباحة

[ابو ماجد]

بعد السلام والتحية

اشتريت ارض صغيرة مساحتها 210م في جمعية الامل ك36 المقابلة لمدينة الشروق بطريق الاسماعيلية وناوي ابني عليها -ان شاء الله- استراحة (منتجع) بمساحة 100م

الكهربا دخلت الجمعية من حوالي سنة والمية ممكن نهاية السنة حركة العمران فيها تكاد تكون معدومة الا من عدد لا يتجاوز الاصابع وهذا اللي رغبني فيها انها بعيدة عن الضوضاء ونفس الشي قريبة جدا من الرحاب والشروق وخدماتها وتقع في القاهرة

والسؤال كم تقدرون تكلفة البناء على تاسيس دور واحد فقط لان اللي سمعته ان حركة العمران ممكن تطول علشان توصلها يعني 15 او 20 سنة علشان نشوف عمارات قائمة وممكن بعد عشرين سنه اهد الاستراحة واتصرف في الارض بشكل افضل

وكمان سمعت ان المترو ح يمر الشروق الى العاشر هل هذا صحيح

http://up1.m5zn.com/استراحة%20القاهرة.doc.htm

تم تعديل 23 أغسطس 2007 بواسطة ابو ماجد

[se_ Elsyed]

كيفك يابو ماجد

بمناسبة الإستراحات فهي شيء مُستغرب في مصر ... يعني مش زي هنا بقى الثمامة والفحص الدوري وشاليهات اليمامة وغيره .. حيث إن ما شاء الله في السعودية هنا المساحات شاسعة ولسه في أرض كتيرة مش مستغلة .. عشان كده تلاقي إن التوسع واخد شكل أفقي مش رأسي ..

أما مصر فالعكس تماماً .. عشان عندنا عدد سكان كتير ومساحة مأهولة محدودة فتلاقي توسعات رأسية وأبراج شاهقة الإرتفاع وماحدش فاضي يعمل إستراحات وخلافه .

ما علينا

إنت فكرتني بأخ صديق لي سعودي من الرياض برضوا عنده أرض في جميعة الأمل بس مساحتها كبيرة بس ما إسموش أبو ماجد :wub: ... ففي مره قاعدين لقيته بيقول لي : تعرف انا بأفكر اعمل إيه في الأرض دي ؟ قلت له إيه ؟ قالي نفسي اعمل إستراحة ومطعم كبير عبارة عن جلسات عائلية واعمل فيها مظبي ومندي وكبسة و و و .... فقلت لي يا عم أرحمنا مظبي إيه ومندي إيه ؟ هو الواحد لما يفكر في مشروع مش لازم يشوف البيئة أو المكان اللي هايتعمل فيه المشروع ده ومن هو الزبون او المستهلك المستهدف ؟ وبعدين الناس هاتخبط المشوار ده كله وتروح طريق الإسماعيلية عشان تاكل مظبي ومندي ؟ وأساساً الأكلات الشعبية الخليجية دي مش منتشرة عندنا في مصر وبدأت بعض المطاعم في شارع جامعة الدول وفي مدينة نصر وفي 6 أكتوبر تاخد الطابع الخليجي لإن هناك زبون مستهدف متواجد هناك وهم السواح أو الطلبة الخليجين اللي بيدرسوا عندنا .

المهم ....

أنصحك إنك ما تكلفش نفسك كتير .. وإنك تبني حاجه كده مؤقته .. كويسه وليست مكلفة .... يعني لا داعي لعمل أساسات وحفر كثير لحين إتضاح الرؤيا وهل هاتكون المنطقة حواليك فلل أو عمائر عشان ما تبقاش إنت شكلك مخالف في وسطهم ..

يعني لو اسستها على أساس إنك هاتبينها فيلا .. وطلع جنبك عماير يبقى هايبقى شكلك وحش في وسطهم ... وهكذا

وبعدين خلي بالك إنت حتت الأرض بتاعتك دي يا دوب .. وصغيرة جداً .. وبالتالي هي يا دوب على قد إستراحة ...

فالـ 100 متر دوب ممكن يعملوا لك مجلس وغرفتين صغيرين ومطبخ وحمام .... وزي ما قلت لك ... شوف لك مهندس كويس في مصر وتشرح له إحتياجاتك وإنك عايز حاجة مؤقتة لحين إتضاح شكل المنطقة . وهو هايعمل حسبته وهايقولك التكاليف ... بس غالباً المتر المكعب من الخرسانة بيتكلف حوالي 800 ج ... يعني لو قلنا مثلاً إنك هاتبين دور واحد ... وسقف الدور ده لو قسناه بالمتر المكعب هايطلع 50 متر .. يبقى كده التكاليف 40000 ج ......

غير بقى تكاليف التشطيب اللي إنت محدده وراسمه في دماغك

وبالنسبة للبركة - حمام السباحة بالمصري يعني - فمساحة 3 * 4 هاتكلفك حوالي 50 ألف جنيه .. دي أنا متأكد منها .. وده من الألف إلى الياء حتى تتسلم حمام جاهز يمكن إستخدامه

وخلي بالك بعد ده كله لازم هاتحتاج حارس دائم بالمكان عشان ياخد باله من المبني ويراعيه .

مع تحياتي ،،

[ابو ماجد]

سي السيد بعد السلام والتحية

اشكرك على ردك السريع وفرصه سعيد اني اتعرفت عليك

ممكن لو سمحت تخش على الرابط -السابق- وتشوف التصميم اللي عملته وتديني رايك فيه

ولو ثقلت عليك شوي هل عندك معلومات عن جمعية الامل وحركة العمران فيها كيف حتكون لان الارض اللي اشتريتها مترخصة ارضي و4 ادوار والبناء فيها على 60%

وحسب معلوماتي ان الاراضي اللي لسه ناشئة تكون حركة العمران فيها بطيئة جدا خاصة ان البناء فيها نظام قطاعي مش جملة مثل التجمعات الكبيرة

وارجع اقول هل فكرتي جيده في بناء استراحة ام اصرف النظر عنها وانتظر 15 سنه

وهل عندك فكره عن المترو اللي ح يمر الشروق في طريقه للعاشر

وكيف تحتسب تكلفة بركة السباحة اذا كان مساحته 3*4 وعمق 1.5

للااهمية لاني على وشك ابني بعد عيد الحج -ان الله احيانا-

[se_ Elsyed]

بالنسبة لجميعة الأمل فإسمها كويس ، وهي وجميعة مصر الجديدة واخدين مساحات أرض كبيرة في الجهة اللي مقابلة للشروق ولهما مشاريع واعده .

- إذا كنت هاتبني على مساحة 60 % من الأرض ... يبقى معليش الرسمه المرفقة دي مبالغ فيها بالمرة

بقى يا راجل على مساحة 126 متر عايز تعمل المولد ده كله ؟!!!

غرف نوم وإستقبال وإستراحة وجراج وحمام سباحة وحديقة ...

مستحيل طبعاً إلا لو كنت هاتعمل علب كبريت أو علب سردين ...

وبالتالي لازم تعطي العيش لخبازه يابو ماجد وتخلي مهندس يصمم لك اللي إنت عايزة بشكل علمي

وهأقولك على خبر حلو

مدينة الشروق لم يعد بها موضع لقدم ... و " مدينتي " إتبنت جنبها .. وبالتالي الإمتداد العمراني الطبيعي لتلك المنطقة هايكون في الحتة اللي إنت شاري فيها .. بالمناسبة أنا حافظها بالشبر وعارف كمان موقع أرضك ... يعني موضوع 15 سنة اللي بتتكلم عنها ده هاتُختصر لخمس سنين بالكتير قوي وبعد كده مش هاتعرف تحط رجلك في المنطقة دي .. خصوصاً إنك متحاصر هناك بين العبور وبين مشاريع جمعية مصر الجديدة والطلائع اللي عاملين حاجات هايلة هناك وبيغيروا معالم المنطقة للأجمل بمشاريعهم اللي هي في الجهة اليسار وإنت متجه للعاشر واللي إنت أرضك هناك في ناحيتهم ....

أما موضوع مترو الانفاق أو غيره .. فصدقني مش هاتفرق كتير لإن الحتة عمار بالفعل ومش محتاجه إن المترو يخليها تعمر زيادة ... وشوف الشروق والعبور عاملين إزاي دلوقت من غير مترو ولا غيره .

موضوع بناء الإستراحة ... بصراحه أنا مش عارف أساساً الهدف منه إيه ؟

يعني عايز مكان عشان لما تنزل أجازة تسكن فيه إنت والعائلة ؟ ولا إنت هاتستقر في مصر بشكل دائم ؟

موضوع حمام السباحة ... ده عن تجربة عملية ... وبيقولك إسأل مجرب ولا تسأل طبيب ... فعلى سبيل المثال ... حمام مساحتة 4 * 6 متكلف 60 ألف .. والمقاول ياخد المكان من ساعات ما يكون رمل .. لحد ما يسلمه لك عالمفتاح ... يبقى الحمام اللي عايز تعمله وأصغر من ده يتكلف في هذه الحدود مع الأخذ في الإعتبار الإرتفاع الدائم للأسعار .

[ابو ماجد]

سي السيد بعد السلام والتحية

اعود للحديث عن الاستراحة لانها في الفترة الحالية هي شغلي الشاغل خصوصا اني مشتري الارض من سنتين

فاقول:

على اسمها استراحة فترة الاجازة احتاج فيها الى بركة سباحة اراعي فيها الخصوصية ومساحة خضراء ولو صغيرة وابنيها بتكلفة معقولة لان بناء فله مكلف وكمان والدي عنده شقه في حي النزهة بالقرب من سينما طيبه ومساحة الغرف تقريبا متقاربة والمحسوب مباني من الاستراحة هي الصالة وغرفتي النوم والمطبخ والطرقة فقط اما حمام السباحة والحديقه والجراج غير محسوبه من نسبة المباني ده كلام مهندس الشركة اللي عرضت عليه التصميم المبدئي

ملاحظة والدي استاذ جامعي متقاعد وكان واخذ الشقه قبل حرب الخليج وهي عبارة عن 3 غرف وحمامين ومطبخ ورسبشن 3 قطع وكنت اسكن معاه مع العائلة فبل ما استقل واتزوج يعني صيف الشقق جربته والفله سعرها مكلف سواء جاهزه او بناء

اما تكلفة بناء حمام السباحة فهي فعلا مفاجئة لان اللي سمعته ان المتر مابين 1000 الى 1500ج وشكلي ما حسبته صح

بس على العموم مهما كلف لابد يتعمل -باذن الله- لانه بدون حمام سباحة ما اكون عملت شي يعني شقه داخل سور

على العموم اللي مثلي مش عاوز يصيف في شقه ولا قرية سياحية ولا يقدر على قيمة فله وغاوي جو الاستراحة خصوصا ان الصيف ما يحلى الا بحمام سباحة خصوصا مع الزوجة والاولاد ما دامو لسى صغار 5 سنين وسنتين يعمل ايه

مع الاحاطة ان مصر هي المصيف الاول لاكثر العائلة والطريف ان بعض اقاربنا ما نشوفهم الا في صيف مصر

وعمار يا مصر

ختاما اشكرك جزيل الشكر على تفاعلك معي وارجوا ان نتواصل انت فعلا كنز معلومات ارجوا ان استفيد منك.

[أحمـ باشا ـد]

اما تكلفة بناء حمام السباحة فهي فعلا مفاجئة لان اللي سمعته ان المتر مابين 1000 الى 1500ج

السعر ده صحيح للمتر المكعب فمثلا حمام سباحة مقاس 5 في 4 بأرتفاع متوسط 2 متر يكون مكعبة 40 متر مكعب

و لن تقل تكلفته عن 40 ألف جنيه كما قال سي اليد و الحد الأقصى مفتوح طبعا و يعتمد على نوعبة التربة و الأساسات و التشطيبات و الأضافات من أجهزة

أنا راجعت رسمك المرفق ( الكروكي) و وجدت أن الطابع ألذي تنشده هو الطابع الأسلامي و هو عبارة عن مسكن ليس به فتحات على الخارج

و يعتمد على فناء داخلي به حديقة و حمام سباحة و أحييك على هذا التفكير الصائب جدا لأنه يصادف هوى في نفسي

أعتقد انه يمكن لمهندس معماري أن يصمم ما تبغي في حدود قطعة أرضك

و ممكن أستكمال المشروع على مراحل فمثلا حمام السباحة ممكن زرع حديقة مكانها ألى حين أقامتها

أيضا باقي العناصر ممكن تأجيل بعضها ...أو حتى البدء بغرفة نوم و حمام و صالة كمرحلة أولى

كل هذا ممكن أن يتم فقط في وجود مهندس معماري جيد خطط لأقامة المشروع على عدة مراحل

[ابو ماجد]

احمد باشا بعد السلام والتحية

اشكرك على التفاعل مع الموضوع

اذا قلنا بركة السباحة الطول 4م * عرض 3م = 12م *عمق 1.5 = 18م *1500جنيه= 27000 جنيه يعني في بحر 25 الف جنيه

ومساحة المباني حوالي 100م كيف يتم حسابها خرسانه وتشطيب متوسط مع الاحاطه ان السور طوله 58م * ارتفاع 3م مخصوم منها 33م داخله في المباني والابواب الحديد الخارجية وابواب الخشب الداخلي ...... انا ما زلت اسال واجمع معلومات

وعلى فكره انا في السعودية ساكن في عمارة لوالدي ولما كان يبنيها كنت معاه واستفدت من تلك التجربة بس اللي انا خايف منه اني احسب حسابي على ميزانية نهر وبعدين يطلع بحر واتعلق لا سكنت ولا فلوسي بقيت معي وعلمني والدي اذا جيت احسب شي ازيد عليه 25% احتياط

وهذه اسالتي

- سعر الخرسانه للمتر

- سعر الالف طوبه

- سعر طن الاسمنت

- سعر متر البوية الداخلي تعتيق

- سعر متر البويه خارجي بروفايل

- سعر متر اللياسة محارة

مع الاحاطة ان جاري مهندس معماري وباستشيره في التصميم بس معندوش فكرة دقيقه عن الاسعار اللي هي اهم شي عندي حاليا لاني ناوي اسلمها مقاول خرسانه فقط وباقي التشطيب ح اعمله على مهلي ومقدرتي

وح احاول لما انزل مصر في العيد انزلكم صورة للموقع

وعمار يا مصر

وشكرا على التفاعل والى الان -ولله الحمد- المعلومات اللي حصلتها قيمة ونورتلي بعض الطريق

ونورت مصر

[أحمـ باشا ـد]

أبو ماجد

لا يصح دراسة الموضوع هكذا

فأسعار بنود التنفيذ ليست موحدة مثل أسعار باكو الشاي مثلا

فالتصميم حسب نوعيته و حجم الكميات يغيران في الأسعار تغيرا شديدا

فأذا أردت مثلا أنشاء حمام سباحة صغير كما تود فأن أسعار بنودة سترتفع أرتغاعا شديدا و العكس صحيح

الهندسة و المقاولات مهن تحتاج علم و خبرة و لا أنصحك ان تمارس أحدهما على سبيل الهواية

من مشاكلنا الثقافية هي عدم أعطاء الخبز لخبازه كما قال سي السيد و ينتج عنها أخطاء تعالج باخطاء ألى ما لا نهاية

ثق أن الأجر ألذي سيأخذه المهندس هو أجر يستحقه لأنه سوف يعطيك مقابلا له أضعاف ما أخذ هو

مداخلتي السابقة كانت تشجيعا لك على فعل الشئ الصحيح و ليس تأمينا على ما تتخيل سهولته

آسف أذا كنت صدمتك بكلامي هذا ....و لكنك سوف تقدر صدقه و أهميته في المستقبل

[ZAG]

بالنسبة لجميعة الأمل فإسمها كويس ، وهي وجميعة مصر الجديدة واخدين مساحات أرض كبيرة في الجهة اللي مقابلة للشروق ولهما مشاريع واعده .

- إذا كنت هاتبني على مساحة 60 % من الأرض ... يبقى معليش الرسمه المرفقة دي مبالغ فيها بالمرة

بقى يا راجل على مساحة 126 متر عايز تعمل المولد ده كله ؟!!!

غرف نوم وإستقبال وإستراحة وجراج وحمام سباحة وحديقة ...

مستحيل طبعاً إلا لو كنت هاتعمل علب كبريت أو علب سردين ...

وبالتالي لازم تعطي العيش لخبازه يابو ماجد وتخلي مهندس يصمم لك اللي إنت عايزة بشكل علمي

وهأقولك على خبر حلو

مدينة الشروق لم يعد بها موضع لقدم ... و " مدينتي " إتبنت جنبها .. وبالتالي الإمتداد العمراني الطبيعي لتلك المنطقة هايكون في الحتة اللي إنت شاري فيها .. بالمناسبة أنا حافظها بالشبر وعارف كمان موقع أرضك ... يعني موضوع 15 سنة اللي بتتكلم عنها ده هاتُختصر لخمس سنين بالكتير قوي وبعد كده مش هاتعرف تحط رجلك في المنطقة دي .. خصوصاً إنك متحاصر هناك بين العبور وبين مشاريع جمعية مصر الجديدة والطلائع اللي عاملين حاجات هايلة هناك وبيغيروا معالم المنطقة للأجمل بمشاريعهم اللي هي في الجهة اليسار وإنت متجه للعاشر واللي إنت أرضك هناك في ناحيتهم ....

أما موضوع مترو الانفاق أو غيره .. فصدقني مش هاتفرق كتير لإن الحتة عمار بالفعل ومش محتاجه إن المترو يخليها تعمر زيادة ... وشوف الشروق والعبور عاملين إزاي دلوقت من غير مترو ولا غيره .

موضوع بناء الإستراحة ... بصراحه أنا مش عارف أساساً الهدف منه إيه ؟

يعني عايز مكان عشان لما تنزل أجازة تسكن فيه إنت والعائلة ؟ ولا إنت هاتستقر في مصر بشكل دائم ؟

موضوع حمام السباحة ... ده عن تجربة عملية ... وبيقولك إسأل مجرب ولا تسأل طبيب ... فعلى سبيل المثال ... حمام مساحتة 4 * 6 متكلف 60 ألف .. والمقاول ياخد المكان من ساعات ما يكون رمل .. لحد ما يسلمه لك عالمفتاح ... يبقى الحمام اللي عايز تعمله وأصغر من ده يتكلف في هذه الحدود مع الأخذ في الإعتبار الإرتفاع الدائم للأسعار .

ال الاخ العزيز المحترم سي السيد بعد السلام والتحية

انا ابو ابراهيم عضو جديد في موقع محاورات المصريين - وانا بقالي كام شهر بتصفح بعض المواضيع التي تخص العقارات والاراضي وانا معجب ومحب لكتاباتك

ولردودك الجميلة والمفيدة والشاملة فهي تحتوي احيانا كثيرة على نقد مفيد وهادف صادر عن شخص ملم لدية الكثير من المعلومات تصدر الكلمات من فمة بشكل عفوي يتخللها روح من الدعابة وخفة الظل - وهذا ان دل على شىء انما يدل على شخصك الجميل المحب للتعاون ولاصداء النصائح للاخرين

اود من شخصك الكريم ان اتعرف وهنا اقتبس ما ورد اعلاة بداية من وهأقولك على خبر حلو .............على وضع المنطقة ومستقبلها هناك اي بعد جمعية مصر و الامل خصوصا من ناحية اليسار بعد المركز الطبي العالمي وبالتحديد بعد جمعية الطلائع - هناك جمعية تدعى القادسية - ويقولون حسب ما اسمع انة سيكون بها في المستقبل القريب مشاريع اسكانية لعدة شركات محلية في تلك المنطقة منها شركة مجموعة ابو سيف للاستثمار - وشركة العروبة وشركة النور مصر للاستثمار والتسويق الخ... من الشركات.......وستمتد هذة المشاريع لعدة كيلو مترات الى الداخل ( داخل جمعية القادسية )

هل هذة الاخبار ممكن ان تكون صحيحة ام هي عارية عن الصحة تماما وان الحكومة تمنع اي حد من عمل اي شىء هناك لانها فقط اراضي للاستخدام الزراعي مع العلم انة لم يزرع فيها اي شىء حتى الان ..........!!!!! - ولا اعتقد انة سيتم زرعها في المستقبل القريب او البعيد .........!!!! والبعض في تلك المنطقة بالتحديد ابتدو فعلا يقسمو الاراضي - للاستثمار السكني .... والى عدة كيلو مترات الى الداخل

ممكن الافادة حول هذا الموضوع من شخصك الكريم وخصوصا بانك ملم بتلك المناطق

ويا ريت وانا استسمحك عذرا لاني طولت عليك شوية ان نعرف عن وضع ومستقبل منطقة تدعى العدلية قريبة من بلبيس وهي بمحاذاة القادسية - لانهم ابتدو يعملو فيها مشاريع زراعية كويسة

وشكرا جزيلا

اخوك ابو ابراهيم

[ابو ماجد]

أحمد باشا

بعد السلام ةالتحية

ثق تماما بأني أحترم المهن جميعا ومؤمن بالمثل اعطي الخبز خبازه ولو اكل نصه ولكني حريص على جمع اكبر قدر من المعلومات قبل الخوض في البناء عشان احسب حسابي كويس على كل خطوة. ما فيه محظور لو الواحد سال مجرب واستشار بعده الطبيب سؤال الطبيب

حمام السباحة ليس مشكله عندي في الوقت الحالي ولكن اسالتي السالفة خاصة ببناء الاستراحة ككل اما التصميم فلم اعتمده الا بعد استشارة المقربين واخذ راي جاري المهندس باحتياجاتي في الاستراحة واعجب من الذي يري ان الغرف صغيره وهناك في مصر المحروسة شقق عبارة عن 80 و90 متر وغرفها لا تزيد عن 12 متر واصحابها عايشين فيها عمرهم والله يعطيهم طولت العمر

واعود لاقول هذا التصميم الذي يناسب احتياجاتي وماشي مع مساحة الارض واذا لديكم تصميم ترونه مناسب فاحنا اخوات والله في عون العبد ما دام العبد في عون اخيه

ومعليش ما احد جاوبني على اسالتي وهي اساله مهمه لاني سبق اني عملت استراحة لي في الديرة (البلد) على مساحة 600 متر بس ماهي مسلحة عملتها بالشينكو المعزول تصميم يوناني وفوقها قرميد وحمام السباحة مساحته 4*6 وكمان ماهو مسلح عملته جاهز عند برك بن طالب وهي مؤسسة مشهورة في الرياض في عمل المسابح الجاهزة بالمناسبة هل في مصر فكرة المسابح الجاهزة رائجة وايضا البناء بالشينكو المعزول وكيف يحسب المتر وهل هو مجدي في مصر اذا اخذ في الاعتبار ان الشينكو المعزول غالبا ما يكون ارخص من المسلح بكثير

عذرا على الاطالة واشكرك وجميع المشاركين في الموضوع واتمنى مشاركة اوسع ومعلومات اكثر

[se_ Elsyed]

شوف يابو ماجد ..

لو رجعت لكلامي هاتلاقيني سألتك : هل شكل البناء الذي تريده للإستراحه عايزه دائم ولا مؤقت ؟ظ

- دائم ... يبقى تبني صح وتأسس صح .

- لو مؤقت يبقى ممكن تعمله شنكو زي مانت عايز .. وهذا النوع من البناء موجود في مصر طبعاً ... بس إحنا بنسميه بناء " سويسي " جاي من محافظة السويس يعني وماعرفش إيه علاقتهم ببعض .. لكن بإختصار هو بناء بدون أساسات وعلى وش الأرض .. وهو متين وبيستحمل طبعاً لو مش هاتعلي فوقيه مباني أخرى ...

-- فعلاً في في مصر ناس عايشه في شقق 90 متر و 60 كمان ... لكن لما تيجي تتكلم عن إستراحة .. يبقى لازم أبني حاجه مريحه وواسعه لإن البناء بيبقى أشبه بالفيلا .. وبيبقى مش معقول أروح ابني فيلا والغرف بتاعتها تكون ضيقة .. لأني مش مضطر لذلك ....

- حمامات السباحة الجاهزة .. برضوا موجوده في مصر وتكاليفها فعلاً أقل لكن لا أدري بصراحة حتى الأن لماذا لا يُفضلها الكثيرون .

[قديم]

السلام عليكم

اهلا ابو ماجد . اسمح لي بالمداخله ومحاوله الاجابه على بعض استفساراتك .

بما ان لديك تجربه اوليه عن بناء الاستراحه . يعني عندك معلومات عن اسعار المباني . وتكاليفها . طبعا في السعوديه . _ بلدتك .. الديره .__ ..اكيد عندك ايضا معلومات عن دقه التنفيذ واخلاف المواصفات . وان هناك مقاولين اسعارهم غاليه واخرين اسعارهم متوسطه . وهناك مقاولين اسعارهم تحت . وكل مجموعه كما له عيوبه له حسناته .

فالغالي يريحك بس اسعاره شوي تقصم الظهر .

والرخيص يمكن يكون مخيس . تتعب معه ويريح جيبك موقتا واقول موقتا . لان عيوبه ماتبان الا بعديــــــــــــــــــــن ..

- سعر الخرسانه للمتر.. مثلك عارف ان سعر الخرسانه .. يختلف حسب كميه الاسمنت ..350_450_ ويحتلف من شركه الي شركه .. حسب سمعتها في السوق

- سعر الالف طوبه..اعتقد الطوب في مصر يختلف عن مقاسات الطوب هنا بالسعوديه .

- سعر طن الاسمنت يحتلف حسب الوقت . فالتسعيره ليست ثابته . وخصوصا الايام هه فالاسعار عاليه ومتوقع لها الانخفاظ ..

- سعر متر البوية الداخلي تعتيق..حسب العامل . والماده..جوتن ثلاث درجات . الجزيره . وغيرها ...

- سعر متر البويه خارجي بروفايل.ايضا حسب العامل والماده .

- سعر متر اللياسة محارة يمكن هو اللي ثابت ويتعتمد سعره على سعر الاسمنت .

عموما قد يكون كلامي اللي فات لم يفيدك بشي . لكن هذه الحقيقه ..فاسعار المباني لا تحسب بدقه متناهيه . وخصوصا لما يكون الموضوع للنقاش . وببلاش .ههههه wst::

اسعار المباني عموما في مثل حالتك تقاس بالعموميات . والتخمين من اناس ليهم خبره بالسوق . فتلاقي مثلا المسبح العادي يكلف 40 الف ما يفرق لو زاد متر او مترين.. لانه كا ما كبر تزيد التكلفه بشكل متناقص

وكذلك المباني ...لها سعر تقريبي . تدور في نطاقه . شي يشيل شي اخر .. وتلاقي تقدير التكلفه مثلا تزيد ير في المسبح وتنخفض في المباني . او الزراعه . وهكذا..

المباني في مصر عموما تقريبا هي نفس الاسعار في السعوديه او اكثر شوي . واعمل حسابك على كذا .

بعدين نقطه مهمه في البناء هناك لمسات بسيطه تعطيك مبني رائع . وجميل . وبتكاليف ارخص . من مبني مبالغ فيه باسعار عاليه وسر هذا الانخافض في التكاليف هو

التصمــــــــــــــــم

واللمسات الجماليه . تعطي اضافه اكثر من رائعه للاستراحه او المبني .. وهذا يعتمد على خبره المالك وتجاربه السابقه .. وايضا المهندس المصمم .

ولا تنسانا من النزاله .

اتمني اكون قد اضفت لك شي مفيد .

[أحمـ باشا ـد]

شوف يا اخ ماجد أنا طبعا كنت فاهم انك عامل كروكي فقط لأنني لم أتصور أن هذا الرسم هو تصميم نهائي

و أنا لا أستطيع أعطائك تصميما هكذا فالتصميم يجب أن يتم بعد مناقشة صاحب المشروع و معرفة أراؤه و ذوقه و مقدرته و أيضا بعد معاينة الموقع و ربما أجراء أختبارات على التربة أو رفع المنطقة مساحيا و لو كانت هذه المنطقة في مجال عملي لكنت أهديتك تصميما لكنني أعمل في شمال مصر بالأسكندرية و ما حولها

المهم

علشان تعمل ميزانيتك فأقل تكلفة لمبنى بهذه المساحة في تلك المنطقة لن يتكلف أقل من 80 ألف جنيه شامل السور و البوابة و الجراج و لا يشمل حمام السباحة

و لا يوجد حد أقصى بطبيعة الحال فممكن غيرك يكلفها مليون أو أثنان حسب التشطيب المطلوب لكن ثق أن التصميم الجيد يعني شكل نهائي جيد و مواصفات جيدة و مشاكل منعدمة

[ابو ماجد]

سي السيد

بعد السلام والتحية

اهلا بك من جديد

سبق اني اشرت الى ان الحركة العمرانية في جمعية الامل بطيئة جدا واعرف بعض المصريين في السعودية ساكنين خارج القاهرة وشارين فيها بغرض الاستثمار طويل الاجل لان على كلامهم سعر المتر في القاهرة بيزيد اكثر من غيره في باقي مدن مصر والارض قدامها 20 سنه حتى يكتمل بنائها لانها الان شبه صحراء الا من بعض الشوارع المسفلته وكما اشرت سابقا ان الاراضي لسى قابله للتقسيم وفيه مساحات واسعه لسى ما اتقسمت ولما نعرف ان الامل ترخيصها 5 ادوار يعني حتى لوبنيت فيلا في الوقت الحالي واستلمتها بعد سنه حتكون بعد 15 سنه قديمة عند جاراتها وكمان احتمال تقوم جنبها عمارة فكيف حيكون شكلها

فالبناء مؤقت لحين يضهر شكل الارض

وعلى فكره عبارة (البناء السويسي) سمعتها من قبل بس ما كنت اعرف ان معناها البناء الجاهز بالشينكو (وشكرا على هذه المعلومة)

وسمعت من صاحب التقسيم ان اكثر اللي اشترى الاراضي من المصريين كان بالقسط وسالت احد المشترين وهو محاسب متى ان شاء الله ح تبدا في البناء قال: (يووه.. مش اقل من عشر سنين .. دنا طلعت عيني على ما سدت الاقساط خليني اريح شويه وتكون دخلت المرافق انا ممكن لو مستعجل اعملها سويسي بجنينه وحمام سباحة على القد.. وربنا يسهل..)

وح افكر في البناء السويسي اذا كانت كفاءته زي اللي عندنا في السعودية كمان من الممكن ان الواحد بعد مدة 15 سنه يفك المبنى ويبيع ادواته

وسؤال جديد:

البناء السويسي كام يكلف سعر المتر بالتقريب؟

علشان ما حدش يقول ان كل حاجة ولها سعر يعني تصميمي يخش في حسبة كام ؟؟؟

المهم ان يكون المبنى صالح للسكن الادمي وغير مكلف!

اسف جدا على الاطالة

بس بجد موقع مميز والمعلومات اللي جمعتها جدا قيمة

مع املي بمشاركة اوسع ومعلومات اكثر

وعمار يا مصر

[ابو ماجد]

هذه معلومة افادني بها أحد المهندسين عن طريق احد المواقع.

طريقة إنشاء حمام سباحة

يتم حفر المسبح حسب ما ترغبه إما مستوى واحد أو متدرج مستويات مختلفة

بعد ذلك يتم عمل صبة نظافة بسماكة 10 سم من الخرسانة

بعد ذلك يتم بناء المسبح بواسطة البلك الطابوق

وبعدها يتم عمل اللياسة للمسبح من الداخل

وبعد ذلك يتم عمل العزل المائي بواقع طبقتين من اللفائف من قبل شركة العزل المتخصصة والتي تضمن عملها لمدة لا تقل عن 10 سنوات

بعد ذلك يتم عمل الحديد للجدران والأرضية

بعد ذلك يتم وضع العازل الووتر ستوب وهو عبارة عن تشريك لزيادة فاعلية العزل وهو يقوم بربط صبة الأرضية و الجدران معاً

بعد ذلك يتم التنسيق مع أحد الشركات المتخصصة بتمديد المسابح

مثل بن طالب للمسابح أو الفلوجة للمسابح أو القرشي

ليتم عمل التمديدات من قبلهم حسب الأجهزة التي سيتم استخدامها

عند الإنتهاء من عمل التمديدات اللازمة من قبل الشركة المتخصصة

يتم بعد ذلك عمل صبة خرسانة للأرضية بسماكة 20 سم

و بعد ذلك يتم عمل الخشب للجدارن ومن ثم صب الجدران بواسطة الخرسانة

بعد ذلك يتم فك الخشب من الجدران

و بحمد الله تم الإنتهاء من المسبح

ولنا عودة

لكن العودة تطول شوي يعني بعد الإنتهاء من مرحلة العظم تماماً

مع التشطيبات

يتم استدعاء الشركة المتخصصة في المسابح والتي قامت بعمل التمديدات

للتأكد والوقوف على الطبيعة و أعطائك الأذن لعمل السيراميك للجدران

وبعد ذلك يتم تركيب و توريد الأجهزة الفلاتر و السخانات إن وجدت

آمل ان تكون المعلومة مفيدة

وسابحث عن معلومة للمسابح الجاهزة (الفيبر جلاس)

وهمتكم معي

[Mohammad Abouzied]

هذه معلومة افادني بها أحد المهندسين عن طريق احد المواقع.

طريقة إنشاء حمام سباحة

يتم حفر المسبح حسب ما ترغبه إما مستوى واحد أو متدرج مستويات مختلفة

بعد ذلك يتم عمل صبة نظافة بسماكة 10 سم من الخرسانة

بعد ذلك يتم بناء المسبح بواسطة البلك الطابوق

وبعدها يتم عمل اللياسة للمسبح من الداخل

وبعد ذلك يتم عمل العزل المائي بواقع طبقتين من اللفائف من قبل شركة العزل المتخصصة والتي تضمن عملها لمدة لا تقل عن 10 سنوات

بعد ذلك يتم عمل الحديد للجدران والأرضية

بعد ذلك يتم وضع العازل الووتر ستوب وهو عبارة عن تشريك لزيادة فاعلية العزل وهو يقوم بربط صبة الأرضية و الجدران معاً

بعد ذلك يتم التنسيق مع أحد الشركات المتخصصة بتمديد المسابح

مثل بن طالب للمسابح أو الفلوجة للمسابح أو القرشي

ليتم عمل التمديدات من قبلهم حسب الأجهزة التي سيتم استخدامها

عند الإنتهاء من عمل التمديدات اللازمة من قبل الشركة المتخصصة

يتم بعد ذلك عمل صبة خرسانة للأرضية بسماكة 20 سم

و بعد ذلك يتم عمل الخشب للجدارن ومن ثم صب الجدران بواسطة الخرسانة

بعد ذلك يتم فك الخشب من الجدران

و بحمد الله تم الإنتهاء من المسبح

ولنا عودة

لكن العودة تطول شوي يعني بعد الإنتهاء من مرحلة العظم تماماً

مع التشطيبات

يتم استدعاء الشركة المتخصصة في المسابح والتي قامت بعمل التمديدات

للتأكد والوقوف على الطبيعة و أعطائك الأذن لعمل السيراميك للجدران

وبعد ذلك يتم تركيب و توريد الأجهزة الفلاتر و السخانات إن وجدت

آمل ان تكون المعلومة مفيدة

وسابحث عن معلومة للمسابح الجاهزة (الفيبر جلاس)

وهمتكم معي

عزيزي ابو ماجد

انا بنيت مسكن جميل جدا لم يكلفني اكثر من خمسة وستون الف جنية على طريقة حسن فتحي في مزرعتي وتشطيب سوبر لوكس

وكوكو واوا عمل نفس المشروع في مزرعته قبلى وطبقا للرسمه كويسه فعلا ومناسبة لكن

بالنسبة لحمام السباحة الى بتقول عليه وبتدي مواصفاته دا ممكن للمسابح الدائمة

لكن حمامك لا يزيد كما ارى عن 3 في 4 متر

يعني اقرب لحمام جاكوزي عن حمام سباحة كبير يسبح فيها اولادك

واعتقد انك سوف تستخدمه اسبوع او اثنين فقط في السنة وبعد كدا ها تفضيه وكان الله في عون المحسنين

دا ممكن مياها تستخدمها للجنينة كمان الى وراء المنزل حسب مخططك

اشتري مسبح فيبر جلاس وركبه وجيب طلمة سحب فقط وفيه خلطة تتباع ضد الطحالب وبها كلورين واسيد تضاف الى المسبح وتعلق على حافته وتستخدما كل المسابح داخل البيوت هنا في السعودية واعتقد موجوده في مصر جاهزة للبيع

انا هاعمل حمام سباحة بنفس الطريقة في مدرية التحرير يمكن ااكبر طبعا لان الارض حول الفيلا نصف فدان يعني الفان وخمسمائة متر مربع وهاقلك على التكاليف كلها بعد ما اخلصها الى تقريبا مكن بعد رمضان على طول

ومن ناحية اخرى حمامات السباحة في داخل القاهرة لازم تغطيها لان في المستقبل ها تبقى مكشوفه امام العمالرات العاليه وسوف تفقط خصوصيتها

ودي عندي فكرة لها كويسها وهي تغطيتها بالالميتال والزجاج العاكس المرايا ويسمح بدخول الشمس ويمنع الرويا داخله

[Folana]

السلام عليكم ورحمة الله.....

سى السيد كتب:

- حمامات السباحة الجاهزة .. برضوا موجوده في مصر وتكاليفها فعلاً أقل لكن لا أدري بصراحة حتى الأن لماذا لا يُفضلها الكثيرون

مشكلة حمامات السباحة الجاهزة الفاييبر انها معرضة دائما لحدوث ثقوب بها ومن ثم تسريب المياه منها ...مما يؤدى الى مشاكل عديدة منها تشبع الارض حولها بالماء وحدوث هبوط بها.....

ولى اصدقاء تعرضوا لنفس المشكلة وحدث هبوط بالارض وترشيح للماء بجدران المنزل...الافضل ان يتم بناء حمام السباحة بالطريقة التى ذكرها الاخ الفاضل ابو ماجد....

وده بيتم عن طريق الشركات المتخصصة مثل ايماك وغيرها...بيتولوا اعمال تجهيز الحمام من الالف للياء مع توفير صيانة دورية له....

والافضل عدم تركيب سيراميك ولكن بيتم تركيب لايننر اشبه بالمشمع المقوى ..مش متذكرة اسم المادة حاليا ....وان شاء الله حاكتب تكاليفه فى مداخلة اخرى...وان كان يتراوح سعره مابين 40 الف الى خمسين الف ...وقد يكون اقل تبعا للمساحة....بيلحق به وحده منفصله بها الفلتر والموتور والاضاءة وطبعا بيضاف الكلور واللى هو عبارة عن اقراص بيضاء مستديرة لتعقيم المياه...

بالنسبة لتغطية حمام السباحة حتكون مكلفة بالطريقة التى ذكرها استاذنا الكريم محمد ابو زيد وحيفقد ميزة وهى ان يكون فى الهواء الطلق....ممكن يتغطى بمظلة كبيرة تغطى مساحته وقابله للحركة فى جميع الاتجاهات ودى متوافرة هنا عند هانيميكس....ولو الغرض من تغطيته هو حفظ الماء من الاتربة بيتم عمل غطاء للحمام نفسه قابل للطى والفرد.......يعنى بيركب على سيور حول الحمام ....ده الحقيقة لم اراه ولكنى سألت عنه وتكلفته بتكون بالمتر ايضا

وحاوليكم بتفاصيل اخرى ان شاء الله.....

[Mohammad Abouzied]

السلام عليكم ورحمة الله.....

سى السيد كتب:

- حمامات السباحة الجاهزة .. برضوا موجوده في مصر وتكاليفها فعلاً أقل لكن لا أدري بصراحة حتى الأن لماذا لا يُفضلها الكثيرون

مشكلة حمامات السباحة الجاهزة الفاييبر انها معرضة دائما لحدوث ثقوب بها ومن ثم تسريب المياه منها ...مما يؤدى الى مشاكل عديدة منها تشبع الارض حولها بالماء وحدوث هبوط بها.....

ولى اصدقاء تعرضوا لنفس المشكلة وحدث هبوط بالارض وترشيح للماء بجدران المنزل...الافضل ان يتم بناء حمام السباحة بالطريقة التى ذكرها الاخ الفاضل ابو ماجد....

وده بيتم عن طريق الشركات المتخصصة مثل ايماك وغيرها...بيتولوا اعمال تجهيز الحمام من الالف للياء مع توفير صيانة دورية له....

والافضل عدم تركيب سيراميك ولكن بيتم تركيب لايننر اشبه بالمشمع المقوى ..مش متذكرة اسم المادة حاليا ....وان شاء الله حاكتب تكاليفه فى مداخلة اخرى...وان كان يتراوح سعره مابين 40 الف الى خمسين الف ...وقد يكون اقل تبعا للمساحة....بيلحق به وحده منفصله بها الفلتر والموتور والاضاءة وطبعا بيضاف الكلور واللى هو عبارة عن اقراص بيضاء مستديرة لتعقيم المياه...

بالنسبة لتغطية حمام السباحة حتكون مكلفة بالطريقة التى ذكرها استاذنا الكريم محمد ابو زيد وحيفقد ميزة وهى ان يكون فى الهواء الطلق....ممكن يتغطى بمظلة كبيرة تغطى مساحته وقابله للحركة فى جميع الاتجاهات ودى متوافرة هنا عند هانيميكس....ولو الغرض من تغطيته هو حفظ الماء من الاتربة بيتم عمل غطاء للحمام نفسه قابل للطى والفرد.......يعنى بيركب على سيور حول الحمام ....ده الحقيقة لم اراه ولكنى سألت عنه وتكلفته بتكون بالمتر ايضا

وحاوليكم بتفاصيل اخرى ان شاء الله.....

حمام السباحة المنزلي يمكن عمله طبقا للمواصفات الاولمبية او عمله بطريقة مبسطة اذا كانت استخدماته لا تتعدى ثلاثين يوم في السنة وطبقا لمساحته ايضا لان كلما زادت مساحتة وحجمة كلما ازادت تكاليفة بطريقة متواليه هندسية

العزل والبناء بهذه الطريقة التي ذكرها ابو ماجد في حالات المسابح الاولمبية اما في مسابح المنازل تختلف تماما خاصة لو على سطح الارض

جارى في المزرعة الى جنبي حول حوض مياه بناه لتخزين الماء فيه الى بركة سباحة بمنتهى السهولة

الفكرة اصلا تنبع التلكفة يجب ان تقابل النفع

يعني لو كان حمام السباحة سوف يتكلف خمسين الف فالافضل الغاء هذه الفكرة والاشتراك في اقرب نادي به حمام سباحة بذات المبلغ واتمتع بجميع مميزاته لكن لو حمام مساحته 5 في 4 ها يتكلف 10 الالف جنية ممكن اجازف وادفعها

وعلى فكرة فيه شاليهات ثلاثة حجرات في بعض القرى السياحية لا يزيد ثمنها عن مائة وعشرين الف جنية وتطل على حمام سباحة وغالبا ما يكون مهجور ولا ينزله احد الا نادرا

[أحمـ باشا ـد]

العزل والبناء بهذه الطريقة التي ذكرها ابو ماجد في حالات المسابح الاولمبية اما في مسابح المنازل تختلف تماما خاصة لو على سطح الارض

جارى في المزرعة الى جنبي حول حوض مياه بناه لتخزين الماء فيه الى بركة سباحة بمنتهى السهولة

أحب أذكر حضرتك أن وزن المتر المكعب من الماء هو 1000 كجم أو واحد طن

و أن وزن الحوض 3 في 4 بأرتفاع 5و1 متر مضافا أليه وزن الماء سيكون في حدود 25 طن على الأقل .....تخيل

و أن تسرب الماء من الحوض للتربة أو العكس ينتج عنه مخاطر شديدة أنشائية أو صحية

أما فكرتك بشراء شاليه جاهز فأنا أوافقك عليها

[Mohammad Abouzied]

العزل والبناء بهذه الطريقة التي ذكرها ابو ماجد في حالات المسابح الاولمبية اما في مسابح المنازل تختلف تماما خاصة لو على سطح الارض

جارى في المزرعة الى جنبي حول حوض مياه بناه لتخزين الماء فيه الى بركة سباحة بمنتهى السهولة

أحب أذكر حضرتك أن وزن المتر المكعب من الماء هو 1000 كجم أو واحد طن

و أن وزن الحوض 3 في 4 بأرتفاع 5و1 متر مضافا أليه وزن الماء سيكون في حدود 25 طن على الأقل .....تخيل

و أن تسرب الماء من الحوض للتربة أو العكس ينتج عنه مخاطر شديدة أنشائية أو صحية

أما فكرتك بشراء شاليه جاهز فأنا أوافقك عليها

معمول حساب الاحمال على السنتيمتر المربع واعتقد انشاء الله ممكن استعمال الحمامات الفيبر جلاس اذا احسن استخدامها واحسن تركيبها

وعلى فكرة سهل اصلاحها بمنتهى السهولة وحتى لو فرضنا ان المياه 25 طن ودي مش صحيح لان 3*4*1.5 = 18 متر مكعب لو قسمتهم بالطبع على 12 متر يصبح ضغط الماء طن ونصف على المتر المربع ودا شئ طبيعي ومحتمل

لاحظ انه استعمال منزلي يعني اطفال واب وام فقط وليس بالضرورة طوال الوقت وليس بالضرورة يكون مع بعض كلهم

على فكرة انا عندي حمام 3 *3 جاكوزي في النادي اشتريناه بمبلغ 36 الف ريال بضمانه وتركيبه لمدة خمس سنوات واستعمالة يكاد يكون يوميا ولمدة ست سعات متواصلة وبدون توقف وجميع اجهزته بيلت ان وعلى فكرة فكرت ان ارسل واحد لمصر لكن مدام سيدة اخبرتني انه متوفر افضل منه وعلى حجم اصغر زي البانيو ويساع 3 مع بعض ولن يتكلف اكثر من الفين الى 3 الف في مصر حسب رغبتك وطلباتك منه

تم تعديل 27 أغسطس 2007 بواسطة Mohammad Abouzied