ما رايكم في شيري QQ

[ابو ماجد]

بعد التحية والسلام

ما رايكم في سيارة شيري QQ وكم سعرها وهل يوجد منها اتوماتيك

ملاحظة: الناس اللي سالتهم مترددين فيها بين المدح والذم ومش عارف ايه مميزاتها وعيوبها باضبط

اللي لفت انتباهي ان سعرها في متناول اليد وصناعتها صينيه

انا شفت السيارة وجربتها واعجبتني بس ما زلت متردد في شرائها ممكن اللي جربها يفيدني عن قطع الغيار والصيانه كيفها معه

ولو حبيت اسافر فيها على الاسماعيليه مثلا كيفها على الطريق راسيه والا الهواء ياخذها يمين ويجيبها شمال

بصراحة الكماليات اللي فيها اكثر من رائعة

[Amenemhet]

http://www.egyptiantalks.org/invb/index.php?showtopic=31472

عاوز تسأل عن العربيات .. اليك هذا المنتدى

http://www.nilemotors.com/Forum/

منتدى تحفه وفيه ناس فى قمة الاحترام .. ارجوا يكون ده مش ضد قوانين المنتدى

نصيحه من اخوك ..... ابعد عن الصينى.

http://www.nilemotors.com/Forum/viewtopic.php?t=4606

متشكر قوي يا جماعه على زوقكم وأدبكم وتهنئتكم

وأنا عارف انكم ناس محترمه ومش عاوزين تزعلوني وتقولولي أن العربيه زباله

لكن هيه دي الحقيقه العربيه فعلا زباله

وأنا عارضها للبيع ولسه مارخصتهاش ومش ناوي أرخصها لأني مش هاخللي عيالي يركبو عربيه بالثبات ده ... ثبات أيه ؟... دي مافيهاش ثبات اصلا العربيه كده زي ماتكون راكب ريشه ريشه في هواء ده غير العيوب إللي ظهرت من أول يوم إللي هاحكيلكم عليها بس بعد ما ربنا يوفقني في بيعها ومش مهم خساره 500 جنيه في كام يوم المهم ولادي يبقوا راكبين في أمان وابقى متطمن عليهم وهما في رعاية ربنا طبعا وفي عربيه ثابته على الأرض مش نفخه تطيرها

بجد يا جماعه أنا نفسي مسدوده ومش هاحكيلكم على حاجه دلوقتي إلا بعد ما ربنا يوفق وأبيعها وأنا هاعمل اعلان هنا في المنتدى للبيع عشان بس الناس إللي ممكن تشك في أني فعلا أشتريت العربيه وبعد يومين عاوز أبيعها

لكن انا هاعرضها في معرض ومش عاوز اقابل إللي هايشتريها عشان مش عاوز اكدب واقول له أن العربيه حلوه أنا يدوب هابقى موجود ساعة أستلام الفلوس وكتابة العقود وخلاص لكن لو سالني مش هاكدب وأقوله ان العربيه ممتازه ولا حاجه وهاقوله العربيه مش ثابته على الأرض بالرغم من الأمكانيات والكماليات إللي في العربيه لكن الواحد مش بيشتري كماليات

معلش يا جماعه أنا متضايق حبيتن كده بعد ما أخلص من العربيه دي هاجي وأحكي لكم على كل حاجه وعلى الفصول البايخه إللي عملتها العربيه في اليومين دول (حاجه تكسف وتقرف بعيد عنكم)

وبصراحه لو الوكيل بيخللي العميل يسوق ويجرب العربيه قبل الشراء كنت عمري ما فكرت أني أخللي زوجتي والأولاد يركبو عربيه منعدمة الأمان زي كده

تم تعديل 23 أغسطس 2007 بواسطة Amenemhet

[Amenemhet]

يا ريت لما تشترى تقولنا رسيت على ايه ...... خبرتك تهمنا.