برافو معالي وزير الصحة المصري

[DARWEEN]

حضرتك شفت القطط في مستشفى النسا

ولما تسأل القطط ده هنا ليه بالكيمة ده؟!!

تفاجأ بالرد

انهم بيخلصوهم من حواشي ما بعد الولادات

القطط بتاكل الحاجات اللي بتتبقى بعد الولادة

اصل هيرموها فين!!!

منذ حوالي عشرين عام توليت المراقبة المالية لأحدى الشركات الخاصة التي كانت تقوم بتصدير مخلفات الولادة ( خصوصا البلاسنتال ) لفرنسا .. لمعهد متخصص أسمه معهد ميرييه ... وكان ذلك يدر عليهم أرباح طائلة

أعتقد أن قطط مصر أولى .. ربنا مايجعلنا قطاعين أرزاق

[Nonna]

الله أكبر :lol:

كنا بنصدر البلاسنتا لفرنسا؟!!!

والله بلدنا ما في منها اتنين

البلاسنتا لفرنسا

فرنسا

!!!!!

كل حاجة عندنا مهمة وذات فوائد ماشاء الله

حضرتك فكرتني في سنة من السنين قريت ان مصر بتصدر

قناديل البحر للصين

!!!!

حكم

[se_ Elsyed]

طيب عندي اقتراح

لو حد صور الصور دي..ونزلها وبعتها لبابا حسني..أو نزلها في أي مدونه مصريه...تفتكروا ممكن تعمل مفعول؟؟؟

الأخت الفاضلة ناش

طب عرض إقتر احك على سعادة رئيس ديوان رئيس الجمهورية ... والذي أفاد بالأتي

" إشارة إلى إقتراح الأخت ناش القاطنة بـ 5 شارع درب الكتاكيت بمدينة الرياض ... والذي تقترح فيه ان يتم تصوير كل تلك التجاوزات في المشتشفيات وعرضها على الأب القائد الشهيد الملهم .... فبهذا نفيدها بالتالي

-عارفه يا ناش يابنتي لو عيل صغير عنده 4 سنين ماشي في الشارع ولقى بريزة مرمية على الأرض فراح أشترى بها بونبون .. فراحت سنانه مسوسة فراح للدكتور ركب له كوبري في سنانة بالشيء الفلاني ؟

اهو بابا حُسني هو اللي رامي البريزة دي عشان الواد يلاقيها يقوم بمنتهى الطفاسة رايح شاري البونبون من مصانع بابا حُسني وأولادة تقوم سنان الواد مسوسة فيروح للمستشفى يركبوا له كوبري من اللي بيفتتحهم بابا حُسني . تقوم المنفعة تعم على الجميع

بإختصار يا ناش ... بابا حُسني عارف كل حاجه ومش محتاج صور فوتوغرافية بس هو بيحب الشعب يُعاني عشان تخرج مواهب وقيادات من رحم تلك المعاناة - رحم وحاجات من دي بمناسبة موضوع القطط بتاعت عنابر النسا والولادة- .

شكراً للمواطنة ناش وأرجو فتح ملف لها في لاظوغلي قسم المعترضين على نظام الحاكم العام لعموم شعب مصر .

رُفعت الجلسة ..

----------------

الدكتورة نونا كتبت

معلش حضرتك شفت حلل المحشي و الفرشة اللي ع البسطة و في الممرات

في مستشفى الباطنة

آه طبعاً وكنت باكل معاهم كمان ... اصلي بأحب المحشي جداً وخصوصاً بتاع المستشفيات لإنه بيبقى مُعقم ومطابق للمعايير الصحية من ناحية الرُز والخلطة ودرجة السوا

[nash]

دي جهنم هاتبأة زحمه بشكل....

حضرتك نسيت يا سي السيد أهم لقب لبابا حسني...( الزعيم) واحب أقول أنه كان مجرد أقتراح مش قصدي حاجه خالص..

...اة والله...وأهي كلها فضفضه..بدل مانموت بحسرتنا ..وربنا مايجعلنا ندخل مستشفيات الحكومه

لا أعرف إلي أين سيأول بنا الحال..وإلي اي نقطه ستصل مصر...

يانهاري..وصلت للقطط وفين في عنابر النساء؟؟

وبعدين من المسؤول عن دخول حلل المحشي( اسفه يا سي السيد مش قصدي...) بس يعني أين مدير المستشفي؟؟ أكيد في عيادته الخاصه في الحي المشهور ماله هوة ومال الغلابه؟

محدش يقولي أتكلمتي علي المحشي ونسيتي الفئران والكائنات الأخري...

اصل بصراحه هوة المريض ومتنوم فيه حيل ياكل محشي ؟؟؟

[ahmedarab]

صباح الخير عليكم جميعا

انا قريت الخبر دة النهاردة وحبيت انى انقلة يمكن يكون فية شوية امل

كلاكيت تانى مرة ...... برافومعالى وزير الصحة المصرى

وعلى فكرة يا جماعة الراجل دة بيحاول يعمل حاجة صح .....عشان كدة انتظروا تغييرة مع اول تعدبل وزارى :blush2:

الى نص الخبر :

في جولة مفاجئة بمستشفيات القليوبية والدقهلية

الجبلي: مليار جنيه لزيادة أجور الأطباء

45 جنيها بدل النوبتجية للنائب و75 للإخصائي و100 للاستشاري

الوزارة وصندوق الخدمة يتحملان جراحة زرع الكبد للطبيب

توزيع 7500 ممرضة جديدة علي المستشفيات فقط .. بسبب التكدس في الوحدات

القليوبية الدقهلية نسرين عزب :

أعلن د.حاتم الجبلي وزير الصحة أن زيادة أجور الأطباء في الهيكل الجديد المقترح ستتكلف مليار جنيه وبدأ تنفيذ الهيكل فعلا بزيادة أجور أطباء الريف والمناطق النائية والتخصصات النادرة وتركز خطة المرحلة القادمة علي زيادة أجور النواب ليصل مجموع ما يتقاضاه النائب الي ألف جنيه شهرياً.

وأكد أنه لن يصدر قرارا شاملا بزيادة أجور الأطباء إلا إذا كان ممولا بالكامل مشيراً الي أن اصلاح أحوال الأطباء مرة واحدة مستحيل وقد تم صرف 750 مليون جنيه لاصلاح احوالهم مع التركيز علي الفئات الأكثر احتياجا وزيادة بدل النوبتجيات الي 5.22 جنيه للنائب و5.37 للإخصائي و50 جنيها للاستشاري وستكون هناك زيادات أخري للبدل ليصبح 45 جنيها للنائب و75 للإخصائي و100 للاستشاري في يوليو القادم. وسيتم التركيز في المرحلة القادمة علي تحسين الأحوال المالية للنواب ومساعدي الإخصائي وأطباء الاسعاف والطواريء.

وقال انه تقرر علاج الأطباء بالدرجة الأولي لمستشفيات التأمين الصحي وتم الاتفاق مع وزير التنمية المحلية علي زيادة حصيلة صندوق تحسين الخدمة 3% بدلا من 2% وتتحمل وزارة الصحة 75 ألف جنيه للطبيب الذي يحتاج الي عملية زرع كبد ويتحمل صندوق تحسين الخدمة 80 ألف جنيه.. وقال وزير الصحة لدي جولته المفاجئة أمس بمستشفيات كفر شكر بالقليوبية وميت غمر بالدقهلية انه قرر وقف توزيع الممرضات الجديدات علي الوحدات الصحية وعددهن 7500 ممرضة وسيقتصر توزيعهن علي المستشفيات فقط لأن هناك تكدسا للممرضات في الوحدات ونقصا في المستشفيات العامة.

قرر الوزير صرف مكافأة لجميع العاملين بوحدات الغسيل الكلوي بكفر شكر لحسن أدائهم واحال أطباء قسم العلاج الطبيعي للتحقيق بسبب التراخي.. كما أحال المسئولين المالي والإداري لمديرية الشئون الصحية بالقليوبية للمساءلة بسبب التراخي في صرف حوافز الأطباء. :happy: :wub:

[سيف الدين جلال]

بصراحة هذا الرجل. من لقاءاته الكثيرة فى التلفزيون وحواراته دائما فى الصحف...انا لا ارتاح له.....وايه يعنى زيارات على المستشفيات........وزيارة للاقصر ..اعتقد انها كانت زيارة سياحيةأكثر منها زيارة عمل......كفاية على اهل القاهرة وجامعاتهم ...عايزين وزير صحة من جامعات الاقاليم...كفاية عى اساتذة القصر العينى وعين شمس...عندكم المنصورة ...فيها اساتذة طب لا يقلون عن جامعات العاصمة..

[adel sh]

الله الله ياوزير الصحة . ربنا يزيدك حب لمصر وحرص علي مراعاة ربنا في شغلك وياريت يبقي كل واحد في مكانه بيراعي ربنا عشان بلدنا ترجع جميله تاني لحسن والله الواحد نفسيا تعب اوي ..ويحس بده اوي الناس المغتربين اللي زي حالاتي وبيوجعهم اوي حال مصرنا ...بارك الله فيك :closedeyes: