الزوجة الثانية ... الحق المر

[mffaswan]

و كأني لا قريت و لا عرفت رأيك يا أخ سمبا .. :lol:

أيه أخبار الفاصوليا .. أنا سامع إنها غليت ف السوق !! bnd5::

بصراحة .. أنا مش عارف أعلق عللى كلامك أقولك ايه ..

بس مجرد سؤال ..

أنت شايف أن الراجل مفروض يتجوز اتنين و ثلاثة و أربعه .. عشان يشبع غريزته .. لأن الراجل بطبعه شهواني .. و حكمت على كل الرجال أنهم شهوانيين ..

مين قالك إنهم كلهم شهوانيين ؟؟ و بكده أنت شملت كل الرجال اللي في الدنيا .. قديماً و حديثاً و مستقبلاً .. و ده بالتأكيد .. مش صحيح .. بكل المقاييس غلط !!

يا أخي الفاضل .. أنت بكلامك ده بتغلط في كل الرجالة .. و مش هأقولك إنك بكلامك ده شملتني .. و وصفتني ووصفت الرجال اللي مشاركين معانا .. و الرجال في الشارع بتاعنا و بتاعكم .. و في عمارتكم و عمارتنا .. و في عائلتكم .. و عائلتنا .. بأنهم شهوانيين .. زي باقي الرجالة !! .. لكن أنا عاوز أقولك .. إن الشهوة .. وسيلة مش غاية .. ربنا اعطانا الشهوة عشان نعرف نعيش و نتكاثر .. و ف الوقت نفسه حددلنا الطريق و وضح لنا الطريقة اللي نفرغ بيها الشهوة بأسلوب حلال .. و يزيد في الذرية .. و الرسول عليه الصلاة و السلام قال تناكحوا و تناسلوا .... إلى آخر الحديث .. من غير شهوة آدم عليه السلام .. ماكنش جاب قابيل و هابيل .. و لا كان نسل آدم عليه السلام ملأ الدنيا .. و دي حكمة ربنا ..

لو قلنا الشهوة هي اللي بتحرك الراجل .. عشان كده موظفات الاستقبال و خدمة العملاء ف البنوك .. كذا و لا كذا .. فدا و لا مؤاخذة مش كلام .. و لا مطرب بيجيب كام بتاعة و لا مش عارف ايه زي ما بتقول ..

لا البنوك و لا شغلها .. حلال 100% .. و اللي شغالين فيها أول ناس عارفة الموضوع ده .. و برضه فيه ناس محترمين ف البنوك .. رجال و ستات .. بس ما تستغربش من لبس البنات و لا مش عارف ايه لأن الشغلانة نفسها فيها أقوال إذا كانت حلال أو حرام.. و السياحة نفس القصة .. و الأعلام نفس القصة .. بس مش أي أعلام .. الأعلام بتاع الكليب بتاعك .. و بالأعلام بتاع الهجص اللي بنشوفه في الفضائيات .. خليك منطقي في كلامك .. و قولي .. لو واحدة سبسبتلك في شعرها و غمزتلك بعنيها .. هتتدهول و ترمي عليها فلوس من جيبك .. و أنت بتحلم بكذا و لا بكذا !!؟!؟؟ لا يا سيد سمبا .. مش كل الرجال كده .. و لا كل الرجال بيتفرجوا على الكليب اللي بتقول عليه .. و فيه ناس ما فيش ف الريسيفر اللي ف بيوتهم غير القنوات الدينية الرياضية و الأخبارية و الأطفال .. و لا فيه كليب و لا هباب ..

مش كل الرجالة زي ما انت حاولت تصورهم .. في رجال محترمين و عارفين ربنا و عارفين واجباتهم ف الدنيا و فاهمين الرسالة اللي بنأديها .. و عارفين الصح من الغلط .. و لعلمك .. مجتمعاتنا بطبيعتها بتلفظ و بتستنكر الراجل الشهواني .. و دا من رحمة ربنا علينا .. أنه أنعم علينا بنعمة الدين .. اللي بيحددلك أزاي تعيش و تتعامل مع غيرك .. أحنا مش عايشين في غابة ..

عارف مين اللي الشهوة بتتحكم فيه .. الحيوان .. و والله مش كل الحيوانات كمان ..

زي ماهو مش كل الستات بيتغمزوا و يتلمزوا فيه ستات محترمات و بنات ناس و متربيات كويس جداً و عارفين ربنا كويس .. زي مافيه شهوانيين .. فيه محترمين .. و زي ما فيه وحش .. في كويس ..

و دي حكمة ربنا من الدنيا .. إنك حر .. تقدر تبقى كده .. و تقدر تبقى غير كده .. عندك منهج .. و عندك طريق .. عاوز تمشي على الطريق الممهد المنور .. يا هلا .. عاوز تمشي في التراب و الجبل ف الضلمة .. برضه براحتك .. الأنسان هايتسأل يوم القيامة على اختياراته .. و على خطواته .. و على تصرفاته .. و معاملاته .. و على كل كلمة قالها .. و كل نظرة .. و كل لمحة .. و كل متسجل !!

بسم الله الرحمن الرحيم .. ( مَنِ اهْتَدَى فَإِنَّمَا يَهْتَدِي لِنَفْسِهِ وَمَنْ ضَلَّ فَإِنَّمَا يَضِلُّ عَلَيْهَا وَلَا تَزِرُ وَازِرَةٌ وِزْرَ أُخْرَى وَمَا كُنَّا مُعَذِّبِينَ حَتَّى نَبْعَثَ رَسُولًا (15) ) - الأسراء

بص يا أخ سمبا ..

أنا كنت عاوزك ترد على الموضوع اللي انت فتحته .. علشان أعرف رأيك ..

لكن بصراحة ..

أنا أتصدمت .. عارف ليه .. لأن ردك يفتقر إلى الأنصاف .. لما تعمم أن كل الرجال شهوانين .. يبقى أنت أكيد بتظلم فئة مش زي ما أنت شايف ..

أنا مش هأعلق على باقي ردك .. لأن الأخت الكريمة .. زهرة .. ردت بما هو كاف ..

الله يسامحك يا اخ سمبا .. النسكافيه برد تاني اهو brth)

[se_ Elsyed]

أنا أتصدمت فعلاً من رأي الأخ سيمبا ...

وهو بكده عمل زي اللي جاب تُراب من الأرض وأهاله على الموضوع كله

[MZohairy]

يا جماعه صلوا على النبي

انا جاي اهدي النفوس :lol:

سيمبا ميقصدش كده اوي

سيمبا حب يوضح بشكل عام ان غريزة الرجل بتتحكم فيه اكتر من المرأه كثيرا

و ضرب كذا مثال للتوضيح

وهي امثله حقيقيه في واقع الأمر لتوضيح نقطته بصرف النظر عن خروجها عن الموضوع قليلا

دايما الراجل هو اللي بيجري ورا الست

و هو اللي دايما بيبتدي بمعاكستها ( بشكل عام طبعا دون الاستثناءات)

وغالبا كل قضايا التحرش بتكون مرفوعه على الرجاله من ستات......... عشان العكس صعب جدا انه يحصل

مفيش شك ربنا خلق الست اجمل عشان تكون هدف للراجل.... ممكن ان يكون هدف شرعي او غير شرعي انما هي هدف في النهايه

فوتكم بعافيه و ترى بون جورنيه bnd5::

[se_ Elsyed]

في نقطتين غاية في الأهمية عايز أوضح للأخ سيمبا

1- لا يصح أن أقول " يتشدق او اتشدق بآيات أو أحاديث " فكلام الله ورسوله لا يُتشدق به .. ولكن الإنسان دائماً يستخدم لفظ تشدق لالعبارات الجوفاء او الكلام الفارغ ... وبالتالي فلقد حذفت الكلمة وأستبدلتها بكلمة لائقه ...

2- عندما أمرنا الله ورسوله في قرآنه الكريم والأحاديث النبوية بغض البصر فهو لم يستثني الرجال من دون النساء ، فلقد قال تعالى

" قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فَرُوجَهُنَّ وَلاَ يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلاَ يُبْدِينَ زِينَتَهُنَّ إِلاَّ لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلاَ يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعاً أَيُّهَا المُؤْمِنُونَ لَعَلَّكُمْ تُفْلِحُونَ "

إذن غض البصر مطلوب من الجنسين الذكر والأنثى

طب سؤال بقى لكل المتحاورين : تعرف كام واحد في محيط عائلتك أو معارفك أو قريتك او مدينتك الصغيرة متزوج أكثر من واحده ؟

أنا شخصياً .. ولا واحد من قرايبي ولا معارفي ولا حتى قريتي الصغيرة اللي جذوري منها في الريف .. ولا واحد متزوج أكثر من واحده ... اللهم إلا لو كانت زوجته توفت مثلاً أو كان مُطلق وحتى دي كمان حالات تكاد لا تتعدى أصابع اليد الواحده

[mffaswan]

يا جماعه صلوا على النبي

عليه أفضل الصلاة و السلام .. أسمحلي أخي الفاضل زهيري أرد على ردك .. عشان مش بأعرف أقتبس brth)

انا جاي اهدي النفوس :lol:

سيمبا ميقصدش كده اوي

سيمبا حب يوضح بشكل عام ان غريزة الرجل بتتحكم فيه اكتر من المرأه كثيرا

ما تنساش .. ان الراجل أقوى من الست في التحكم في نفسه .. و قادر على التحكم في تصرفاته (بأفتراض العقل و الأتزان الفكري) يعني البني آدم الطبيعي المتزن .. يعرف يوزن الأمور .. و يتصرف بحكمة .. مش عشان شاف واحدة .. لسانه يدلدل !! ده اللي بيحاول يقوله الأخ سمبا !

و ضرب كذا مثال للتوضيح

وهي امثله حقيقيه في واقع الأمر لتوضيح نقطته بصرف النظر عن خروجها عن الموضوع قليلا

(بس الأمثلة دي شذوذ لقاعدة .. مش العكس !!)

دايما الراجل هو اللي بيجري ورا الست

و هو اللي دايما بيبتدي بمعاكستها ( بشكل عام طبعا دون الاستثناءات)

أسمحلي .. و مين قال ان المعاكسه شيء مقبول أو مسلم به !! ده تصرف مرفوض و يبدل على نقص مرتكبه ! و فين غض البصر بقى !!

وغالبا كل قضايا التحرش بتكون مرفوعه على الرجاله من ستات......... عشان العكس صعب جدا انه يحصل

مفيش شك ربنا خلق الست اجمل عشان تكون هدف للراجل.... ممكن ان يكون هدف شرعي او غير شرعي انما هي هدف في النهايه

آسف يا أخي الكريم .. الرسول عليه الصلاة و السلام و على آله و أصحابه أجمعين .. حدد في حديث له مواصفات الزوجة .. و أنهى الحديث بجمله .. هي الخلاصة بعينها .. (البهاريز يعني) .. فاظفر بذات الدين .. تربت يداك .. يعني لو أخدت واحدة عارفة ربنا و بتتقيه .. يبقى القصة انتهت .. أما من يبحث عن الجمال فحسب .. فهو بلا شك .. في ضلال ..

يعني مش ممكن أساوي ملكة جمال العرب .. وواحدة بتصوم و بتصلي و عارفة ربنا و تتقيه .. متهيألي أنا كده بأظلم ذات الدين .. لأني بقارن بينها و بين واحدة سلعتها .. جسمها !!

يا أخي الكريم .. الجمال نعمة .. و لا جدال في ده .. لكن مش سبب رئيسي للزواج أو الأرتباط .. اللي يبني زواجه على شكل مراته .. بعد كام سنه .. الشكل هايتغير .. و الزمن هيغير الملامح .. قولي انت يعمل ايه !!؟؟

لكن عمر الزمن ما بيغير طبع و روح و دين .. دول بيزدادو تألق .. إنما الجمال .. تراب الزمن بيردمه

و الهدف اللي حضرتك بتشير إليه .. شرعي ولا مش شرعي .. ده هدف لإنسان مش متزن التفكير .. يعني أيه هدف مش شرعي إلا إذا كان صاحب الهدف و العياذ بالله لا يخاف الله !!فماذا تنتظر .. النموذج ده المفروض ينبذ و يترفض .. من كل فئات المجتمع

اما لو هدف شرعي .. أنا قلتلك إن اللي يبني زواجه على أساس الجمال .. فهو ولا شك .. هيندم ..

فوتكم بعافيه و ترى بون جورنيه bnd5::

ياريت تتقبل كلامي .. على مبدأ النقاش .. و لازلت غير مقتنع برد الأخ سمبا !! و خصوصاً نقطة كل الرجالة شهوانيين دي .. مش عارف هو حكم على كل الرجالة ازاي !!!!!؟؟؟؟

أخوك محمد

[Simba]

والله انتم فهمتوني غلط وخصوصا استاذي سي السيد كلمة اتشدق بالاحاديث استمدتها من الاخت زهرة الجبل لما قالت مش هرد علي حد يتشدق بالاحاديث والايات في احد ردودها وانا عارف نفسي كويس انا بتكلم ازاي علشان كده بحب اتابع في صمت

انا عمري ما قصدت اشتم الرجال ولا اهين حد اللي انا منهم انا اتكلمت كده زي ما تقولوا بالبلدي وطلع كلامي فاصوليا وفيه اخ سالني علي اخبار الفاصوليا ايه

احب اطمنه ان الفاصوليا ان بخير وهيتحافظ عليها طالما دايما في هجوم علي حق احله ربنا انا هتجنن من سؤال دايما تساله الاخت زهرة الجبل الفرق بين المسروقة والسارقة والله انتي اللي حرام عليكي بجد لما تقولي كده علي زوجة تانية ربنا اعطاها الحق ان تعيش في ظل رجل يعفها وما اعتقدتش ان الدين وصف الزوجة التانية بالسارقة ابدا

هو في إيه؟

لا بجد والله العظيم .... في إيه؟

إيه اللي بيحصل ده؟

ايه الكلام ده ... أعمل ايه انا الوقتي وارد إزاي؟

انت فعلا سمبا واضع الموضوع ولا في حد سرق العضويه دي ولا في ايه؟

ايه الاسلوب ده ؟

لا ابدا يا اخت زهرة مفيش حاجة دول كلمتين كده كانوا علي لساني من دفاعاتك المستميتة لسلب حق الرجل ومحدش لسه سرق مني عضويتي

نوع ايه يا أستاذ سامبا؟ هو احنا بنبيع طماطم؟

لا يا اخت زهرة مش بنبيع طماطم احنا بنبيع حق الرجل بأدبيات ومجادلات وبرص كلام متناغم بالظبط كده زي مجلس الشعب الناس مش لاقية تاكل يا سعادة البيه ويطلع سعادة البيه معاه ورقة وارقام ويقعد يعدد الانجازات من سنين طويلة لحد حس بالانجازات ولا حد جيبه بقي مليان وبنجبره انه يشوف طريق موازي

يا نهار غامق!!! ده انت بتشتم الرجاله حضرتك كده يعني لو مش واخد بالك ولا حاجه

شتيمه دي يا فندم والله

ومع ذلك فأنا من باب الأمانه و بصراحه علشان الامانه برضه هقولك لا

مش كل صوابعك زي بعضها والحمد لله

هو شهواني دي شتيمة انا شايفها عادي بصراحة برضه بنحتاجها للحفاظ علي النوع من الانقراض وشايف ان اي راجل بطبعه شهواني ولا اني في الاول ما قضدتش بيه المفهوم الحرفي للكلمة انا كل اللي قصدته انه ميال للجمال والرقة بس طالما قولتم انها شتيمة يبقي هاقول اقصد المعني الحرفي للكلمة لانها مش شتيمة دي غريزة ماشاء الله موجودة عند اي رجل وانا ما قولتش ان شهوة الرجل بتتحكم فيه ابدا ده مش كلامي مش معني وجودها انها بتتحكم في الرجل

واعتقد لو اني مقريتش ان ياما جميلات كان لها تاثير كبير في التاريخ سواء في عالم الجسوسية ولا في الممالك ولا في العصر الحالي ولا حتي علي mbc2

والله حاسه ان لساني مربوط ما عارفه اقول لك ايه ولا ارد عليك ازاي

إحنا قاعدين فين هنا؟

احنا قاعدين في بيت جميل خالص اسمه المحاورات بس باين علي بقي جيت لابس الجلابية والقبقاب وكان لازم اعرف ان رايح الاوبرا والبس البدلة واخنق نفسي بالجرافت علشان محدش يتضايق

أنا مش فاهمه بجد والله اعمل انا ايه الوقتي ؟ يعني هي دي الغايه بقى؟ بتتكلم عن المرأه فعلا كأنك في سوق

اكيد (حتى لو كلامك فيه فكره ) أكيد كان في اسلوب احسن من كده و مفردات مختلفه تماما نستخدمها

اي مطرب جاب كام رقاصه؟ انت بتتكلم بالشويات كده ؟كم رقاصه ؟... مش بقولك سوق ... وبضاعته - عفوا في اللفظ - بضاعته رخــيــصه

لا معلش حضرتك احنا بنتكلم هنا عن موضوع محترم وعن علاقه من أسمى ما يكون بين المرأه والرجل اسمها الزوااااج

يعني مبتكلمش عن فيديو كليب ولا عن ملهى ليلي ولا العالم دول خاااالص

لاني لو هتكلم عن دول يبقى بالضروره وفي المقابل بكل تأكيد على الطرف الآخر من العلاقه هتكلم بقى عن الرجل الفاسق العربيد

وفي علاقه بين اتنين زي دول مفيش مجال للتكلم عن الزواج

يعني بالمختصر المفيد كده ... !!! مش موضوعنا ده خضرتك والله

لا ده في صلب الموضوع ولعب محترف علي غرائز الرجل عندك كام مليون رجل بيتفرجوا علي الكليبات كله دول فاسقين

لا بجد ضحكتيني

مهي هي دي بقى فراااااااغة العين اللي بنتكلم عنها

هقول لحضرتك تكه بس فايته عنك ... مفيش حاجه اسمها الست غير الراجل والراجل غير الست

في رجل فاسق وفي المقابل في امرءه فاسقه برضه ربنا يكفينا شرهم وشرهن

وفي الحمد لله رجال كتير على خلق ودين و نساء فضليات محترمات

التكه بقى ان الرجل من النوع الاول لا يستحق الا امرءه من نفس النوع

وقياساً عليه فالرجل الفاضل لا يستحق إلا إمرءه فاضله خلوقه والمجموعه التانيه دي بقى اللي بنتكلم عنها

معاكي انها فراغة عين وعين زايغة كمان لكن لها علاجها وبالحلال وشرع الله وبعدين عايز اعرف هو الراجل لما يتجوز تاني ما يبقاش علي خلق ودين يعني ايه باع دينه واخلاقه مثلا بالجواز التاني وبعدين اياه حكاية التكة يعني الرجل اللي عينه زايغة وعايز يعف نفسه بالحلال يستحق واحدة عينها زايغة وعايز اكتر من راجل

طيب مش كان من الاولي انها الست يجوز انها تتجوز اكتر من واحد ان كانت طبيعتها

لكن انتي مش قادرة تفهمي طبيعة الرجل لانك باصة للموضوع بنظرة واحدة بس وهاقولها ليكي تاني طبيعة الرجل تختلف عن طبيعية الست

تكة ايه بس اللي بتقولي عليها والله انا بقي اللي انصدمت لما تقولي ان الرجل اللي عايز يعف نفسه علشان عارف ضعفه يستحق واحدة مستهترة هو ده بقي الحكمة اللي شرعها ربنا من تعدد الزواج

عجبي

عموما نظرتي برضه لسه في محلها ومش سوق فاكهة ولا حاجة والرجل بتختلف نظرته من ست لست وفي الاول والاخر انا ما وجهتش كلامي لحد معين انا وجهت كلامي للست بوجه عام وده بيحصل كتير

وكتير اوي سمعنا عن الزوجة النكدية والشكاكة

وفي الاول والاخر الست لوحدها تقدر تحول بيتها جنة وتقدر تحوله نار

بصراحة مش عارف المرة دي انا جبت تراب ولا جبت رمل للموضوع انا كل الحكاية اني بتكلم بتلقائية شديدة

[mffaswan]

في نقطتين غاية في الأهمية عايز أوضح للأخ سيمبا

1- لا يصح أن أقول " يتشدق او اتشدق بآيات أو أحاديث " فكلام الله ورسوله لا يُتشدق به .. ولكن الإنسان دائماً يستخدم لفظ تشدق لالعبارات الجوفاء او الكلام الفارغ ... وبالتالي فلقد حذفت الكلمة وأستبدلتها بكلمة لائقه ...

2- عندما أمرنا الله ورسوله في قرآنه الكريم والأحاديث النبوية بغض البصر فهو لم يستثني الرجال من دون النساء ، فلقد قال تعالى

" قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فَرُوجَهُنَّ وَلاَ يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلاَ يُبْدِينَ زِينَتَهُنَّ إِلاَّ لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلاَ يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعاً أَيُّهَا المُؤْمِنُونَ لَعَلَّكُمْ تُفْلِحُونَ "

إذن غض البصر مطلوب من الجنسين الذكر والأنثى

صح كلامك يا عم سي السيد ..

طب سؤال بقى لكل المتحاورين : تعرف كام واحد في محيط عائلتك أو معارفك أو قريتك او مدينتك الصغيرة متزوج أكثر من واحده ؟

أنا شخصياً .. ولا واحد من قرايبي ولا معارفي ولا حتى قريتي الصغيرة اللي جذوري منها في الريف .. ولا واحد متزوج أكثر من واحده ... اللهم إلا لو كانت زوجته توفت مثلاً أو كان مُطلق وحتى دي كمان حالات تكاد لا تتعدى أصابع اليد الواحده

المثال موجود .. و أنا عن نفسي في عائلتي كلهما أعرف اتنين بالكتير متجوزين اتنين مش تلاتة ولا اربعة .. الموضوع محتاج انسان عاقل تماما عشان يفهم إن الزواج بزوجة ثانية بلاسبب .. يدمر الزوجة الأولى .. و غالباً ما يدمر بيته الأول .. الموضوع ربنا ادانا الرخصة .. عشان ظروفنا لو الواحد مراته فيها مشكله .. و مش عاوز يتخلى عنها .. ولا عشان الأولاد .. دي رخصة .. لسبب .. مش رخصة لشهوة !! الأخ سمبا بيحاول يفهمني كده برده اللي فات :lol: !!!

[زهرة الجبل]

الأخ الفاضل محمد

أشكرك فعلا للتواصل وللرد اللي قال كلام كتير اوي كان نفسي اقوله

ربنا اعطانا الشهوة عشان نعرف نعيش و نتكاثر .. و ف الوقت نفسه حددلنا الطريق و وضح لنا الطريقة اللي نفرغ بيها الشهوة بأسلوب حلال .. و يزيد في الذرية .. و الرسول عليه الصلاة و السلام قال تناكحوا و تناسلوا .... إلى آخر الحديث .. من غير شهوة آدم عليه السلام .. ماكنش جاب قابيل و هابيل .. و لا كان نسل آدم عليه السلام ملأ الدنيا .. و دي حكمة ربنا ..

الله ينور عليك والله

خليك منطقي في كلامك .. و قولي .. لو واحدة سبسبتلك في شعرها و غمزتلك بعنيها .. هتتدهول و ترمي عليها فلوس من جيبك .. و أنت بتحلم بكذا و لا بكذا !!؟!؟؟

مثلاً والنبي؟ وده يبقى مقبول بقى دينياً وإجتماعياً لكن اما نقول قرار التعدد للرجل يجب التريث فيه والتعقل قبل اتخاذه يبقى احنا اللي شواذ عن الطبيعه وخوارج عن الدين مش كده؟

فيه ناس ما فيش ف الريسيفر اللي ف بيوتهم غير القنوات الدينية الرياضية و الأخبارية و الأطفال .. و لا فيه كليب و لا هباب ..

,ومش كل الرجالة زي ما انت حاولت تصورهم .. في رجال محترمين و عارفين ربنا و عارفين واجباتهم ف الدنيا و فاهمين الرسالة اللي بنأديها .. و عارفين الصح من الغلط .. و لعلمك .. مجتمعاتنا بطبيعتها بتلفظ و بتستنكر الراجل الشهواني .. و دا من رحمة ربنا علينا .. أنه أنعم علينا بنعمة الدين .. اللي بيحددلك أزاي تعيش و تتعامل مع غيرك .. أحنا مش عايشين في غابة ..

الله ينور عليك تاني والله

عارف مين اللي الشهوة بتتحكم فيه .. الحيوان .. و والله مش كل الحيوانات كمان ..

والله العظيم انا كنت عاوزه اقول له كده لكن قلت لو جت مني انا مش هتتبلع انما الحمد لله انها جانت من رجل عاقل علشان ميبقاش الموضوع فيه تحيز ولا عنصريه ... دي حقيقه فعلا ... والحمد لله ربنا كرمنا بالعقل والقدره على التحكم ووضع لنا الدين علشان يحدد لنا ضوابط تميزنا عن الحيوانات

لكن بصراحة ..

أنا أتصدمت .. عارف ليه .. لأن ردك يفتقر إلى الأنصاف .. لما تعمم أن كل الرجال شهوانين .. يبقى أنت أكيد بتظلم فئة مش زي ما أنت شايف ..

والله يا أخ محمد الحال من بعضه

وعلى فكره ردك على الاخ الكريم m0zhairy كان في محله جداً

وكل اللي فكرت ارد عيه بيه انت قلته

كفيت ووفيت يا اخ محمد

جزاك الله خيرا و أكثر من أمثالك

[زهرة الجبل]

الاخ الفاضل سي السيد

أنا أتصدمت فعلاً من رأي الأخ سيمبا ...

وهو بكده عمل زي اللي جاب تُراب من الأرض وأهاله على الموضوع كله

والله عنك حق فعلا انا حسيت انه بكلامه ده ضيع قيمة الموضوع تماماً

خصوصا انه هو واضع الموضوع من الاول...يعني كان بيناقشنا في ايه من الأول؟

عايز أوضح للأخ سيمبا

1- لا يصح أن أقول " يتشدق او اتشدق بآيات أو أحاديث " فكلام الله ورسوله لا يُتشدق به .. ولكن الإنسان دائماً يستخدم لفظ تشدق لالعبارات الجوفاء او الكلام الفارغ ... وبالتالي فلقد حذفت الكلمة وأستبدلتها بكلمة لائقه ...

على فكره هو فعلا الاخ سيمبا اخد الكلمه دي مني انا لأن انا اللي قلت انا ميصحش نتشدق بالقرآن والسنه و.... إلى أخر الكلام

لكن مكنش عندي فكره عن معنى الكلمه كما هو عليه في كلامك

انا كنت فاهمه ان كلمة تشدق يعني تمسك وتظاهر بالكلام بالآيات والسنه وهو على غير فهم بها او لا يطبقها من اصله

عموما شكرا على المعلومه وانا كمان هغير الكلمه في النص بتاعي

2- عندما أمرنا الله ورسوله في قرآنه الكريم والأحاديث النبوية بغض البصر فهو لم يستثني الرجال من دون النساء ، فلقد قال تعالى

" قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فَرُوجَهُنَّ وَلاَ يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلاَ يُبْدِينَ زِينَتَهُنَّ إِلاَّ لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلاَ يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعاً أَيُّهَا المُؤْمِنُونَ لَعَلَّكُمْ تُفْلِحُونَ "

إذن غض البصر مطلوب من الجنسين الذكر والأنثى

كلام سليم 100 %

تحياتي

[زهرة الجبل]

أخي الكريمmzohairy

يا جماعه صلوا على النبي

عليه أفضل الصلاة وأتم التسليم

أنا عموما في الرد على مداخلتك اتفق مع الاخ محمد في كل كلمه قالها

و إن كنت احب اضيف نقطه بس وهي عن كلامك لما قلت:

سيمبا حب يوضح بشكل عام ان غريزة الرجل بتتحكم فيه اكتر من المرأه كثيرا

أنا لا اتفق معك هنا ابدا لان مفيش حاجه اسمها الغريزه تتحكم في الرجل اكثر من المرأه ولا تتحكم في المرأه أكتر من الرجل

أنا إللي أعرفه أن الشخص نفسه سواء كان إمرأه أو رجل هو اللي المفروض يتكم في غريزته وفي تأثيرها عليه

يعني لا يصح التسليم بتحكم الغريزه في الإنسان ... أي غريزه وليست الغرائز الجنسيه فقط

يعني الشعور بالجوه او بالعطش غريزه

يا أخي فرضاً إنك شاعر بالجوع الشديد و شفت ناس حاطين الاكل اشكال واوان وبياكلوا ....هتقعد تبحلق فيهم و رقبتك تتلوح؟

ولا هتتحرج تودي وشك ناحيتهم احسن يقولوا محروم ومشفش خير؟؟

والله العظيم انا متأكده انك هتودي وشك الناحيه التانيه وماتبصش ابدا

إشمعنى دي ؟ مهو غض البصر فرض برضه ولا ايه؟

ولو كان ربنا سبحانه وتعالى امرنا بغض البصر يبقى امرنا بالتحكم في الغريزه ...

قوم نيجي احنا بقى ونقلب الموازين الطبيعيع ونقول الغريزه اصلها بتتحكم فينا ؟؟

طبعا ميصحش ولا انت مش معايا؟؟

مفيش شك ربنا خلق الست اجمل عشان تكون هدف للراجل.... ممكن ان يكون هدف شرعي او غير شرعي انما هي هدف في النهايه

يا اخي الفاضل حتى دي الدين ماسابهاش

وماشاء الله عليه الاخ محمد رد عليك لما ذكر حديث الرسول صلى الله عليه وسلم

قال رسول الله صلى الله عليه وسلم :( تنكح المرأه لأربع دينه ومالها وجمالها وأصلها ... فإظفر بذات الدين تربت يداك )صدق رسول الله صلي الله عليه وسلم

يعني في اكتر من هدف مش هدف واحد ... المال والجمال والدين والاصل اللي هو الحسب والنسب واهلها يعني

لكن في نهاية الحديث قال ايه.؟؟؟؟؟؟قال فإظفر بذات الدين تربت يداك ... يعني هي دي الغايه الاولى والهدف الاول والباقي مهم كمان لكن ده الاهم

تقبل تحياتي

[kokomen]

الخلع حق للمرأة ..... والتعدد حق للرجل

عندما ذكرت المرأة للرسول صلى الله عليه وسلم إنها كرهت العشرة مع زوجها

أمرها برد حديقته وأمر بالتفريق بينهما اي بالخلع ... وهو ما يستخدم الآن

كذلك التعدد بغض النظر عن أسباب التعدد فهو حق للرجل يستخدمه وقت يشاء

بشرط أن يطبق قواعده الشرعية .. وللزوجة الأولى الحق في طلب الطلاق

للضرر وهو حق مشروع أيضا .. بذلك يوجد توازن بين الحقوق والواجبات

فللرجل أسبابه عند التعدد .. وللمرأة أسبابها عند الخلع أو طلب الطلاق

فأما العشرة بالمعروف أو تسريح بإحسان

[شينكاوي]

سبحان الله لا يزال اللغط في هذا الموضوع مستمر

اولا فتح الامور الشرعية للنقاش وابداء الاراء الشخصية غير جائز

[زهرة الجبل]

أخ سيمبا

انا هتجنن من سؤال دايما تساله الاخت زهرة الجبل الفرق بين المسروقة والسارقة والله انتي اللي حرام عليكي بجد لما تقولي كده علي زوجة تانية ربنا اعطاها الحق ان تعيش في ظل رجل يعفها وما اعتقدتش ان الدين وصف الزوجة التانية بالسارقة ابدا

للا تجنن ولا حاجه .... تعالى نحسبها بالعقل

الحرامي لما بيحب يسرق بيعمل ايه؟؟ بيروح بالليل والناس نايمين علشان محدش يشوفه لانه عارف انه هياخد حاجات مش من حقه

لكن لو مش حرامي بقى .... هيبقى في النور كده وعينه قويه وميخفش من حد ويروح يطلب حقه

اهي كده بالظبط

طبعا مش كل زوجه تانيه في زوجه تانيه بتتزوج الزوج المتزوج ده في النور وبعلم الناس كلها و بعلم زوجته الاولى اولا وقبل كل الناس علشان يبقى حق وده طبعا حتى ولو موجود فنسبته لا تتعدى 5% من اصل الزيجات الثانيه

اما الاغلبيه فبتكون زوج معندوش سبب وزوجته الاولى مش مقصره لا بمزاجها ولا غصب عنها لكن هو عاوز يتجوز كده فراااااغة عين يعني ودناوة نفس و نداله

قوم يعمل ايه بقى

يروح يتجوز زوجه تانيه في السر وهنا بقى هي دي اللي انا بقول عليها سارقه

لانها بتسرق حق الزوجه الاولى منها ... وبدون علمها

هو الوقت اللي بيقضيه الزوج مع السارقه دي مش من حق الزوجه الاولى ؟

تبقى حراميه ولا مش حراميه؟

لو شايف ان كلامي غلط فانا هعمل معاك اتفاقيه

شوف لي زوجه تانيه ( حـــــرامــــــيــــــه ) من اللي انت بتدافع عنهن وجرب تقول لها هي وزوجها يعلنوا زواجهم على الناس كلهم واولهم الزوجه الاولى

ولو عرفت تقنعم يفضحوا نفسهم ابقى تعالى قول لي

هو شهواني دي شتيمة ؟انا شايفها عادي بصراحة برضه بنحتاجها للحفاظ علي النوع من الانقراض وشايف ان اي راجل بطبعه شهواني ولا اني في الاول ما قضدتش بيه المفهوم الحرفي للكلمة انا كل اللي قصدته انه ميال للجمال والرقة بس طالما قولتم انها شتيمة يبقي هاقول اقصد المعني الحرفي للكلمة لانها مش شتيمة دي غريزة ماشاء الله موجودة عند اي رجل وانا ما قولتش ان شهوة الرجل بتتحكم فيه ابدا ده مش كلامي مش معني وجودها انها بتتحكم في الرجل

واعتقد لو اني مقريتش ان ياما جميلات كان لها تاثير كبير في التاريخ سواء في عالم الجسوسية ولا في الممالك ولا في العصر الحالي ولا حتي علي mbc2 ....

مفيش فاااايده.... هوبليس كيس

احنا قاعدين في بيت جميل خالص اسمه المحاورات بس باين علي بقي جيت لابس الجلابية والقبقاب وكان لازم اعرف ان رايح الاوبرا والبس البدلة واخنق نفسي بالجرافت علشان محدش يتضايق

لا والله مفيش داعي للبدله ولا الجرافت والجلبيه مفيش احسن منها

المهم الكلام اللي هيقوله الاخ اللي لابس الجلابيه هو ده هنا اللي بنتعامل معاه

عندك كام مليون رجل بيتفرجوا علي الكليبات كله دول فاسقين

لا بجد ضحكتيني

يا سلاااااام وضحكتك ليه بقى ان شاء الله جبت حاجه جديده من عندي؟ قلت نكته مثلا؟

هو غض البصر ده مش من الدين وامر ربنا عليك ؟

بلاااش الدين هو مش من الاخلاق ؟

بلااااش الاخلاق كمان ... بس يا اخي الحياااااء فطره .... ربنا جبلنا عليها ودي مش خاصه بالمرأه دون الرجل دي خاصه بالخلق

الرجل الخلوق عنده حياء والمرءه المحترمه حياءها هو تاج راسها

اما اللي بيفتقد الحياء بقى فحدث ولا حرج

وعموما يا سيدي اضحك براحتك ماهو انا هقول لك ايه بقى اكتر من كده

معاكي انها فراغة عين وعين زايغة كمان لكن لها علاجها وبالحلال وشرع الله

اه وبعدين؟ حلها ايه بقى ان شاء الله ؟ حلها بالتعدد؟

يا اخي فراغة العين لو كان حلها التعدد مكنش ربنا سبحانه وتعالى حددها بأربع زوجات

لأن الراجل اللي عينه زايغه مهيملاهاش الا التراب مش اربعه

حل العين الزايغه دي في الدين هو انك تضرب الشيطان في مقتل وتغض بصرك

مش تبص براحتك وتقول اتجوز؟؟

طيب بلاش الكلام كده انا هضرب لك مثل تاني

فلنفرض ان واحد عينه زايغه....قصدي عينه بصيره وايده قصيره

يعني بالعربي غير قادر على التعدد ماديا...

ده بقى نعمل ايه معاه ؟. نسيبه كده ونكطلقه في الشارع على مخاليق ربنا يبص شمال ويمين؟

ولا يحترم آدميته ويكرم نفسه بالدين ويغض بصره؟

وبعدين عايز اعرف هو الراجل لما يتجوز تاني ما يبقاش علي خلق ودين يعني ايه باع دينه واخلاقه مثلا بالجواز التاني وبعدين اياه حكاية التكة يعني الرجل اللي عينه زايغة وعايز يعف نفسه بالحلال يستحق واحدة عينها زايغة وعايز اكتر من راجل

مين قال كده انت هتقولني كلام ماقولتوش بالعافيه؟

انا مقلتش ان الرجل لما يتزوج للمره التانيه يبقى باع دينه

انا قلت في رجل معذور وفي رجل ندل في رجل نقول من حقه وفي راجل نقول قلة أصل ونداله

وقلتلك مية الف مره قبل كده يعف نفسه بالزواج دي للأعذب اللي عاوز يتجوز لاول مره

اما يعف نفسه للمتزوج دي بقى حلها انه يغض بصره ويحترم نفسه ويحترم زوجته لو مش عارف يحترم نفسه

ولو مكنش عارف يحترم لا نفسه ولا زوجته ...فيبقى ملوش غير حل واحد...

ملخص الحل ده بيقول ((.إن لم تستحي إفعل ما شئت)) يعني يبخرب بيته الاول علشان فراغة عينه

ويكسر قلب زوجته الأولى لحساب فراغة عينه

و يحطم خواطر ولاده علشان خاطر فراغة عينه

إفعل ما شئت.... فهمتني ولا اقول كمان؟

تكة ايه بس اللي بتقولي عليها والله انا بقي اللي انصدمت لما تقولي ان الرجل اللي عايز يعف نفسه علشان عارف ضعفه يستحق واحدة مستهترة هو ده بقي الحكمة اللي شرعها ربنا من تعدد الزواج

عجبي

عجبك على ايه مش فاهمه

أنا كلامي واضح زي الشمس يعني الطيبون للطيبات والخبيثون للخبيثات

ولا دي كمان عندك اعتراض عليها؟

ده من باب الترغيب والترهيب يعني اللي عاوز ربنا يرزقه بزوجه صالحه متقيه تصونه وتحفظه لازم بالضروره يكون هو من باب اولى رجل صالح وتقى وحافظ بصره و بيحترم نفسه

والعكس بالعكس صحيح

وصلت؟

وفي الاول والاخر الست لوحدها تقدر تحول بيتها جنة وتقدر تحوله نار

سبحاااان الله ... طيب ما انت كويس اهوه ...

لما هو بقى الست اللي تقدر تخلي بيتها جنه وهي اللي تقدر تخليه نار

أمال ليه لما بعد ما تخلي البيت جنه يبقى الزوج في المقابل يروح يتجوز واحده تانيه؟

لييييييييه ؟ فراغة عين مش كده؟

و في المقابل ليه لو هي مخليه البيت نار يبقى الراجل ميتجوزش عليها ؟

هنا حقه وانا مقلتش حاجه

يا رب تكون وصلت

عموما نظرتي برضه لسه في محلها ومش سوق فاكهة ولا حاجة والرجل بتختلف نظرته من ست لست

مش بقول لك؟

مفيـــــــــش فااااااااايده

[زهرة الجبل]

الخلع حق للمرأة ..... والتعدد حق للرجل

عندما ذكرت المرأة للرسول صلى الله عليه وسلم إنها كرهت العشرة مع زوجها

أمرها برد حديقته وأمر بالتفريق بينهما اي بالخلع ... وهو ما يستخدم الآن

كذلك التعدد بغض النظر عن أسباب التعدد فهو حق للرجل يستخدمه وقت يشاء

بشرط أن يطبق قواعده الشرعية .. وللزوجة الأولى الحق في طلب الطلاق

للضرر وهو حق مشروع أيضا .. بذلك يوجد توازن بين الحقوق والواجبات

فللرجل أسبابه عند التعدد .. وللمرأة أسبابها عند الخلع أو طلب الطلاق

فأما العشرة بالمعروف أو تسريح بإحسان

أخي الفاضل kokomen

كلامك لا غبار عليه ولا أعارضك فيه ابدا

لكن للكلام السليم بقيه

وهي ان كل ما اريد قوله هو ان الرجل عندما يضع في حسبانه ان الزوجه الاولى ستطلب الطلاق وسينهدم البيت

او على افضل التوقعات فهي ستعيش فيه مجبره لدوافع غالبا ما تكون متعلقه بالأطفال الا ان البيت سيفقد روح الرحمه والموده والمحبه وستنقلب الحياه الى جحيم وكره واحقاد متبادله

هنا الرجل عليه المفاضله بين هذه الرغبه وبين النتائج المترتبه على الزواج الثاني

وليختر كل الرجال ما جاد به عليه عقله في الاختيار

وليتحمل بعدها النتائج والإتصاف بالتسبب فيها

وعلى الأقل فرأيك بالنسبه لي أكثر إنصافاً وعقلانيه ممن يقول أنه أيما إمرأة طلبت الطلاق من زوجها لأنه تزوج عليها فهي تطلب الطلاق بغيرما سوء وهي آثمه ليوم الدين ....لا أعرف أين عقله

على كل حال ... أشكرك للمداخله

تحياتي

[زهرة الجبل]

سبحان الله لا يزال اللغط في هذا الموضوع مستمر

اولا فتح الامور الشرعية للنقاش وابداء الاراء الشخصية غير جائز

يا أخ شنكاوي ما دام الحوار لا يغير من اوامر الشريعه في شئ فلا اعتقد انه فيه سوء

لم نحرم التعدد ولم نبيح الرذيله و إطلاق البصر بلا رقيب من تقوى ولا وازع من دين

فأين المشكله

و إن كنت لا تزال ترى ان الموضوع غير قابل للنقاش شرعاً

فأنصحك بالتقدم برساله عاجله للإداره تطلب فيها إلغاء الموضوع

أقله من باب الأمر بالمعروف والنهي عن المنكر ما دمت ترى أن في حوارنا منكر

تم تعديل 30 أغسطس 2007 بواسطة زهرة الجبل

[زهرة الجبل]

والله يا جماعه ويا اخ سي السيد انا عينيا وجعتني وانا بدور على الرد اللي المفروض اكون كتبت فيه كلمة يتشدق بالإسلام أو متشدقين بالإسلام ومش لاقياه

لكن لقيت الكلمه دي مدرجه مره اخرى في الحوار عن الاخ سيمبا برضه في الصفحه الاولى للموضوع في الرد اللي كتب في اخره انه رد منقول

لانه مقتنع بيه وللرد على الاخت زهرة اللي هي انا طبعا

أقول وأنا بكامل قواي العقلية: إني أتهم المجتمع كله بالنفاق. حينما يتظاهر غضبا على منع فرنسا الحجاب، حينما يتشدق الكل بالإسلام، في الوقت الذي يتم فيه تقبيح شرع الله إلى حد اعتبار الزنا حلا لمشاكل الزواج (..)، أقول إن المجتمع الذي يفعل ذلك منافقٌ وَغْدٌ. ولنعد للشرع.. فالدين لا يؤخذ بالرأي.. تصور أن أصلي المغرب أربع ركعات مثلا؟! السماح بتعدد الزوجات أمر معلوم من الدين بالضرورة مارسه الرسول صلى الله عليه وسلم وصحابته وآل بيته رضي الله عنهم، واجتمع المسلمون عليه طيلة ألف عام.

ايضا منقول لاقتناعي به ورد علي الاخت زهرة

واتمنى من الاخ سيمبا تعديلها او من الاخ سي السيد ويا جماعه اللي يلاقي رد مني مكتوبه فيه الكلمه دي يديني خبر انا لا اذكر اني

كتبتها ولكن لا استبعد اني كتبتها لان معناها عندي مكنش زي الاخ س س ما قال

يعني ممكن فعلا اكون كتبتها لو حد لاقاها يقول لي ولكم الاجر والثواب عند الله((بتشحت دي باين ولا ايه))

شكرا ... تحياتي

تم تعديل 1 سبتمبر 2007 بواسطة زهرة الجبل

[زهرة الجبل]

.....

[mffaswan]

السلام عليكم و رحمة الله و بركاته

الأخت الكريمة .. زهرة ..

الأخوة الكرام المشاركين بالموضوع ..

تناقشنا و تحاورنا هنا و هناك و اختلفنا و تقابلنا .. حول شرعية الزواج الثاني .. أو مسألة التعدد .. و قد اتضح من خلال كل النقاش .. إن الجميع لم يعترض بأي شكل على مسألة التعدد في أصلها و شرعيتها .. و إن أختلف البعض حول توقيت تنفيذها .. و قد كنت أنا و الأخت الفاضلة زهرة الجبل من مؤيدي فكرة أن الزواج الثاني يدمر الأول في معظم الأحوال (مادام الزواج الثاني نبع عن فراغة عين الرجل فقط و إرضاء لشهوة لا تُشبع) .. و لكن لو كان السبب لمشكلة في الزوجة الأولى .. و حفاظاً على الحياة الزوجية .. بدلاً من الطلاق و تشريد الأطفال .. فإن الزواج الثاني سيعفّ الرجل و ينأى به من العذاب و الجحيم الموجود في بيت زوجته الأولى ..

و للأسف الشديد .. كان الأصل في الموضوع (كما نقله الأخ سمبا) .. هو هل التعدد يحل مشكلة العنوسة أم لا ؟؟ و هذا هو السؤال ..

و قد عرضت فكرة التكافل كحل أقوى و أسرع في النتيجة .. و ضربت مثلاً و هو الصندوق التكافلي (على تسمية الأخت زهرة ) و للأسف لم أجد تعليق على هذه الفكرة غير الأخت الكريمة زهرة الجبل التي اقتنعت بالفكرة .. و أكدت جديتها .. و لكني لأسف وجدت الكثير من الردود التي تدور داخل الدائرة المفرغة .. (التعدد حلال أم حرام) .. على الرغم من تأكيدي و تأكيد (كل) من دخل و أدلى بدلوه هنا .. إن التعدد حلال .. و إنه لا غبار على من يعدد زيجاته .. بشرط العدل ..

و كنت أتوقع أن يقوم أحد المحاورين بعرض فكرة أخرى للتكافل .. أو حل آخر لمسألة العنوسة .. و التي هي أصل الموضوع .. و ليس فرعه ..

فبالفعل .. توجد عنوسة .. و نعاني منها جميعاً .. ففي 99 % من العائلات المصرية .. نجد مثالاً للعنوسة .. سواء امرأة لم تتزوج .. أو رجل لم يتزوج .. أو كلاهما !!

أين حلولنا لهذه المشكلة من واقع خبراتنا .. و هل يجد أحد هنا حل لهذه المشكلة أساساً .. أم إن الامتعاض و التأسف .. هو كل ما نملك ؟؟

إن كنا نعيب على حكامنا سلبيتهم .. و نعيب عليهم شجبهم و استنكارهم للأحداث دون الأخذ بإيجابية بمجريات الأمور .. و التصرف حيالها .. فلا يجب علينا أن نكون مثلهم فيما يخصنا من أمور ..

لم أسمع أي حلول من أي ممن شارك .. و لم يطرح أحداً هاهنا فكرة تساعد على حل هذه الأزمة .. الأخ الكريم عمرو خالد .. و جماعة صناع الحياة .. يتهكم الكثير عليهم .. و ينالهم الشباب السيء بالسخرية من تفاهة أعمالهم .. و لكن تصورو مدى تأثير هذه المجموعة الطيبة الصالحة على أمة .. في حالة ما قام الكل بتطبيق قول الله ..

بسم الله الرحمن الرحيم

لَهُ مُعَقِّبَاتٌ مِنْ بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ وَإِذَا أَرَادَ اللَّهُ بِقَوْمٍ سُوءًا فَلَا مَرَدَّ لَهُ وَمَا لَهُمْ مِنْ دُونِهِ مِنْ وَالٍ (11) الرعد

صدق الله العظيم ..

المشكلة فينا .. و ليس ف الزمان و لا الحكام و لا الأوضاع السيئة ..

فليعرض من لديه فكره لحل المشكلة فكرته .. فربما كان منا من يستطيع أن ينفذها في المجتمع .. أو على الأقل في نطاقه العائلي أو الأسري .. و له الأجر و الثواب على كل من ينفذها .. أو ينقلها لمن ينفذها ..

فلنكن إيجابيين .. و لنجد حلول بدلاً من الشكوى .. فالمثل الصيني يقول .. بدلاً من أن تلعن الظلام .. أوقد شمعة !!

أخوكم محمد

[nancy]

انا شدنى الموضوع دة لان علية جدل كبير جدا

ورغم انى مش بتناقش بقالى فترة انما مش عرفة اتفرج بس المرة دى

عموما كالمعتاد ديما الموضوع دة لما بيطرح بيكون تحت عنوان انه نوع من التدين وان الى يتجوز حياخد ثواب مع ان مجالات الثواب كتير اوى منها كفالة اليتيم ثلا واعتقد دى اجرها اكبر كتير

انما حكاية الزوجة التانية من وجهة نظر الزوجة تختلف عن وجهة نظر الى عوزة تتجوز تختلف عن وجهة نظر الزوج

فمش حيحصل اتفاق

الفيصل اية الزوجه والزوج بس وكل اتنين ولهم ظروفهم يعنى لو الوزجة عندها مشكلة او الزوج عاوز اكتر من زوجة فرفض الزوجة لده او قبولة حرية شخصية

انما لو جينا للحل العملى والخالى من هوا النفس

لية ميبقاش فى كل محافظة جمعية لكفالة الغير قادرين على الجواز

يعنى اى واحد حيتجوز يفكر كانت الجوازة دى حتكلفة اد اية ويتبرع بية فلو فى كل محافظة الف واحد بيشاور عقلة وعمل كدة

حيساهم فى جواز الف اتنين جوازة متوافقة وبدون اى الم لاى طرف

انا لو جوزى قالى كدة حاقولة روح اكفل 10 يتامة احسن لك :unsure:

[ابو ماجد]

بعد السلام والتحية

كثيرا ما كنا نسمع في خطب الجمعة (أيها الرجال الثانية لا الزانية)

في السعودية مثلا نشاهد البيوت المعددة أوفر رزقا واكثر أحتراما للزوج وحقوق الزوجة محفوظة والاولاد على اكمل وجه من ناحية التربية والبعض قد يتزوج اكثر من امراة وجميعهن موظفات مدرسات مثلا فليست المادة هي العائق

صحيح ان الزوجة الاولى تزعل واحيانا تركب راسها وتروح بيت اهلها بس هذا وضع مؤقت ويرجع الزوج يراضيها وكمان اهلها يكون لهم دور ايجابي في نصحها وان هذا شرع احكم الحاكمين والزوجة كمان عارفه ان لو طلقها زوجها فقد جرى العرف ان اللتي تطلق بسبب زواج زوجها بالثانية لا يرغب فيها الرجال وكمان لو عندها بنات مثلا لا يرغب فيهم العرسان خشية من ان البنت تكون على امها

كما ان قدرة الرجل الجنسية غالبا ليس لها سن محدد تقف عنده فهل يبحث عن الحرام عشان ما تزعل زوجته

بالاضافة الى ان نظرة الماس للزوجه التي تطلب الطلاق بسبب زواج زوجها الثانية انها غير متربية وايضا قليلة دين

اقول هذا الكلام ووالدي متزوج من اثنتين وعلى وشك ياخذ الثالثه ولم اشعر يوما ان ابي مقصر معنا والطريف اني كنت اشعر بالفخر وانا صغير عندما اقول لمن يسال عن ابي مثلا في البيت الثاني

زوجتي رغم حبها لي تقول حاسه انك في يوم من الايام بتتزوج على قلتلها انا ماني اقل من ابوي ولا ابوكي اللي معاه ثلاث واخوكي اللي معاه ثنتين ولا احد منعهم بالعكس في نظر الناس رجال وحاكمين بيوتهم

ونظرية سي السيد التي في مصر للاسف هي التي ادت الى تكدس البنات في البيوت وان البنت زي الولد والرجل مع كثرة البنات ممكن يحص زوجه بسهولة اما المراة ليس على كل حال

ولهذا ظهر زواج المسيار والزوج العرفي وغيره بسبب انانية الزوجات وما تدري هذه الزوجة المسكينه ما ينتظرها يوم القيامة اذ كانت سببا في منع اخت لها في الله من اعفاف نفسها بالحلال ووقوع زوجها في الحرام عشان شكلها الاجتماعي

واذا لم تسمع الزوجات هذا التحذير فلا اقل ان يعي الابناء بالذات حق ابيهم في الزواج بدلا من قلة الادب والعقوق الذي نسمعه في بعض المجتمعات

والله المستعان وهو احكم الحاكمين.