اين وكيف قضيت اجازتك السنويه

[قديم]

مع بدايه الاجازه الصيفيه الغالبيه العضمى من العاملين في ا لقطاع العام والخاص . والكل يفضلون يقضون اجازتهم بفصل الصيف.

كل واحد كان له طريقته ومخططه الخاص لقضاء اجازته السنويه . اللي كان مخطط مسبق واللي فجأه ما حسبها صح فزي ما تكون الاجازه طبت عليه من غير ما يعرف . ووجد نفسـه مضطر للسفــر وتغيير الجو . واللي ضروف العمل سرقته و ما لحق يرتبها

فينا من يحب البحر ومنا من يهوي البر . وفينا من يهوي الاثار وافيا من يفضل الاطلاع على كل ماهو جديد في العالم . وفينا من يفضل يقضي اجازته بين اهله واحبائه بعد الغربــه . .. وفيه من يفضلها بعد الصيف بناءا على ضروفه وحساباته الخاصه ..

فاولا الحمد لله على سلامه الجميع واجازه سعيده لكل الزملاء . .

ما رايكم كل واحد يقول لنا كيف و اين قضي اجازته السنويه . وايه عجبه في رحلته وهل ممكن ينصحنا بتجربتــه ... ايه الجميل فيها . وهل حقق ما خطط له قبل بدايه الاجازه . هل انجز مهماته . . .

تقبلو فائق مودتي وتقديري ..

[فــيــروز]

رحت فرنسا :lol: لمدّة أسبوع ..

و الموضوع كان من غير تخطيط من ناحيتى .. الشغل أعلن عن رحله لباريس و قدّمت و سافرت !! ;) برغم توقّعى بصعوبة تنفيذ هذا بسبب صعوبة موافقة مكان العمل على مغادرتى للبلاد "تقولش باشتغل فى الجيش" :unsure:

المهم .. التخطيط طبعا اقتصر على معرفة حالة الطقس خلال اسبوع السفر و كذلك الاماكن اللىّ لازم لازم لازم أزورها .. و الانترنت خلت المواضيع دى فى منتهى السهوله ..

أمتع شئ فى السفر أنّه يجعل الإنسان يرى الناس بمنظار آخر .. السفر من ضمن الحاجات اللىّ بتبيّن طباع و معادن الناس على حقيقتها .. و الحمد لله برغم بعض المواقف السلبيه التى حدثت الموضوع لم يكن مفاجئا بالنسبة لى ربّما لأنّه أكّد لى فكرتى عن فائدة السفر فى معرفة حقيقة الناس ..

الشئ الآخر الذى استمتعت به حتّى الثماله هو تجربة ال system ودى حاجه صعب تجرّبها فى مصر .. قصدى أن يكون من حقّك أن تعترض على ما لا يعجبك و تاخد حقّك تالت و متلّت .. مفيش حاجه اسمها "هو كده و اذا كان عاجبكم" .. و انا مشيت على مقولة "أمّا تكون فى روما تعمل زى الرومان" .. فعملت زى الفرنساويين أمّا لقيت فيه شبهة استهبال و تعالى علينا و الناس الحقيقه ما جصّروا و اتعدلوا فى المعامله ..

عندى اجازه تانيه ان شاء الله لمدّة اسبوعين بس مفيش خطّه محدده غير ربّما السفر للاسكندريه كام يوم ..

[otaka]

:unsure: الاجازه السنه دى كانت فى مصر حيث درجه الحراره المميته

[قديم]

صباح الخير

الحقيقه بالنسبه لاجازتي الصيفيه لهذا العام . اول اجازه يكو ن فيها تخطيط مسبق . وتحديد اهداف وتنفيذها .

طبعا رتبت الحجز بالاسبوع الاول من الاجازه الصيفيه . انا والعائله ..

توجهنا من الرياض الي القاهره وكلي تخطيط . سكنا في الفندق والحمد لله الحجز والفندق لسا باول الموسم . وكان شبه فل لكن لسا ما فلللها

من خلال سفراتي كل سنه لمصر وحيث انني قررت اشتري شقه في القاهره . ابتديت من ثاني يوم اتصل بالعناوين الي حصلت عليها من مكاتب بالنت . ومعارف . وغيرهأ وابتدأ المشوار من شقه لشقه . كنت ابحث عن شقه في مدينه نصر او مصر الجديده تقريبا ( روكســي ) اوحديقه المريلاند ..

كل شقه يطلع لنا فيه عيوب . اما السعر مرتفع او البيع مع الاثاث . او في طابق علوووووووووي اخر دور مثلا .او في دور ارضي او الاول .

او تكون الوحده صغيره او العكس تكون كبيره ..وبصراحه تعبت كثير مع المكاتب . وايضا عدم وضوح الاجراء . والاسعار ما لها مقياس ممكن تسعتين فيه . يعني ثمن تكلفه المتر ولنفرض انه الف دولار مثلا . لا تلاقي تفاوت كبير بالاسعار . وكل واخد ياخذ نصيبه وهذه طبيعه البيع والشراء ... وخصوصا العقار .

لااخفيكم لفيت اكثر من عماره . في العقاد وفي روكسي . واللي اتعبني طريقه المفاصل والتفاوت بالاسعار . بشكل ملفت . ولما تفاصل تجد هناك فارق كبير ,.؟؟ ناهيك عن ما يشاع من ضروره التثبت من صحه اوراق الملكيه ورحضه البناء . مع العلم انني وجدت في بعض اصحاب المكاتب تعامل ممتاز بشرط ان تتعامل معاه مباشره بدون وسيط او سمسار .

بين هذا وذلك . قررت وبعيدا عن الدخول في ما لا اعرفه . قررت شتري من شركات لها سمعه واسعار ثابته .

فكان الاختيار بين دريم والرحاب . ورجحت كفه الرحاب . لانني اعشق المناطق الشرقيه والشماليه من كل مدينه .. لا اعرف لما ذا

كان التعامل مع مكتب الشركه بيسر وسهوله طبعا عن طريق مكتب بالحي .

لم يستغرق هذا اكثر من اسبوع واشترينا ودفعنا ونقلنا الملكيه من الشركه بعد دفع رسوم لشركه الرحاب ..

بدأ مشوار التاثيث .. في اقل من اسبوع اخر . .

في الاسبوع الرابع بدانا نتمتع بالوحده ونتعرف على مرافق الحي . وبصراحه .كانت الرحاب في نظري .. من اجمل احياء المدن العربيه . وكانه بحق حي اوربي لدقه التصميم والتنفيذ .

تذكرت الاخوان حين يعتبون علي العرب بانهم رفعو اسعار الاراضي والشقق ..

واستبيحهم عذرا اوتمني ان لا اكون قد تسببت في رفع الاسعار . فلقد فاصلت كثيرا . حتي لا اتهم بشي .. وكانت الوحده السكنيه صغيره المساحه بحيث لا تسبب ازمه ما . 140 متر ..

في الاسبوع الخامس انتهت الاجازه وعدنا حيث كنا على امل العوده في السنه القادمه ..

[nash]

أخي الكريم قديم

حمدلله علي سلامه العوده

ياسلام كلامك عن الرحاب اسعد قلبي... فعلا هذا العام الرحاب تغيرت تماما..واصبحت بحق رائعه...

ألف مبروك علي أختيارك ..وكده إن شاء الله اصبحنا جيران...

..................................................................

قضيت الأجازة بين القاهرة والإسماعيليه المدينه التي أصبحت لا تنام..والساحل الشمالي....

حقيقي مصر أتغيرت تماما...وبالذات في الساحل الشمالي ( مارينا ) علي وجه التحديد ...رأيت فيها أشياء رائعه..وطول الوقت منذهله وعامله زي القرويه التي بهرتها أضواء المدينه....من أول البوابه الرئيسيه ...للقريه ويراودك إحساس أن المشاكل التي تعاني منها مصر وهم ومبالغه وأن كل شيء تمام وأن الفقر والفقراء كذب ومحض أفتراء...طبعا الميزانيه لم تسمح سوي بزيارتها ...محدش يفكر يعني أني قضيت الأجازة كلها في مارينا لحسن والله أزعل...انا كبيري الحقيقه أزورها بالليل وأعود مرة ثانيه للقريه التي استضافتني....

>>>>>>>>>>>>>>>>>>>>>>>>>>>>>>>>>>>>>>>>>>>>

مارينا قريه جميله لكن لا أنصح بالإقامه فيها لإنها مليئه بالضوضاء..يعني الأفضل الحجز في قريه هادئه وقضاء الوقت في مارينا...هناك يوجد المرفأ الجديد ( بورتو مارينا ) منطقه مليئه بالكافيهات والمطاعم

أيضا شاطيء اليشمك الخاص بالسيدات..وممارسه السباحه مع توفير الخصوصيه الكامله للسيدات..

شاطيء لا بلاج سمعت أنه جميل ..وهو شاطيء مختلط ...لم أزورة لكن صديقاتي مدحوة ...

بيتهيألي مارينا أجمل مكان علي الأطلاق في الساحل الشمالي...لإني سابقا زرت قري سياحيه أخري تميزت فقط بالهدوء....

السلبيات الموجوده ..هي غلاء الأسعار بشكل مبالغ فاق أسعار الخدمات المقدمه من فنادق الخمس نجوم وكم التحرر الموجود ...كأننا بأوربا

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

الإسماعيليه مدينه جميله الحقيقه تبعد عن القاهرة بحوالي 140 كيلو والطريق ممتاز عن طريقه تستطيع الوصول لمدينه فايد ..والعين السخنه ومدن أخري تعد أماكن جميله للإستجمام...

لها شواطيء علي بحيرة التمساح..يوجد بها فندق وحيد ( ميركيور) أربع نجوم وكان سابقا بأسم ( أيتاب)...الخدمه فيه جيده...وأيضا هناك فنادق أخري داخل المدينه نفسها ...

مايعيب المدينه أن قضاء أسبوع فيها يعتبر مده طويله جدا( قضيت فيها تقريبا ثلاث أرباع الأجازة ) :rolleyes: لإن المدينه كلها علي بعضها تتلف في ساعه وبعدها نقعد حاطين أيدنا علي خدنا مش عارفين نعمل أيه ....

إن شاء الله أكون أنجزت وأوجزت ...وربنا يعيد أيام الأجازات علينا بالخير والسعاده

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

تم تعديل 3 سبتمبر 2007 بواسطة nash

[se_ Elsyed]

الموضوع ده حلو

------------

أنا بقى قضيت الاجازة في شرم الشيخ - الإسكندرية - القاهرة

---

في شرم الشيخ كنت أول مره أخد الأولاد معايا .. وما عجبهمش الوضع هناك خصوصاً إن الناس هناك بتعيش على طبيعتها .. وكمان الأولاد ما عرفوش ينزلوا البحر وكنت أنا بس اللي بأنزل واعمل دايفنج واطلع احيكلهم على اللي شوفته فكانوا بيتغاظوا أكتر .. فحلفوا إننا لازم نمشي ... وحيث إني راجل البيت وما حبش حد يمشي كلمته عليه .. فوافقت طبعاً ومشينا بعد 3 أيام فقط :blink: .. ورحنا إسكندرية حيث الزحام والغوص وسط أمواج البشر حيث تشعر بعرق الشعوب ينهمر عليك ... وبعدين رجعنا القاهرة حيث الرطوبة والكلام الفاضي .. وذهبت إلى محافظة الشرقية حيث مسقط رأس الأجداد وعشان كمان أزور قبر أبي وأقرأ له الفاتحة ... بس في الريف بقى ما بقتش أستحمل إلا يوم واحد وبأجيب جاز بعد كده ولازم أرجع بالليل .... بس إلى حد ما كانت اجازة ظريفة .

بس اكتر حاجه عكننت علي الأجازة إني نزلت مصر بدري ومالحقتش موسم المانجا وبالتالي السنة دي مش محسوبة من عمري ... وحتى الصفقة اللي جابتها زوجتي معاها من إسبوعين طلعت مضروبة .. ولإنها مش مانجاوية محترفة فعلى ما وصلت هنا لقينا الصفقة تحولت إلى عصير وإترمت كلها وأنا اللي رمتها بإيدي وقلبي يقطر دماً ... مش على المنجا ولكن على الفلوس اللي إندفعت ... لكن بإذن الله أنا هاعوض السنة الجاية وهاطبق التارجت بتاع سنتين في سنة واحده ... يعني بدل ما أكل 100 كيلو في شهر .. فهاعمل معسكر مغلق وأتدرب عشان أوصل لرقم 200 ...

[semsema]

انا بالذات اجازتي كانت اكتر من سييييييييييييييئه

لانها كانت في البيت......

اول مره خرجت فيها في الاجازه دي كانت في ميجامول انا ووحده صحبتي بسسس وكنت ساعتها تعبانه وعندي سخونيه يعني ماستمتعتش :sad:

المره التانية رحت عيد ميلاد وحده صحبتي ومكنتش هاروح اصلا...بس رحت المهم قعدنا فتره مش بطاله للساعه اتنين بالليل كدا

ولما جيت امشي بأى جات هيا ومامتها وباباها يوصلوني......ودخلنا الاسانسير :lol: وباباها كان مستنينا في العربيه

وبعد فتره وجيزه نلاقي النور اللي في الاسانسير انطفى :blink: ..ولما الاسانسير نزل تحت جينا نفتح الباب مش بيفتح

انا..يالهوي شيماء الحقي الاسانسير مش بيفتح

هيا.. انتي فين اصلا انا مش شايفاكي

والدتها..والعمل الاسانسير شكله باز

شيماء.. مالاقاش غير عيد ميلادي اللي يعمل فيه كدا

كان معانا اربع موبايلات بس ايه فايدتهم بدون شبكه

نورنا بهم وقعدنا نخبببببط ع الباب وووووووووولا حياة لمن تنادي

دوسنا على جرس الانذار بررررررردو ولا حياة لمن تنادي

انا .. والعمل دي الناس نايمه وحدش سامح حاجه

شيماء.....ماتخافيش هيصحوا دلوقتي

اااه نسيت اقلكوا ان الاسانسير كان بيطلع وينزل يطلع وينزل يطلع وينزل......وانا كننننننننت مرعوبه stnd::

بعد مايئسنا من التخبيط ع الباب والرن على جرس الانذار

بصيت لصحبتي وقولتلها..ماتخافيش ياحبيبتي مااحنا لومتنا هنموت مع بعض

شيماء والدموع تذرف من عينيها... كنت صديقتي الوفيه في زمن الخداع .....انا كمان سعيده ان احنا هنومت مع بعض

والدتها......ايه ده ومين قال ان انا عايزه اموت معاكوا..لأ انا ماليش دعوه بيكوا

طبعا محدش مننا اهتم لكلامها وتابعنا كلامنا انا وصحبتي

شيماء..سمسمه فاكره لما جيتي تشوفي رصيدك ولاقيتيه ناقص عشره ريال

انا وبصوت اجش...اه فاكره

هيا وصوتها رايح من العياط..انا اللي حولت الرصيد من عندك على عندي...

انا....نععععععععععععععععععم قولتي ايه.......هيا حصلت طب صبرك عليا

هيا....سبحان مغير الاحوال نسيتي كنتي بتقولي ايه من شويه

مامتها.....بس انتي وهيا ماتبطلوا كلام فاضي وخبطوا معايا

المهم الاسانسير بردو كان بيطلع وينزل ويقف في كل دور يجي خمس ثواني

فيييييييييييييين وفيييييييييييييين لما الناس حسوا على دمهم والحارس احترم نفسه وصحوا من النوم .....وفي كل دور كان في تجمع

هائل من السكان

والدوشه شغاله بره وانا مش قادره اقف على رجلي اصلا وحالتي كان يرثى لها

الحارس الله يكرمه بعد عدة محاولات باءت بالفشل قدر يفتح الباب.......وهوب واحنا طالعين من الاسانسير الاقي العمااااااااااااااره كلها واقفه قدام الاسانسير ومنظرنا كان مسسسسسسسسسخره

والا سوأ من كدا ان الاسانسير كان واقف في النص يعني لما جينا نطلع نطينا قدام خلق ربنا.......

خرجنا بفضل ربنا ووصلت للعمار

قمت بصيت للاسانسير بتاع عمارتنا وقلتله.....داانا لو هموت مش داخلاك.....عارف برج ايفل..لو هطلعه هطلعه مشي ...

مالها السلالم يعني......دي حتى رياضه

بس هيا دي اجازتي......والمدارس يوم السبت الجاي

تيجوا انتوا تقولولي شرم الشيخ ومارينا واسكندريه وفرننننننننننسا........ ع العموم مبروك عليكوا الصيف الجميل ده :blink:

[Sherief AbdelWahab]

أجازتي أو شبه أجازتي قضيتها في يونية في رأس البر ، وهي شبه أجازة لاضطراري للسفر للعمل يومياً على مدى أسبوعين ذهاباً في السابعة صباحاً والعودة بعد صلاة الظهر..

رأس البر مدينة بسيطة وممتعة ولها نكهة خاصة ومميزة يصعب عليك نسيانها.. ربما كانت الأجازة لتختلف لو أن السفر المرهق لم يكن جزءاً من روتين الأجازة التي وصلت لقمة متعتها في الأيام الأخيرة لها كالعادة..

وهي الشيء الوحيد الذي أتمنى اللحاق بالصيف من أجله (غير كدة أتمنى الشتا ييجي بكرة)!

خلص الكلام

[kokowawa1979]

سي السيد كتب :

أنا بقى قضيت الاجازة في شرم الشيخ - الإسكندرية - القاهرة

الظاهر البونس كان عالي قوي ياسي السيد السنه دي :happy:

شرم الشيخ واسكندرية والقاهرة حتة واحدة !! جتنا ...... في حظنا الهباب !!!

سمسمة كتبت :

اول مره خرجت فيها في الاجازه دي كانت في ميجامول انا ووحده صحبتي بسسس وكنت ساعتها تعبانه وعندي سخونيه يعني ماستمتعتش

هو الخروج للمول يبقى أجازة ياسمسمة ده وجع قلب وإنفاق في غير محله بالتأكيد . :lol:

أما حكاية الأسانسير فدي بصراحة عايزة فيلم ياسمسمة . wst::

أخوكم الغلبان بقى كانت أجازته أجازة عمل - يادوب لحقت المبيعات الأخيرة لمحصول العنب وطلعت لي بشوية من كام شجرة أبقى عليها الشباب من أجل ان استمتع بمنظر العنب على كروماته - والباقي على ماوصلت مصر كان سلامة يسلمك- ونفس الحال مع المانجو !

ثم كانت المأمورية الكبرى وهي البحث عن اراضي لشركة إماراتية كبرى للاستثمار في الزراعة لزراعة محصول معين سوف يتم توريده لإحدى الدوائر الحكومية -على مدار السنوات القادمة - ولما كانت السبوبة سوف تكون كبيرة بإذن الله - فقد فضلت التضحية بالأجازة ( بالنسبة لي شخصيا ) أما الأولاد فتمتعوا بها - فقد كان لديهم سيارة ميكروباص خاصة تحت أمرهم هم وأخوالهم وأولاد أعمامهم ( والمفعوص الصغير في النهاية يقول عايزين كل سنة من ده ( يعني خلليك إنت ياعم في شغلك ) .

المهم وفقنا في مساحة أرض كبيرة على ترعة جاهزة لإطلاق المياه فيها في أول ديسمبر حيث انتهت البنية الأساسية لها وكذلك محطات الرفع الخاصة بها - وهذه الأرض للأسف وضع يد للعرب أو البدو - أي لابد من شرائها منهم أولا - ثم عمل عقود تغفير للماحة عن طريهم أيضا - والفدان طلبوا فيه 2000 جنيه بحجة أنهم معهم خرائط معتمدة من الحكومة بوضع اليد - !!!

أحلى مافي هذه الأرض أنها تبعد عن قرى الساحل الشمالي 10 كيلو متر - وكذلك هي تقع على طريق أسفلت رئيسي - وقال البدو إننا لانريد منكم ثمن الأرض إلا بعد حصولكم على تأكيد وعقود حكومية ( شفتم الشهامة )

المهم عملت سي دي محترم بهذه الأرض وأرض اخرى في سيناء - لكن فضل الإخوة في الإمارات بعد عودتي أرض طريق وادي النطرون العلمين - لما فيها من مزايا على المدى القريب - وقالوا 10 مليون جنيه كثمن للأرض مش خسارة فيها . ( 5000 فدان ) وسوف ينزلون مصر قريبا لمقابلة باقي أصدقائي لمشاهدة الأرض على الطبيعة قبل اتخاذ الإجراءات اللازمة ( إدعي لي ياسي السيد الموضوع يخلص على خير - لإن حقيقة الواحد بذل جهد كبير فيها )

بعد عودتنا من الأرض طلب منا صديقنا أن نخرج للطريق لمعرفة كم كيلومتر تبعد الأرض عن الساحل الشمالي - فوجدناها 10 كيلو لتصل إلى قرية بدر - الأندلسية -- وهكذا نظرنا من أعلى الطريق العمومي فوجدنا أن نصف ثروة مصر استغلت لعمل هذه الشاليهات - مساحة ارض شاسعة مزروعة فيلل وشاليهات ( ربنا يزيدهم) وبكدة حسيت إني صيفت في مارينا

دي بقى شوية صور من مزرعة أخوك كوكو واوا ياسي السيد - وعلشان بتحب المانجو - برضه مانسيتكش وجبت لك قفصين قصدى صورتين

http://www.dm3t.com/uploads/609f2e111c.jpg

http://www.dm3t.com/uploads/d4d3eea86d.jpg

http://www.dm3t.com/uploads/323490e59f.jpg

http://www.dm3t.com/uploads/ac70037fef.jpg

كل وادعي لي يا زعيم الأهلوية علشان تعرف بس الزملكاوية جدعان قد إيه

[se_ Elsyed]

ربنا يوفقك يا كوكو

والله يا عم لا تتصور مدى إنشراح صدري عندما تأتي سيرة الزراعة وجني المحصول وما إلى ذلك .. بالرغم من إني ماليش فيها ولا أعرف الفرق بين الجرجير ومحشي ورق العنب .. إلا أن مجرد رؤية ثمرة تعبك وجهدك في صورة محصول خضروات أو فاكهة أو أي نبات مزروع - ما عدا البانجو :unsure: - شيء يعيط إحساس مشابه لإنجاب الأطفال كده ورؤيتهم ذرية صالحة .

[kokowawa1979]

سي السيد كتب :

ربنا يوفقك يا كوكو

والله يا عم لا تتصور مدى إنشراح صدري عندما تأتي سيرة الزراعة وجني المحصول وما إلى ذلك .. بالرغم من إني ماليش فيها ولا أعرف الفرق بين الجرجير ومحشي ورق العنب .. إلا أن مجرد رؤية ثمرة تعبك وجهدك في صورة محصول خضروات أو فاكهة أو أي نبات مزروع - ما عدا البانجو - شيء يعيط إحساس مشابه لإنجاب الأطفال كده ورؤيتهم ذرية صالحة

الله يكرمك ويبارك فيك يازعيم .

وفعلا الزراعة بالضبط زي تربية العيال من يزرع خيرا يحصد خيرا .

أنا بس عاوز منك وعد إن السنة الجاية إن شاء الله إن كان لنا عمر يكون عنبك ومانجتك من عندي بإذن الله - وعلشان خاطرك هانبيع لك بسعر التكلفة - ومن على الشجر مباشرة :unsure:

وتقبل تحياتي

وآدي أول زبون يا ست نجفة - يازعيمة سوق العبور لأ ومين زعيم الأهلوية :blink:

[قديم]

هلا وسهلا بالجميع . شكرا لمداخلاتك القيمه

االجار الجديد ناش

ياسلام كلامك عن الرحاب اسعد قلبي... فعلا هذا العام الرحاب تغيرت تماما..واصبحت بحق رائعه...

ألف مبروك علي أختيارك ..وكده إن شاء الله اصبحنا جيران...

اهلا بيك وانا قريب من الجامع الاحمر ومش عارف المول الكبير فتح ولا لسا .

نعطيه فرصه للسنه القادمه ان شاء الله لحد ما تكتمل المحلات .

عزيزتي سمسمه

انا بالذات اجازتي كانت اكتر من سييييييييييييييئه

لانها كانت في البيت......

كل القصه وتقولي في البيت . . ولا خايفه من الحساد .

عزيزتي سمسمه بالعكس انا شايف اجازتك اجمل اجازه . ومش ممكن تتعوض مره تانيه .

عرض رائع وجميل ممكن حد يستوحي الفكره وبعملو قرصنــه المصاعد .. ؟؟

استاذ كوكووواااا

أنا بس عاوز منك وعد إن السنة الجاية إن شاء الله إن كان لنا عمر يكون عنبك ومانجتك من عندي بإذن الله - وعلشان خاطرك هانبيع لك بسعر التكلفة - ومن على الشجر مباشرة

كوكوااا احم احم نحن هنا .. اش معني سي السيد بس ..

اخونا الكبير سي السيد

ومالحقتش موسم المانجا وبالتالي السنة دي مش محسوبة من عمري ...

والله فعلا يا سي سيد . ما تحلي الاجازه الصيفيه من غير المانجو الاسماعيلاوي ..

فيه حاجه فعلا يمكن ما ختش بالي مناها قبل . هي البرتقال المصري بصراحه يختلف كثير عن اللي هنا( بالسعوديه ) . مع انو كلو برتقال مصري . اشتريت اول يوم كيلو مع اني ما كنت مقتنع فيه من شكل الحبه .. عامله زي حبه البطاطا لكن بصراحه ليها طعم حلوووووووو بشكل غريب ...الغريب في الامر شكل حبه البرتقاله ما توحي لك بانها لذيذه .. اطلاقا..

استاذ كوكو واووا ياريت تضيف البرتقال للعنباااايات والمانجووو .

لكن بصراحه شرم تعووووض كل شي فات :unsure:

استاذ شريف عبد الوهاب

للسفر للعمل يومياً على مدى أسبوعين ذهاباً في السابعة صباحاً والعودة بعد صلاة الظهر..

دي رحله عذاب يوميا . بس اهم شي الاولاد تفسحو وهي اسمها تغيير جو .. بس يا تري لحقت على موسم المانجوو .. ولا ايه

عزيزتي فيروز

رحت فرنسا لمدّة أسبوع ..

و الموضوع كان من غير تخطيط من ناحيتى .. الشغل أعلن عن رحله لباريس و قدّمت و سافرت

احيانا حلاوه المفاجأه احلي من السفره نفسها .

عزيزي اوتاكا

الاجازه السنه دى كانت فى مصر حيث درجه الحراره المميته

شمس بلادي مااحلاهل من ليها غيرنا

واجازه سعيده للجميع .

[nash]

االجار الجديد ناش

لا هوة الصراحه الجارة ... :unsure: :blink:

اهلا بيك وانا قريب من الجامع الاحمر ومش عارف المول الكبير فتح ولا لسا .

الجامع الأحمر ورائي مباشرة ...ولوقت السفر كان المول علي وشك يفتتح ...

ربنا يسهل وهاتكون الرحاب جميله أكثر من الأن..

.....................................................................................................

ألف مبروك علي اختيارك وإن شاء الله تقضي فيها أيام حلوة قادمه مع الأسرة

وكل أجازة والجميع بخير

[kokowawa1979]

أستاذ قديم - إن شاء الله نتقابل كلنا في يوم من أجازات الصيف - وبالمناسبة فيه عندي مساحة مخصصة لزراعة كافة أنواع الفاكهة - من كل صنف شجرتين -تلاتة - يعني برتقال تلاقي - يوسفي تلاقي - وأحلاهم الجوافة التايلاندي والهندي زرعت منها العام الماضي حوالي 200 عود - وبسم الله ما شاء الله ماشية زي الفل .

ولك تحياتي

[ابو ماجد]

في مصر طبعا زي كل سنه

والطريف ان بعض قرايبنا في المملكة ما نشوفهم الا في مصر

والسنه هذي بالذات احساس غير بالاجازة يمكن لان اهل زوجتي زارونا في مصر وارتحت من زن زوجتي (مشتاقه لاهلي ولهانه على امي)

وعلى فكره قربت اكون من أصحاب الأملاك في مصر وزوروا موضوعي [كم تكلفة بناء منتجع في مصر مع بركة سباحة]

والى اللقاء في العيد وعيد الاضحى والصيف القادم

وعمار يا مصر,,,

[badroora]

أستاذ قديم - إن شاء الله نتقابل كلنا في يوم من أجازات الصيف - وبالمناسبة فيه عندي مساحة مخصصة لزراعة كافة أنواع الفاكهة - من كل صنف شجرتين -تلاتة - يعني برتقال تلاقي - يوسفي تلاقي - وأحلاهم الجوافة التايلاندي والهندي زرعت منها العام الماضي حوالي 200 عود - وبسم الله ما شاء الله ماشية زي الفل .

ولك تحياتي

عموا كوكواو ممكن بعد اذنك ابقي اجى معاكم اتفرج عالزرع واكل جوافة :unsure:

العزيز قديم

عندي سؤال واقف فى زورى هو حضرتك مش مصري ؟

الموضوع بتاعك جميل جدا وغيظنى اوى لانى كنت المفروض انزل اجازة فى اغسطس وظروف جدت مش نزلت واجازتى اللى فاتت كانت فى فبراير حيث البرد القارص والامطار واللف لتخيص ورق من الجهات الحكومية والحجز اللى اتلغى بتاع الاقصر والاسوان وباقي الاجازة موت بعض الاقارب وانا مرضت اخر اسبوع فى الاجازة ورجعت بالسلامة تحس انها كانت غم مو اجازة بس الحمدلله

بس والله انبسط اوى انكم كلكلم انبسطوا

فى الاجازة بتاعتكم

انا بقي بفكر اروح الهند فى نوفمبر حيث كرلا والجو الجميل والخضرة wst::

ايش معنى انتم بقي

بس يا ريت لو حد سافر الهند يحدثنى عن كرلا

وساعتها بقي هاكتبلكم من الهند من على ظهر الفيل الاسود :P

تم تعديل 12 سبتمبر 2007 بواسطة نجفة المغرورة