الفنان جهاد عقل

[abofasad]

اخوتي الأحباء

احترت واحتار دليلي

وانا كلما احتار ولا أجد حل لحيرتي ألجأ الى بيتي .. إليكم.. فأنتم اسرتي الكبيرة

وسامحوني اذا غبت عنكم .. وطبعا لذلك اسباب،، والحمد لله انها ليست اسباب صحية

أما حيرتي هذه المرة هو اني استمتعت الى سي دي للفنان جهاد عقل على الكمان لبعض الأغنيات المصرية المشهورة واعجبت به جدا لدرجة اني نسخت منه حوالي 14 نسخة واهديتها الى أصدقائي هنا وبعضهم من الاسبان الذين اعجبوا جدا بعزفه

وانا ابحث عن بعض التسجيلات الخاصة به على النت فلم اجد غير فيديو كليب لحفلات اقامها ولم اعرف طريقة اسجل الموسيقى فقط على سي دي

والدعوة الان الى اخواني خبراء الموسيق بالمنتدي ليساعدوني في امرين

الأول: كيفية تسجيل الموسيقى من الفيديو كليب

الثاني: المواقع التي يمكن التسجيل منها لهذا الفنان الرائع

املي كبير في أن أجد الحل لدى من يحب مثلي الفن العربي الأصيل

لكم جميعا كل التحية من ربوع الاندلس بلاد الجمال والطبيعة الخلابة

جدو ابو فصاد

[bentmasria]

يا جدو ياجدو انا مادا الصغنن كبرت قوى وبقيت راجل البيت وكمان دخلت مدرسة الفرير وحبقى ولد شاطر وامور وجبت لك عنوان علشان ذوق حضرتك هايل فى الموسيقى ومامى كمان بتعلمنى اسمع واعزف

جرب تشترك هناك ياجدو الموقع ده فيه المعزوفات كاملة

البوابة

وكمان فى المنتدى ده

الشراع

وحشتنا يا جدو

يارب دايما بخير

مادا افندى

فاكرنى ياجدو wst:: wst:: gt:

تم تعديل 25 أغسطس 2007 بواسطة bentmasria

[abofasad]

طبعا عارفك يا حمادة .. وبلاش كلمة "مادا" لأنك بتقول انك كبرت وبقيت راجل البيت .. وراجل البيت لازم يكون راجل بمعني الكلمة يعني بلاش كلمة الدلع "مادة " وخلينا "حمادة" او "محمد"

انا مبسوط انك دخلت المدرسة ومبسوط اكتر انك دخلت مدرسة الفرير.. لأنها مدرستي اللي اتعلمت فيها من 50 سنة "زي امبارح"

ودخلت الجامعة وانا يادوبك بتكلم واكتب شوية كلام عربي ..

اشكرلي ماما على مواقع الفنان ساحر الكمان جهاد عقل.. هذه المواقع تجعلك تسمع فقط ولكن لا تساعدك على التحميل.. وسماع الموسيقى يحتاج الى هدوء وراحة بال للاستمتاع . ولكن سماعها على الكومبيوتر يفقدها حلاوتها.

كل سنة وانت طيب يا حمادة .. المدرسة قربت .. ولازم تستعد

تمياتي لك بالنجاح والمستقبل الباهر

جدو ابو فصاد

[abofasad]

يعني ما فيش حد غاوي الموسيقى الأصيلة والعزف الساحر على الكمان

خلاص السياسة واخدانا للدرجة دي

فين مايسترو المنتدى

وموسيقار الحورات

ما زلت في انتظار الرد

ولن امل

تحياتي

جدو ابو فصاد

[bentmasria]

ياجدوووووووووو

انا لقيته

يارب يكون ده اللى حضرتك بتدور عليه

يللى حمل وادعيلى

جهاد عقل للتحميل

يسعد ايامك يارب

فين فانوسى بقى كل سنة وحضرتك طيب

[abofasad]

حبيبي محمد

كل الشكر والامتنان على هذه الهدية الجميلة

انا ما كنتش عارف انك فنان وبتحب الفن الأصيل

لكن لما انت اتأخرت في الرد على طلبي

انا بحثت ووجدت حوالي 18 معزوفة على الكمان لهذا الفنان العظيم

ونسخت 2 سي دي.. وعاوز ابعتهملك هدية .. بس مش عارف ازاي

مرة اخرى لك كل الشكر لك وسلام كبير لماما ام محمد

جدو ابوفصاد