الكرامة أم الحب .....؟

[amrhoras]

الجزء الثانى من الكرامه ام الحب

وده بعتبره النهايه الى اخر الدهر

زى ما انتو كلكم عارفين انا هنا مغترب جديد . جاء رمضان شهر مبارك شهر صيام والتسامح

ومع اول انباء ان رمضان غدا اتصلت على كلا من حمايا حماتى وتكلمنا سويا كلا على حده انتهت المكالمه ان حبيبتي رجعت تضيء حياتى رجعت بعج صمت دام سنوات لا تتعجبوا فكل يوم كان يمر كأنه عام .

هنا غرورى قد اوقعنى فى ورطه كما قلت من قبل سيد قرارى وققرارتى تنبع من احساسي . كلما اكتملت طاقتى لفعل ما اقوم بتنفيذه سواء صواب ام لا لكنه من خلال وجهة نظرى يكون طبعا صواب ولا اعلم ان كنت على صواب ام لا

سالتتني ماذا عن اسرتك ؟ هل هم على علم تجمد لسانى لاننى لم اقول لاحد بعد مافعلته . كان امامى هى ثه هى ثم هى دفعنى نحوها اشتياقى وحبي وحنيني لها .

اجبت اتركى مسألة الاسرة فى الوقت الحالى . واتصلت فعلا على الاسره (الوالده) قابليني على الانترنت فى الحال

وتكلمنا ومبا اننى صديق لامى فهى من يفهمنى وجدتها تسألنى انت مخبى حاجه ؟

بالطبع لم اخاف لكننى كنت انتظر اللحظة المناسبة كى افتح الموضوع وامهد له وتكلمنا ولكن ليس بالكثير لانه سرعان ما اختلفنا بالرأى . وانا عصبي جدا فأعتذرت واقفلت الخط

اليوم التالى تحدثت الى خطيبتي وقلت لها انتظرى قليلا بالنسبه للاسره انا مش لاقى وقت اكلمهم وعارفه المصاريف .والمكالمات وتهربت

الى ان جاءت اللحظه الحاسمه واتصلت الوالده بهم .وتكلموا فيما حدث فى الفتره السابقه .

واحتر الحديث وبعد ان هدأت النيران جاءت ريح من العصبيه كى يلقون بالاتهامات بعضهم البعض واعرب كل من الطرفين ناحيتي وناحيتها انهم رافضين هذا الارتباط فعلا وموضوعا

مايثير الدهشه اننى كنت اتصل على خطيبتي لكنها لم ترد ووجدت رساله قاسيه منها لتبلغنى ندمها عن حبها لى لا اعلم ماذا حدث بالضبط حاولت ان اتكلم مع الطرفين لكن دون جدوى وانا الطرف الحائر بينهم .

عندما علمت ماحدث من اختى لاحقا وقرأت رسالة الندم وجدت اننى فى مفترق طرق وكلتا الطريقين اصبحوا مغلقين تماما كل ......

وجدت اننى لا املك شيء يتضاربون مره اخرى ليغلق الباب فى وجهى . لم يترك لى احدا الخيارات كل حدد مصيرى لم يعود لى احد . ولذلك تعيرت معاملتى للجميع فى هذه الفتره على فكره اغلقت جوالى ولم يعلم عنى اى شخص اى معلومه طيلة شهر رمضان جلست وحيدا جدا لا اطيق احدا من حولى ولا اطيق حتى الكلام .

كلما عدت بذاكرتى الى تلك الفتره وجدت نفسي قد تغيرت كثيرا اصبحت اشد قسوه على الجميع وتحطمت كل معانى الصداقة والثقة بيني وبين اسرتى وكل معان حلوه بيني وبين انسانه تنازلت عن حبي للمره الاخرى

على فكره المرتين هى من تنازلت .

كونى اننى تنازلت عن حبها كل ما استطعت ان افعله فعلت

اثبت حبي لها ولبيت الشرط الاساسي الا وهو

لازم تبني مستقبلك >>>>> اعتقد انى سافرت وقبل ان اسافر عقدت العزم وان اوفى بوعدى لها ان نكون مرتبطين قبل نهاية العام المنصرم وهى تعلم تماما ماكنت افعله كى اجد فرصه . وسافرت وتوكلت على الله ثم على اشخاص يكبروننى سننا وعقلا لكن لا اعلم ماذا جنيت فى الاخر

اتجد ياسولى اننى اتلذذ اننى قد تركتها ؟ او لم احاول كل محاولاتى كانت ناتج للظروف التى اقبع داخلها الان لم يكن بمقدورى النزول او ان افعل شيئا اكثر سوى مكالمات تليفون .

اشعر احدكم بالعجز عندما تتصلون باشخاص ولا يتجنبون الاجابه حتى مشاعر من الغيظ تجعلنى اكسر ماحولى من الشعور بالعجز ان افقد شخصا بكل سهوله دون ان تفعل له شيئا

او يتجنبك الاخرين ويتخذون قراراتك دون ادنى احساس عما تشعر به او ماتحتاج ايه ؟

الى الان لا اجد تفسيرا وحيدا لما حدث .

مادفعنى الى ان اقص عليكم هذه القصه هو نظرات الاتهام وخصوصا من اقرب الاصدقاء لم اتنازل قط .وانت من اتهمنى اننى ظلمتها وحملتنى ذنب اكثر ولم تكشف عن وجهة نظرك لذلك طلبت منك التوضيح هنا لانك لم تهتم بالتوضيح .وتركتني كمن اشعل النار فى كومه من الفحم لتشتعل بكل هدوء وتحرق ماتقابله بكل بطء

[م.سامح المصرى]

يا عمور بص

انت خلط الامور من غير سابق انذار

يعني احنا اتكلمنا في موضوعك وخلصنا روحنا بنتكلم في حاجة تاني وانتا رجعت لنفس الموضوع من غير ما توضحلى حتى

وبما انك بتحب الهزار فأفتكرتك بتهزر زي عوايدك في الموضوع الي كنا بتكلم فيه وقفلت الماسنجر من غير ما تستناني اجي افهمك

انا لقيتك طلعت مرة واحدة

نرجع بقي لمرجوعنا

مايثير الدهشه اننى كنت اتصل على خطيبتي لكنها لم ترد ووجدت رساله قاسيه منها لتبلغنى ندمها عن حبها لى لا اعلم ماذا حدث بالضبط حاولت ان اتكلم مع الطرفين لكن دون جدوى وانا الطرف الحائر بينهم .

عندما علمت ماحدث من اختى لاحقا وقرأت رسالة الندم وجدت اننى فى مفترق طرق وكلتا الطريقين اصبحوا مغلقين تماما كل ......

على فكره المرتين هى من تنازلت .

كونى اننى تنازلت عن حبها كل ما استطعت ان افعله فعلت

اثبت حبي لها ولبيت الشرط الاساسي الا وهو

لازم تبني مستقبلك >>>>> اعتقد انى سافرت وقبل ان اسافر عقدت العزم وان اوفى بوعدى لها ان نكون مرتبطين قبل نهاية العام المنصرم وهى تعلم تماما ماكنت افعله كى اجد فرصه . وسافرت وتوكلت على الله ثم على اشخاص يكبروننى سننا وعقلا لكن لا اعلم ماذا جنيت فى الاخر

بص يا عمرو طالما هيا الي ابتدت

صلى صلاه استخارة واستخير ربنا وان شاء الله ربنا هايكرمك بالاحسن طالما انتا نيتك كويسه

وما تندمش بالعكس انتا المفروض تفرح وما تفضلش تيأس نفسك وانتا في غربتك

انتا عملت كل الي عليك ومش انتا الي اتخليت عنها بالعكس انتا عملت الي اتفقتو انتوا عليه انك تبني مستقبلك

والي جنيته الي انتا مش عارف هوا اية هوا ان ربنا وضحلك شئ انتا مش واخد بالك منه وهيا انها اتخلت عنك

والحمد لله انها بانت في الاول بدل ما كنت توقع في مشكلة لا قدر الله تعالى بعد الزواج وتلاقيها اتخلت عنك عيد حساباتك واعد مع نفسك

وفكر في الامر

اتجد ياسولى اننى اتلذذ اننى قد تركتها ؟ او لم احاول كل محاولاتى كانت ناتج للظروف التى اقبع داخلها الان لم يكن بمقدورى النزول او ان افعل شيئا اكثر سوى مكالمات تليفون .

لا طبعاً مفيش حد بيتلذذ من فراق حد حبه دا بالعكس بينهار

اشعر احدكم بالعجز عندما تتصلون باشخاص ولا يتجنبون الاجابه حتى مشاعر من الغيظ تجعلنى اكسر ماحولى من الشعور بالعجز ان افقد شخصا بكل سهوله دون ان تفعل له شيئا

او يتجنبك الاخرين ويتخذون قراراتك دون ادنى احساس عما تشعر به او ماتحتاج ايه ؟

الى الان لا اجد تفسيرا وحيدا لما حدث .

مادفعنى الى ان اقص عليكم هذه القصه هو نظرات الاتهام وخصوصا من اقرب الاصدقاء لم اتنازل قط .وانت من اتهمنى اننى ظلمتها وحملتنى ذنب اكثر ولم تكشف عن وجهة نظرك لذلك طلبت منك التوضيح هنا لانك لم تهتم بالتوضيح .وتركتني كمن اشعل النار فى كومه من الفحم لتشتعل بكل هدوء وتحرق ماتقابله بكل بطء

ما قلنا انك فهمتني غلط بقي :lol:

بص يا عمور زي ما قلتلك ركز انتا في مستقبلك

وغير مودك انتا في غربة يا عمرو

سلامى لك (وما تدخلش الجبنه تاني في اي موضوع بينا )

[إيزيس]

اسمح لي يا عمرو اقول رأيي

سمحت لي !!! مش لازم نظلم البنت لأن هي بنت إيه في إيدها غير تطيع أهلها حتى لو مش مقتنعة

كمان ماتظلمش نفسك من حقك ترتبط بحد في إطار من الاحترام والتفاهم ويمكن التجربة دي تساعدك ترسم خطوط حمراء في ارتباطك المستقبلي يعني مع الاحترام للجميع

القرار عندك وبس تستشير زي ما تحب لكن انت صاحب القرار وأكيد الغلطة مش هتتكرر...الحل إيه مش عارفة انت لازم تقيس بالعقل دلوقت الحب موجود لكن مش مفقود يعني ممكن تصادفه تاني والمفروض توازن لأنك انت اللي تعرف مدى تأثرها بأهلها وهل هينتهي بعدين واللا الحكاية أبعد من كده وهل هي أصلا متأثرة بيهم "وده أكيد"غصب عنها ثم أحب إنك تسأل نفسك سؤال إنت لو أب بنتك جالها عريس ومش عاجبك تخليها ترتبط وبعدين تتلكك وتفسد الموضوع ؟؟اسمح لي ده اسمه لعب حتى لعبوا ببنتهم ومش عارفة إزاي يقبلوا كده كان من الأول لأ قاسية لكن أصح

يمكن تكون الظروف ظلمتكم أو تحملتوا أخطاء الكبار لكن ده الواقع مانحاولش نغلط أي حد منكم لكن نتمنى الخيروالسعادة لكل واحد منكم واعتبروها تجربة تعلمكم درس ويمكن تعلم الأهل كمان

دعواتي لك بالسعادة والنجاح

[Nonna]

احم احم :happy:

بجد والله

كل ما احاول ارد اي رد في أي موضوع أشعر بضآلة نفسي :wub:

مقارنة بكل الكبار الموجودين بردودهم اللي من جميع الجهات

و خبرتهم حتى اسلوبهم في الرد

بس ما بعرفش أسكت

ايدي بتاكلني

اروح حطة الرد

معلش بقى :blush2:

أستاذ عمرو

مش هاتكلم بقى على نقطة الحب و الكرامة او بصيغة حضرتك الحب ام الكرامة

لاني أفضل اقول

الحبكرامة

ايوة كدة

كلمة واحدة دون فواصل

ولو اصرينا نضع فواصل لغوية

فنقول مثلا

حب في كرامة وكرامة في حب

والتفسير اتقال قبل كدة

أستاذي

لما يجي الواحد يتجوز فهو ما بتزوجش فرد

ده بيتزوج اسرة

عيلة كاملة

زوج او زوجة جد وجدة و خال لاولاده و خالة او عم وعمة

اسرتي الطرفين بيتداخلوا جدااااااا

فلابد ان الاسرتين يبقوا متافهمين تماما و مش كفاية ان الطرفين نفسهم يبقوا هما بس اللي متفاهمين

فواضح اصلا من الاول و ما تزعلش مني

اختلاف الاسرتين

مرة اهل العروسة

و مرة اهل حضرتك

ده للاسف على حسابك حضرتك و الطرف التاني

حسابات العقل تقول

ده نسب و اتعكر

لك ان تتخيل كوب ماء عالقة فيه رواسب لا يمكن تعرف تشربه

تجاهل الاسرتين موقف النبي عليه صلوات ربي و السلام لما جاله رجل في مرة

وقاله ان ابنته تقدم لها راجلين

واحد ثري جدا

و التاني فقير جدا

وان بنته مصرة على الفقير

الاب حاول كتير يثنيها عن رغبتها مرة بالعقل و الحوار و مرة بالضرب

و البنت ابت الا و ان تتزوج من ممن رغبت

فراح الراجل يشتكي لنبي الرحمة

فقال النبي عليه الصلاة و السلام

لا أرى للمتحابين الا النكاح

جهل أو تجاهل الاسر قول رسول الله

بيؤدي في الاخر للي بيحصل مع كثيرين

مش حضرتك بس

في مرة كدة في قعدة صفا مع جدتى

سالتها اذا كانت بتحب جدي ولا لا

_ده لان جدي متوفي وعمري ما شفته فضول بقى فضا يمكن اهه سالتها وخلاص_

قالتلي اه حبيته بعد الجواز

قلتلها هو انتى ما شفتيهوش قبل الجواز قالتلي لا شا فته وقعدت معاه و اتكلموا وكل حاجة فل الفل

اومال يا نينتي ما حبيتهوش ليه الا بعد الجواز

قالتلي عشان اصلا انا كنت بحب واحد تاني

كان ضابط شرطة و والدها رفض

فتزوجت جدي لانه هو اللي جه على طول بعد ضابط الشرطة اللي اهلها رفضوه

حكيت لوالدتي كلام جدتي

ماما ضحكت و قالتلي

نادر لما حد ياخد حد بيحبه

و نص حالات الزواج عن حب بتنتهي بالفشل

ليه يا ماما؟

عشان الاتى:

ممكن يكون كل واحد حط انطباع في ذهنه عن الطرف التاني و اتصدم لما شاف حقيقته بعد الزواج

لان بالتأكيد ما حدش بيبان كامل شخصيته الا و بعد الزواج

و بسؤال سريع لماما

قالت انها لا زالت تكتشف في والدي كل يوم شئ جديد

و هتفضل تكتشف كدة كل يوم

حاجة كدة سمتها

العشرة!!!

و لان برده ما حدش بيحب يبان اثناء ما قبل الزواج الا و في اتم صورة مرضية للطرف التاني

وارد ان ما كنش اكيد تختلف بعد الزواج

نرجع تاني للموضوع معلش

في صورة مواقف

بعد فاصل اعلاني سيل فو بليه

[Nonna]

بطبعي و الحمد لله اجتماعية

باتكعبل في أصحاب في اي مكان اشارة مرور ميكروباص مترو كلية مجمع كليات

يعني

العودة الى مصر و مخالطة اهلها كان لازم لها عشان ما اموتش بحسرتي

التغير

بالتدريج

النتيجة كانت اصحابي الكتير والحمد لله

بنات

كلهم بنات

و ربنا ما يوريكم قعدة البنات بتبقى ازاى

لازم كل واحدة تكون محضرة مقدما تلات اربع قطع غيار لجهازها السمعي

_الودان لامؤاخذة_

في مرة من المرات

جالي تليفون ما افهمتش منه الا تعاليلي دلوقت

لان البنت كانت بتبكي جدا و بتصرخ

استأذنت والدي ورحتلها فعلا

كان السؤال

ليه بعد سنة و ؟!!

ليه ما كانش م الاول؟

عشان اللغبطة صديقتي ده اتخطبت لواحد قريبها بعد مشاعر متبادلة دامت سبع سنوات

و كلام من ده قرر اخيرا قريبها يتقدم

و الحمد لله نال قبول الاسرة

و تمت الخطبة

اللي دامت سنة و شوية

فجأة بدون انذارات مسبقة حتى

الاسر ما تعرفش اتخانقوا ليه وقلبوا على بعض وكل واحد بيسحب اللي له من التاني

تصاعدت الخلافات على الرغم من محاولات صديقتي وخطيبها _سابقا_ من اصلاح الامور

وكلها ايه

مشاكل على ماديات

!!!!!!!!!

باءت المحاولات بالفشل

اتفقوا الاتنين يصبروا كدة و يلينوا القلوب من تحت لتحت

وانا كنت متابعة

وكتير لما كنت الاقيها متفاءلة جدا

اقولها زي ما تحسبتي اللي انتى عاوزاه تحسبي اللي انتى مش عاوزاه

تقولي

اللي انا عاوزاه خير واللي مش عاوزاه شر

وكتيييييييييير كنت اقولها في الحالتين خير

وهي اللي في راسها في راسها

كل كام يوم يبلغها الاخ اياه انه في تقدم

هي تطير فرحانه

والدها يقولها خلاص عشان خاطرك لما يجوا هتنازل شوية

وهكذا لمة اربع خمس شهور

حتى جه يوم

بقت هي اللي بتتصل بيه تعرف في ايه

غاب في الاتصال المرة ده

ما يردش!!!

تبعت رسايل وتتاكد من استلامه ليها ولا يبل ريقها بحرف

في يوم اتصل بيها بلغها انه يئس

مرة يلينوا ومرة يشتدوا عليه

حتى انه خطب!!

بكل بساطة بيبلغها انه خطب!!!

اتصلت بيا وروحتلها

وكان سؤالها لما هو مش نصيبي اصلا

ليه بعد سنة وشوية رسمي

واكتر غير رسمي بس الاهل عارفين و منتظرين الخطوة الرسمية

ليه بعد كل الفترة ده وليه مش من الاول ؟!!

ردي لاحقا ان شاء الله

بالمناسبة

صديقتي ده أحبت واحد اخر كان منتظر في مكان ما

و تزوجت والحمد لله و حاليا هي حامل ربنا يتملها على خير

المثال التاني اللي احب اذكره

جدتي في مرة روحت معاها نجيب المعاش

قابلنا في الطريق سيدة شكلها كبير جدا تكاد جدتي تكون اصغر منها سنا

وانا لازلت مصرة ان شكلها اكبر من جدتي على الرغم من ان ماما بتؤكد انها من دروها هي

وانها بس وراثة في عيلتنا الملامح الصغيرة

المهم

طنط ده سلمت على جدتي بحرارة شديدة و سالت مين ده

جدتي قالت ده فلانة بنت فلانة بنتي

الست خدادتني احضان فى احضان

و قالتلي لما تروحي البيت ابقي قولي لماما فلانة_ماتزعليش يا طنط فلانة ماشي_

بتسلم عليكي

وانا ماشية فضولي دائما يقتلني

سالت تيتا من ده

قالتلي انها كانت زميلة ماما في الثانوية العامة وليها حكاية كدة

وهنا جه دور ماما اللي حكيتلي

طنط ده في ثانوية عامة احبت صنايعي عند والدها و الصنايعي كمان

_ملحوظة ماما اصرت انها تقولي "ايام ما كان الحب حب بجد"_

لما الصنايعي ده بلغ اسرته رفضوا

ولما هي بلغت اسرتها برده رفضوا

مرة واتنين وتلاتة و مافيش فايدة

انتهى الامر ان البنت _طنط فيما بعد_ خدت علقة سخنة بحزام والدها اللي اصاب عينها وراحت مستشفى عشان ببساطة

ترد عينيها لان عينها كانت دارت في صندوقها !!!

والولد برده طلع سطوح بيتهم وقعد في عشة الفراخ بعد ما ولعها كلها

و قالهم انا هموت نفسي اهه

اتنازل اخيرا الاسرتين عن عنادهم عشان خاطر الاولاد

و اتجوزوا فعلا

المحصلة :

اول ثلاث سنوات زواج الزوجة تركت التعليم بامر زوجها

ضرب ليل ونهار

انجبت في تلات سنين تلات اولاد !!!

ثلاث سنوات كمان

طلقت للمرة الاولى بمزاجها هي اللي كانت بتطلب تطلق

ورجعت بيت اهلها!!!

كمان ثلاث سنوات

طلقت للمرة الثانية باتفاقها هي وزوجها

كمان ثلاث سنوات

الزوج متزوج الزوجة التانية

و الزوجة الاولى شايلة الهم

حاليا : الزوج مريض في بيت زوجته الاولى

الزوجة التانية مع عيالها بقى مش فضياله

الزوجة الاولى بتطببه مش لمحبة فيه وانما عشان تاخد منه ماله و مايروحش لولاد التانية!!!!

ردي لاحقا برده ان شاء الله

[Nonna]

اولا ليه بعد طول الوقت ده وتجديد الامل بجمع الشمل و كل المحاولات ده

في الاخر برده ما يكونش الطرفين لبعض؟!!

لان ده ابتلاء من الله عز وجل

وهولا يسأل عما يفعل وهم يسألون

معنى ان ربنا يبتلي احد انه بيحبه وهتم بيه عكس ما ممكن الشيطان يسول لنا

ويقول لنا لو ربك كان بيحبك ما كانش اذاك كدة

فكر معايا كدة

ليه الانبياء هم اكثر الناس ابتلاءا

استحالة ربنا بيكرههم يعني

يعني ربنا بيحب العبد اما انه يكرمه بشئ يسره فيشكر أو يكرمه بم لا يسره فما يجزعش ويصبر

و ياخد حسنات

مش برده ما فيش انسان يتشك بشوكة الا و غفر الله بها ذنب و اداله حسنة

و بالمناسبة

ثق دائما وابدا ان الرحمن الرحيم ما بيحبش يأذي عبده

تذكر انه خلق 100 رحمة وزع على عباده رحمة واحدة وابقى لنفسه 99

شوف بقى رحمته اد ايه

يكفيك انك تعلم ان لما العبد بيذنب تثور وتغضب الجبال و السموات والارض

عاوزين ينتقموا لربهم من العاصي

فيرد ربي الرحمن الرحيم ويقول لو خلقتموهم لرحمتموهم

ربنا بينزل الابتلاء و معاه الفرج

مش قاصدة اديك امل عارفة طبعا مقدار الالم اللي بيصيب بنى ادم لما يكون عنده أمل في شئ لكن فجأة يفقد الامل ده

ولكن

في جملة او بيت شعر بحبها

ضاقت فلما استحكمت حلقاتها فرجت و قد ظن ان لن تفرج

نصيحيت المتواضعة جدا

انتظر بس لا تنتظر طويلا

و لا تتسرع باختيار جديد تعويضا عن غياب الاخرين فتقع في خطأ جديد أفدح

صلي صلاة استخارة كتير

ولو لازلت تريد البنوتة نفسها

عليك بالدعاااااااااااااااء

وقل يا الهي الرحمن الرحيم

أصلحها لي و أصلحني لها و اجعلنا زوجين صالحين و ارزقنا الذرية الصالحة

_اذا تأكدت انك لا تريد ان تدع الامر من رأسك _

أتذكر قصة جميلة عن سيدة عقيم راحت لموسى عليه السلام تطلب منه انه يدعو لها ربه ان يرزقها الذرية الصالحة

فدعا لها موسى

فكان رد المولى عز وجل

يا موسى لقد كتبتها عقيما

ترد السيدة بخيبة أمل

ثم تعود فتطلب نفس الطلب فيصيبها نفس الرد من المولى عز وجل

و عادت للمرة الثالثة و كان حظها كحظ المرتين السابقتين

حتى اتى يوم رآها موسى عليه السلام تحمل طفلا

فسالها

ابن مين ده

قالت ابني رزقني به الله

دهش موسى فكلم ربه

انا كنت باجي شفيع لها فيكون الرد انك قد كتبتها عقيما

و يالله على رد رب العزة لما قاله

يا موسى كلما جئت أكتبها عقيما قالت

يارحمن يا رحيم ارزقني الذرية الصالحة

حتى سبقت رحمتي قدرتي

رب العزة سبقت رحمته قدرته وغضبه

ادعي بيارحمن يارحيم على قد ما تقدر

و اكثر من الاستغفار فهو بجد وعن تجربة مفتاح الفرج

و الرزق بيها وااااااااسع جدا

اخيرا في دعوة كدة

بتاعتي بقولها لما بعوز حاجة وما بتجيليش

يالا هحطها هدية

بقول

اللهم سامحنى واغفر لي اذا انصرف قلبي لما صرفته عني

و تذكر ان تقسيم أرزاق المشاعر ده بيد الله وحده

ماعندناش زرار تيرن اون تيرن اوف فيها

وتذكر ان النبي عليه الصلاة والسلام قدم ابلغ اعتذار للمولى عز وجل لما قال عن خوفه في عدم عدله في حبه لزوجاته

اللهم هذا قسمي فيما أملك فلا تؤاخذني فيما تملك ولا أملك

دع الله يصرف أمرك كيفما شاء

فأنت بلا شك فااااااااااااااااايز في كل الحالات حتى وان ظننت ان ده مش خير

_عسى ان تكرهوا شيئا وهو .....أكمل الاية _

معلشي جدا جدا جدا _جدا انفينيتي_ على الاطالة

تم تعديل 3 فبراير 2008 بواسطة Nonna

[إيزيس]

للمرة التانية اشكرك وأسجل إعجابي بيك يا أجمل وردة في المحاورات :happy:

العزيز عمرو شوف كلام نونا

انتظر بس لا تنتظر طويلا

و لا تتسرع باختيار جديد تعويضا عن غياب الاخرين فتقع في خطأ جديد أفدح

صلي صلاة استخارة كتير

ولو لازلت تريد البنوتة نفسها

عليك بالدعاااااااااااااااء

فترة الانتظار والمحاولات أعتقد خلصت وبلاش نضيع الوقت والفرص عليك وعليها أحيانا البتر وما تزعلش من قسوة الكلمة بيكون علاج وده لمصلحتها قبل مصلحتك وربنا يكتب لكم الخير

[amrhoras]

بشكر انسه نونا وبرده بسجل اعجاب وتقدير الى جانب صوت مدام قرفنله اللى شرفتني بحضورها وتعقيبها

واقدر اقولكم دلوقتى

انها قصه اصبحت ذكرى منذ ساعات قلائل

واتمنالها كل خير ويرزقها بانسان احسن وتتوفق انشا الله

المشكله ليست فى الحب او تكاليف الزواج

المشكله انه لا احد يعلم اين هو الخير وما هو مقسوم

واخر كلماتى الا وهى قسمه ونصيب بس اهم حاجه المحاوله وعدم التراجع او الندم

شكرا لانسه نونا ومدام قرنفل وبارك الله فيكما ادعوا لكما بالتوفيق فى حياتكما

اما مدام قرنفل يارب ربنا يكرمك ف اولادك وانشا الله تفرحى بيهم

اما نونا بقى نفرحلك قريبا بابن الحلال انشا الله

شكرا

تحياتى

عمرو حورس

[Salwa]

يا موسى كلما جئت أكتبها عقيما قالت

يارحمن يا رحيم ارزقني الذرية الصالحة

حتى سبقت رحمتى قدرتى ..

======================================.

اللى فات ده كان جزء من مداخلة ل nonna ...

======================================.

يعنى سبحان الله ..

رب العزة سبحانه وتعالى يقول ...

حتى سبقت رحمتى قدرتى ..

طيب عاوزين ايه ؟؟

يبقى رحمة ربنا واسعة ..

كدة يبقى كل الكلام اتقال ...

فاكرين الكلمة المكتوبة فى كل محل ندخله فى مصر ؟؟ ...فى .تلات ارباع محلات مصر نلاقي الكلمة دى محطوطة فى برواز ومتعلقة على الحائط ...

اذا دعتك قدرتك الى ظلم الناس فتذكر قدرة الله عليك ...

يعنى الظلم بكل انواعه ...

ونرجع لموضوعنا ....ماهى كل المواضع مرتبطة ببعض حتى وان تهيألكم احيانا ان ده ملهوش دعوة بده ..

اللى حصل لك ياعمرو ....ظلم ...ده ببساطة التعبير الصح ...ملهوش دعوة بالكرامة ..ولا بالحب ...

الاطراف اللى تدخلت فى الموضوع ظلمت الطرفين ....

ان قلنا ان له دعوة بالكرامة يبقى بما كان يعتقده (( مندوب اهلك ومندوب اهلها )) يعنى كل واحد فيهم تمسك بما يعتقد انه ( كرامته ) محدش فيهم نظر نظرة رحمة لكم انتم الانتين ..

كل واحد حط له لستة طلبات ورغبات ومحدش فكر فيكم انتم الاتنين كبشر ...كل اللى بتطلبوه شئ طبيعى خصوصا كما الاحظ انتم تقريبا من نفس المستوى الاجتماعى ..

انا دايما اعترض لو كان الزوجين مش من نفس المستوى الاجتماعى ...

شوف حكاية نونا ؟؟ شوف حكاية الصنايعى اللى اتجوز واحدة متعلمة ؟؟ كانت ايه النتيجة ؟؟ زواج فاشل طبعا ..ومش معنى كدة ان دايما لو الصنايعى اتجوز المتعلمة حايكون زواجهم فاشل ؟؟لالا...طبعا لان لكل قاعدة استثناء .....والقاعدة ان يكون فيه توافق من الناحية المادية والاقتصادية والعلمية وكل شئ ...

انا شايفة حاجة مش حاتعجبك ...لو قلتها لك ..

هو اساسا تقريبا مكانش حب ..(( لامؤاخذة يعنى ))..

لو كان حب حقيقى مكنتش حاتسيبه يضيع كدة ببساطة ....وكنتم حاتتمسكوا برايكم وكان كل واحد فيكم حايحاول يقنع عيلته برأيه ورغبته ..

وبدل ما تحبس نفسك فى شهر رمضان (( وليس حبسا للتعبد او اعتطاف )) ....

كنت مفروض تتحدث انت شخصيا لاهلها ...

خصوصا .....

الاحظ انك كنت ستتحمل مصاريف الزواج ....بدليل غربتك ايضا ...

اقصد ( واسطة الخير ) ....مكانوش حايتحملوا مسئولية اختيارك من الناحية المادية ..

وانهاردة بانهاردة ....محدش بيجبر حد على انه يتجوز او ميتجوزش اللى هو عاوزها ....(( طالما مناسبة )) ..

عموما ....

ربنا يوفق..

ولو انت شاريها بجد ...

اعمل محاولة اخيرة حتى لو ادى الامر انك تنزل مصر مخصوص ...

سلام...

[amrhoras]

صدقيني يمدام سلوى

حاولنا

الايام اللى فاتت حاولنا

لعلملك معلومه صغيره (لم يتم الموافقه الخطوبه الا بسفرى ذلك)

بالنسبه للمستوى الاجتماعى الحمد لله زى بعض مستوى تعليمي اجتماعى اسرتين من عوائل محترمه

بالنسبه للاحوال الماديه الحمد لله انا مش بقول انى زيرو بس مقدرش ع تحمل شراء شقه تقارب الربع مليون بتشطيب سوبر لوكس بكله

وده وجه الاعتراض وبداية المشكله انى رفضت المساعده ....من ناحية الاهل وكان سبب من اسباب سفرى هو اتخاذ خطوه فى بناء الذات

وما اراه اننى تركت الموضوع فى ايديهم وهم لم يتحملوا مشقة الصبر ...

بصراحه عيب انى اقول انهم محسوش بينا

وعلى فكره لم ارتبط بها الا بعد الارتباط اعجاب فطلب فرفض فطلب مره اخرى فخطوبه التى لم تستمر

المحاولات لم تكتمل بنزولى مصر او بالجلوس ف السعوديه

لان كل طرف ويمكن اشعر بالحكايه دى كل طرف لما صدق

بالنسبه لنا هى وانا مؤمنين اننا تركنا بعضنا البعض بغض النظر عن ماحدث انما تركنا ذكرى جميله لكل منا مش عارف من حقى قول كل ذلك ام لا

فعلا كانت مكالمة اليوم كان فيها الراحه للطرفين جداا على قدر ماكانت صعبه ع قدر ماكنا مرتاحين ف نهايتها لاننا عرفنا حاجه واحده فقط

اننا كنا ع صواب هى وانا عرفنا بعض وحسينا ببعض وفهمنا بعض

بجد انسانه عظيمه وصعب انى اقابل انسانه بالاخلاق دى كلها او الخجل حتى واحنا فى نهاية الطريق

صدقونى مش عارف انا بكتب كل ده مع انها خصوصيات بس مش عاوز اى شخص يظلمها حتى انا لو كنت ظلمتها يبقى الغلط مش عندها هى الغلط منى انا

لانى اللى شفتها اولا وذهبت وبدأت الطريق واخدتها معى فى ذات الطريق دون ان اضع فى ذهنى كل تلك الاحداث

واليكم كل شكر وتقدير باهتمامكم الجميل ده

بارك الله فيكم جميعا اخوه اعزاء :blush2: