في حب الريس

[elneshawy]

الشعر

رسالة فى حب الريس

أنا مبخافشى وحفضل أقول

كلمـة حــق عليها مسئـول

إن الريس راجــل طيــب

وبشعبه دايما مشغـــــول

مشغول انه يلم فلوسنا

بره سويسرا يحوشهالنا

وف حسابات سريه يشيلها

نفسه يأمن مستقبلنا

شفتو ازاى بقى قلبه رحيم

عنده ايمان وضميره سليم

بيجوعكوا لجل تخسوا

آه ياشعب يا محتاج لرجيم

من جهلكوا بتقولوا بطاله

وان الاحوال مش شغّاله

دا الراجل نفسه يريحكم

هى الراحه تبقى عواله؟

أما حكاية المنتجعات

ليه تسموها المعتقلات؟

ليه الظن

وسوء النيّه

نفسه يفسحكوا يا بهوات

أما الكرسى واللى اتقال

دا كلام مش محتاج لسؤال

الغلطه دى غلطتنا يا عالم

إن مجبناش كرسى تيفال

والله انتم ظالمين الراجل

ضيّع عمره ومين يستاهل

حتى الاكل بياكله بدالنا

طالع واكل نازل واكل

بعد دا كلّه........ماله الريس؟؟؟؟؟

ورمضااااااااااان كريم

هههههه

__________________

( منقولة )

[الطيار المصرى]

يا سلام يا نيشاوي.....حقيقي الريس بيتعب...ربنا ي.......و لا بلاش....

و احب اضيف حاجة انا كمان..... منقولة برده.....

نظرا لأن النعمة فاقت حدها

ولأننا مش قدها

ولأن فعلا انجازاتك فوق طاقتنا نعدها

ولأننا غرقنا في جمايل مستحيل حنردها

نستحلفك ..

نسترحمك نستعطفك ..

نستكرمك ..

ترحمنا من طلعة جنابك حبتين

عايزين نجرب خلقة تانية ولو يومين

اسمع بقى

إحنا زهقنا من النعيم

ونفسنا في يومين شقا

عايزين نجرب الاضطهاد

ونعوم ونغرق في الفساد

بيني وبينك حضرتك

دا شعب فقرى

مايستحقش جنتك

و نكرر التهنئة.....رمضان كريم

تحياتي.....

الطيار المصري