افضل 10 شخصيات لحكم مصر

[سكر]

فى الفترة الحالية توجد اشاعات قوية عن مرض حسنى مبارك او وفاة حسنى مبارك

المهم مش فى الخبر او فى الاشاعة المهم اية الى بعد الاشاعة او الخبر

يعنى تعالوا نتخيل فى حرية وديمقراطية فى مصر 100% والمطلوب من الشعب انتخاب رئيس الجهمهورية لفترة الرئاسة القادمة

السوال

من اكتر او احب او انفع او قول زى منت عايز تقول يكون مناسب لمصر وشعب مصر فى الفترة الحالية

اجو من كل شخص ترشيح 10 شخصيات من وجهه نظرة حسب ترتيب الاهمية فى الاختيار

مجرد ذكر اسماء عشان لازم نؤمن ان مصر ولادة ومصر مش هتموت ودائما يوجد بديل

[tahereyad]

هاتقبل هاحبك,, هاترفض هالبّك,,,,, هاتطلعهاتنزل,, هاجيبلك جمااااااااااااال

امضاء: مبارك :rolleyes:

[Abofady]

من افضل 10 شخصيات تحكم مصر:

1- ايمن نور

2-د/يحيى الجمل

3-د/عبد الوهاب المسيرى

4-د/ اسامة الغزالى حرب

5-د/عمر موسى

6-د/ السيد محمد السيد

7-الاستاذ / مهدى عاكف (ملرشد الاخوان )

8- د/ جمال حشمت

9- د/ احمد الجويلى

10- انا اصلح او اى مواطن صالح اخر

[شينكاوي]

ايه ده انتو نسيتوا شينكاوي.............. :rolleyes:

الدكتور احمد جويلي هو الاصلح ان شاء الله

[se_ Elsyed]

للأسف الإعلام الحكومي الفاسد دائماً ما يُسلط الضوء على فئة أو شخصيات بعينها وهم طبقة من المنتفعين الوصوليين ... ويتم حجب الضوء بل القتل المعنوي للشخصيات المحترمة الناجحة التي تعمل في صمت ...

فبالتالي لو تشوفوا إختيارتنا التلقائية الموجهه هاتلاقيهم أغلبيتهم ينتمون إلى الحزب الوطني أي انك ستدور في نفس الدائرة المفرغة التي لا تنتهي .

بالله عليكم يا جماعة ..

- لو ماكانش جمال حمدان مات في ظروف غامضة ... كنتوا هاتسمعوا عن هذه العبقرية الفذة ؟

- ولو ما كانش الدكتور زويل فاز بجائزة نوبل .. كنتو ا هاتسمعوا عنه ؟

وغيرهم وغيرهم من أبناء مصر الشرفاء ..

مازلت متمسك بوجهة نظري بعدم ترشيح شخص معين .. ولكن أريد أن أُرشح نظام معين .... يعني لو واحد لا مؤخذه شغال في محل فول وطعميه رشح نفسه ومن أول يوم وضع نظام ديمقراطي ودستور محترم للبلد فسأكون أول من يدعمه ويحترمه .

نقطة أخرى هامه .....

الأسماء التي ذُكرت هنا كلها فوق السن القانوني :rolleyes:

يعني عمرو موسى قرب عالثمانين

يحي الجمل ... 75 بالظبط .

- مهدي عاكف .... قارب عالثمانين هو الأخر

- أحمد جويلي أعتزل السياسة من زمان بعد ما كان محافظ الإسماعيلية ثم وزيراً للتموين وبيتهيألي كبر قوي برضوا ...

[أسد]

- أحمد جويلي أعتزل السياسة من زمان بعد ما كان محافظ الإسماعيلية ثم وزيراً للتموين وبيتهيألي كبر قوي برضوا ...

دمياط مش إسماعيلية ....

- أيمن نور .. بلاش ..

فيه واحد ذو منصب رفيع في مصر .. ولكنه ليس بكل البريق المططلوب ...

د. إسماعيل سراج الدين .. رئيس مكتبة الإسكندرية ..

كان نائباً لرئيس البنك الدولي سابقاً ..

وهو كان أحد المهتمين بشئون التنمية البشرية في العالم .. والتعليم ..

وهذا ما نحتاجه في مصر ..

ولو أني أرشحه لمنصب رئيس وزراء وليس رئيس جمهورية ..

[abaomar]

السلام عليكم

مرشحكم اخوكم ابو عمر

40 عام

جامعى التخرج من احدى الكليات العمليه عام 90

اديت الخدمه العسكريه بجد و قدوه حسنه و كنت بانام فى الوحده لما الناموس اكلنى

عملت فى احدى الشركات المصريه لمده ثلاث سنوات و اسهمت فى دعم الاقتصاد القومى و كنت بادفع ضرائب و تامينات

سافرت للعمل فى الخارج فى فرع احدى الشركات المصريه بالسعوديه من 95 و حتى الان و الحمد لله ادير الفرع هنا و اساهم فى دعم الاقتصاد القومى من خلال تنميه الصادرات المصريه هنا و دعم العلاقات الوثيقه بين مصر و اشقائها العرب ممثله فى السعوديه .

اقضى اجازاتى فى مصر لدعم السياحه و رفع الناتج المحلى .

ليس لدى و الحمد لله اى انتماء حزبى و لم يكن لدى اى انتهاك او مشكله قانونيه داخل او خارج مصر .

لدى استعداد لتقديم اقرار ذمه ماليه قبل تولى الرئاسه و مراجعه ذلك كل سنه .

كسبت خبره كبيره و الحمد لله فى امور القياده و تولى المسئوليه و العمل تحت ضغط .

ما سبق هو مجرد واحد من ملايين المصريين الصالحين لتولى المسئوليه فهل من مجيب .

[أبو محمد]

د. إسماعيل سراج الدين .. رئيس مكتبة الإسكندرية ..

كان نائباً لرئيس البنك الدولي سابقاً ..

وهو كان أحد المهتمين بشئون التنمية البشرية في العالم .. والتعليم ..

وهذا ما نحتاجه في مصر ..

ولو أني أرشحه لمنصب رئيس وزراء وليس رئيس جمهورية ..

Over qualified .. خسارة فى تلك المناصب .. ليس لأنها مناصب وضيعة .. ولكن لأنها مطمع لتيارات مختلفة ومن يصل إليها يعض عليها بأظافره وأسنانه .. رجال من عينة الدكتور اسماعيل سراج الدين يستطيعون الخدمة بشكل أفضل فى مناصب أخرى بعيدة عن أطماع "المشتاقين" للسلطة ..

خسارة .. كفاية إن احنا عباقرة فى إفساد كل جميل .. نسيب الناس إللى ممكن تربى أجيال أفضل فى أماكنها .. عسى أن تخرج لنا أجيال واعية تستطيع أن تتحمل أمانة اختيار قادتهم .. إبتداء من جيلى .. لم نتربى على تحمل تلك الأمانة .. كان أمامنا زعيم أوحد تصورنا أن مصر قد انتهت بوفاته .. ومازال هناك من أبناء جيلى والأجيال التالية من يعتقدون ذلك .. فلماذا نفكر فى اختيار غيره ؟ .. حتى لو فكرنا فسيكون حسن الاختيار مجرد مصافة

أتمنى أن نترك الرجال القادرين على تربية الأجيال فى أماكنهم .. فهذا هو ما نحتاجة .. التربية .. أو (على رأى أمى يرحمها الله) الرباية

[semsema]

اعتقد ان جمال ممكن يكون احسن من غيره وخاصة انه نشأ وترعرع في بيت سياسي

اعتقد نه هيكون اقدر على مسك الرئاسه.......واحتمال يكون احسن من والده كمان......

وجهة نظر........

[شينكاوي]

semsema رد اليوم, 05:52 PM

اعتقد ان جمال ممكن يكون احسن من غيره وخاصة انه نشأ وترعرع في بيت سياسي

اعتقد نه هيكون اقدر على مسك الرئاسه.......واحتمال يكون احسن من والده كمان......

وجهة نظر........

ايه يا اخت سمسمة اللي انت بتقوليه ده بيت سياسي مين يعني هو كان ابوه بيفهم حاجة اساسا في

السياسة علشان يفهم هو انت مش معانا كنت في مصر ولا ايه لو ابوه بيفهم حاجة ما كناش 21 سنة نقعد بس نستورد ومش لاقين ناكل

ومشردين في بلاد الارض ومتبهدلين اخر بهدلة .... تقولي بيت سياسي قال .ده بيت.....استغفر الله

المهم اي واحد شريف نظيف اليد يصلح لقيادة مصر والناس اللي بتفهم سياسة وتعرف تنقذ البلد من الهم والانحدار كتيير ومش شرط

نتفق علي واحد

se_ Elsyed رد اليوم, 09:13 AM

نقطة أخرى هامه .....

الأسماء التي ذُكرت هنا كلها فوق السن القانوني

يعني عمرو موسى قرب عالثمانين

يحي الجمل ... 75 بالظبط .

- مهدي عاكف .... قارب عالثمانين هو الأخر

- أحمد جويلي أعتزل السياسة من زمان بعد ما كان محافظ الإسماعيلية ثم وزيراً للتموين وبيتهيألي كبر قوي برضوا

عامل السن مطلوب برده يا عم سي سي يا كبير علشان الخبرة وحنكة والتغلب علي طيش الشباب وعصبية الشباب المكتسبة

من السن ولا انت ناوي نقضيها حروب ولا ايه ؟

:blink:

[سكر]

عن نفسى انا ارشح اى انسان مصرى له سمعة جيدة فى الوسط السياسى ودول العالم

وشرطى الوحيد فى هذا الانسان ان يكون فترة الحكم لا تزيد عن فترتين متتاليتين

حتى لو كان الانسان دة بتاع بليلة او حتى عبقرية زمانة فى العبور وخلانا اقوى شعوب العالم

نفسى فى انسان يقدم طلب الاستقالة عن رئاسة الجمهورية قبل ما يتولى حكمها

عشان لو كان كويس اهو البلد استفادة من فكرة وعلمة وخيرة

ولو وحش يبقى لنفسة مش لازم نصبر جيل كام من اجل التغير

سنة الحياة فى الارض هى التغير

[semsema]

ايه يا اخت سمسمة اللي انت بتقوليه ده بيت سياسي مين يعني هو كان ابوه بيفهم حاجة اساسا في

عزيزي شنكاوي.......دي وجهة نظري وبعدين انا قلت ممكن يكون احسن من ابوه والا ايه..

ع العموم انا عندي تفاؤل بإن مصر هتكون افضل بإذن الله.......يارب

[khatabmohammed]

وحهة نظرى أن عمرو موسى على الأقل يستطيع المحافظة على كرامة المصري بالخارج الغلبان وربنا يهدم وينتقم من كل ظالم جبار وهو معروف البارك على نفسنا والإشاعه المنتشرة هذه الأيام رد فعل الناس هو موش فرقة سواء رحل أو جلس فالناس استسلمت خلاص للواقع المرير والقهر وربنا معانا.

[سكندريه]

أنا شيفه أيمن نور ألي بهدلوة وسجنوه وقالوا عنه عميل لأمريكا

بس مش عرفه حسه أنه مظلوم وفعلا عايز يعمل حاجه لبلده ولو مكنش عنده مبدا وهدف كان بهدل نفسه كل البهدله دي؟؟

تحياتي موضوع جميل

[processor]

ياريت لو أبو غزالة يمسك الرئاسة الراجل ده محبوب من الشعب كله وربنا يديله الصحة واتمنى لو هو اللي يمسك

[kokowawa1979]

السن في حالة الدكتور أحمد الجويلي ليس مشكلة - وهو في رأيي شخصية أكثر من محترمة - ليس له في الخمور مثل بعض الشخصيات الحنجورية التي كنا نحترمها !!!

هناك أحمد رشدي أيضا لأننا بالفعل في حاجة لإعادة الإنضباط للشارع المصري وبالأخص لهذا الجهاز الشنيع المسمى بالشرطة تجاوزا - !!

هناك المشير أبو غزالة أيضا .

وللأسف أنه لايوجد شخصية من فئة الشباب يمكن أن يعتمد عليها - لإنه يجري في شرايينها دم بوش وعصابته وبالتالي سوف ترتمي في أحضان الأمريكان !!!

وهذه هي نتيجة الدكتاتورية - لانستطيع أن نستخرج مائة شخصية من بين 75 مليون مصري ليكون أحدهم رئيسا للجمهورية !!!

[etihad]

اقسم بالله انه لو تم انتخاب اي شخص مصري حتى لو كان جاهل لا يعرف القراءة والكتابة

لكنة فقط يكره الظلم ويخاف الله لصلحت حال البلاد

تم تعديل 5 سبتمبر 2007 بواسطة etihad

[عطاء بلا حدود]

ارشح ( محمد حسين يعقوب ) رئيس الجمهورية

ورئيس وزراء سياسي محنك ويكون مستشاره السياسي وارشح لهذا المنصب ( عمر سليمان ) او ( عمرو موسى )

[زهرة الجبل]

رأي شخصي

أنا أرى إنه إحنا محتاجين شخص ذو ضمير نقي و رغبه في الإصلاح

ومجرد رأي أيضاً أنا أرى أنه من الأفضل أن يكون هذا الشخص ذو صفه دينيه أكثر منها سياسيه

يعني بصراحه أكتر

أنا أرشح عمرو خالد

ماله ؟

رجل محترم وعنده رغبه واضحه جداً للإصلاح و أحسبه عند الله يتقي الله فيما يُحَكم عليه

و آراءه البناءه كانت أكثر من مبهره فيما قدمه لنا من خلال برامجه في صورة خطط تنمويه ليتها طُبِقَت فعلاً

أعتقد أن شخص يملك ما يملكه من عزيمه على الإصلاح و أفكار بناءه و درايه بسياسات من هم أفضل من ساسة الدول الحاليه كلهم (( أقصد طبعاً خير خلق الله عليه الصلاة والسلام والصحابه الكرام عليهم رضوان الله ))

وغير ذلك فهو ليس متعصب ولا متطرف ولا سيحكمنا بالسيف والفلكه

يعني المختصر المفيد رجل محترم ومستنير و مثقف وتقي وأفكاره بناءه و يجمع بين التدين والفكر المعاصر

ويظل مجرد رأي و إن تطاول لحد التمني

[المر]

انا كل اللى يهمنى هو ان اللى يحكم مصر حاكم يعرف قيمة مصر و يرجع لمصر هيبتها اللى لاسف فقدنها بين جميع الدول الصغيرة قبل

الكبيرة يعنى راجل نضيف يعرف هموم الشعب و مشاكله و يجى عن طريق انتخاب الشعب له . لكن نحدد الاسماء و نقول ده اصلح من

الاخر اللى يحدد الشخص اللى هيحكمنا هو الشعب نفسه.

( حاكموك ما حاكموك برضه المصرى مصرى و المملوكى مملوكى ) وعجبى.