سؤال معكوس..؟

[بنت شعنونة]

المرة الي فاتت سألتوا وقلتوا متى سنعود...

المرة دي انا بسألكم وبقولكم

هل نغترب؟

ام نظل داخل مصر؟ :cry: :roll: :roll: :neutral: :?:

[watany ta7n]

كان على تترتتتووووفة لسانى يا شنشن

خصوصا ألمانى يا جماعة....إيه جوها؟؟؟؟؟؟

سمعت إنها دخلت المنورات فهل هى داخله الحرب؟؟

[tiger1411]

بدون سفر أو ترحال

نحن مغتربون فى الداخل

[se_ Elsyed]

تصدقى بالله يا شنشن إنى بعد تجربة 8 سنين غربة ولسه موجود بأقضى المدة اللى باقيه لي الى أن يقضي الله أمراً كان مفعولا ، لو الأيام رجعت بي تانى ماكنتش هاخرج بره مصر وكنت اقعد اعافر مع الدنيا وياتغلبنى يا أغلبها ، وكانت النتيجة برضوا أنى كنت هاكون نفسي وهاتجوز وافتح بيت زى الـ 70 مليون مصري اللى موجودين بالداخل ، ومن ناحية الحرية فكنت هافضل زى ما أنا لو شفت حاجة غلط مش هاسكت برضوا وعلى رأى الشاعر فإما حياة تسر الصحاب وإما ممات يكيد العدا ، فإيه يعني كانوا هايعتقلوني أو يموتونى أو يكمموا فمي ، ولو حد سألني طب ليه ماترجعش دلوقت حالاً .. ببساطه هاجاوب إنى خلاص أدمنت الغربه وأدمنت الحياة النظيفة هأ هأ ... لكن مصيري يوم هاتعلاج من الادمان وأرجع للحياة الحلوة فى مصر أن شاء الله

[ابو حلاوه]

و الله يا شعنونة خديها مني نصيحة .... اللي يجيلوا فرصة يطلع و ما يطلعش يبقي حرام عليه

و علي راي و احد صحبي ما اعرفوش... مصر ام الدنيا .. ادينا شفنا ام الدنيا عايزين نشوف الدنيا بقي

انا باقولك الكلام ده يمكن لاني في الفترة المتوسطة من الغربة.. يعني لا انا في الاول و لا في الاخر

يعني لا انا بابكي من الشوق و الاشتياق و الحنين و لا انا عملت القرشينات و مستني ارجع مصر اربي العيال و اصطاد سمك اللي فاضلي من عمري

انا ببساطة عايش محترم و باحترم الناس من حوالي بس .. غير كدة علي فيض الكريم ....

يعني ببساطة احتياجات الحياة الكريمة متوفرة ... و انا مش عارف الناس بتخاف من السفر ليه .؟

سفر و احد بيخلق فرصة لاثنين.. فرصة بره للي سافر وفرصة المكان اللي سابه في مصر .. و اللي سافر عادة ما بيسفر بعدة غيرة

اهم حاجة ان الواحد لا يخرج برة مصر للتنطع و السبهللة

و اللي مش عارف العالم الغربي بيحتاج بشدة للوظائف المهنية من اطباء و مهندسين و غيرهم .. و صدقوني الفرص كثيرة

[بنت شعنونة]

كلكم كلامكم صح

وان كنت انا من انصار كلام ابو حلاوة.. :roll:

بس انا عاوزاكم تجاوبوني على اساس انتوا مثلا ناس اتغربتوا ورجعتوا عشتوا في مصر

واولادكم بقالهم مثلا يجي عشر سنين اهو في مصر وكبروا واتخرجوا

وقالولكم عاوزين نسااااااااااافر

او نهاااااجر

تنصحوهم ب ايه.....؟ وبمنتهى الأمانة والجدية..

فكروووووووا كويس الأول؟..

:roll: :roll:

[Elham]

انا حقيقى باحب مصر جدا ,باحب الناس اللى فيها ,لكن حقيقى الوضع فى مصر ما يسرش و انا لو قرار البقاء فى الخارج فى ايدى ما كنتش افكر انى ارجع دلوقتى خالص , جايز الوضع يتحسن فى مصر(يا رب)و تبقى الحياه احسن, لكن انا رأيى اللى يلاقى فرصه للسفر او الهحره ينتهزها لان ده لا حرام و لا عيب :roll: :roll: :roll:

[hope]

شوفوا ياجماعة انا عشت 10 سنين فى مصر من 1990 -2000 كانو احلى سنين بجد (5 سنوات مدرسة و 5 سنوات جامعة) وكان نفسى اشتغل واعيش فى مصر بلدى .لكن بعد التخرج اضطريت اعيش فى الكويت لانى والدتى كانت رغبتها انها تستقر مع الوالد . حكمى على حياتى فى مصر هيكون مش مضبوط قوى لانها كانت سنوات الدلع والفسح وعدم تحمل المسئولية .الحياة فى الكويت من عمل ومعيشة ....تعتبر سهلة والحمدلله ولكن مملة جدا جدا .

وبينى وبينكم انا بحسد اصحابى اللى فى مصر ,اكتر ميزة فى مصر العلاقات الاجتماعية والصداقات ...,اعتقد ان كل المغتربين بيعانوا من نفس المشكلة.

رجاء خاص لكل من يقرأ الرسالة يدعو للمصريين المقيمين فى الكويت حيث ان الجميع هنا فى حالة قلق واضطراب غير عادى ,الخوف من الحرب والاسلحة الكيميائية.... هو الشعور المسيطر الان على الجميع

والكل لايستطيع اتخاذذ قرار نرجع مصرالان ام عند اندلاع الحرب وهل سيكون السفر متاح ام لا ؟.... وتساؤلات عديدة والسفارة المصرية لا دور لها على الاطلاق ولا اتصال بينها و بين الجاليات

[بنت شعنونة]

يا حول الله يا ربي:(

والله يااخ هوب انا قلبي وقع في رجليا من كلامك

ربنا يعينكم يا رب

ومن مكاني هنا اقولك العمر واحد والرب واحد

ولو كنت مكانك اكيييييييد كنت هاارجع مصر

لكن لجل الحق ايام حرب الخليج كنا في الرياض وكنا مرعوبين مع اول غارة واول صوت صاروخ

لكن صدقني

بعداول اسبوع ها تتعود ويبقى الحال عادي

بس ان شاء الله ما فيش حاجا على الكويت و الموضوع يعدي على خير يارب

ليكوا ولكل ولادنا واخواتنا اللي معاكم امين يارب العالمين يحميكم ويحفظكم ويريح قلبكم

قولوا امين...

[freefreer]

رجاء خاص لكل من يقرأ الرسالة يدعو للمصريين المقيمين فى الكويت حيث ان الجميع هنا فى حالة قلق واضطراب غير عادى ,الخوف من الحرب والاسلحة الكيميائية.... هو الشعور المسيطر الان على الجميع

والكل لايستطيع اتخاذذ قرار نرجع مصرالان ام عند اندلاع الحرب وهل سيكون السفر متاح ام لا ؟.... وتساؤلات عديدة والسفارة المصرية لا دور لها على الاطلاق ولا اتصال بينها و بين الجاليات

عارفة و عشتة سابقا .. ولا أظن ان احد من الإخوة سيستطيع تخيل احساس ان يكون الفرد و اسرتة و اطفالة مهددين بالضرب بغازات سامة و خانقة او ميكروبات امراض مدمرة ..

و هو يقرأ منشورات التى تحذر منها .. و تشرح كيفية مواجهتها ..

ان شاء الله .. لا أظن ان سى زفت لسة لديه مثل هذه الأسلحة .. ربنا معاكم

[hope]

الاخت شعنونه والاخ freefreer

جزاكم الله خيرا لمشاركتم مشاعرنا هنا فى الكويت.

برغم كل الاميال التى تبعد بين اعضاء المنتدى لكنى اجد ان قلوبنا قريبة جدا وجميع الاعضاء حريصين على بعضهم البعض.

سامحونى نكدت عليكم :(

[بنت شعنونة]

ولو ياهوب؟

داحتى اسمك هوب

يعني خلي املك في الله

وشد الهمة

وصدقني والله كلنا في الهوا سوا :D

ولن يصيبنا الا ما كتب الله لنا

ربنا معاكم يا ولالالالالالالادي :roll:

[إبن مصر]

اعتقد ان هوب زيك يا شعنعن ... مؤنث....

ثانيا كلام استاذنا فرى وهوب صح الخوف من الشىء اسواء من وقوعه وفى حرب الخليج الاولى ...

كانت ايام صعبه علينا كلنا .... بلا خوض فى التفاصيل ..

وربنا مع كل اخوانا فى كل مكان يهدده اى خطر ..

اما عن البقاء والسفر ....

اعتقد انك فى مصر عمرك ماتبات جعان وان زهقت اتمشر على الكورنيش ..

لان اسواء شىء كما قال العزيز تايجر الغربه بين الاهل امر من المر

ابن مصر

[ديكارت]

مسا الفل

يا جماعة السفر للعمل ممتع جدا ... انا عن نفسي مش ناوي ارجع مصر تاني . اصلي خلاص خت الجنسية والحمد لله .

اما اللي بيشتغلو في الخليج ( انا اشتغلت هناك سنتين ونص ) فيحمدو ربهم ... هناك الغربة مش زي هنا ولا اوروبا ولا امريكا ... يعني بلد قريب وبيتكلمو عربي .

اللي عاوز يشتغل في الخليج ومعاه شهادة علمية يقولي وانا مستعد اساعده .. الحمدلله عندي علاقات جيدة هناك .. اما تايلند فلازم يجيبلي شهادة من ابوه وامه انهم موفقين انه يشتغل هنا :D :D

[hope]

بالفعل ياشعنونة انا مؤنث وباشكرك جدا على شعورك الجميل واحساسك بينا

وزى ما قال ابن مصر الخوف والقلق أصعب من وقوع الشيء لدرجة اننا بنتمنى اى شيء فعلا يحصل بدل ما الساسة الكبار ورؤساء الدول بيلعبوا بينا وبالعالم .شوية يقول بعد التقرير 27/1 واهة جه 27/1 وماحصلش حاجة وبعدين يقولوا بعد 15/2 وبعدها قالوا الحرب فى مارس وكلام كتير ومتناقض بنشوفوا فى الفضائيات وبنقراه فى الجرايد

وماحدش عارف يحدد اى حاجه

[بنت شعنونة]

اوبس...

انا اسفة والله يا هوب :) :D :roll: :roll:

معلش العتب على النظر :cry:

[KWA]

مسا الفل

يا جماعة السفر للعمل ممتع جدا ... انا عن نفسي مش ناوي ارجع مصر تاني . اصلي خلاص خت الجنسية والحمد لله .

D

مكن تقلي اي السبب او الأسباب التي جعلتك تستقر في تايلاند و تاخد الجنسيه ..انا بس فضولي في معرفهالأسباب ....فأرجو عذري

هناك الغربة مش زي هنا ولا اوروبا ولا امريكا

وجودك في تايلند بتسميه غربه و عندك جميع الأجناس و الجنسيات هناك....يا راجل

اللي عاوز يشتغل في الخليج ومعاه شهادة علمية يقولي وانا مستعد اساعده .. الحمدلله عندي علاقات جيدة هناك

بالتأكيد ده انت في تايلند ...

اما تايلند فلازم يجيبلي شهادة من ابوه وامه انهم موفقين انه يشتغل هنا    

 

 

طبعا ده من مصوغات التعين....و بالأضافه الشهاده الصحيه....و حسن السير و السلوك...لا اظن انها مطلوبه في تايلند....

[ديكارت]

KWA

مرحب .... اسباب استقراري هنا كثيرة واغلبها شخصي ... لكن اقدر اقول اني مبسوط هنا اكثر من بلدي .

بالنسبة للخليج الحمد لله انا اعرف ناس كثير هناك بسبب عملي السابق والحالي .... على فكرة تايلند ما فيهاش خليجيين والكلام ده من عشر سنين ... العلاقات مقطوعة من عام 90

بقولك ايه ... ايه رايك تشرفنا هنا .. كلها تسع ساعات وتكون عندي :lol:

[KWA]

KWA

مرحب .... اسباب استقراري هنا كثيرة واغلبها شخصي ... لكن اقدر اقول اني مبسوط هنا اكثر من بلدي .

و الله من غير ما تحلف يا ديكارت....انا متأكد انك مبسوط و تمام التمام اكتر من مصر....علي الأقل المناخ مختلف...انا عارف يا راجل

بالنسبة للخليج الحمد لله انا اعرف ناس كثير هناك بسبب عملي السابق والحالي .... على فكرة تايلند ما فيهاش خليجيين والكلام ده من عشر سنين ... العلاقات مقطوعة من عام 90

بدون شك ده عمل أخلال في الأقتصاد التايلندي و السوق نايم معاك

بقولك ايه ... ايه رايك تشرفنا هنا .. كلها تسع ساعات وتكون عندي

يا سيدي أشكرك و لكن الدعوه متأخره 11 سنه...بعد زواج و اولاد مافيش تايلاند و لا ميلند.... انت الجو عندك حر و رطوبه و انا بخاف من نزله البرد

:) :) :cool: :) :lol: :) :D :D :D