الفصام

[Cleo]

ما هو تعريف مرض الفصام وما الفرق بينه وبين (انفصام الشخصية)؟؟

وما هى أسباب الإصابة به؟؟؟ هل من علاج نهائى؟؟؟

هل يعتبر المصاب به خطرا؟؟

[Cleo]

:lol: :lol: :) :D :D

يعنى إيشحال إن مكانش المنتدى كله دكاترة......!!!!!!

ده حقهم يخللوا اسمه منتدى القصر العينى.....!!!!!

(مع الاعتذار لبتوع عين شمس.......) :twisted: :twisted: :twisted:

:D :D :D

[ابو حلاوه]

يا سلام يا كليو ........ غالي و الطلب رخيص ...انفصام الشخصية بتاع سعاد حسني و نيللي و محمود ياسين و سعيد عبد المولي و خليل سيدهم يخص السينما المصرية فقط و لا يعني الطب باي شئ ...

هناك ما يسمي بمجموعة ال dissociative disorders ..و دي في خلالها ممكن المريض ينسي ما حدث في خلال يوم باكمله او شهر او حتي سنه ... ..ictus amnésique. و غالبا السبب التعرض لصدمه قوية جدا جدا ... الحروب الزلازل .. حوادث السيارات و احيانا من غير سبب و اضح ... زي ما يكون المريض تليفزيون ما فيش فيديو بيسجلله و كل ما يحدث في اثناء تلك الاثناء بيختفي تماما من الذاكرة .. multiple personality diorder و اللي السينما كلها نازلة ترف علينا بافلام عنها لا تزيد الحالات المسجلة منها عن صوابع اليد ... و ليس بالضرورة ان الشخص بينسي شخصيتة الاصلية و بيتقمص شخصية اخري ... احيانا ان الشخص بيقوم بافعال و اشياء بتختلف تماما عن طبعه الاصلي و لا يستطيع السيطرة عليها و لكن ليس بالضرورة انه بينسي ما فعله ...

و عادة ال comorbidity يعني الامراض المصاحبة لتلك الاعراض بتكون شخصية هيستيرية ...

يعني باختصار .. انفصام الشخصية بتاع محمود ياسين و نيللي و سعاد حسني ليس له علاقة بما هو موجود في الكتب .. و حالة غاية في الندرة ... و لكن يمكن ان تمثل ظاهرة و الموضوع ممكن يتكتب فيه كتير لكن افضل ان اترك الكلام الاكثر عن مرض الفصام

[Cleo]

متشكرين يا أبو حلاوة..... ولله جمايلك مغرقانة..... بللم بللم بللم... إلحقوووووووووووونااااااااااااااااااااااا........ :D :D

أن مش عارفة أنا اخترت المصطلح الصحيح ولا لأ ...... أنا أقصد الشيزوفرينيا..... :lol: :lol: :)

الحقيقة أن كنت من فترة شفت فيلم أثر فيا جدا اسمه a beautiful mind بتاع راسل كرو ..ز عن واحد عالم عبقرى مصاب بنوع من الهلاوس استمرت معاه سنين و أدت فى الأخر إنه كان على وشك انه يقتل ابنه و مراته.....

و صعقت لما عرفت إن قصة الفيلم ده حقيقية و دخلت على موقع "نوبل" و شفت فعلا اسم الراجل ده "وليام ناش" و انه بيعترف بإن كان عنده هلاوس فعلا زى الفيلم ما كان بيصور.....!!!!!!

بعدين من يومين شفت واحد دكتور (أفتكر اسمه عبد الهادى قنديل) بيقول إن جين الذكاء بيكون مرتبط بجين الشيوفرينيا.....!!!!

ولى صديقة كانت مخطوبة لواحد كدة وكان بيتهيأله أنها حطاله سم فى كباية العصير...!!!!!! (أنا نفسى مرة كنت هاتخطب لواحد كدة لولا ربنا ستر..... :? )

فمعلش.... بعيد عن فيلم "العذاب امرأة و الدكتور صادق و بئر الحرمان" ( :D :D :lol: ) ممكن يعنى معلش.. بجملة البللم بللم... حد يفيدنا عن الحالة دى... :D :D

[الطفشان]

مش ال Multiple Personality Disorder هو هو مرض الشيزوفرينيا Schezophrenia و الا ايه؟

حسب ما اسمع، الشيزوفرينيا منتشرة، و بالذات هنا في الغرب

و سبب انتشارها هو ان الناس لا تتنكر لوجود مشكلة عندها، و تسعى لحلها و علاجها، غير التخبية و الهروب منها عندنا

[ابو حلاوه]

الفصام بقي شئ مختلف تماما ...

الفصام .. هو السكيزوفرينيا ... و كلمة سكيزو يعني فصل ..و ده مرض من اصعب الامراض و اخطرها .. انتي قراتي مداخلة النبي حمدي .. الراجل ده كان عنده ضلالات ... يعني اعتقاد مطلق لا يمكن تغيره او تعديله و لا يعتمد علي اي من معطيات المنطق ... و الهلاوس .. السمعية اساسا و احيانا البصرية بتشكل علامة بارزة ايضا من علامات المرض ايضا .و دي بنطلق عليهم الاعراض الايجابية ... و الضلالات و الهلاوس في معظم الاحيان بالعلاج بتختفي ... لكن ما هو اقسي و اصعب هي الاعراض السلبية ..... الانعزال و فقدان مهارات الاتصال الاجتماعية .. عدم القدرة علي اتخاذ المبادرات .. السلبية الشديدة و التقوقع .. الخ

و هناك عدة انواع من المرض بتختلف حسب طبيعة الاعراض و مدة المرض .. هناك من يعاني من اعراض ايجابية لفترات قصيرة و يستطيع العودة لحياته السابقة ما بين تلك الفترات مثلا و هناك شكل اخر الاعراض الايجابية لا تمثل فيه سوي جزء بسيط و الباقي عبارة عن اعراض سلبية ...

مرضي الفصام هم من ترينهم مشردين علي الارصفة في مصر و في يدهم زجاجة ماء او من ترينهم ينظمون المرور في شوارع القاهرة المحروسة

و المرض مرض صعب و مدمر للفرد و قدراته .. كنا زمان بندرس ان الثلث بيشفي و الثلث بيتعرض لفترات من الانتكاس حتي مع تناول الادوية و الثلث الاخر بيدخل في دوامة اللا عودة مع المرض... و رغم ان ترسانة الاسلحة تزداد يوم بعد يوم و يضاف جديد باستمرار لكن الحقيقة مرة...

و استطيع ان اقول لك ان الفصام الحقيقي لا شفاء منه و لكن هناك امكانية ان نساعد علي استقرار حالة المريض ...

المثير ان نسب الاصابة تكاد تكون واحدة في العالم ... و بعد سنوات من التخمينات عن علاقة الطبقة الاجتماعية و المرض ..تبين انه لا توجد اي علاقة علي الاطلاق

[ابو حلاوه]

مش ال Multiple Personality Disorder هو هو مرض الشيزوفرينيا Schezophrenia و الا ايه؟

لا يا طفشان هناك فرق كبير جدا بين الاثنين ... الامراض النفسية -- بالتقسيمة القديمة -- الذهان-- neurosis و دي الامراض اللي بتضم الاكتئاب و القلق اضطرابات الشخصية .. و دي الفرد علاقته بالعالم و الحقيقة لا تختل ... يعني هناك insight ... انا عارف انا مكاني فين علي خريطة نفسي و علي خريطة الحقيقة ... عادة تلك الامراض بتكون egodystonic ....انا عندي مشكلة و ممكن اعتبار multiple personality disorder من هذه النوعية ..

الجزء الاخر و هو العصاب psychosis و بيضم الفصام اساسا .. و فيه اضطراب كبير جدا في علاقة الفرد بفضائة الداخلي و الفضاء الخارجي ..و بيكون الفرد تائه تماما في علاقته بالعالم ... و الضلالات و الهلاوس بتوجه و بتؤثر علي رؤيته و تصرفاته.. و غالبا لا يوجد اي insight

التصرفات بتبدو غريبة و شاذة للاخرين ... و عادة تلك الامراض بتكون egosystonic.. انا ما عنديش مشكلة المشكلة في التانيين

[Cleo]

او من ترينهم ينظمون المرور في شوارع القاهرة المحروسة  

:twisted: :twisted: :twisted: :twisted: :twisted:

هاهاهاهاهاهاهاهاهاهاهاهاهاهاهاهااااااااااااااا

:lol: :lol: :lol: :lol: :oops: :D :D :D

لأ... حلوة صحيح......

قوللى يا أبو حلاوة... واحد مثلا زى دكتور ناش ده.. أفاد العالم بنظرياته فى الرياضيات اللى استحق عليها نوبل بعبقريته ... لكن هل هو و أمثلاه يشكلون خطرا على المحيطين بهم بسبب مرضهم؟؟

أنا أتذكر كان فيه مشرد يعيش بالقرب من منزلنا القديم... و كان فى حاله..... بس ساعات تجيله الكريزة يمشى فى الشارع يتخانق مع شخصيات وهمية و يشتمهم و يشتموه و يبقى بيتكلم عن موضوع فعلا و ليه أشخاص و أحداث و هكذا.....!!!!! لكن للحق هو عمره ما أذى حد... فهل هذه الشخصيات كلها مسالمة أم منها من هو خطير؟؟

وهنيالك يا فاعل الخير و الثواب...... :D

[ابو حلاوه]

الغالبية العظمي من المرضي ... بيكونوا مسالمين تماما ... و فعلا من لا يرق قلبه لبعض هؤلاء المرضي يكون بلا قلب ...لكن هناك الكثيرين بالذات من المصابين بضلالات الاضطهاد قد يستخدم العنف .. و العنف بلا حدود ...

لكن مرضي الفصام اقل خطورة من مرضي البارانويا ... و عن مسألة العبقرية في هؤلاء المرضي .... طبعا كل شئ وارد ... لكن ناش ليس سوي مثال نادر جدا بالمقارنة بحدة المرض .. كما قلت من قبل المرض درجات .... و هتتذكري في المجتمع القريب بتاعك عدة افراد من الناجحين في عملهم .. غالبا في وظائف لا تتطلب التعامل مع الناس .. لا يحبون الاختلاط و تبدو علي تصرفاتهم بعض الغرابة ... من كل مائة انسان هناك مصاب بالفصام .. و مش معني كده ان الاطباء النفسيين بيكسبوا دهب ... لان هناك من حسن الحظ من يعيش و يموت دون ان يري طبيب نفسي في عمره او ياخذ علاج ...

في الهند مثلا كان معظم المرضي من الشريحة العليا في المجتمع .. ده مش معناه ان الفقراء في الهند لا يمرضون .. لكن معناه ان الفقير المريض في الهند بيتم قبوله بسهوله .. غلبان... مبروك او غيرها من الصفات . بالاضافة ان طبيعة النشاط الاقتصادي .. زراعة و غيرها نشاط بسيط و لا يحتاج الي مهارات ثقافية او فنيه معينه .. و العكس في امريكا المريض في امريكا في قاع المجتمع لان المجتمع مجتمع متطور و من لا يملك امكانيات فنية وعملية معينة مصيرة ان يكون مشرد

[ابو حلاوه]

و عن مسألة العبقرية و الفصام .... حقيقة ان العبقرية و ارتفاع مستوي الذكاء معتاد لدي اقارب المرضي المصابين بالفصام .... ايه السبب مش معروف .. فلتتخيلي معي ان المخ كمبوتر يتعامل مع الامور من خلال منطق معين ... و بسبب انك تتعاملين مع المشاكل بنفس المنطق ... بعض المشاكل قد لا يكون لها حل .... و الحل هو الخروج من هذا المنطق ... و هنا العبقرية ... اي اذا كان مرضي الفصام كمبيوتر العقل لا يحترم اي منطق ... بعض اقاربهم يستطيع احترام هذا المنطق بل و يستطيع ان يتعداه لكي يجد حلول غير معتاده و غير تقليدية لا يستطيع المنطق و حده حلها

[Cleo]

و عن مسألة العبقرية و الفصام .... حقيقة ان العبقرية و ارتفاع مستوي الذكاء معتاد لدي اقارب المرضي المصابين بالفصام .... ايه السبب مش معروف

الدكتور عبد الهادى قنديل ده طلع من يومين فى التليفزيون بيقول إن جين العبقرية و جين الاكتئاب و الشيزوفرينيا مرتبطين ببعض...

سؤال كمان...

- هل الواحد بيتولد كدة ولا الإصابة دى بتحصل لما الواحد يكبر.... طب لو بتحصل لما الواحد يكبر بيكون إيه السبب؟؟

أنا سمعت إن الواحد لما تتعرض دماغه لصدمه عنيفة و هو صغير ممكن ده يأثر على كيمياء المخ أو الإشارات اللى بيرسلها و يظهر ذلك على هيئة أمراض عصبية و نفسية.... :?

هل العلاج حاسم أم أن هذه المشكلة مزمنة؟؟

(أنا لو منك أخد 50 جنيه على السؤال الواحد..... :twisted: :twisted: :D :D )

[MuslimaEgyptian]

- هل الواحد بيتولد كدة ولا الإصابة دى بتحصل لما الواحد يكبر.... طب لو بتحصل لما الواحد يكبر بيكون إيه السبب؟؟

أنا سمعت إن الواحد لما تتعرض دماغه لصدمه عنيفة و هو صغير ممكن ده يأثر على كيمياء المخ أو الإشارات اللى بيرسلها و يظهر ذلك على هيئة أمراض عصبية و نفسية.... :?

موضوع الفصام ده شكله قالق "حد" كده حبتين :D

عفانا الله وعفاكم ان شاء الله

نطمنك يا ستى ولو ان الواحد مش عاوز "يقطع" على اخ ابو حلاوه :D

عاده، يصاب الرجل إبتداءا من أواخر سن المراهقه (~18 سنه الى الخمسينيات) والنساء إبتداءا من العشرينات /الثلاثينات.

مفيش هناك سبب واحد مكتشف يسبب السكيتزوفرينيا...بل هناك كم من النظريات ومنها ما تفضلتى به كصدمه عنيفه للمخ فى الصغر ولهذا عاده يحبذ السؤال عن هذا فى اوائل الكشف.

هناك نظريه عن الوراثه كسبب لما هو مكتشف من ابحاث تؤيد ذلك ..ولكن الوراثه فقط ليست عامل مؤكد...فالابن عنده فقط 10 فى الميه احتمال للإصابه بها لو واحد من ابويه مصاب بها.

السكيتزوفرينيا عاده تظهر فى شخص مهيأ لها (has a predisposition)

لعده أسباب...يا أما وراثيا...يا بيئيا...او لفيف من الاسباب على بعض. هناك من يرجحوا نظريه الضغط الشديد الذى يهيأ الجو لإفرازها...كالنشأه الركيكه: فقر + تراجع ذهنى من الاول + جو بالبيت غير سوى، خناقات ومخدرات وموت ، او تعرض الانسان لضغط شديد مره واحده ليس عنده القدره او الامكانيات الوقاءيه التى تبنى منذ الصغر للتكيف معها (كدخول الكليه لأول مره، إلخ.).

ولكن عاده الشخص ده بيكون ألريدى ضعيف من الاول من نواحى عديده.

*مهم جدا* ألا يشخص الشخص الا عند فحص إذا كانت الاعراض كالهلوثه المرءيه والسماعيه ليست ناتجه من إستعمال مخدرات معينه تتسبب فى هذا وقت الwithdrawal او وقت قلتها من جسم المدمن.

هل العلاج حاسم أم أن هذه المشكلة مزمنة؟؟

حسب نوع الschizophrenia والدرجه. فهناك انواع اخطر من انواع كما ذكر الاخ ابو حلاوه...فالمسالم عاده يستطيع العيش فى المجتمع وقد يعمل شغلانه بسيطه ويراقب على درجات متفاوته وهناك ادويه لتقليل حده الاعراض. وهناك منهم لازم يلزم المستشفى 24 ساعه تحت المراقبه لخطورته على نفسه ومن حوله...كما اشار الاخ ابو حلاوه النوع البارانوياوى...الذى يحسبك تخطط لموته مثلا فيجب ان يتخلص منك قبل ان تتخلص منه (هذا ما يحاور نفسه به).

عفانا الله وعفاكم وشكرا للاخ ابو حلاوه على المعلومات المفيده...جزاك الله خيرا

[Cleo]

عفانا الله وعفاكم

:D :D :lol: :lol: :lol:

ماتفهمنيش غلط يا سمسمة..... مش أنا والله ..!!!!!!!!!!!!

[MuslimaEgyptian]

عفانا الله وعفاكم

:lol: :lol: :lol: :lol: :lol:

ماتفهمنيش غلط يا سمسمة..... مش أنا والله ..!!!!!!!!!!!!

لا لا لا مش قصدى كده خالص والله

:D :D

عفانا الله وعفاكم دى بتتقال (متهيألى) :lol: لما حد يجيب سيره مرض وحش..كدعاء لكى يحفظنا الله جميعا .

حقك عليه وآدى راسك ابوسها :lol::):lol::)

انت زى الفل طبعا، ربنا يحميكى :cry: