أنا نزلت الأجازة........أتفضلوا شوفوا أيه ألي حصل.......!!!!!

[قاهرى]

يا جماعة بجد برغم من اى مساوى فى بلدنا ومهما كانت العيوب دى هتفضل بلدنا الى بنحبها بلدنا الى بنشتاق لارضها وكل حاجة ذكرى فيها... كفاية نزول الواحد مطار القاهرة ويتكلم مع الناس مصرى يااااااااا وحشنى الاحساس دة اوى ادعولى انزل باء انا كمان الاجازة بتاعتى

تحياتى للجميع وخصوصا الاسكندرية لانها اجمل مدينة فى الدنيا بجد... :unsure:

[Alex Lover]

سكندرية ... شكرا على ترحيبك بيا في موضوعك يا بنت بلدي .........

قاخري ربنا يارب يهون عليك نار الغربة وييسرلك افضل الاحوال في وطنك وتعيش مرفوع الراس انت وكل المصريين قولو امين :unsure:

[قاهرى]

اميـــــــــــــــــــــــــــــــــــــن شكرا على الدعوة الحلوة دى بس انا اسمى قاهرى مش قاخرى :wub:

[مونتى]

اوى كدة ياجماعة عايزين نظهر حبنا لبدنا الجمليه مصر ام الدنيا ومش بس ننظر للاشياء اللى مش كويسه عايزين يبقى كلامنا كله فى حب مصر وجمال مصر والمتعه اللى بنحسها واحنا بنفكر فى ايامنا الحلوة فيها وسلامى وتحياتى للجميع وكل عام وانت بخير بمناسبه الشهر الفضيل وكفايه اقولكم افتكروا ايام وليالى رمضان الجميلة وخاصة كل سكندرى ...... بحرى وليالى بحرى خيام المعمورة والمنتزه والمشى بعد الفطور على الكورنيش بمحطه الرمل وما احلى الصحبه بعد الصلى ويحلى السهر ......عموما كل عام والجميع بخير

مونتى عاشق بلدى

:wub:

[Alex Lover]

مونتي انت اوحيت لي بفكرة ... هى انشاء رابطة عشاق جمال مصر ... ولا اقولك بلاش جمال دي ههههههههههههه .. ( نخليها رابطة عشاق مصر) وهنكون سعداء لو انضم لينا الكثير اللي بيتهاجم بسبب حبه لايجابيات مصر وسلبياتها

شكرا يا مونتي

شكرا يا قاخري ((((( قاهري)))) معلش اصل انا خواجاية :wub:

[لخبطه]

انا لسه جاي وعجبتني حاجات كتير

إجراءت تجديد الجواز بقت أسهل ما طلبوش مني ختم على الاستمارة وطلعوا لى بنفس المهنة بدون اثبات ولا حتى بطاقة

طريق مصر اسكندرية الزراعي متحسن كتير ومضاء في أغلبه ودا اعجاز

استخراج شهادة ميلاد بالكمبيوتر لم يستغر ق سوى دقائق وبرسوم معقوله

المحور رغم انه من فترة إلا إني فوجئت بأنه رهيب وروح لمرور القاهرة الكبرى

المدن الجديدة شوارعها منسقه وواسعة ولا تقل عن شوارع المدن الخليجية

( مش عارف دي حقيقة ولا مصادفة ) ضباط الشرطة أقل سفاله من ذي قبل تعاملت معاهم في الاجازة أكتر من مرة

بطاقة الرقم القومي طلعت بسهوله جدا وبدون إي تعقيد

محكمة الأسرة تطور جميل في التقاضي في الأحوال الشخصيه وسهل على الناس

في رأس البر ( مصيف الغلابة ) عملوا اللسان بشكل حضاري وجميل جدا تشك أنك في مصر من جماله

خدمات التليفون بقت أحسن بكتير رغم السرقة والانترنت سريع ورسومه معقوله

[قاهرى]

فكرة حلوة يا ALEX LOVER بس الافضل اننا فى القسم دة نقول الى مضايقنا فى بلدنا وعيزونوا يكون احسن لعل وعسى حد يسمع صوتنا

احنا بنحب مصر وعيزنها احسن بلد فى الدنيا

وعلى فكرة انا بفكر اغير اسمى على المتدى واخلى (قاخرى) :rolleyes:

[ابن ام الدنيا]

يا جماعة انتوا طمنتونى والله عالبلد , انا هنا فى قطر ولسة متغرب جديد وكل ماشوف واحد مصرى يقعد يشتم فى مصر اسيبة وامشى, المشكلة الناس اتعودت تشتم على مصر ومبارك بسبب وبدون عمال على بطال .... وربنا يحمى بلدنا الجميلة قوى قوى مصر ام الدنيا......

[seeem]

حكاية الرابطة دى حلوة قوي.

انا برضه نزلت الاجازة ومش عارف ليه في الاخر اتمنيت انى مانزلش اجازة تاني. اسكندرية بقت زحمة جدا وماتعرفش تركب فيها عربية. بس انا بموت فى اسكندرية وفى البحر والترام ومحطة الرمل. في سندويتش الفول من محمد احمد او ابوعوض ده ليه عندي ذكريات طويلة. شريط ماعرفش بدايته من نهايته. نفسي ارجع واعيش فيها .بلدي. ام الدنيا و رملك زعفران

[desert_eagle70]

السلام عليكم .. كل سنة وانتوا طيبين بس انا بس عايز اوضح نقطة هى مصر فرقت ايه قبل وبعد الأجازة .. ولا الجماعة اتعودوا على العيشة برة فمعدوش عارفين يعيشوا فى بلدهم اللى بتكلموا فيه كان موجود واحنا فيها يعنى الموضوع عادى هو بس الشهر اللى كل 12 شهر بيبقى باين فيه الوحش .. بس اللى عايز يشوف الحلو هيشوفه .

انا بقى بختار وقت نزولى اخر رمضان مع العيد يعنى مش هلحق اشوف حاجة وحشة ولا انتوا كمان يا رب. سلام

[seeem]

فكرة جامده ولازم الواحد يجربها.

انا من رأي كمان ان الواحد ينزل اجازة قصيرة علشان مايلحقش يشوف الوحش.

[قاهرى]

مين الى مش نفسوا يرجع لبلدوا عيش فيها وسط اهلو وسط اصحابوا وسط الناس الى بيحبهم بس زى مبيقولوا اكل العيش مر ... ربنا يهون على كل المغتربين المصرين .. امين ...

[مونتى]

alex lover والله فكرة جميله جدا يا

اعتبرنى اول المنضمون الى هذه الرابطه وكل واحد فينا يتكلم على ذكرياته الجميله فى بلدته اينما كانت ( اسكندرانى ـ قاهرى ـ بحراوى ـ

صعيدى ـ سيناوى ) من ايى مكان يتكلم عنها بحب وشوق للعودة سالمين

ادعو الله يا قاهرى ان يستجيب لدعائك لنا بان يهون علينا الغربه

ااااااااااااااااااااااامين

عاشق بلدى wst::

[اسكندرية تانى]

اخوانى الاحباء

كل سنة و انتم طيبين بمناسبةرمضان..... رمضان اللى مالوش طعم فعلا الا فى مصر

و بالذات فى اسكندرية حبى الاول و الاخير و مهما رحنا او جينا الواحد مايقدرش يحس برمضان الا فى بلدة

كفاية تشوف زينة رمضان فى الشوارع و الفوانيس متعلقة فى البلكونات و صوت الورق و الزينة لما الهوا يهز الزينة بالليل و انت بتنام

كفاية تمشى فى الشوارع قبل الفطار و تشم ريحة الاكل و الكنافة و القطايف

كفاية ......... و كفاية.........و كفاية لحد الصبح

املنا ان احنا فى يوم نرجع فى حضنك يا اسكندرية

و نراكم على خير ان شاء اللة

[سكندريه]

أهلا بكم جميعا أخوتي الأسكندرنيه زي والقاهراويه وكل من جاء من ربوع بلدنا للغربه المريره

اللهم هون علينا غربتنا أمين يا رب العالمين

ويرجعنا لبلدنا سالمين وسط حبايبنا وأهلنا

وكل سنه وأنتم طيبين ورمضان كريم

[seeem]

اللهم امييييييييييين

وكل عام وانتم طيبين

[قاهرى]

امين يا رب العالمين (كل عام وانتوا بخير ورمضان كريم)

كل حاجة فى مصر ليها طعمها دلوقتى احنا المغتربين مفتقدين احساسنا برمضان علشان مش عيشينوا فى بلدنا مفتقدين منظر الفوانيس الجميلة فى كل المحالات وفى البلكونات والزينة الى كل منطقة بتعاملها

ومش بس رمضان .. كل عيد وكل يوم حلو الواحد بيقضية فى بلدوا وسط ناسوا واصحابوا والناس الى بيحبهم وبيحبوا .. لو يوم حلو كونت ماشى فى مع صحاب ليك على البحر او على الكورنيش لو يوم سحور فى الحسين

اى ذكرى حلوة احنا هنا بنفتقدها فى بعدنا عن الناس الى بنحبها

ولسة العيد الصغير جى وبردوا هنفتقد شكل الكحك والبتيفور والغريبة والحجات الحلوة الى بتلاقى الناس ماشية فى الشارع ومسكة الساجات بتوديها الفرن هنفتقد شكل الاطفال الى جيبة هدوم العيد وخرجة فى كل حتة والشوارع الفاضية وقت العيد بردوا هنفتقدها ..هنفتقد زحمة السينمات

كل حاجة فى مصر حلوة او وحشة احنا بنحبها لانها بلدنا واتعودنا عليها .. بس بنتمناها احلى ديما

ربنا يصبرنا كلنا اخواتى فى المنتدى

تحياتى للجميع ......

[sherifwagdy]

فعلا يا جماعه رمضان فى مصر طعم تانى وبالذات فى الامكان الشعبيه فى القاهره السيده زينب والحسين والقلعه قلبتم عليه المواجع ربنا يصبرنا على الغربه وبلاويها المشكله ان فى ناس كتير اوى فى مصر مش حاسه بالنعمه الى هيه فيها ممكن الواحد يوم عايش كويس الى حد ما ماديا بس ولاهى الواحد هنا فى الغربه بيفقد حاجات كتير اوى الفلوس مش كل حاجه انا ببقى متلهف اشوف اى حاجه عن مصر فى التلفزيون او فى البرامج ربنا يعدى ايامنا على خير ونرجع بلدنا يا رب

[Egyptian Abroad]

اولا انا عضوه جديده معاكم واحب اقولكم ان حبيت المنتدى جدا جدا من كلام اعضائه الي ذي العسل

وطبعا ذيكم مغتربة وربنا معانا ويعينا

اسكندريه

اولا اقولك الحمدلله على السلامة وان شاء الله الاجازة القادمة تكون احسن وتنبسطي فيها ومفيش حاجة تعكنن عليك

ثانيا فعلا الحياة في مصر بتزداد سوء وارتفاع الاسعار وغلاء في المعيشة بالهبل

ربنا على المفتري والظالم!

[سكندريه]

اولا انا عضوه جديده معاكم واحب اقولكم ان حبيت المنتدى جدا جدا من كلام اعضائه الي ذي العسل

وطبعا ذيكم مغتربة وربنا معانا ويعينا

اسكندريه

اولا اقولك الحمدلله على السلامة وان شاء الله الاجازة القادمة تكون احسن وتنبسطي فيها ومفيش حاجة تعكنن عليك

ثانيا فعلا الحياة في مصر بتزداد سوء وارتفاع الاسعار وغلاء في المعيشة بالهبل

ربنا على المفتري والظالم!

أهلا وسهلا بك أختي العزيزه عضوه جديده ما بنا مع أني مش قديمه أوي أنا جديده برضوا

وشكرا على مشاركتك معانا

ومش كده برضوا عندي حق أن الدنيا أتغيرت هناك ومصر باقت ولعه في الأسعار والعيشه

ده والله وكل ده كنت بسخن بس مقولتش كل ألي عندي وأترددت أني أكمل كلامي

علشان محبش حد يزعل مني

بس والله الحياه باقه صعبه والله المستعان

كل سنه وأنتم طيبين جميعا