اسوأ 100 فيلم مصرى

[تيتو]

اكيد القائمة كبيرة بس ده اللى انا فاكرة دلوقتى :

اللمبى

عوكل

بوحة

كتكوت

سيد العاطفى

كلم ماما

وش إجرام

حاحا وتفاحة

حمادة يلعب

لخمة راس

عليه الطرب بالتلاتة

ظاظا

7 ورقات كوتشينة

خالتى فرنسا

ميدو مشاكل

ظرف طارىء

ذكى شان

حريم كريم

يانا ياخالتى

الحاسة السابعة

الغواص

ايظن

[semsema]

اللمبى

عوكل

بوحة

كتكوت

وافلام محمد سعد كلها لااطيقها

كلم ماما

وش إجرام

حاحا وتفاحة

حمادة يلعب

لخمة راس

عليه الطرب بالتلاتة

ظاظا

7 ورقات كوتشينة

خالتى فرنسا

ماشفتهمش ولا عايزه اشوفهم

سيد العاطفى ميدو مشاكل

ظرف طارىء

ذكى شان

كانوا جماال جدا وعجبوني

بس انا ملاحظه ان قائمة حضرتك كلها افلام جديده يعني مافيش قديم

[Sherief AbdelWahab]

أنا عندي قايمة مختلفة خاااالص ..

1-أبناء الشيطان..

2-قبضة الهلالي..

3-يا تحب يا تقب..

4-ألو أنا القطة..

5-الرجل الثاني..

6-المشخصاتي..

7-أول مرة تحب..

8-العصابة..

9-كتيبة الإعدام..

10-رد قلبي..

خلص الكلام

[MZohairy]

فيلم سلام يا صاحبي لعادل امام و سعيد صالح عام 1986

و طريقة اغتيال زعيم العصابه على يد عادل إمام في آخر الفيلم تظهر بوضوح مدى سذاجة طاقم العمل بأكمله

[فــيــروز]

فيلم "كان يوم حبّك" من بطولة "خالد سليم" و "داليا البحيرى" .. تحس انّهم مثّلوا الفيلم -مجازا حيث ان مستوى التمثيل ردئ جدّا- وبعدين عبّوا شريط الصوت عليه !! الصوت يعنى تحس انه تعليق على الفيلم مش تحس ان الناس بتتكلم من جوّه الأحداث !!

فيلم "فيلم هندى" الذى يدّعى زورا و بهتانا أنّه يناقش قضية الوحده الوطنيه ..

فيلم "عودة الندله" و "كلّم ماما" .. أمثله شديدة البشاعه على البطوله النسائيه المطلقه ..

فيلم "أحلام عمرنا" .. فيديو كليب غير موفّق للمخرج "عثمان ابو جبل" و لا يصحّ إطلاق وصف فيلم عليه من الأساس

"كركر" و "عندليب الدقّى" يبدو أنّهما مرشّحان بقوّه لمركز متقدّم فى هذه القائمه من مجرّد مشاهدة الاعلان دون الحاجه لمشاهدة الفيلم

[Sherief AbdelWahab]

وقد ينضم للقائمة فيلم "مجانين نص كم"..

خلص الكلام

[الطيار المصرى]

الي جانب افلام نادية الجندي كلها....مادام بتمثل مع الشماعة اللي اسمها محمد مختار .....

افلام يوسف منصور كلها برده....

افلام السبعينيات اللي كانت بتتعمل كده و خلاص زي الشياطين في المش عارف ايه ....و المشاغبين في الجيش و الو انا القطة

و قطة علي النار و عضة كلب ...كانت فترة عايزة الحرق...

لكن سؤال للاستاذ شريف....ايه برده وجه اعتراضك علي الرجل الثاني؟؟؟

تحياتي....

الطيار المصري

[Sherief AbdelWahab]

ولا أنسى حاتم زهران..وشارع المواردي .. وفيلم اسمه أحلام مسروقة ، وهو فيلم يمكن وصفه بأنه مصطنع ، مفتعل ، مقرف بصرياً..

هناك أفلام كثيرة ليست كوميدية ، ولا تهدف إلى الضحك ، بل تهدف لتوصيل رسالة ما سياسية أو فكرية.. فتوصلها بمباشرة وتنطع واصطناع وافتعال مبالغ فيه ، وهناك أفلام كثيرة ليست كوميدية ولا تهدف إلى الضحك ، وتنتمي لنوعيات أخرى مثل الأكشن والرومانتيك والجريمة .. لكن سذاجة التنفيذ وبشاعة التمثيل وقبح الكتابة يجعلها في مصاف كبرى أفلام الكوميديا على مستوى العالم!

خلص الكلام

[تيتو]

أنا عندي قايمة مختلفة خاااالص ..

3-يا تحب يا تقب..

5-الرجل الثاني..

ايه اللى وحش فى الفيلمين ده الرجل الثانى من الافلام الجيدة

[miramar]

ايه الي وحش فيلم ظاظا بالعكس فيلم بيعكس واقعنا ومن احلى الافلام الي شفتها واتمنيت تتحقق

مرمر

[miramar]

ايه الي وحش فيلم ظاظا بالعكس فيلم بيعكس واقعنا ومن احلى الافلام الي شفتها واتمنيت تتحقق

مرمر

[حسام يوسف]

السلام عليكم ورحمة الله

قال بن خلدون :ان اول ما يسقط من الأمم فى لحظات انحدارها هو ادابها وفنونها

وأرى حين ان ننقد ان نكون موضوعيين لأن المسألة مش بالاستلطاف أو تقل الدم

وبخصوص الأفلام الهابطة فى رأى العبدلله:

افلام نادية الجندى

أفلام يوسف صرصور

وأتفق مع الشكر الخاص لأفلام السبعينات بتاعة حبظلم فى المعرفش ايه وكل أفلام ال000000التلاتة

لحدمالواحد كره رقم 3

وارجو من الاخوة ان يوضحوا لماذا الرجل الثانى وخالتى فرنسا فيهم

وأبوخ فيلم هو فيلمى السخيف(ولمن عنده وقت يراجع باب المغتربين فصل ارجوالمشورة جزء حسبى الله ونعم الوكيل

[هيثم نافع]

خد عندك

أفلام يونش شلبي كلها

أفلام الشحاذ مبروك كلها

أفلام بتاع الكنغوفو يوسف " مش فاكر باقي إسمه "

أجميع الأفلام اللي مثلت فيها عايده رياض

و غيرهم الكثير

[Lembic]

سيد العاطفى

سيد العاطفى اللى مش عاطفى فيلم من أجل رفع راية مسح السلالم. المخرج لم شوية خادمات بعد مسحهم لسلالم العمارة وقالهم تعالوا أرقصوا (كل مرة باشوفك ببقى نفسى أه أه أرجع) أنا لما باشوف سيد اللى مش عاطفى بجد معدتى بتقلب عليا وبالذات مشروع دقنه اللى مش ناوى يخلصه عامل زى شوارع القاهرة الغير مسفلتة

إحلق دقنك يا عاطفى :blush2:

[Sherief AbdelWahab]

هيثم نافع:

خد عندك

أفلام يونش شلبي كلها

هذا لا يمنع أنني أرى أن ليونس شلبي بعض الأفلام الجيدة..

خذ عندك فيلم "الثعلب والعنب" الذي كتبه وحيد حامد وأخرجه محمد عبد العزيز عن وزير مهزوز الشخصية "فؤاد المهندس" يتفاءل ويتشاءم بسائقه "بدر نوفل" .. ويستغل هذا الأخير الوضع لإقناع الوزير بتعيين قريبه الفاشل "يونس شلبي" في أي وظيفة!

الفيلم في جملته كما أراه واحد من أفضل كوميديات وحيد حامد صناعةً وتنظيماً وأكثرها سخريةً ومرارة ..رغم أن تناول الوزير كشخصية كان تابوهاً في فترة عرض الفيلم (1981 أو 1983 على ما أذكر).. بل وجاء أفضل بكثير من أفلام كتبها نفس المؤلف في مراحل لاحقة.. وهو أيضاً واحد من أفضل أفلام محمد عبد العزيز التي رأيتها..

أما عن يوسف منصور.. أبصم معك بالعشرة.. بل إن فيلمه "قبضة الهلالي" مع فيلم إيناس الدغيدي "الوردة الحمراء" وأفلام أخرى تحظى بترتيب متقدم لدى قائمتي في أفضل الأفلام التي تصلح للاشتغال والتركيب (يعني يتعمل عليها فيلم كوميدي تهزيئي من عينة scary movie)!

خلص الكلام

[لخبطه]

تعرفوا الفكرة في إيه اننا لو كلنا سمع كل الافلام اللى عرضت هنتفق على مجموعة كبيرة يصبح السؤال ماهو الجيد فيها وليس السؤال العكسي المطروح

لكن انا سمعت 5 افلام غير اللى اسمعهم باقي الاعضاء وهكذا كل عضو فالنتيجة الإجمالية هتكون أن كل الافلام سيئة والحسن هو الاستثناء أنا شوفت المجموعة دي

التجربة الدنماركية

عريس من جهة أمنية

حاحا وتفاحة

حرامية ففي تايلاند ( أفشل فيلم شوفته في حياتي )

تم تعديل 12 أكتوبر 2007 بواسطة لخبطه

[Lembic]

أنكل زيزو حبيبي

علي بية مظهر والأربعين حرامي

إحنا اللي سرقنا الحرامية

العميل رقم13

عضة كلب

المزيكا في خطر

محروس صائد الرؤوس

بص شوف سكر بتعمل ايه

اربعة اتنين اربعة <---------------------------- md2:

القناص والعرضحالجى

[ashraf hasan]

فيلم الإرهابى لعادل إمام .. محاولة فاشلة لإدعاء الحياد فى التناول

فيلم أحلام عمرنا لمصطفى شعبان , أول محاولة إخراجية لعثمان أبولبن , وكان واضح جدا إنه بيجرب فينا

فيلم قبضة الهلالى و جميع أفلام مخرجه إبراهيم عفيفى .. أكشن , طحن , مقاولات

[ashraf hasan]

أنا عندي قايمة مختلفة خاااالص ..

5-الرجل الثاني..

9-كتيبة الإعدام..

10-رد قلبي..

خلص الكلام

طب ليه ؟؟؟؟؟؟؟؟؟

تم تعديل 19 أكتوبر 2007 بواسطة ashraf hasan

[zizetta]

السراب (لنور الشريف ويحكي عن عادات مقززة وسلوكيات غير سوية)

شفيقة القبطية (فهو يمجد ويخلد الغواني والراقصات)