اسوأ 100 فيلم مصرى

[Sherief AbdelWahab]

Lembic:

أختلف معك بالنسبة لـ 4/2/4 .. فالفيلم ببساطة تناول أموراً تحدث في عالم كرة القدم في مصر منذ ذلك الوقت وحتى اللحظة التي أكتب فيها هذه المداخلة.. يحسب له أنه تنبأ أن التعصب الكروي وضعف مستوى اللعبة سيصل إلى ما هو عليه الآن..الفيلم نفسه صنع بطريقة أكثر من مقبولة في تصنيفه "كوميدي" وبشكل لا يخلو من الفانتازيا أحياناً في بعض اللقطات كانت ضرورية لصنع تأثير..

أشرف حسن:

نمسك الأفلام التلاتة واحدة واحدة..

الرجل الثاني مفتعل .. مفتعل .. مفتعل .. كمعظم شغل عز الدين ذو الفقار واللي بيحاول يطلع فيه عقده النفسية تجاه المرأة .. أنا متهيألي معملش فيلم عِدِل غير "امرأة في الطريق" اللي كان فيه دراما عنيفة وقوية..

كتيبة الإعدام فيلم بوليسي ركيك الصنع حاول أسامة أنور عكاشة أدلجته في إطار مسرحي لا يليق بفيلم سينمائي..

أما رد قلبي فأنا بيني وبين الأفلام الأيديولوجية الدعائية المعمولة بالطريقة دي حرب ونار..

إبراهيم عفيفي دة قصة لوحده .. دة أول فيلم عندي في القايمة بتاعتي من إخراجه.. فيلم من غباوته يهلك من الضحك ولا أقوى فيلم كوميدي.. دة أنا لما شفته كنت شايف قبليه في نفس اليومين فيلمين أجنبي كوميدي لاتنين من عتاولة الكوميديا في العالم بيتر سيلرز وجون كاندي .. أبص ألاقي نفسي أضحك على فيلم عفيفي بيه - اللي هوة فيلم أكشن أصلاً- زي الفيلمين اللي قبليه تقريباً.. رغم إنهم كوميدي وهدفهم الأول الضحك!

اللي مستغرب له لحد دلوقت إن معظم الأفلام السيئة المختارة في القوائم حديثة نسبياً ومفيش فيلم قديم فيها إلا ما ندر..

خلص الكلام

[badroora]

انا مش متايعة التلفزيون اوى بس باحب السينيما

ومن اسواء الافلام من وجهة نظرى

فلاح فى الكونجرس ومش عرفه ايه علاقة الاسم بالفيلم

على اسابيسي وحش اوى

فيلم كان يوم حبك هشام سليم وداليا البحيري

جاى فىىالسريع وحش اوى ومالوش قصة

فيلم هندي

درس خصوصي

وش اجرام تافه اوى

محطة مصر تعبان جدا

تيمور وشفيقة السقا اوفر اوى وقصة محروقة

حرب ايطاليا مش حلو

دول اللى فكراهم

تم تعديل 19 أكتوبر 2007 بواسطة Badria Mekkawy

[amrhoras]

غبي منه فيه هانى رمزى ومش عارف مين كمان

عريس من جهه امنيه عادل امام وشريف منير

[فــيــروز]

شفيقة القبطية (فهو يمجد ويخلد الغواني والراقصات)

أظرف شئ إن التليفزيون المصرى له كام سنه يختار للعرض هذا الفيلم ليلة عيد الميلاد المجيد أو عيد القيامه !! آل يعنى بيوجّب مع المسيحيين !! :rolleyes: مفيش أى sense نهائيا .. :rolleyes:

[حسام يوسف]

اتفق مع الاخ العزيز شريف

4-2-4 فيلم كوميدى يسخر من الاهتمام المفرط والمبالغ فيه بلاعيبة الكرة

وياريتهم بيلعبوا

[طه بدر]

جميــــــــــــــــــــــــــــــــع افلام عادل امام التى مثلها بعد مدرسة المشاغبين

فقد افتكر نفسه الاباصييرى بجد وصدق انه زعيــــــــــــــــــــــــم

ففى جميع الافلام هو الحببيب والشجيع والقاهر المدمر وبتاع كله

ومع ان معظم هذه الافلام ملطوش من افلام اجنبية بالنص والكلمة فمشاهدة الافلام الاصلية حتى لو هندى افضل من مشاهدة تقليد عادل امام

قبل ما اختم استثنى الارهاب والكباب بس علشان خاطر شريف عرفة ومودى الامام

[pinkyman]

بصراحه الموضوع بيدخل تحت كلمة ...دي وجهات نظر يعني انا شايف ان فيه ناس اكيد ولازم هتختلف مع بعض انشا الله ولو ع فيلم واحد بس بصراحة من رايي ان اسوا افلام اللي معظمها ظهر ف فترة السبعينات ..وبعدين رجعت الافلام السيئة تاني بقوه ف فتره التسعينات اللي هي افلام المقاولات واللي انتج منها عدد ضخم وكلها افلام فيديو واللي تلافي منها كتير متسمعش حتي عنه دا حتي فيه ممثلين ممثلوش غير ف الافلام دي وبي.........

وجهه نظر