سين سين وعلامة الآيزو 9002

[se_ Elsyed]

النهاردة الصبح قمت من النوم زي كل يوم .. وجيت أفتح المحل وأرش قدامه ميه وأحتسي شاي الصباح ... وبأضرب بعيني كده على الصفحة الأولانية في المحل وتحديداً فوق ناحية الشمال لقيت جنب إسم إبننا سين سين رقم 9002 .... ففرحت وزجططت وقلت : أخيراً يا سين سين حصلت على علامة الآيزو 9002 وبقيت زيك زي شاي العروسة ... وبكده تتقدر تتعامل مع الناس اللي برا راس براس وتصدر بقى مداخلات ومواضيع لليابان وأمريكا والدول الحلوه اللي ربنا غضبان عليها وراميها بعيد دي .... وبكده تبقى خطوت اول خطوة من خطوات طريق العولمه الرأسمالية المتسلطة ....

وبهذه المناسبة يُسعد إدارة باب الإبتسام أن تستضيف الشاب س س والذي ألتقينا به على أحد المقاهي ودار هذا الحديث :

مندوب المحاورات : : بمناسبة بلوغك عدد 9002 مداخلة ... ممكن تحكي لنا شويه عن نفسك ؟

س س : بسم الله الرحمن الرحيم .. الإسم سين سين .. السن 36 وشويتين ... تاريخ الإلتحاق بمدرسة المحاورات الثانوية المختلطة كان الساعة تلاتة العصر يوم 19/11/2002 عن طريق أحد المعارف النمساويين ( ربنا يرجعها بالسلامه من الامهات المتحده ) وتُدعى ست أمينه .. ومن ساعتها وأنا لازقة بغرا في المحاورات و بس

المندوب : فين ناس كتير بيتسائلون ... يتحاورون يتهامسون .. إزاي وصلت للرقم ده يا جببببببببببببببببببار

س س : هذا من فضل ربي .. ويا ناس يا شر كفايه قر .. والحلوه دي جايبها بخلع الضرس .

المندوب : أيوه يعني إيه ؟ ... ما فهمناش حاجه !!!

س س : عادي يعني انا بإهتم بالكم قصدي بالكيف ( الكيف يعني الكواليتي ... مش الكيف بتاع المزاج والبانجو والباكتات ) وهي بتيجي كده من غير ما أحسب لها .

المندوب : طب تحب تقول إيه لشباب المحاورات اللي لسه بيلعبوا في فريق الناشئين وما كملوش 5000 مداخلة ؟

س س : أحب أقولهم .. لا تينحرف .. وخليك مستكين ( مستقيم ) وما تشمش كوله ولا بانجو ولا حتى في شربات إخواتك ... وركز في مداخلاتك وإبعد عن السياسة والتخبيط في الحلل وإمشي جنب الحيط وإذا عرفت تمشي جوا الحيط فما تترددش وإنت مسيرك توصل في يوم من الأيام وتقفل الخمس بواكي وتبقى راسك براس أجدعها واحد هنا .

المندوب : طيب لو قلنا لك وجه كلمة حب للخمسة الكبار معاك في قائمة الأيزو خمستلاف وإنت طالع .. تحب تقول إيه ؟

س س : بسم الله الرحمن الرحيم ... أحب أقول للأخ news Bot ... إنت مين يـــــــــــــــــــــاه ؟ .... وشد حيلك يا بوت إنت بلغت دلوقت 7900 مداخلة وقربت تحصلني وديتها كام خبر من العربية على السي إن إن والبلاوي الزرقا اللي بتحصل كل يوم في وطني حبيبي الوطن الأكبر وتعديني وأقعد أنا أجري وراك بالمشوار ....

وأحب أقول لعمي محمد أبو زيد ... ربنا يديك الصحة ويخليك للإتحاد العربي للجودو والألعاب العنيفة وشمع الفتلة عشان تعدي السبعتلاف سنة مداخلات ....

وأحب أقول للدكتور رجب .. وحشتنا الكملتين ونص بتوعك وموضوع البلد اللي لابسه مزيكا اللي كل ما اقرأه أفتكر فرقة حسب الله .. الموضوع مفتقدك ومستني تكمله ... وإذا كنت كتبت الموضوع ده من 3 سنين والبلد كانت لابسه مزيكا ... فاعتقد إن البلد دلوقت لابسه في الحيط ووشها متخرشم ..

أما بنتنا فيروز .. فهي عارفه أنا عايز أقولها إيه .. لإنها بتفهمني بالإشارة ... صح يا فريوز ؟

وفي الختام نرجو من السيد سين سين إنه يحاسب عالمشاريب اللي ضربنا على القهوة وإحنا بنتحاور ....

[semsema]

مبررررررروك عليك علامة الايزو 9002 :blink:

واحب اقلك طريقة العرض بتاعت حضرتك شيقه جدا........

وعندي سؤال بسيط جدا

بما انك وخمسه وخميسه واشتاتا اشتوت والله اكبر واللهم لاحسد.......تعد اكتر شخصيه محبوبه من فبل جماهير المحاورات...فما السبب وراء ذلك

ومبروك مره تانيه

.......وعقبالنا

[Folana]

السلام عليكم ورحمة الله....

أخونا المناضل على خط النار ايزو ميزو الجبار....الشهير بالكابتن س.س......أثلجت قلوبنا بما حققته من انتصار وتقدم وازدهار ..بس خلى بالك انا من فترة عايزة انبهك من العضو news bot....أنا ملاحظة انه ماشى ماشى ولا بيده...وقرب على النهائيات وحيحتل المركز الاول...احنا حنحاول نكعبله لحد ما تلحق نفسك بكام عشرتاشر مداخلة كده لتحتفظ بالمركز الاول...

والى الامام .....معتدل...ماررررررررررررررش :blink:

[Sherief AbdelWahab]

حبيب الملايين دخل الألفية التاسعة يا مينز .. :blink:

إلى الأمام يا روميل..

خلص الكلام

[إبن مصر]

مبروك الايزو يا شقيق....

وعقبال يا رب ...

يا رب.... :blink:

الا يعنى ايه ايزو؟؟؟؟؟؟ :lol: