حكومة مابعد البيع.....

[mnman]

وانا قاعد قدام التلفزيون امبارح سرحت بفكري في مصر واحوال مصر .. وترحمت علي القطاع العام حيث تم بيع ما يعادل 90% منة وبازهد الاسعار وكلة بحسابة طبعا فلو الشركة كبيرة و منتجة لازم توقع الاول علشان تتباع للحبايب فطيس و كلة بحسابة... وبعد تعذر الحكومة في سداد المقاولين في توشكي و فوسفات ابوطرطور و لجوء الحكومة لفلوس التأمينات الاجتماعية بتاعت الناس الغلابة والعجز عن ردها حتي علي اقساط... ومطالبة الحكومة بجمع الزكاة كباب رزق اخير فكرت لية الحكومة متبعتش عرض اسعار للشركات و الافراد الي اشتروا القطاع العام و يكون تحت عنوان خدمة ما بعد البيع و يشمل الامن و النظافة فقط :oops: :oops: و اهو باب رزق بدل التفليسة و السلف من حبايبنا الامريكان... بس الخدمة لازم تكون خمس نجوم يعني يتعمل وزارة جديدة اسمها وزارة خدمة ما بعد البيع و الوزير موجود فلان شريكي واهو بكدة يبقي الحكومة عداها العيب وازح.....

مصري مفقوع من الغيظ....

[مصرى]

يعنى تفتكر الجماعة اللى اشتروا الشركات هبل للدرجة دى علشان يستعينوا بالحكومة بتاعتنا ولو فى أعمال النظافة والأمن ؟!

دول كانوا جابوا ضلفها ..

مسكوا القط مفتاح الكرار

[mnman]

أخي مصري... انا طبعا بانتقد بتهريج والفكرة دي لاجبارة ولاحاجة دا كل غرضي اظهار عيوب الحكومة وحالة الافلاس.. تصدق انا لو عندي خرابة مفيهاش حاجة غير اكوام القمامة مش ممكن استعين بالحكومة ولو علي رقبتي.... :oops: :oops: :oops:

[مصرى]

يا عزيزى منمان تصدق بالله

لو الحكومة هاتبيع الخرابة دى .. بسلامته ياخد قرشين وبعدين يبيع الزبالة مقابل ثمن الأرض وهيقول لك شوف ازاى احنا ضحكنا على المشترى وبعناله الزبالة .. وتقولهم لكن يا جماعة انتوا اديتوه الأرض ببلاش .. راح يقولولك يا راجل انت مش واخذ بالك برضه ده شيل الزبالة كان هيكلف شيىء وشويات .. وبعدين الراجل المشترى راح يعمل بيها أيه الأرض يعنى ما هو هيبنيها مساكن علشان الفقراء وبعدين تطلع انت الغلطان ومالكش فى الاقتصاد !!