هل مصر فعلا دوله فقيره.......؟؟؟؟

[فتوح]

الاخوه الاعزاء السلام عليكم

لماذا يتردد دائما ان بلدنا بلد فقير و انه غير قادر لاطعام 70 مليون مواطن؟ حقا ان 70 مليون مواطن يمثلون 210 مليون وجبه و 210 كبايه شاي في اليوم غير الكهربا و المواصلات و الملابس و خلافه،،،،، لكن هل ما لدينا من بترول و قناه السويس و معادن م غاز طبيعي و سياحه و علاج سياحي للاخوه العرب و المحاصيل الزراعيه و الطاقه البشريه الكبيره جحث يوجد الكثير من المصريين المغتربين و الذين يعودون باجراء من مدخراتهم او كلها الي البلد ، هل كل هذه الموارد التي لا تتوفر لكثير لا تكفينا ، ان كان التعداد هو المشكله فلم الصين هي من اقو القوي الاقتصديه في العالم؟

اني خجلت عندما قابلت طبيبا تونسيا و سالته عن راتبه و اخبرني انه كاخصائي لا يعمل الا في الحكومه و ان راتبه يجاوز عشره الاف جنيه مصري و عندما بادرني بالسؤال فن راتب الطبيب في مصر حاولت التهرب خجلا و لكن عندما اصر قلت له ان اقتب الاخصائي حوالي250 جنيه ، و عندما سالني ماذا استطيع ان اشري بهم قلت له نصف المرتب مواصلات او بنزين ان حانت سياره نص كم و النصف الاخر شاي و ساقع و ربنا يخلي السيد الوالد و يطول في عمره

[Sayyeda Abouzied]

الفقر والغنى للدول من النظام الاقتصادي السائد فيها

فاذا كان نظام حر تماما نضمن التشغيل التام لكل المرافق في البلد وتستغل كل الموارد الاقتصادية بدون عبث الحكومة

فالحكومة هي مجرد انظمة توجهة نحو زيادة الاستثمارات في البلد

ولكن في بلدنا هي الحاكم بأمرة ويستطيع موظف صغير ان يكلف شركة ملايين الجنيهات خسائر ولا يأخذ حتى لفت نظر لتصرفه وفي الاخر يقال لك هي وجهة نظره كدا منقدرش نضغط عليه لا يقول اننا بناخذ رشوة منك

والجهاز الحكومي من هيئات ومصالح وشركات تسري فيها الامراض والفساد وغير قادرة على الحركة تماما واغلبها يعوق الاستثمار في البلد

عكس دول اخرى في العالم

وحتى النظام في الصين المبني على الشيوعية

اخذ بعوامل التطور والنظام الحر في الاقتصاد وفتح الباب بدون ان يسري الفساد في جهازه الحكومي وهو ما يبرر نجاحهم الاقتصادي

وان كان بالطبع لن يصل كما وصلت اليه دولة مثل ماليزيا او كوريا او اليابان لاتخاذهم المذهب الحر في الاقتصاد

فيه خطأ لازم يتصحح علشان منبقاش دولة فقيرة

[amoun]

انت عارف يا دكتور فتوح ان راتب وكيل النيابة يبدا من حوالى 2000 جنية مصرى؟

مش كدة بس لكن جمبع الوظائف اللى بتسند نظام الحكم زى الجيش و الشرطة الالالالالا الوظائف العلمية ما لهاش اهمية عند الدكتاتور

[kokowawa1979]

الحقيقة يا إخوة إن مصر أغنى دولة في العالم وده حقيقي مش هزار

كفاية إنها بتتسرق وتتنهب من حكامها من أكثر من 5000 سنة ولسة واقفة على رجليها!!!!!!!!

بس ياخوفي يقطعوا رجليها كمان!!!!!!!

[فتوح]

بجد يا اخ امون كلامك ده،،،،2000 جنيه لوكيل النيابه، يعني البلد فيها فلوس، انا مش عارف ليه سمعت كلام الوالد و دخلت الكليه دي علي العموم الحمد لله علي الوضع الحالي لكن برده باتحسر لما اشوف فارق المرتبات لنفس المهنه بين بلد فقير زي مصر و اخر افقر منه زي تونس ، مش حسد والله لكن احساس بان البلد لا تقدرنا و لو كانت المرتبات كويسه لما كان علماء البلد هجروها ، اللهم اغني مصر اجعلها بلد رخاء

[Mohammad Abouzied]

و ان راتبه يجاوز عشره الاف جنيه مصري و عندما بادرني بالسؤال فن راتب الطبيب في مصر

يوجد بعض الدكاترة التونسيين والمرضات التونسين في بعض المستشفيات الخاصة والعامة في الدمام وراتبهم ليس بهذا الحد بل اقل بكثير ولا يتجاوز ستة الاف جنية ويمكن الدكتور المصري في السعودية يتقاضى راتب اعلى منه

فهل ممكن ان يقبلو راتب في السعودية اقل من راتبهم في بلدهم

[فتوح]

الاخ الكريم

الراتب الذي ذكرته هو راتب الاخصائي نقلا عن اثنين من الاطباء التونسيين، و ان كانت هناك مغالطه فاني لم انقل ال ما حكي لي لاني لم اعمل بتونس من قبل

[Mohammad Abouzied]

أخي العزيز فتوح

انا معاك يمكن فيه مرتب زي دا للأخصائي وكمان في مصر بعض الدكاترة بتدخل اضعاف هذا المبلغ

وملاحظتي على التوانسة هو المبالغة في كل شئ عن نفسهم

وعلى سبيل المثال انا كنت بدرب في نادي هجر وكان معاي مدرب تونسي ملقب بخميلة لاني مش متذكر اسمه بالكامل الان

ذكر لي ان مصر عرضة عليه اربعين الف دولار علشان يضرب المنتخب المصري بها ورفض وفي نفس الوقت كان كل راتبه لايتعدى الفان دولار بنادي هجر في الشهر

وللأسف هذه الصفه موجوده أيضا عن بعض الجزائريين الا ان المغاربه لاتوجد

هذا بالطبع لا ينفي ابدا ان فيه اخطاء النظام الاقتصادي في مصر يكاد يعصف بالحياة الاجتماعية بالشباب المصري

[amoun]

بجد يا اخ امون كلامك ده،،،،2000 جنيه لوكيل النيابه، يعني البلد فيها فلوس، انا مش عارف ليه سمعت كلام الوالد و دخلت الكليه دي علي العموم الحمد لله علي الوضع الحالي لكن برده باتحسر لما اشوف فارق المرتبات لنفس المهنه بين بلد فقير زي مصر و اخر افقر منه زي تونس ، مش حسد والله لكن احساس بان البلد لا تقدرنا و لو كانت المرتبات كويسه لما كان علماء البلد هجروها ، اللهم اغني مصر اجعلها بلد رخاء

بجد يا استاذ فتوح

انا سمعت الكلام دة لما كنت فى اجازة فى مصر من سنتين و يمكنك ان تستوثق من ذلك من زملائك

الا انى ارى انة اقل ما يجب ان يعطى فى مصر و خصوصا انة منصب حساس و هام صيانة للقضاء و اديك شابف ضباط الشرطة و اللى بيعملوة مع ان مرتباتهم مش قليلة زى باقى فئات الشعب.

[بنت شعنونة]

مصر فيها فلوس طبعا..

لككنها انواع

مثلا...

اول حلقة... ودي الحلقة المفتوحة.. زي سويرس بتاع موبينيل.. واحمد بهجت بتاع دريم والتقال كلهم من مناصب وفنانين..

دول بياخدوا من الشعب ويطلع 34 على برا وعلى جيبوهم ومناظرهم والربع بقى رشاوي و ضرايب ومرتبات للي تحت ايدهم...

الحلقة التانية... بتاعت معدومي الدخل.. ودي منها فيها... مغلقة بالضبة والمفتاح..

المواطن يقبض المرتب يديه لبتاع البقالة واللبن و العيش واللحمة والخضار و صاحب العمارة اللي هما نفسهم بيرجعوا يدوهم لنفس الناس عشان يعيشوا يومهم وياكلوا ويشربوا ويلبسوا... :?

الحلقة التالتة.. اللب بتوصل ما بين واحد واتنين

يعني ياخد من دا يصب في دا وبالعكس...

دول بقى زي بتوع المرور والكمائن الي بتاخد فلوسنا عشان تحطها في جيوبهم

او الضرايب اللي بتاخد فلوسهم عشان تحط قرشين منهم في جيوبنا...

تعالوا نشوف بقى لو فيه زيادة في الفلوس بتروح فين..

الحلقة واحد... بتروح على العربيات المرسديس واللبس اللي من باريس.. والموبايل اللي مش عارفا من فين..

والحفلات.. الوايت بارتي و الشوكلايت بارتي و راس السنة و الأفراح اللي بالملايين و لحم الطاووس و ابصر ايه

الحلقة اتنين.. يا اما في جيب نجيب سويرس كفاتورة موبايل او في الملابس او في عشوة خلوة في يوم كدا من نفسه في مطعم.. او سينما او مسرح او صيف كدا في شقة على ما قسم...

البلد ماليانا فلوس..

بس كل قرش مكتوب عليه اسم صاحبة للأسف...:(

[amoun]

مصر فيها فلوس طبعا..

لككنها انواع

مثلا...

اول حلقة... ودي الحلقة المفتوحة.. زي سويرس بتاع موبينيل.. واحمد بهجت بتاع دريم والتقال كلهم من مناصب وفنانين..

دول بياخدوا من الشعب ويطلع 34 على برا وعلى جيبوهم ومناظرهم والربع بقى رشاوي و ضرايب ومرتبات للي تحت ايدهم...

الحلقة التانية... بتاعت معدومي الدخل.. ودي منها فيها... مغلقة بالضبة والمفتاح..

المواطن يقبض المرتب يديه لبتاع البقالة واللبن و العيش واللحمة والخضار و صاحب العمارة اللي هما نفسهم بيرجعوا يدوهم لنفس الناس عشان يعيشوا يومهم وياكلوا ويشربوا ويلبسوا... :? 

الحلقة التالتة.. اللب بتوصل ما بين واحد واتنين

يعني ياخد من دا يصب في دا وبالعكس...

دول بقى زي بتوع المرور والكمائن الي بتاخد فلوسنا عشان تحطها في جيوبهم

او الضرايب اللي بتاخد فلوسهم عشان تحط قرشين منهم في جيوبنا...

تعالوا نشوف بقى لو فيه زيادة في الفلوس بتروح فين..

الحلقة واحد... بتروح على العربيات المرسديس واللبس اللي من باريس.. والموبايل اللي مش عارفا من فين..

والحفلات.. الوايت بارتي و الشوكلايت بارتي و راس السنة و الأفراح اللي بالملايين و لحم الطاووس و ابصر ايه

الحلقة اتنين.. يا اما في جيب نجيب سويرس كفاتورة موبايل او في الملابس او في عشوة خلوة في يوم كدا من نفسه في مطعم.. او سينما او مسرح او صيف كدا في شقة على ما قسم...

البلد ماليانا فلوس..

بس كل قرش مكتوب عليه اسم صاحبة للأسف...:(

الراجل كان بيتكلم على مرتبات الموظفين يا شعنونة ما بصش فووووووووق اوى كدة.بيتكلم عن مرتبات الاطباء

[بنت شعنونة]

:roll: :roll:

معلش اصلي مبقوووووووقة

بس برضه احنا لو عاوزين نعمل فلوس ها نعملها..

وها اقولكم عللي احنا الدكاترة حديثي التخرج بنعمله...

الساعتين ب 15 او 20 جنيه دا لو معاك بكالوريوس او ماجستير

وممكن تشتغل في مكانين صبح ولعد الضهر

او

على الراس 5 جنيه وانت ورزقك بقى... (دا تعبير صاحب مستوصف انا اعرفه :? )

يعني ممكن مستريح تدخل ما يعادل 600 جنيه شهريا

+ 150 مرتبي كطبيبة تكليف ا و امتياز

يبقى 750 جنية

ولو انت عاوز طرق غير مشروعة اقل عملية تكلف 500 جنيه

ولو بالحلال يبقى ها تنزل من اول النهار ترجع اخر الليل كاره الدنيا واللي فيها

عشان تديهم لسويرس برضه :mad:

الا...

لو عندك كوسة واشتغلت في مستشفى استثماري

ايوا يا عم

ساعتها مرتبك ممكن يول 2000 جنيه بعد النسبة دا لو انت جراح

لو طبيب عادي يبقى مربك حوالي 600 جنيه او 700 بالكتير

وانت وشطارتك بقى :roll:

[وحداني]

تفتكروا ان ميزانيه الدوله تكفي لدفع 2000 حنيه مرتب كل شهر ل 15 او 20 مليون موظف؟ انا شخصيا اعتقد انها اكثر تسمح باكثر من ذلك بكثير بدليل ان مواردنا لا تقل عن دول كثيره احسن حالا منا

[disappointed]

مصر ليست دولة فقيرة فى مواردها..... مصر دولة فقيرة فى كيفية استغلال مواردها

فاذا كانت تونس مثلا تحقق دخلا من السياحه يفوق دخل مصر منها بثلاثة أضعاف رغم تنوّع مصادر الجذب السياحى لمصر فان العيب ليس فى الموارد بل فى كيفيّة استغلالها

واذا كانت مصر تعانى من أزمة غذائيّة فى ظل تجريف وتبوير وتقليص مستمر لرقعتها الزراعيّه بالدلتا وفى ظل وضع جغرافى يمنحها اطلالة على البحرين الأحمر والمتوسّط واختراق نهر النيل لها بطولها فان معنى هذا أن المشكلة ليست فى الموارد بل فى كيفية استغلال هذه الموارد حيث جف لسانى من المناداة بمشروع قومى يهدف الى انشاء أساطيل صيد وأساطيل حاويات تجميد وتبريد لتصبح الأسماك غذائا مفيدا بأسعار فى متناول عامّة الشعب ان لم يكن انتاجا كافيا للتصدير بدلا من الشركة المصرية للصيد فى أعالى البحار التى فتك بها الفساد فاصبحت سفنها لا تعود محمّلة بما خرجت من أجله بل بشويّة جمبرى واستاكوزا للمحاسيب والقلاضيش والدلاديل

واذا كانت مصر تمتلك ثروة بشريّه فان التقاعس عن تحويل عنصرها النسوى الى عنصر منتج من خلال مشروع قومى للأسر المنتجه فان هذا لايعنى قصور فى الموارد بل قصور فى استخدامها

واذا كانت مصر تمتلك وضعا اعلاميا كان من المفترض ان يحافظ على ريادته بدلا من التفريط فيها فان التقاعس عن تحديث وتطوير قدرته التنافسيّه مع الآخرين يعد قصورا فى ادارة الموارد وليس فيها

واذا كانت مصر تمتلك عقولا تخرج الى النور العديد من الابتكارات سنويّا فلاتجد من يتبنّى ابتكاراتها وتسوّقها فان العيب فى ادرة الموارد وليس فيها

وعندما تمتلك مصر مبرمجين كمبيوتر على أعلى مستوى ولاتستطيع بلورة هذا المورد فى صورة تجاريّه اقتصاديّه فان العيب فى ادارة الموارد

أمّا لماذا نعانى من قصور رهيب فى ادارة الموارد فان الاجابة عليه ببساطة لأننا نعانى من استشراء الفساد الذى جعل الواسطه والمحسوبيّه والمصالح والرشاوى والمنفعه الشخصيّه هى العامل الأساسى فى انتقاء واختيار الكوادر التى تتبوّء مراكز صنع القرار وادارة أحوال البلد.... وطالما لم يكن الرجل المناسب فى المكان المناسب وفى الوقت المناسب فبالله عليكم كيف سيتم اتخاذ القرار المناسب... هذا فضلا طبعا عن أننا نعانى من الافتقاد الى المنظومات فى ادارة شئون البلد

we have nooooooooooo system

وبهذا اصبحنا بلدا ترتبط ادارة شئونها بأشخاص وليس بمنظومات تعمل آليّاتها بغض النظر عن فلان جه وفلان راح

[amoun]

:roll:  :roll: 

معلش اصلي مبقوووووووقة

بس برضه احنا لو عاوزين نعمل فلوس ها نعملها..

وها اقولكم عللي احنا الدكاترة حديثي التخرج بنعمله...

الساعتين ب 15 او 20 جنيه دا لو معاك بكالوريوس او ماجستير

وممكن تشتغل في مكانين صبح ولعد الضهر

او

على الراس 5 جنيه وانت ورزقك بقى... (دا تعبير صاحب مستوصف انا اعرفه  :? )

يعني ممكن مستريح تدخل ما يعادل 600 جنيه شهريا

+ 150 مرتبي كطبيبة تكليف ا و امتياز 

يبقى 750 جنية

ولو انت عاوز طرق غير مشروعة اقل عملية تكلف 500 جنيه

ولو بالحلال يبقى ها تنزل من اول النهار ترجع اخر الليل كاره الدنيا واللي فيها

عشان تديهم لسويرس برضه :mad: 

الا...

لو عندك كوسة واشتغلت في مستشفى استثماري

ايوا يا عم

ساعتها مرتبك ممكن يول 2000 جنيه بعد النسبة دا لو انت جراح

لو طبيب عادي يبقى مربك حوالي 600 جنيه او 700 بالكتير

وانت وشطارتك بقى :roll:

ما هو دة برصة مبلغ قليل جدا دلوقتى يا دكتورة شعنونة لان صاحب المستوصف بيمص دم الاطباء.

وبعدين عملية اية دى اللى ب 500 جنية ؟طبعا يا بلاش.

هو الدولار بكام دلوقتى؟

[kokowawa1979]

إذاكان البعض يستكثر أو يتعجب من أن مرتب وكيل النيابه يصل إلى 2000 جنيه فأنا في رأيي أن هذا المبلغ لايتلاءم مع الوظيفة الحساسة التي يشغلها أبناء هذه المهنة التي يواصلون فيها العمل ليل نهار ( على فكره أخوكم مالوش علاقة بالسلك القضائي)

فماذا يقول البعض عن مدربي الحكشة عندنا التي يتقاضى كل منهم مش أقل من 20000 جنيه في الممتاز و10000 في المظاليم و5000 في السبنسة !!!!!

يعني مرتب مدرب الحكشة بيقبض أكتر من رئيس المحكمة وليس وكيل النيابة

وخد عندك لاعب الكرة بيحصل على 200000 جنيه في الموسم الواحد غير المرتب الشهري والمكافآت وخلافه والموسم أقصاه 50 مباراه إذا لعبهم كلهم يعني في المباراه الواحدة 5000 جنيه سواء لعب أم لم يلعب !!!!!!

عيني عليكم يادكاترة وقضاه مصر

[amoun]

تفتكروا ان ميزانيه الدوله تكفي لدفع 2000 حنيه مرتب كل شهر ل 15 او 20 مليون موظف؟ انا شخصيا اعتقد انها اكثر تسمح باكثر من ذلك بكثير بدليل ان مواردنا لا تقل عن دول كثيره احسن حالا منا

حسب أخر احصائية و على لسان كبير الموظفين بمجلس الشعب فأن عدد الموظفين 7 مليون موظف.

[ragab2]

فعلا

مصر أصبحت فقيرة فى المخلصين الذين يفضلوا مصلحة مصر عن مصلحتهم الشخصية

مصر فقيرة الآن بالشرفاء المتواجدوين فى المناصب العامة والذين يخططوا لتقدم مصر ومعظم الشرفاء انزووا فى بيوتهم بغيدا عن العيون ونحوا جانبا عن الوظائف العامة

ويطل علينا فقط الهباش والسفاح وسارق القروض وأصبحوا هم هؤلاء المشاهير ووجهاء المجتمع

الصين تقدمت لأنها أعدمت الفاسدين والمرتشين ونحن نسجنهم ثلاث سنوات فقط ليخرجوا بعدها يستمتعوا بما لطشوه ونهبوه هو وأبنائهم

يجب تشديد العقوبة للفاسدين حتى تصل للأشغال الشاقة المؤبدة ولا أقول اعدام حتى تتقدم بلدنا

ولله الأمر والتدبير

[عادل أبوزيد]

أراقب هذا الموضوع من مدة و العنوان يجذبنى و يستفزنى من أجل المشاركة ... و لعلكم لاحظتم أن الموضوع تفرع الى موضوع جانبى آخر هو مستوى المرتبات.

صيغة السؤال " هل مصر فقيرة ؟" يدعوك للإجابة بطبعا مصر ليست فقيرة و يستدرج من يجيب على هذا السؤال بمحاولة جمع البينات ان مصر ليست فقيرة ... و هذا ما تم حتى الآن.

أعزائى الأفاضل أعتقد أنه للرد على هذا السؤال أن نعرف ماذا تعنى فقيرة إذا نظرنا الى ناس مصر و هل هم فى مجموعهم فقراء فالإجابة مصر فقيرة بالثلث لأننا هنا نقارن بين نصيب الفرد من السلع و الخدمات مقارنة بذلك النصيب الذى يتطلع اليه من خلال الإعلام و التليفزيون أما لو نظرنا الى ما يتحصل عليه ناس مصر من دخول و مرتبات و ما يمكنهم الحصول عليه من سلع و خدمات بهذا الدخل لو جدنا الأمر اختلف فمصر ليست فقيرة جدا و لكنها ليست غنية أيضا فارقام المرتبات و الدخول الشهرية لناس مصر أكبر بكثير مما يذكرها أى شخص و مثال ال ألفين جنيه بداية مرتب وكيل النيابة أعتقد أنه رقم صحيح و أستاذ الجامعة الذى يقال أن مرتبه مائة و سبعة و سبعون جنيها شهريا يتحصل شهريا على ما لا يقل عن ألفان و خمسمائة جنيه و الفرق عبارة عن بدلات و علاوات و حوافز فى قائمة طويلة يصعب عليك حصرها و الأمر كذلك فى الشرطة بل فى كل مكان و كنت فى نقاش منذ شهور من أحد أصدقائى و هو مدير مالى فى أحد محافظات الصعيد الذى ذكر أنهم طلبوا مهندسين حديثى التخرج فلم يتقدم أحد و سالته عن المرتب فقال مائة و عشرون جنيها فلما رأى علامات الإستنكار الشديدة فى وجهى أوضح لى الأمر أن هذه المائة و العشرون جنيها تعنى ما يقارب الستمائة جنيه اذا ادخلنا فى الحساب قائمة طويلة من البدلات و الحوافز و العلاوات !!!!! لم أفهم حتى الآن السبب فى التعمية فى أرقام المرتبات و جائزة مليون جنيه لمن يدلنا على السبب

نعود الى اجابة السؤال من زاوية أخرى و هى زاوية الإقتصاد القومى و نصيغ السؤال بطريقة أخرى ... هل ما نراه الآن على مستوى الوطن هو أقصى إمكانيات مصر الإقتصادية و لا يمكن أن نزيد خدمات الدولة و لا أن نحسن التعليم أو الصحة أو .. أو .. لأن إمكانياتنا الإقتصادية لا تسمح و هنا تكون الإجابة لا بالثلث فامكانيات مصر اكبر بكثير مما يقدم من خدمات و .. و

حجم الفاقد اقتصاديا يكاد يكون أكبر من حجم المستغل فعلا و هذا يرجع الى التخلف الإدارى و حجم الفساد المنتشر على كل المستويات

هل ترانى أضفت جديد بمداخلتى هذه ؟

[amoun]

شكرا يا استاذ عادل على المداخلة

اوصح انا لك لية مرتب المهندس الحديث التخرج 120 جنية و البدلات توصلة ل 600 و كمان ممكن اكتر

كل المطلوب انها ما تكونش من اساس المرتب للا سباب الاتية

1-ما يكونش حجم العلاوة السنوية كبير

2-مكافأة نهاية الخدمة كذلك

3-المعاش ايضا

4-لو كل واحد غير القضاة و الشرطة و الجيش حصل على مرتب معقول يبقى مش ح يدور على شغل اضافى و دى كارثة لانة حيبتدى يفتح عينة على اللى حاصل فى البلد