كاتب كويتي: سعر المواطن المصري لا يتجاوز ثمن غسالة كوري

[أبو محمد]

و إثلاجاً لقلوب الجميع فلقد تم والحمد لله وبالتعاون هنا مع بعض أفراد الجاليه المصريه بالمطالبه برد الإعتبار

ولقد حدث بالفعل أن تم رفع دعوى قضائيه ضد المدعو فؤاد هشام وسيمثل فيها أمام القضاء الكويتي للتحقيق معه فيما صدر عنه من مقالات سافقه في حق مصر والمصريين

والله إن هذا هو أفضل ما كُتب فى هذا الموضوع .. هكذا تكون الإيجابية .. سلمت يدا شاعرتنا الرقيقة "زهرة الجبل" .. وسلمت أيادى كل من اشتركوا معها فى هذا العمل الإيجابى .. وسلمت يد وشهامة المحامى الكويتى الذى أقيمت الدعوى باسم مكتبه

أخواني و أخواتي .... وأخص بالذكر الأخ الفاضل أبو محمد ....للمره العاشره أتمنى أن لا تعتقدوا أن سابق كلامي عن النظام الكويتي هنا هو تنصل من مصريتي أو إشاره للرضى عن كلام من مثل فؤاد الهاشم أو غيره ممن يسير على خطاه الطائشه

فأنا أولاً و أخيراً وقبل كل شئ مصريه لا أقبل على مصر أو المصريين كلمه

لكن فقط أردت أن يكون ردي رد موجه إلى من أساء إلينا دون التعرض للحكومات أو الأنظمه أو الشعوب بصفه عامه

أبدا يا "زهرة" .. ما اعتقدت للحظة أنك تتنصلين من مصريتك أو أنك راضية عن ما كتبه فؤاد الهاشم يمن فيه علينا أو ينتقص فيه من كرامتنا .. ولقد رفضت أن أنزلق إلى دركه الأسفل وأستغل معرفتى بالكويت كما استغل هو معرفته بمصر (الكتاب المفتوح) .. وأنت تعلمين أن من أقام فى بلد ما لمدة عشرين سنة يعرف من دقائق الحياة فيها ما يمكّنه من "فرش الملاية" .. وما منعنى إلا تقديرى واحترامى لأغلب الكويتيين الذين عايشتهم ولم أجد منهم إلا كل حب ومودة واحترام تام لى ولمصريتى .. أنا فقط لم أقبل ما بدا لى على أنه مقارنة ظالمة بين مصر والكويت .. وفى رأيى أن أى مقارنة بين دولة من دول الخليج وأى دولة فى العالم هى مقارنة ظالمة .. فدول الخليج وضعية خاصة ومختلفة عن باقى دول العالم .. وكل من عاش فى الخليج يدرك ما أعنيه تماما

مرة أخرى .. تحياتى لك ولرفاقك المصريين فى الكويت ولك ولهم منى ألف واحدة من دول :wub:

[نور مصر]

وكاتب مصري اسمه عطاء بلا حدود يرد على يهود العرب بالعقل والمنطق وبالحساب

سعر المواطن الكويتي = صافي دخل الكويت من النفط الموزع على الشعب ÷ عدد افراد الشعب

وكلما انخفض سعر النفط انخفض سعر المواطن الكويتي

حتى يصل النفط عندهم الى الصفر وهو بالقريب ليس البعيد فحينئذ يساوي سعر المواطن الكويتي ابو كرش صفر

واللي من غير كرش يساوي صفرين :blink:

:sad: wst:: bv:- bv:- bv:- bv:- bv:- bv:-

[دمياطي]

قريت الموضوع ..وكم كنت اتمني لو ان النقد موجه فقط للمدعو فودينا

ولكن في حاجه بصراحه مستغرب منها اوي وهي الازداوجيه الموجوده وللاسف

الشديد عند كتير من ابناء الكنانه

اذا كان فودينا قد انتقد مصر ( رغم ان اغلب ما قاله صحيح ) فانه بالمقابل

لم تقصر صحافتنا ولا كتابنا في السخريه والاستهزاء بالكويت حكومه وشعبا

ووصفهم بابشع الصفات وهذا بنظري امر مخجل جدا جدا خصوصا وان فودينا

كان الكويتي الوحيد الذي انتقد مصر مقارنه مع العشرات من الكتاب الكوايته

اللي علطول بيمدحوا بمصر واهلها

يا جماعه ..مش عيب اننا نرد الصاع ليه صاعين

ولكن العيب اننا ننحدر لمستوي السوقيه ونشتم شعبا بكامله بسبب

خطيئه رجل واحد

انا عايش بالكويت بقالي تقريبا اربع سنين ..الحمدلله مرتاح بشكل عام

وعلاقتي بالكوايته عموما جيده ..باستثناء قله من الحثاله الذين ينظرون

الي الاخرين بتكبر والذي اعتقد انه رده فعل عكسيه تسببنا بها نحن المصريين

او بعضنا بمعني اصح

للاسف بعض المصريين ومن خلال ما شاهدته رؤيا العين والله شاهد

علي ما اقول ينظرون الي الخليجيين عموما باحتقار وازدراء واين ؟ في اوطانهم

ولا يعتبرونهم سوي قطيع من الغنم والبدو الذين هبطت عليهم نعمه من السماء

لا يستحقوها

هذة النظره التي يدركها الخلاجوة جيدا ويشاهدوها من خلال نظرات بعض

المصريين والافلام والمسلسلات والصحافه المصريه والتي لا تنفك عن الحط

من قدرهم قد جعلت الكثير منهم يعاملون المصريين بالمثل

اما الاخ اللي بيقول ان المصريين لما يطلعوا من الخليج هتنار بلدانهم

فاقول يا اخي الكريم هم دلوقتي ماشين في سكه الاستغناء عن المصريين

مش احنا اللي هنستغني عنهم لانهم دلوقتي بيفضلو تشغيل العماله

الاسيويه الرخيصه اوي علي العماله المصريه كما ان التوطين اصبح يزداد

باضطراد مقارنه مع السنوات السابقه ...يعني كلها يمكن عشر سنين

وخلاص مش هنلاقي شغل بالخليج

تم تعديل 3 نوفمبر 2007 بواسطة دمياطي

[tamer a a]

الله يرحمك يا صدام انت الوحيد اللي كنت عارفهم كويس

[رمضان]

تم تعويض كل من الشابين المصريين بمبلغ 5 الاف دينار اي ما يعادل 100 الف جنيه مصري وذلك فقط لمجرد التنازل عن الشكوى وقبلوا بالفعل

[amrhoras]

قريت الموضوع ..وكم كنت اتمني لو ان النقد موجه فقط للمدعو فودينا

ولكن في حاجه بصراحه مستغرب منها اوي وهي الازداوجيه الموجوده وللاسف

الشديد عند كتير من ابناء الكنانه

اذا كان فودينا قد انتقد مصر ( رغم ان اغلب ما قاله صحيح ) فانه بالمقابل

لم تقصر صحافتنا ولا كتابنا في السخريه والاستهزاء بالكويت حكومه وشعبا

ووصفهم بابشع الصفات وهذا بنظري امر مخجل جدا جدا خصوصا وان فودينا

كان الكويتي الوحيد الذي انتقد مصر مقارنه مع العشرات من الكتاب الكوايته

اللي علطول بيمدحوا بمصر واهلها

يا جماعه ..مش عيب اننا نرد الصاع ليه صاعين

ولكن العيب اننا ننحدر لمستوي السوقيه ونشتم شعبا بكامله بسبب

خطيئه رجل واحد

انا عايش بالكويت بقالي تقريبا اربع سنين ..الحمدلله مرتاح بشكل عام

وعلاقتي بالكوايته عموما جيده ..باستثناء قله من الحثاله الذين ينظرون

الي الاخرين بتكبر والذي اعتقد انه رده فعل عكسيه تسببنا بها نحن المصريين

او بعضنا بمعني اصح

للاسف بعض المصريين ومن خلال ما شاهدته رؤيا العين والله شاهد

علي ما اقول ينظرون الي الخليجيين عموما باحتقار وازدراء واين ؟ في اوطانهم

ولا يعتبرونهم سوي قطيع من الغنم والبدو الذين هبطت عليهم نعمه من السماء

لا يستحقوها

هذة النظره التي يدركها الخلاجوة جيدا ويشاهدوها من خلال نظرات بعض

المصريين والافلام والمسلسلات والصحافه المصريه والتي لا تنفك عن الحط

من قدرهم قد جعلت الكثير منهم يعاملون المصريين بالمثل

اما الاخ اللي بيقول ان المصريين لما يطلعوا من الخليج هتنار بلدانهم

فاقول يا اخي الكريم هم دلوقتي ماشين في سكه الاستغناء عن المصريين

مش احنا اللي هنستغني عنهم لانهم دلوقتي بيفضلو تشغيل العماله

الاسيويه الرخيصه اوي علي العماله المصريه كما ان التوطين اصبح يزداد

باضطراد مقارنه مع السنوات السابقه ...يعني كلها يمكن عشر سنين

وخلاص مش هنلاقي شغل بالخليج

اخى هون عليك

عامة هذه السخريه لم نكن نحن بمفردنا حتى أهل الخليج يقولون ذلك واكثر اتحسس من كلامك انك لم تتعامل معهم ولو لمره لكن هناك قله قليله محترمين جدا

هم يكرهون جميع من حولهم وينظرون الى الغير نظره استعلاء للاسف وعندى من الامثلة مليون بما انى قريب جدا من الكويت فأغلب عملائي كويتين وقطريين وبحرينين

هون عليك والتمس العذر لاخوانك وانا معك ان كان النقد يرد بنقد والكلمه بكلمتين فهذا لا داعى له هذا الموضوع فقط لبحث مشكلة

اخوك عمرو

تم تعديل 11 نوفمبر 2007 بواسطة amrhoras

[MOOOM]

السلام عليكم ورحمة الله وبركاته

الموضوع ده يمكن مكتوب من فترة طويلة .. لكن لم أقرأة إلا اليوم فقط ..

بس بصراحة اتحرق دمي بما فيه الكفاية

في الأول فيه مثل أنا ماشي عليه طول فترة إقامتي خارج مصر ومؤمن به مليون بالمية ... [ أنا أدعي على أبني وأكره إلي يقول آمين ] .. فأنا كنت مقيم ومازلت على اتصال وزيارات متتالية إلى قطر وهي دولة يعتبر شعبها هي والشعب الإماراتي من أرقى شعوب الخليج ورغم ذلك يوجد بعض الحاقدين أو ضعاف النفوس ممن يرون في إظهار عيوب المصريين إرضاء لغرورهم .

وأنا في اعتقادي أن من يظهر عيوب غيره فهو أكيد حاسس أنه أقل منه علشان كدة بيدور على عيوبه

لكن لو بحثت عن أصولهم فستجدهم مجنسين وليسوا أهل البلد الأصليين

وأنا لست مع التعميم على انتقاد شعب بأكمله لأن الكوايته أكيد منهم الحاقد ومنهم المعتوه ومنهم المحترم مثلهم كأي شعب في العالم ، رغم أن الخليجيين أنفسهم ومن عشرتي الطويلة معهم .. فهم أنفسهم يكرهون أهل الكويت لغرورهم الزائد ويلقبونهم بيهود العرب .. وهذه المقوله أكيد أي واحد مقيم بالخليج هيكون سمعها .

وبالنسبة للشخص المعتوه الذي كتب هذه الكلمات .. وأن المصري لا يساوي ثمن غسالة كوري .. ياريت لو نتسائل أولاً .. هل هو كويتي ؟؟ ولا بدوووووون ؟؟؟ ولا صلخ ؟؟؟ وطبعاً عارفين معنى [ صلخ ] وتاني حاجة .. هوه كاتبها بنفسه ولا مخلي واحد هندي [ بيعرف العربي ] كاتبهالو وهوه ترجمها غلط وكان قصد الهندي أن الكوايتة بيلفوا في الشوارع بالسيارات زي الغسالة الكوري ومبيتعبوش ؟؟؟

ولا يكون قصده الكوايتة إلي بيلفوا وراء الراقصات بردو زي الغسالة الكوري ؟؟؟؟

وجايز يا جماعة بحكم معرفة هذا المعتوه الكبيرة بمصر .. أن يكون واحد غرغر بيه في حته ظلمة وخلاه يغسلو هدومة بعد كدة في غسالة كوري .. علشان كدة عندة عقدة من المصري ومن الغسالة الكوري ؟؟؟

[darlengs]

الموضوع فعلا مكتوب من زمان لكن الرد اللي بكتبه اللي دفعني ليه مقال قريته من كام يوم في جريده الوطن بتاريخ 8 نوفمبر صفحه 61 بعنوان نظريه هات عند الساده الباشاوات 00لكاتبه اسمها عزيزه المفرج 00 و صدقوني والله ما نمت من الزعل كانت بتتكلم عن المصريين بشكل مهين جدا اننا بنحوش و جلده و معندناش هدوم و لا بنصرف و اننا طماعين و بنحسد اهل البلد و عايزين الروس تتساوي ( المواطن و الوافد ) و وصلت لالفاظ ان عندنا طفاسه و دناوه نفس و حاجات كتير اوي مهينه ملوش لزوم اذكرها 00

والله الواحد زعل لانه حس بالاهانه مع انه لم يسئ لحد ابدا في البلد دي 00 بالعكس فيه شخصيات عامه هنا كتير الواحد بيحترمها 00وافكار كتير و تقاليد حبيتها هنا 000

بس زعلت اكتر ان فيه ناس بالشكل دا 00فيها كميه الغضب دي 00فعلا كارهه نفسهاو ناقمه علي الوافدين المصريين كلهم و كأننا جينا ناخد من فلوسها الشخصيه 00 و كأننا لا نعمل مقابل الاجر اللي بنقبضه 00 و كأننا لا ندفع من صحتنا و دمنا و اعصابنا مقابل اجورنا 00 و كأننالا نحترم قوانين البلد ولا نعمل بها سواء عن اقتناع او بدون اقتناع 00فكرت ارد عليها عالميل الخاص بيها 00 لكن اسلوبها بصراحه مشجعنيش لانه اسلوب فيه تجاوزات كتير و مستوي متدني فعلا من الكتابه 00 معرفش لو كنت كتبت كنت هوصل معاها لايه 00

لكن ارجو لو حد من الاخوه الكوايته اللي بيدخلو منتدانا يعرفوني هل فعلا الجميع بيفكر فينا بنفس الطريقه ؟؟ و ليه ؟؟ يعني لو اناوالمواطن حاملين نفس المؤهل و لنا نفس الخبره و الكفاءه و متساويين في ساعات العمل ليه بتميزو بين المواطن و الوافد ؟؟؟ هل هذا عدل؟؟ و لو مصري فعلا سئ (احنا يعني اكيد مش كلنا ملايكه زي اهل الكويت برضو مش كلهم ملايكه ) هل دا سبب ان كاتبه كويتيه تعمم و تهين و تتجاوز حدودهابالشكل دا ؟؟ طب و بعدين هتوصل لأيه ؟؟؟ حسبي الله و نعم الوكيل

[دمياطي]

اخى هون عليك

عامة هذه السخريه لم نكن نحن بمفردنا حتى أهل الخليج يقولون ذلك واكثر اتحسس من كلامك انك لم تتعامل معهم ولو لمره لكن هناك قله قليله محترمين جدا

هم يكرهون جميع من حولهم وينظرون الى الغير نظره استعلاء للاسف وعندى من الامثلة مليون بما انى قريب جدا من الكويت فأغلب عملائي كويتين وقطريين وبحرينين

هون عليك والتمس العذر لاخوانك وانا معك ان كان النقد يرد بنقد والكلمه بكلمتين فهذا لا داعى له هذا الموضوع فقط لبحث مشكلة

اخوك عمرو

الاخ عمرو

لقد قلت في بدايه حديثي انه يوجد اشخاص سيئين بالكويت والخليج

ولكن لا يعني هذا ان نشتم الكوايته والخلاجوة كلهم علشان واحد زي فودينا

احنا كده بنتسبب بموجه كراهيه ملهاش معني ومش من صالحنا ابدا

ولازم تعرف ان بعضهم بيقري الكلام الموجود هنا ..يعني مش كفايه الافلام

والمسلسلات والصحف والمجلات اللي بتسخر منهم كمان عايز المواطن

المصري العادي يشارك بهذة الحمله الشعواء ؟؟؟؟؟

نيجي للشق التاني ...

انت بتقول ان الخلاجوة غالبيتهم الساحقه وحشين ..دي وجه نظرك

اما ان بشوف العكس ..بشوف الاكثريه محترمين ...وبشوف كمان حاجه

تانيه اننا احنا المصريين بنعامل بعض اوحش ما يكون بالغربه

تصدق لو قلت لك ..ان الاذيه اللي شفتها من المصريين بالكويت

اضعاف الاذيه اللي شفتها من الكوايته ...تصدق او لا ....؟؟؟؟؟

تعال شوف بنفسك ازاي المصريين بالغربه بيكرهوا بعض

وبيحاولوا بشتي الطرق الخبيثه انهم يعكننوا علي بعض

وتلقي كل واحد فيهم بيعمل خوازيق لصحابه المصريين امام

المدير الكويتي ...هل تصدق ؟؟؟؟

يا ليت لو نبقي متحدين زي الهنود او السوريين او باقي الجنسيات هناك

تم تعديل 12 نوفمبر 2007 بواسطة دمياطي

[chebtamerII]

لا حول ولا قوة إلا بالله, اتهبل يا جدعان, إيه ما تعرفوش تعذروا واحد اتهبل ؟؟؟

وبعدين احنا لو عايزين نتكلم على الكويت اللي احنا حررناها من غزو العراق قبل ما تدب عليها أولا رجل أمريكية, هانتكلم..

**************************

وكمان لو حبينا نتكلم عن وقفات مصر والمصريين جنبهم في كتير من المحن السياسية والإقتصادية للأسف (يعني هما كانوا يعرفوا ان عندهم بترول ؟؟؟), هانتكلم...

**********************************

صحيح احنا هنا ممكن أمين الشرطة يهزأ الواحد فينا بكل بساطة بس ده هاعتبره واحد عادي من بلدي وحصلت ما بيننا مشادة كلامية أو خناقة.. وأهو في الأخر ممكن الموضوع يعدي ويعتذرلي, إنما كويتي وللا غيره من اللي احنا عارفينهم من المحيط الى الخليج...

ما حدش يغلط في المصريين

ليه بقا ؟؟؟ عشان إحنا ممكن نتكلم برضو...

وكل عام والمحترمين بخير..

تم تعديل 20 ديسمبر 2007 بواسطة أبو محمد
حذف عبارات غير لائقة فى حق الشعب الكويتى

[ابو محمود]

السلام عليكم جميعآ من داخل مصر ومن خارجها اعزائى قد تطاول علينا كل شعوب المنطقة وليس مواطن عربى واحد ورغم ذلك فلة الحق ليس لكى يشتمنا ولاكن عندى سؤال غاب عن كل من شارك ودلى بدلوة فى موضوعنا هذا ألا وهو .....................................................

هل كان يجرأ اى حاكم وليس مواطن عربى ان يهاجم شعب مصر فى عام 60 او مابعدها حتى انى استغرب منذ ابتداء التسليم للصهاينة اصبحنا نجد فارق الهوة يتسع بيننا نحن الذين كنا منتجين وعندنا أكتفاء ذاتى لما نستهلكة من طعام الى اى شيء اخر واليوم اصبحنا نشحت المعونة من اميركا بتوصية من اسرائيل وتغرب منا الكثير من أبنائنا هربى من الفقر وتناسو ان البناء فى الداخل رغم قساوتة هو اهم من ذلك الغناء الكاذب وتراجعت مصرنا العزيزة وتزيلت الدول المنتجة الا من اظهار السياحة والسينما والثقافة التا فهة والغش والتهريب والفساد وعندما نهاجم لا نجد الا ان نشتم اليس منا برجل رشيد ان الدول العربية يحكمها حكام نعرف انهم يستغلونهم ابشع استغلال وهم اشد منا غلظة على شعوبهم وتنكيل بمن يعارضهم ولاكن هل نرضى بما وصلنا ألية من هوان اين حميتنا كمصريين هل نستسلم للأنهيار اتمنى ان تكون تلك المقالات هى وقود لنا كى نهتم وننشأ الأفكار والجهد للرفع ورفعة هذا البلد الذى يعز علينا أهانتة ونترك الصغار المترفين فى ترفهم فهيا نكون ونسعى الى انشأء حوار مفيديهدينا الى سبيل الرفعة ونماء هذا الوطن ونحن لسنا اقل من جنسيات اخرى كأندونسيا اوماليزيا فهيا الى الفلاح والعمل بدلا من الصياح والكسل مع حبى وأحترامى لكل مصرى ينمى بلدة بعمل صناعى وليس استهلاكى فهيا الى الغد بكل ثقة بأننا أحفاد من نورو الأرض بنور المعرفة :wub:

[مصري أصيل]

تصدق لو قلت لك ..ان الاذيه اللي شفتها من المصريين بالكويت

اضعاف الاذيه اللي شفتها من الكوايته ...تصدق او لا ....؟؟؟؟؟

تعال شوف بنفسك ازاي المصريين بالغربه بيكرهوا بعض

وبيحاولوا بشتي الطرق الخبيثه انهم يعكننوا علي بعض

وتلقي كل واحد فيهم بيعمل خوازيق لصحابه المصريين امام

المدير الكويتي ...هل تصدق ؟؟؟؟

يا ليت لو نبقي متحدين زي الهنود او السوريين او باقي الجنسيات هناك

يا عم دمياطي أنا قلت الكلمتين دول في موضوع ما خلصتش من كل اللي دخلوا الموضوع وكأني قلت حاجه أنا الوحيد في الدنيا اللي قلتها أنصحك بلاش تقول كده تاني ودايماً قول أن المصريين في الغربه بيحبوا بعض جداً ومالهمش بركه الا بعض وأحسن من أي جنسية تانيه . خلاص يا عم أتفقنا ؟؟؟؟؟

[om marawan]

لقد قلت في بدايه حديثي انه يوجد اشخاص سيئين بالكويت والخليج

ولكن لا يعني هذا ان نشتم الكوايته والخلاجوة كلهم علشان واحد زي فودينا

احنا كده بنتسبب بموجه كراهيه ملهاش معني

الحقيقة يا اخ الفاضل دمياطى

ان الناس السيئين فى كل حتة فى الدنيا

وبعيد عن تفاصيل المقال او اى مقال من النوع ده ان حبيت أركز على 3 نقاط قالوهم الزملاء بس حبيت ابروزهم

النقطة الاولى

اللى لسه ذاكرها الاخ دمياطى انه لايصح اننا نعمم وناخد الشعوب كلها بذنب شخص واحد او اكتر

يعنى انتم فى كل البلاد اللى انتوا فيها ماشفتوش حد كويس

طيب احب أقول انكم لو شفتم ناس كويسين زى مانا متاكد من كده فهجومنا على الشعوب دى """غيبة "" فى حقهم

ايوه غيبة ياجماعة احنا لا نرضاها لنفسنا ولا يصح اننا نرضاها لغيرنا

النقطة التانية

بلاش نكون فريسة سهلة لتوقيع ناس زى الكتاب دول بين الشعوب العربية وبين المسلمين وبعض

يعنى الكاتب عاوز مش بس يهاجم المصريين ولكنه عاوز اللى بيحصل دلوقت ده

انه يستفز بعضنا للهجوم على كل الخليج والعرب ويحقق هدف قديم حافظينه احنا المصريين كويس

وهو ............................. فرق تسد................... . نقطة ومن اول السطر

النقطة التالتة

مالكم ياولاد مصر من امتى بنرد الشتيمة بالشتيمة والمعايرة بالمعايرة

انا مش بقول نسامح علشان الناس ماتفهمنيش غلط

لكن بقول ان لا تاريخنا ولا حضارتنا ولا قبل ده كله ديننا يقول اننا ندى باليمين علشان نعاير بالشمال

اللى هو نفس أسلوب الكاتب اللى حتى اولاد بلده بيهاجموه زى ماقالت الاخت زهرة الجبل

واذا كنا حاربنا فى اى حرب فده لأننا خير أجناد الأرض

واخيرا لا الكاتب ولا غيره اللى ممكن يمس فى يوم كرامة المصريين....................

او يوقع بين المسلمين والعرب.................................

واذا كان فيه واحد او اتنين هاجمونا او أساؤا استخدام أقلامهم وعبروا عن رأى لا يمثل شعبهم

فكان الافضل اننا لا نعيرهم اى اهتمام ولا نضيع وقتنا على تفاهات

ارجو الا يفهم احد مداخلتى على اننى اوافق على شىء مما جاء بالمقال او عن اسلوب كاتبه

ولكننى أربأ بنفسى وأولاد بلدى و أولاد العرب ان يكون مقال تافه سبب فى اثارة فتنة لا يستحق مسببها ان نذكر اسمه

[عصام أبوالفتح]

يا جماعة لما كلب ينبح على كلب والتانى برد عليه فالمفروض ان دول كلاب وبتهوهو .. مفيش حاجة خالص

المقالة المشار اليها حلقة فى مسلسل هابط بين الصجافة المصرية الرسمية والكويتية .. زى من فترة ما حصل بين الصحافة المصرية الرسمية برضو والصحافة الامريكية .. وقبلها مع الصحافة القطرية .. اسلحة واسلجة مضادة .. متشغلوش بالكم

قرأت المقال وقرات التعقيبات عليه فى نفس الصفحة والناس الصراحة هزأوه بما فيه الكفاية .. ومثلا ده اول تعقيب عليه

الى الاخوه المصريين الاعزاء

اتمنى عدم النظر لمقالات من كتاب خليجيين غير محترمين ( امثال فؤاد الهاشم ) لانهم حثاله في مجتمعنا ولا يمثلونا بحال , استغرب وبشده جرائته واستخدامه الفاظ غير لائقه في التعبير بدون مرعاه لمشاعر الغير متناسيا ان المصريين كانوا ولا زالوااصحاب افضال على جميع دول الخليج

فالمصري في بلدنا الطبيب والمهندس واكاديمي الجامعات والمعلم والمهني الحرفي , لله درك يا مصر كم انجبت من العلماء والادباء والمفكرين في مختلف المجالات ( اتمنى ان لا ينساها ناكر الجميل فؤاد الهاشم ), كما ان الشعب المصري يتميز بطيبته

وخفة دمه .

اخيرا تحياتي لك يا مصر

لكن انا اعتقد ان الرد اصلا ملوش لزمة .. مش واحد زى ده اللى يخلينا نراجع قيمتنا اللى احنا عارفينها كويس حتى لو مكنتش حكومتنا الحالية عارفاها