اذهب إلى المحتوى
محاورات المصريين

امثالنا الشعبيه

EBN ELBLD

بواسطة EBN ELBLD
في موضوعات خفيفة

 مشاركة

Recommended Posts

  • الردود 52
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

Sharkiah عضو جديد

Sharkiah

بتاريخ:
بتاريخ:

تصدق وتوءمن بالله ؛ أنا صار لى حوالى ثلاثه أيام بأفكر أفتح المناقشه لهذا الموضوع وكان فى بالى أيضا نفس العنوان بالحرف زى ما إخترته إنت ؛ زى مابيقولوا بالإنجليزى telepathy يعنى أو توارد خواطر بالعربى

هذا الموضوع ليس بالهزل كما قد يظنه البعض ؛ ولكنه موضوع على أعلى درجه من الأهميه لأن الأمثال تعكس بصدق وعفويه ثقافه المجتمع الذى تخرج منه وقناعاته وفلسفاته ؛ وهى على ما أدرى كهاوى مثار إهتمام كبير ودراسه متمعقه من المختصين بعلم الإجتماع وتطبيقاته العمليه ؛ وأنا شخصيا قرأت كتاب مثير منذ عده سنوات للدكتور أحمد تيمور باشا عن الأمثال الشعبيه وقد ألقى فيه الضوء بأسلوب سلس وعلمى وغايه فى التشويق على البعد الإجتماعى للأمثال وكونها مرآه تعكس أول ما تعكس سلوكيات المجتمع حتى أنه إستهل الكتاب بمقدمه طريفه عن برود الأوربيين وأنانيتهم وذاتيتهم المفرطه التى لمسها خلال إقامته فى أوربا والتى تجعلهم لايكترثون مثلا بمشكله طارئه قد يواجهها فرد يسير فى الشارع ويطلب العون من الناس فلا يجد من يغيثه وسرد عده أمثال تعكس هذه الثقافه ؛ ثم روى أنه شاهد بنفسه مره بائع بطاطا بسيط ينتفض لنجده فتاه كانت تتعرض لمعاكسه شباب عابثين وكيف أن هذا البائع ظل أولا يخاطبهم مستهجنا سلوكهم ويقول لهم عيب عيب ولما لم يرتدعوا جرى وراءهم بالسكين التى يستخدمها لتقطيع البطاطا وربط هذه الواقعه بمجتمع البائع والأفكار التى أثرت فى شخصيته ومنها بالطبع الأمثال ؛ والكتاب عرض لكل الأمثال المصريه تقريبا مبوبه حسب موضوعاتها وبيئاتها وأزمانها ؛ بإختصار فالكتاب كما وجدته كان غايه فى الطرافه والتشويق وعرض بأسلوب علمى للأمثال السلبيه ـ وما أكثرها ـ التى لها دور كبير فى إبراز بعض العيوب فى شخصيتنا كمصريين وبالمناسبه الكتاب لم يستح أن يذكر أمثال تحتوى على ألفاظ غايه فى القبح

والآن نأتى لطلبك من ذكر لبعض الأمثال التى نحفظها

أولا أمثال أستحسنها

________________

إللى يقول لمراته ياهانم ؛ يحترموها الناس على السلالم

يا مستكتر ؛ إللى جاى أكتر

البطران ؛ أخرته قطران

يانحله لاأنا عايز عسلك ولاعايزك تلسعينى

قاضى العيال شكى روحه

إللى مايربهوش أبوه وأمه ؛ تربيه الأيام والليالى

إللى مايرضاش بالخوخ يرضى بشرابه

إللى عايز الدح مايقولش أح

أعمل كل حاجتى بإيدى ولاإنيش أقول للكلب ياسيدى

خد الأصيل ولو على الحصير

قالك البقره بتولد ؛ قالك أمال الثور بيحزق ليه ؛ قالك أهو تحميل جمايل

فى الوش مرايه وفى القفا سلايه

فى همكم مدعيه وفى فرحكم منسيه

ربونى وهنونى ؛ برضه هادور عللى خلفونى

يامربى غير ولدك ؛ يابانى فى غير ملكك

إللى يتلسع من الشوربه ينفخ فى الزبادى

الأعور فى مملكه العمى سلطان

من كتر خطابها بارت

ضل راجل ولاضل حيطه

المال السايب يعلم السرقه

فى وشه ولاتغشه

مال الكنزى للنزهى

قاله ياآبه علمنى الهيافه ؛ قاله تعالى فى الفارغه وإتصدر

إن كنتوا نسيتوا إللى جرى ؛ هاتو الدفاتر تنقرى

أمثال أستقبحها بشده

__________________

إن كان لك عند الكلب حاجه قول له ياسيدى

لو رحت بلد بتعبد الثور حش وإديله ـ أستغفر الله

إصرف ما فى الجيب يأتيك ما فى الغيب

إللى يعوزه البيت يحرم على الجامع

إن جالك الطوفان حط إبنك تحت رجلك ـ مستحيل يكون إللى قاله أب

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك
مصرى عضو جديد

مصرى

بتاريخ:
بتاريخ:

على كل حال فان الحكم والأمثال الشعبية هى فى الواقع عبارات صغيرة ولكنها خلاصة تجارب طويلة على مر العصور ، وكل منها يحوى خلف كلماته السهلة البسيطة فكرة فى غاية العمق والفهم للسلوك الانسانى والبيئة المحيطة .. تستحق التوقف عندها والتأمل فى معانيها .. لاستخلاص العظة والخبرة

علما بأن كل حكمة أو مثل وراءها قصة طويلة فى الأدب الشعبى وبضعها يستند الى حكايات السيرة الهلالية والكثير منها يستمد بقاؤه من اتفاقه مع الشريعة الاسلامية

عزيمة فرد واحد يمكن أن تحدث فرقاً .. وتصنع التغيير

رابط هذا التعليق
شارك
mnman عضو جديد

mnman

بتاريخ:
بتاريخ:

مجموعة من الامثال:

قالوا القرد فتح لبان.. قلنا تغور القشطة من وشة.

من برة هلا هلا ومن جوة يعلم الله.

اقرع ونزهي.

الحظ لما يأتي يخلي العمي ساعاتي و المكسح عجلاتي و الاقرع زبون حلاق... (انا لا اعتقد في مسئلة الحظ في الرزق)

خنفسة شافت ولادها علي الحيط قالت دول لولي ومتعلقين بخيط..

قالوا للحرامي احلف قال جالك الفرج (من الامثال التي لا تعجبني)

المنحوس منحوس ولو علقوا علي بابة فانوس...

القديمة تحلة ولو كانت وحلة :D :oops:

تعرف فلان ..اعرفة..عاشرتة..لا...يبقي ماتعرفوش...

:cool: :cool: :cool:

إلي كل المصريين:

لا يستطيع أحدٌ ركوب ظهرك .. إلا إذا كنتَ منحنياً.

رابط هذا التعليق
شارك
Sharkiah عضو جديد

Sharkiah

بتاريخ:
بتاريخ:

المجموعه الثانيه

_____________

أمثال أستحسنها

_____________

زغرطى ياإللى مش غرمانه

الشاطره تغزل برجل حمار

إللى يشيل قربه مخرومه بتخر فوق دماغه

إللى ياكل لقمه على ضرسه بينفع نفسه

ربك رب العطا بيجيب البرد على قد الغطا

الدفا عفا والبرد لحاس القفا

سيبوا العسل فى جراره لحد ماتغلى أسعاره

أمثال أستقبحها

____________

تيجى مع العمى طابات

الحظ لما يهاتى يخلى الأعمى ساعاتى

يدى الحلق للى بلا ودان

يابخت من كان النقيب خاله

بيصلى الفرض وينقر الأرض

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك
Sharkiah عضو جديد

Sharkiah

بتاريخ:
بتاريخ:

ياواخده القرد على ماله يروح المال ويفضل القرد على حاله

القرعه بتتباهى بشعر بنت أختها

الفقى لما يسعد يجيله خاتمتين فى اليوم

يامخلفه البنات ياشقيانه للممات

يموت الزمار وصوابعه بتلعب

يموت المعلم ولاإنه يتعلم

قليل البخت يعضه الكلب فى المولد

إللى أخدته القرعه تاخده أم الشعور

إيش ياخد الريح من البلاط

إيش تعمل المشطه فى الوش العكر

زامر الحى لايطرب

أنا الغريق فما يخوفنى البلل

هل يضير الشاه ذبحها بعد سلخها ؟

هل يفيد السيف أن يقال أمضى من العصا ؟

قطعت جهيزه قول كل خطيب

سبق السيف العزل

جنت على نفسها براقش

أنا وأخويا على إبن عمى وأنا وإبن عمى على الغريب

ضربوا الأعور على عينه قال خسرانه خسرانه

باب النجار مخلع

صاحب بالين كداب وصاحب تلاته منافق

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك
Sharkiah عضو جديد

Sharkiah

بتاريخ:
بتاريخ:

أسد على وفى الحروب نعامه

العين ماتعلاش عن الحاجب

الدم عمره مايبقى ميه

ساعه لقلبك وساعه لربك ـ أستغفر الله

عقلك فى راسك تعرف خلاصك

لسانك حصانك إن صنته صانك وإن هنته هانك

إمشى عدل يحتار عدوك فيك

ياداخل مابين البصله وقشرتها ماينوبك إلا صنتها

بصله المحب خروف

ماينوب المخلص إلا تقطيع هدومه

إجرى جرى الوحوش غير رزقك لن تحوش

الميه ماتجريش فى العالى

إتلم المتعوس على خايب الرجا

أعز من الولد ولد الولد

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك
مصرى عضو جديد

مصرى

بتاريخ:
بتاريخ:

زن الدبور وقال لإبنه روح لعمتك النحلة وقلها معذورين ادينا شوية عسل

عاد الدبور وقال لأبوه عمتنا النحلة بتقولك حاضر بس بطل زن

قال الدبور لابنه :

زن يا واد زن ... عشان حاجتنا هنبطل صنعتنا ؟!

عزيمة فرد واحد يمكن أن تحدث فرقاً .. وتصنع التغيير

رابط هذا التعليق
شارك
Set_Amina عضو جديد

Set_Amina

بتاريخ:
بتاريخ:
إن جالك الطوفان حط إبنك تحت رجلك ـ مستحيل يكون إللى قاله أب

كلي الشهد وأكلي ولادك الخ........ه ، أيامهم قدام وأيامك ورا :D

برضه ده مستحيل تكون قالته أم

إن خوفت ماتقولشي وإن قولت ما تخافشي
رابط هذا التعليق
شارك
mnman عضو جديد

mnman

بتاريخ:
بتاريخ:

شرقية كتب:

ساعه لقلبك وساعه لربك ـ أستغفر الله

اصل المثل: زعل قلبك ولاتزعل ربك... بس امصريين قاموا مع المثل بالواجب...

الست امينة كتبت:

كلي الشهد وأكلي ولادك الخ........ه ، أيامهم قدام وأيامك ورا

برضه ده مستحيل تكون قالته أم

هنا مازلت اتذكر وانا صغير لما الوالدة كانت والله العظيم بتاكلنا الاول وهي مش مهم وتنقي احسن حاجة لينا... طبعا المثل غير صحيح.

إلي كل المصريين:

لا يستطيع أحدٌ ركوب ظهرك .. إلا إذا كنتَ منحنياً.

رابط هذا التعليق
شارك
Sharkiah عضو جديد

Sharkiah

بتاريخ:
بتاريخ:
زن الدبور وقال لإبنه روح لعمتك النحلة وقلها معذورين ادينا شوية عسل

عاد الدبور وقال لأبوه عمتنا النحلة بتقولك حاضر بس بطل زن

قال الدبور لابنه :

زن يا واد زن ... عشان حاجتنا هنبطل صنعتنا ؟!

إيه ده ياأخ مصرى ؛ مثل ولاقصه قصيره ؟ :D

أنا إللى أعرفه دبور زن على خراب عشه

العيار إللى مايصبش يدوش

القرد فى عين أمه غزال

صاحبك يبلعلك الزلط وعدوك يتمنالك الغلط

غلطه الشاطر بألف

يابخت من بكانى وبكى على ولاضحكنى وضحك الناس على

أصبر على جارك السو يايرحل ياتجيله مصيبه تاخده

وقت الله يعين الله

حسنه وأناسيدك

قال مال اللحمه مشغته قال أصل الجزار معرفه

أكله وإتحسبت عليك كل وبحلق عنيك

إللى له ظهر مينضربش على بطنه

من يومكوا ياولادى ماهنيلى زادى

قلبى على ولدى إنفطر وقلب ولدى على حجر

ياطابت ياإتنين عور

الغالى تمنه فيه

إذا كان رب البيت بالدف ضارب فشيمه أهل البيت الرقص

إللى مايعرفش يقول عدس

يا مأمنه للرجال يامأمنه للميه فى الغربال

الغربال الجديد له شده

إكفى القدره على فمها تطلع البنت لأمها

هين قرشك ولاتهين نفسك

جوزك على ماتعوديه وإبنك على ماتربيه

الباب إللى يجيلك منه الريح سده وإستريح

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك
Sharkiah عضو جديد

Sharkiah

بتاريخ:
بتاريخ:
الست امينة كتبت:
كلي الشهد وأكلي ولادك الخ........ه ، أيامهم قدام وأيامك ورا

برضه ده مستحيل تكون قالته أم

هنا مازلت اتذكر وانا صغير لما الوالدة كانت والله العظيم بتاكلنا الاول وهي مش مهم وتنقي احسن حاجة لينا... طبعا المثل غير صحيح.

والله العظيم تلاته أتذكر الداده ـ مش بس أمى ـ عملت ده معايا مره

الله يمسيها بألف خير

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك
مصرى عضو جديد

مصرى

بتاريخ:
بتاريخ:

قصة قصيرة ؟! أمال هتقول ايه على الملحمة دى !!

من الروايات المأثورة قصة الرحال الذى ضاق به الرزق بين أهله فى وقت نضبت فيه مياه النيل وعانت البلاد من الجفاف فشد الرحال الى بلدة أخرى ، وهناك فتح دكانا لبيع الكلام !!

ووصل خبره الى الملك فاستدعاه ليسأله عن حقيقة تجارته الغريبة .. فأخبره أنه يبيع الكلمة بألف دينار " وعجب البائع يبيع .. عجب الشارى يشترى "

وجاراه الملك وطلب أن يشترى منه كلمة ، فباعه الرجل هذه الكلمة

" يا ملك .. قبل إن تفعل شىء ادر عقبه "

وما كان من الملك إلا أن وضع هذه الكلمة فى إطار من الذهب وعلقها فى ديوانه ..

ومضت الأيام نسى الملك الإطار وحكاية بائع الكلام ولكنه غضب على حلاقه الخاص وكان داهية وأمر بطرده واستدعاء حلاق آخر .

ونظر الحلاق الجديد الى أدواته حينما استدعاه الملك فوجدها لا تناسب المقام ، وتوجه الى الحلاق السابق طالبا استعارة أدواته الذهبية بحكم الزمالة ، ووجدها الداهية فرصة للانتقام من الملك والتخلص من منافسه الجديد فأجابه مبتسما بأنه سيعد له الأدوات ويأتيه بها حتى منزله فى الصباح الباكر ، وقبل الشروق كان الحلاق الداهية قد غمس أدواته فى السم ثم ذهب بها الى الحلاق الجديد الذى أخذها منه شاكرا لا يدرى بالموت المتربص فيها ، وحملها سعيدا وتوجه الى قصر الملك ..

وبينما كان يستعد لممارسة عمله الجديد نظر الى الإطار الذهبى المعلق فى الديوان وقرأ عليه " قبل أن تفعل شىء ادر عقبه " وهنا تنبه ذهنه وعاد مسرعا وأحضر أدواته القديمة ، وحينما عاد كان لزاما عليه أن يصارح الملك الغاضب بهواجسه التى سببت تأخيره .. وكشف رجال الملك السم فى أدوات الحلاقة وقبضوا على الداهية وتأكد الملك أن بائع الكلام كان سببا فى إنقاذ حياته فطلب على الفور استدعائه ليشترى منه كلمة أخرى .. ولكن الرجل الرحال أخبر الملك أنه اعتزل بيع الكلام وأصبح يمارس مهنة أخرى أكثر غرابة وهى بيع العقول !! قال أن لديه عقل بألف دينار وعقل بخمسمائة دينار وثالث بحفنة تراب ، واستغرب الملك وتساءل عن السبب فأجابه الرحال أن الرجال أنواع ، رجل عقله راجح مثل جوهرة ، إذا حضر يقولون فلانا حضر ، فاذا غاب تفتقده المجالس ، ورجل عقله نصف جوهرة .. فى سن الشباب يسبق الحماس التفكير .. ورجل عقله تراب حينما يتقدم به الكبر ويفقد الصواب أو يكون أحمق وقال الشاعر كل داء له ما يداويه إلا الحماقة أعيت من يداويها .. ومثل هذا الرجل حضوره المجالس مثل غيابه لا أحد يطلب رأيه أو يأخذ بكلامه .. وهكذا تمضى الرواية من موقف لآخر ومن حكمة لأخرى

عزيمة فرد واحد يمكن أن تحدث فرقاً .. وتصنع التغيير

رابط هذا التعليق
شارك
Sharkiah عضو جديد

Sharkiah

بتاريخ:
بتاريخ:

جوزتها وقلت تتاخر راحت وجابتلى الآخر

أبوها راضى وأنا راضى ومالك إنت بقى ومالنا ياقاضى

إللى بيته من إزاز مايحدفش الناس بالطوب

دارى على شمعتك تقيد

القفه أم ودنين يشيلوها إتنين

المركب إللى عليها ريسين تغرق

إللى أوله شرط أخره نور

كنت فى راحه وجبت لنفسى حاحه

قال إمتى دخلتوا القصر قال إمبارح العصر

إللى يعرف أبويا يبقى يقول له

لقمه هنيه تكفى ميه

حصيره الصيف واسعه

برد الصيف أحد من السيف

النوايه تسند الزير

حمارتك العرجه ولاسوءال اللئيم

بكره نقعد جنب الحيطه ونسمع الزيطه

سبع صنايع والبخت ضايع

صباح الخير ياجارى إنت فى حالك وأنا فى حالى

قالوا للقرد هايسخطوك قال ياحلاوه هايعملونى غزال ـ أستغفر الله

الحدايه مابترميش كتاكيت

قال ياخبر بفلوس بكره يبقى ببلاش

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك
Cleo عضو جديد

Cleo

بتاريخ:
بتاريخ:

ابنى على كتفى و أدور عليه

من حبنا حبيناه و صار متاعنا متاعه.. ومن كرهنا كرهناه يحرم علينا اجتماعه

زى ولاد الحداية لا يتاكل ولا يتلعب به

قلبى على ولدى انفطر و قلب ولدى على حجر

خنفسة شافت ولادها على الحيط قالت ده لولى ملضوم فى خيط

أخر خدكة الغز علقة

أبوك البصل و امك التوم.. منين لك الريجة الحلوة يا مشؤوم؟؟

الجودة بالموجودة

بصلة المحب خروف

ان غاب القط العب يا فار

اقطع لسان عدوك بسلام عليكم

دبور يزن على خراب عشه

الاسم لطوبه و الفعل لأمشير

صباح الخير يا جارى.. انت فى حالك و أنا فى حالى

اطعم الفم تستحى العين

العيار اللى مايصيبش يدوش

مفيش دخان من غير نار

اطبخى يا جارية كلف يا سيدى

فرح عديلة؟؟ هد.. هد... بلا نيلة

تحسبه موسى طلع فرعون

قال يا فرعون إيش فرعنك؟؟ قال ملقتش حد يردنى

يصطاد فى المية العكرة

اعمل الخير و ارميه فى البحر

قال ابنى متربى؟؟ قال ده من عند ربى

ان عشقت اعشق قمر و ان سرقت اسرق جمل ... :cool:

كأنك يابوزيد لا رحت ولا جيت

المكتوب على الجبين لازم تشوفه العين

المسامح كريم

الغايب حجته معاه

اللى يجيى فى الريش بقشيش

خد مالتل يختل

ايش لم الشامى على المغربى؟؟

بعد ما شاب ودوه الكتاب

تكون فى بقك و تقسم لغيرك

ديل الكلب عمره ما يتعدل

لو لك حبيب لا تناسبه و لا تشاركه

كل تأخيرة فيها خيرة

مركب الضراير سارت و مركب الراير غارت

أقصر طريق لقلب الراجل معدته

اللى يعيش ياما يشوف

الباب اللى يجيلك منه الريح سده و استريح

خليك ورا الكداب لحد باب الدار

المية تكدب الغطاس

ستى لئيمة و أنا ألأم منها... تعد اللحمة و انا اقطع منها

الكحكة فى ايد اليتيم عجبة

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
بنت شعنونة عضو جديد

بنت شعنونة

بتاريخ:
بتاريخ:

برة وجوة فرشتلك... وانت حالك مايل وايه يعدلك :D

يا بايس برة بيتك تتشكر بهم... روح بوس اهل بيتك تكسب اجرهم :cool:

يا واخدا القرررررد على مالة يروح المال ويبقى القرد على حالة "مش دايما يعني :wink: "

معاك قرش تسوى قرش.. ما ماعكش ما يلزمكش.. :? :mad:

وانا من البلد ديييييييييييي

رابط هذا التعليق
شارك
AbouAlhooool عضو جديد

AbouAlhooool

بتاريخ:
بتاريخ:

تعرفوا اني من زمان وانا باجمع الامثله; بس بالورقه والقلم :cool:

إيش تاخد الريح من البلاط

عصفور في الايد... ولا ميه علي الشجر

ملاقوش في الورد عيب... قالوله.. ياحمر الخدين

في الوش مرايه... وفي القفا.. سلايه

من عاشر القوم اربعين يوم... صار منهم

نص العمي... ولا العمي كله

عشمتني بالحلق خرمت انا وداني... لا وداني خفت ولا الحلق جاني :D

اللي اتلسع من الشوربه .... ينفخ في الزبادي

الجعان يحلم بسوق العيش :D

كل برغوت وله دمه

يوضع سره ... في اضعف خلقه :?

اللي ما يهمك... سلط عليه جوز امك

{حَسْبُنَا اللّهُ وَنِعْمَ الْوَكِيلُ } سورة آل عمران(173)

(يَا أَيُّهَا الَّذِينَ آمَنُوَاْ إِن تُطِيعُواْ الَّذِينَ كَفَرُواْ يَرُدُّوكُمْ عَلَى أَعْقَابِكُمْ فَتَنقَلِبُواْ خَاسِرِينَ) -سورة آل عمران (149)

رابط هذا التعليق
شارك
زائر
هذا الموضوع مغلق.
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • لولا
      25
      مطبخ الست غاليه .. حلاوة الأكلة الشعبيه :)
      الست غاليه .. ايييييييه مين بس بقي ميعرفش الست غاليه اشهر طباخة فيكى يا مصر بتطبخ اكل شعبي محصلش على الهواء مباشره عبر الأقمار الصناعيه فى اول برنامج فريد من نوعه على قناة خمسه وعشرين فاكرة اول مره اكتشفت فيها البرنامج عن طريق الصدفه فى رمضان يااااه مش معقول قد ايه حصلتلي حاله ازبهلالالالالالالال واعجاب بفكرة البرنامج والطبيخ والبساطه و .... برطامانات المخلل والقلل اللى فوق الثلاجه :P وهووووب عينت نفسي فى منصب مديره الحملة الإعلانيه لبرنامج الست غاليه مش سبت حد الا وحكتله عن البرنامج

      بواسطة لولا
      كُتب

    • باهى الطائر الحزين
      5
      من الامثال الشعبيه ...
      تستخلص الشعوب حكمة السنين العديده،وتودعها مستودعات شتى، للحفاظ على ما اكتسبته من خبرات عبر تجاربها الطويله، والمريره غالبا. وما اظنه هو ان الغايه من ذلك ليست تحنيط هذه الخبرات وتعاطيها بوصفها مجموعة من المواعظ المعلبه،والأفكار التي انتهت صلاحيتها، ولم تعد صالحه للاستعمال الآدمي. وإنما الهدف من اختزان الخبره فيما اظن، هو الحفاظ على خبرة الشعوب، ونقلها للأجيال القادمه للإفاده منها والإضافه إليها في آن معا. والأمثال الشعبيه واحده من الطُرق العديده التي تلخص حكمه البشر عبر الأجيال المتعاقب

      بواسطة باهى الطائر الحزين
      كُتب

    • Howayda Ismail
      1
      خفة دم امثالنا الشعبية
      اجدادنا واهالينا مجبوش الامثلة دى من فراغ ورغم مرور السنين وتغير الاحوال الا ومازالت روعة الامثال اول مثل ينطبق على مبارك وعياله _ قاله تعالى يابا شرفنى قاله استنى لما يموت اللى يعرفنى ههههههههههه كان عشمان يموت الشعب كله مبارك لما حكم مصر - ادى الحلق للى بلا ودان سوزان واولادها عنكبوت شافت ولادها ماشين على الحيط قالت ياخواتى دا لولى وملضوم فى الخيط - النشيد الوطنى لبورتو طرة ياحلوة يابلحة يامقمعة شرفتى خواتك الاربعة مبارك فى التحقيقات - قالوا للحرامى احلف قال جالك الفرج رجال النفوذ

      بواسطة Howayda Ismail
      كُتب

    • مغتربة
      0
      هل هذه هى القاعده الشعبيه لاقوى دوله فى العالم ؟
      معرفتش احط المقطع دا فين بصراحه لكن انا حطيته هنا لان انا اعتبرته نوع من انواع البلاك كوميدى انا عارفه انه على غرار برامج عندنا لكن برضه مش لدرجه الاسئله البسيطه دى و لا انتوا رايكم ايه http://www.youtube.com/watch?v=hhyO73dlEQY

      بواسطة مغتربة
      كُتب

    • قلب ابيض
      332
      لهواة الامثال الشعبيه .... جدد معلوماتك
      كنت قاعده بالصدفه قدام التلفزيون wst:: وكان بيعرض فيلم قديم مش عارفه اسمه المهم الجميله الراحله فردوس محمد كانت مدياها حكم وامثال على طوووول الخط ففكرت اعملها لعبه نلتقى من خلالها نرفهه عن نفسنا شويه وفى نفس الوقت نسترجع امثالنا الشعبيه الجميله اللى ما جتش من فراغ ابدا ولكنها دايما خلاصه تجربه حلوه بقى او وحشه مش ده موضوعنا الموضوع هو : انا هاكتب المثل كامل مشبك يعنى من غير مسافه بين حروفه وعليكم تحذروه واللى يجاوب يحط المثل اللى بعده بنفس الطريقه واللى ما يعرفش رجاءا ي

      بواسطة قلب ابيض
      كُتب

×
×
  • أضف...