الى من يبحث عن فرصة عمل فى الامارات

[قاهرى]

السلام عليكم جميعا

الموضوع باختصار انا اعرف راجل محترم جدا مصرى صاحب شركة مقاولات جديدة لسة بقالها سنة تقريبا طلب منى مهندس مدنى حديث التخرج والموضوع جدى جدا بجد للعمل بامارة راس الخيمة

الشركة دى بما انها لسة جديدة الراجل مكنش جايب فيها مهندس وكان بيخلص الشغل بمراقب عمال فقط (فورمان) بس نظرا لقوانين البلدية ان مفيش اى مقاول ممكن يحصل على ترخيص البناء بدون بطاقة عمل مهندس الشركة وبردوا بيحصل كمان تفتيشات من البلدية على المواقع وقت صب الخرسانة ولو المهندس مش موجود بيغرموا الشركة فهو طبعا اطر انوا يجيب مهندس للشركة يدير مواقع الشركة

الشركة مش وخدة مشاريع كتير بس هو الراجل بيقولى انا عايز مهندس نكبر انا وهو مع بعض وانشاء الله خلال السنين الى جية نجيب اكتر من مهندس ونمسك اكتر من مشروع ويكون الشخص دة خلال كام سنة مدير مشاريع الشركة وطبعا الرتب هيتغير تماما

الراتب كتالى : 2000 درهم + سكن خاص استديو + سيارة + نسبة نهاية كل مشروع (دى حاجة بين المهندس وصاحب الشركة ) وطبعا رسوم الكفالة والعمل والعمال و الاقامة والتامين الصحى كلو على الشركة

الموضوع جدى جدا ولو حد عايز يجى يشتغل فى الشركة يقول وانا هرتب ازاى يحصل تقابل بين صاحب الشركة والخص الى نتقدم للعمل .. الموضوع دة للى عيشين فى مصر او للى فى الامارات هنا ومش لاقى فرصة عمل

انا عارف ان يمكن الرتب صغير بس ما على الرسول الى البلاغ انا بحاول اخدم اهل بلدى او اى حد مش لاقى فرصة عمل ... ولا تنسوا اخوكم من الدعاء

منتظر الردود ..................................... اخوكم قاهرى :rolleyes:

[قاهرى]

هو صحيح الراتب صغير بس الراجل بردوا موفر حجات كتير يعنى لو فرضنا ان السكن لوحدوا دلوقتى قول 1000 درهم فى الشهر + 500 درهم عربية وبنزين طبعا + 2000 درهم الراتب الاساسى = يعنى الراتب فى حدود ال 3500 درهم ... بيتهيالى يعتبر كويس مش بطال ولا اية ؟؟

[سكندريه]

دعواتنا لك الدال على الخير كفاعله

ربنا يخليك للشعب المصري :rolleyes:

[قاهرى]

شكرا سكندرية على ردك الجميل واشكرك لانك اول دعوة لى واول رد على المنتدى .تحياتى قاهرى

[قاهرى]

اية يا جماعة اقول للراجل مش لاقى مهندس . بقى عملة نادرة . دة انا عملتلوا اكنى اعرف كل المصرين فى الامارات ..

والله اتمنى الاحساس الى جوايا يكون حقيقى ان كل الناس متظبطة فى الشغل سواء هنا او فى مصر ومش محتاجة اى فرصة ومفيش بطالة ولا اسمع عن مهندس بيشتغل سواق تاكسى فى مصر والكلام دة ... ياااااااااارب ديما :rolleyes: مستنى الردود

[قاهرى]

اية يا جماعة اقول للراجل مش لاقى مهندس . بقى عملة نادرة . دة انا عملتلوا اكنى اعرف كل المصرين فى الامارات ..

والله اتمنى الاحساس الى جوايا يكون حقيقى ان كل الناس متظبطة فى الشغل سواء هنا او فى مصر ومش محتاجة اى فرصة ومفيش بطالة ولا اسمع عن مهندس بيشتغل سواق تاكسى فى مصر والكلام دة ... ياااااااااارب ديما :rolleyes: مستنى الردود

[مونتى]

والله ياقاهرى نفسى اعمل بالامارات بس انا مرتبط بعقد بالسعوديه وكذلك راتبى اعلى بكثير مما ذكرت ولكن وعد منى خلال الايام القادمه هيكون عندى زميل حديث التخرج وهكلمه .

اخى القاهرى شكرا على اهتمامك بغيرك شكررررررررررررررررا

[etihad]

والله انا خايف تكون شركة قصر الروضة للمقاولات لصاحبها مدحت ابراهيم جاويش مصري الجنسية وهو شريك لرجل سوري الجنسية يعمل باحد البنوك قد اشهر افلاس شركته القديمة الماسة للمقاولات وذلك للتهرب من كل التزماته للعمال الذين عملوا لديه اكثر من سنة دون اي راتب والتملص ايضا من حقوقهم ونهاية الخدمة لهم كما ينص قانون العمل ومن ثم فتح شركته الجديدة قصر الروضة للمقاولات وهو الان يشغل العمالة الهاربة والزيارة دون اجر وعدا منه لهم بعمل الإقامة وبعد 3 او 5 شهور من العمل يفاجا العامل انه يطرد دون فلوس او اقامة انه خبير بالنصب على كل الوانه فقد نصب علي انا شخصيا في مبلغ 25000 الف درهم فقد اجر لي من الباطن شقة غرفتين وصالة وبعد فترة استولى عليها هو وزوجتة انه يقنعك انه رجل يفعل الخير ويساعد الفقراء ولكنه ينسج خيوطة على الشاب حتى ينال غرضة ويحصل على ما يريد منه دون اجر حتى يتخطى ازمته الماليه فقد وعدني انا شخصيا ان اكون شريكا له في شركته وبعد الوقوف بجانبه شهورا واول شغل للشركة نصب علي وتنكر معرفتي وهكذا مع المهندس الجديد يعمل لديه دون راتب سنة مع احلى واكبر الوعود وعندما يقف على رجليه يركله برجلة وكرشه الكبير حتي يرجع لبلدة كما يركل الاعب الكرة.

ومن يريد ان يعرف المزيد عن جرائمة ونصبه وقضاياه فانا لدي الكثير والكثير

تم تعديل 7 سبتمبر 2007 بواسطة etihad

[amrhoras]

عندى ليك مهندس مدنى دفعة 2002 وبتقدير جيد وماشا الله خبرة فوق الوصف لو فعلا جاد فى عرضك ابعتلي ايميلك وانا حبعتلك نسخة من الورق ومعاه كل الشهادات المطلوبه وكورسات اوتوكاد وساب 2000 شكرا

تم تعديل 7 سبتمبر 2007 بواسطة amrhoras

[mesryforever]

وظائف شاغرة في الرابط الآتي :-

http://www.egyptiantalks.org/invb/index.php?showtopic=37808