كارثة ( كومبيوتر لكل مواطن)

[هشام عبد الوهاب]

كنت اظن ان الحكومة اخيرا تنبهت الى ضرورة محو الامية الكومبيوتريه

التى توغلت فى الشعب المصرى وبدأت تفيق من غفلتها الطويلة والدائمة فى مجالات عديدة وتنبهت اخيرا الى اهمية الكومبيوتر بالنسبة للمواطن وقررت مساعدته فى شراء جهاز كومبيوتر باقل التكاليف وبالتقسيط وبدعم كبير ( كما اعلنت)

ولما كانت تربطنى علاقة صداقة قديمة مع احد اصحاب شركة من الشركات الكبرى فى مجال الكومبيوتر والتقيت به فى مكتبه منذ يومين .

فوجئت بالشركة وكأنها جمعية استهلاكية فوجدت ما يقرب من اربعة اسر كاملة الاب والام والابناء وذلك خلال الساعة التى قضيتها فى مكتبه ومن خلال الزجاج الذى يطل على بهو الشركة كان المنظر عجيب . وعلمت منه انهم قادمون لشراء كومبيوتر ( لكل مواطن )

فوجدتنى اسأله عن الموضوع برمته ، بعد ان شكرت الحكومه لأول مره على هذا المشروع الرائع .

واليكم تفاصيل الكارثة ...........

اولا المشروع كله عباره عن كدبه كبيره وسبوبه عظيمه للحكومه

يتبع..

[هشام عبد الوهاب]

كومبيوتر لكل بيت

هل ترضى بأقل من الذهب

الحاسب الذهبىBEI

براق للصناعات الاليكترونية

هذا هو الاعلان عن الفضيحه واليكم بعد النماذج

كومبيوتر 1.2 celeron ... ( بينتيم 2 او 3 )

128 رام + 40 جيجا هارد ديسك + فاكس مودم وسى دى روم+15 شاشه

ثمنه الفعلى لا يتعدى الفين جنيه ( السعر من صاحب الشركه نفسه)

اما سعر الحكومه المدعم

1- 12 قسط = 2762 جنيه

2- 24 قسط = 2923 جنيه

3- 36 قسط = 3083 جنيه

---------------------------------------------

كومبيوتر بينتيوم4 (1.7) + شاشه 17 ونفس المكونات السابقه باختلاف المازربورد 845s

ثمنه الفعلى لا يتعدى 2850 ...

سعر الحكومه المدعم

1- 12 قسط =4008 جنيه

2- 24 قسط = 4240 جنيه

3- 36 قسط = 4474 جنيه

يضاف الى المكونات نسخه مصرحه من مايكروسوفت ويندز xp

-----------------------------------------

النموذجان بأعلى هما اقل واعلى الاسعار

والمطلوب فاتورة التليفون وصورة البطاقة الشخصية

اما باقى الفضيحه فتأتى فى هذه الجمله داخل جداول مكونات الكومبيوتر

software : microsoft windows xp home+ office xp License

ما يحدث هو قيام الشركه ( براق) بوضع نسخ منسوخه داخل الاجهزه بدلا من النسخ المصرحه ثم تقوم ببيع النسخ الاصليه .

دعم الحكومه ياتى فى مكسبها ما بين 40% : 50% عل كل جهاز.

اليست كارثة وفضيحة بكل المقاييس

[ragab2]

للأسف

العمولات والرشاوى لموظفى وزارة الاتصالات تضاف على ثمن كمبيوتر الفقراء

[Taher Deyaa]

كومبيوتر لكل بيت

اليست كارثة وفضيحة بكل المقاييس

هذا مثال حزين لغياب ضمير الكثير من المسؤلين

عسى ان تنبه مداخلتك الاجهزه الرقابيه

[ابو حلاوه]

معلهش .. أمال عايزين ايه عايزين الموضوع ما يبقاش فيه استرزاق ازاي .. هو احنا في الهند...المهم الهليبة يوصلوا كمبيوترات تعيش مع الناس .. بس المشروع ماشي و ماشي صح

و بيوت كتيرة بدا يدخلها الكمبيوتر .. معلهش أهو حاجة قصاد حاجة و كام ميت جنية زيادة مش هي دي اللي هتخرب الدنيا المهم ان الكمبيوتر يوصل للناس ........