انا جالي اكتئاب ...

[بنت شعنونة]

اصابني الأكتئاب اكثر مما انا فيه اصلا :(

ولا اعرف هل من حقي ام لا

اقرأوا....

http://vb.fantazyat.com/index.php?s=

:(

طب انا عندي منتدى...معنى كدا اني رحت جهنم من اوسع الأبواب؟

:(

[وحداني]

الاخت العزيزه، الاستاذ الذي ادلي بالفتوي قد جانب الصواب في سياقه فتواه، فاستخدام التليفون مثلا قد يكون حراما لو استخدمته في الحاق الضرر بالاخرين و عمل المعاصي، لكن احدا لم يقل بان التليفون حرام، ثم ان كل واحد يقدر يعمل الحرام- اعوذ بالله منه- دون الحاجه الي منتدي او غيره، ان ضيق النظر هو السبب في وجود هذه الفتاوي

[Sharkiah]

الله ورسوله أعلم ـ هذا رأيى المتواضع

هذه هى نفس رده الفعل ـ بحذافيرها ـ عندما خرج للنور التليفزيون ومن بعده الفيديو ومن بعده الدش ؛ والآن جاء الدور على شبكه المعلومات

رأيى والله أعلم مره ثانيه ـ وأعوذ بالله إن كنت مخطئا من غضبه

بالقطع الذى والتى يدخلون المنتديات بغرض إيقاع رجال وفتيات للعلاقات الآثمه فقد إرتكبوا إثما لامراء فى ذلك وسيحاسبهم الله عليه ووجبت عليهم التوبه

وأما من يدخلوا المنتديات بغرض الإستفاده من المناقشات والإستزاده من المعرفه فلا أعتقد أن فى ذلك إثم أبدا

الحلال بين والحرام بين ؛ فلنجتنب الحرام ولنجتنب الأمور المتشابهات ولنستمتع ولنستفيد بكل ما أحله الله

من يدرى ؛ فلعل المنتديات تكون وسيله تقارب بغرض الزواج فى المستقبل ؛ مثلا كلنا الآن كوننا أفكارا لابأس بها عن شخصيات بعضنا البعض ؛ وهذا من قبيل التعارف فى الحياه الذى أشار إليه المولى عزوجل فى محكم آياته

ولاأعتقد أن صاحب المنتدى يوءخذ بجريره مرتاديه فلاتزر وازره وزرأخرى وكل نفس بما كسبت رهينه

والله تبارك وتعالى أعلم

[Elham]

و الله انا كمان جالى اكتئاب , معنى الكلام ده ان الواحد لو حب يفضفض شويه مع ناس كويسه وعلى درجه عاليه من الثقافه انه هايخش النار :? :? :? :?

الله اعلم

[بنت شعنونة]

انا ما بقتش عارفا حاجا

:(

المشكلة وزر الناس

اصله بالقياس... من بدع بدعه فعليه وزرها وزر من اتبعه

معنى كدا بما اني عاملة منتدى يعني انا الي بدعته.. يبقى عليا ذنب اي حاجا تحصل فيه!! :(

مش عارفا

انا اتبرجلت خالص :(

[Taher Deyaa]

انا ما بقتش عارفا حاجا 

:(

المشكلة وزر الناس

اصله بالقياس... من بدع بدعه فعليه وزرها وزر من اتبعه

معنى كدا بما اني عاملة منتدى يعني انا الي بدعته.. يبقى عليا ذنب اي حاجا تحصل فيه!! :(

مش عارفا

انا اتبرجلت خالص :(

عفوا عزيزتى شعنونه لا تقتنعى بهذا الكلام

هل استخدامك الليزر فى الطب يعتبر ايضا بدعه

[عادل أبوزيد]

الفاضلة شعنونة

لفت نظرى عنوان موضوعك و لفت نظرى أكثر أنك لم تفصحى عن شئء مجرد الرابطة فقط ... رغن أننا تعودنا هنا مع الرابطة ان نذكر ملخص بسيط لمحتواها المهم دخلت هذه الواصلة ووجدت الكاتب ينعى الدين و الفضيلة التى انتقصت بسلوكيات اشار اليها من اعضاء و عضوت المنتديات

و قد سبقنى الأفاضل بالرد الشامل او الجزئى و لا يسعنى الا ان اعيد صياغة ما عن لى كرد على تلك المقولة

هذه الأخطاء الذى أشار اليها الكاتب يحدث مثلها عشرات المرات باستخدام التليفون العادى او المحمول بل لعل الإنتساب الى موقع اليكترونى يعتبر اصعب الوسائل لعل اسهل منه كثيرا مجرد التجوال فى اى مركز تسوق !!!!

و أضيف نقطة أخرى هى ان التربية مع أسرة سوية يؤدى بالقطع لعدم وجود تلك الهالة المبالغ فيها عن الجنس الآخر

و قد رأيت و سمعت عن التجاوزات خاصة من المجتمعات التى تفصل فصلا كاملا بين الجنسين حتى فى محيط الأسرة و هذا ربما بعض قصدى بالتربية فى اسرة سوية بها ابناء العم و الخال و الخالة و الإخوة يلتقون معا فى محيط الأسرة و تحت اشراف الأباء و الأجداد تلك الأسرة - فى غالب الأحول - لن تنتج مرضى نفسانيين ينظرون للجنس الآخر نظرة دونية او غير نظيفة.

اليوم دخلت ثلاث مواقع على الإنترنت وجدتها شئء أقرب الى الهزل منها لمكان محترم فلعل اختيار المكان ايضا له دور ....

لكن مسالة حرام و حلال هذه فأقول للكاتب لو استطعت ان تمنع التليفون لإمكانية الخروج على الأخلاق به سيمكنك الغاء اللقاء على الإنترنت و ارجو ان توجهى له نصيحة الا و هى بذل مزيد و مزيد من الجهد فى التنسيق

[مصرى]

أنا موش عارف يا شانا انتى دايما بيحصلك حاجات غريبة بشكل

لكن بجد الأخ طبعا بيتكلم عن تجربته الشخصية .. فغير خاف أنك حينما تمضين وقت طويل بالمستشفى تتصورى الناس جميعا مرضى .. وحينما تذهبين الى الجامع وتجدين الزحام الرهيب فى يوم الجمعة تتصورين أن الناس جميعا مؤمنين

ويبدو أن الأخ مكث طويلا فى ماخور فتصور أن الجميع مرتاديه

معلهش سى لا فى .. يعنى هذه هى الحياة .. بس بالفرنساوى ولا مؤاخذة

[هشام عبد الوهاب]

:shock: :shock: :shock: :shock: :shock:

[amir]

واضح أن الكاتب من السعوديه ، وطبعا المقاييس تختلف من مكان لأخر، هنا فى المنتدى نتحاور حول أمور سياسيه و اقتصاديه و ثقافيه و معنا أخوات فاضلات ، من يبحث عن فتاه للتسليه أعتقد أن منتديات الحوار ليست المكان المناسب له.

[الطفشان]

الاخوة شرقية و وحداني

قلتم فكفيتم

الانترنت و المنتديات (و التليفون) وسيلة، ليسوا حراما و لا حلالا في حد ذاتهم

الموضوع يرجع الى النية، و عدم غشيان مواقع محرمة بالتاكيد

و الا فان الورق حرام، و القلم حرام، و الحبر حرام، لان الملحدين و الفساق يكتبون فيها الكفر و الفجور

و طبعا الواحد (و بالاخص الواحدة) لازم ياخذ باله في جميع الاحوال

هنا في حالات معروفة انتهت باغتصاب و حالات تغرير فيها بنات جالها اكتئاب و انتحرت، و حالات انتهت بقتل

الاحتياط واجب

[بنت شعنونة]

"فيها بنات جالها اكتئاب و انتحرت، "

يا دي النييييييييييييييييييييييلة عليااااااااااااا :D :D :D

:( :( :( :( :( :( :(

[KWA]

"فيها بنات جالها اكتئاب و انتحرت، "

يا دي النييييييييييييييييييييييلة عليااااااااااااا :D  :D  :D 

:( :( :( :( :( :( :(

:D :D :? :? :D :D

كما ذكر ..ان الكاتب من احد دول الخليخ ...يقدر يقولي رأيه في هذا اللينك

]http://www.1111.cjb.net

[الطفشان]

"فيها بنات جالها اكتئاب و انتحرت، "

يا دي النييييييييييييييييييييييلة عليااااااااااااا :D  :D  :D 

:( :( :( :( :( :( :(

الموضوع مش كدة

واحد شاب عنده بتاع 20 او 22 سنة

شغال في شركة بتاعة انترنت

كان غاوي يدخل التشات اللي فيه ناس بتشكي همومها، او عندها اكتئاب، لسه سايبها بوي فريند، او خلافه، يعني في وضع vulnerable يسهل ان تكون فريسة

و يتصاحب على البنات و بعدين يقابلهم و الذي منه

و بعدين يخلي بيهم

واحدة ما ساتحملتش و انتحرت

حد عارف القصة فضل وراه لغاية ما جاب قراره و فضحه و عمايله

بس

مش مجرد اكتئاب

يعني اكتئاب و سذاجة و مجاراة

[وسام]

بيفكرنى الكلام دة بأوائل التسعينات فى مصر لمة كانت كلمة (دش) مرادفة للقنوات الاباحية وقلة الادب

و احنا جبناه من برة مصر و ركبناه و بقينا العائلة كاملة مشكوك فى اخلاقها بين اقاربنا ... يادى الفضايح... يقولوا عليكوا ايه الناس... وخد عندكوا من الكلام دة

و لسا من 3 او 4 سنين لما صرعة الموبايل كانت فى اولها... ياه قال يعنى رجل اعمال و البيزنس مقطع بعضه.... وناس قالةا حرام عشان البنات حتكلم اللى هيا عايزاه فى السر

معلش الحاجة فى اولها دايما تكون صعبة الهضم :wink:

[disappointed]

أنا دخلت علشان أقرأ الكلام اللى جاب ليكى اكتئاب

بس ياريتنى مادخلت

لأنه جابلى أنا غثيان :? :?

[Ragaai]

كما قال الأخ امير واضح ان كاتب المقال سعودي

وكما تعرفون جميعا فإنه في العرف السعودي لا يوجد حوار بين الرجل والمرأة إلا إذا كان جنسا او تمهيدا له!!

[الطفشان]

في السعودية ظهرت حملتين مؤخرا، كلاهما ذات طابع ديني

الاولى ضد السماح للمرأة بالقيادة

الثانية ضد السماح ان تكون لها بطاقة شخصية مستقلة

و الفتاوى اشتغلت

و لا تعليق

[kokowawa1979]

معاك حق في كل اللي قلته ياأخ وسام كل شيئ في أوله دايما صعب وغريب . ده أنا فاكر أول عربية دخلت البلد عندنا فتحنا الكبوت بتاعها ورمينالها برسيم جوة الماكينة علشان عزمها يشد وكأنها لامؤاخذة حمار !!!!

[UNTOUCHABLE]

الاخت شعنونه رجاء عدم الالتفات الى هذه الاشياء اللى جابتنا ورا. انا شخصيا شايف ان الانسان مش محتاج الى انترنت اوغيره عشان يقع في الغلط. انا متابع لهذا المنتدى الرائع من شهر تقريبا وماكنتش ناوى اكتب اى حاجه فية لأن ماقيش عندى كيبورد عربى وكمان وقتى ضيق ولكن يظهر ان مافيش فايده للأسف البنات فىبلادنا سوف يظلون درجه ثانيه ويمكن ثالثه طول مافى زي هذا الأخ الذى لم يتوفر له اى نوع من انواع الثقافه الانسانيه اوالحياتيه. وذلك طبعا بسبب نظم التربيه والتعليم المتدنيه فى مجتمنا العربى التى تنتج كل يوم افواجا من الغير مثقفين الحاصلين على شهادات عليا في الحفظ وعدم الفهم. بالمناسبه انا متزوج وعندى بنت وحيده. اخدتها هى وامها وهاجرت الى كندا لأن دماغى لم تعد تتحمل كل هذه الكميه من ضيق الأفق والحجر على الفكر البشرى بدون وجه حق. فيااختى العزيزه لاتخافى الا من لقاء وجه ربك الكريم وشكرا