لحم الخنزير فى مطاعم مصرية

[Cleo]

لمن لا يعلم ...

هناك سلسلة مطاعم فى مصر (على الأقل فى القاهرة و لا أدرى إن كان لها أفرع فى المحافظات الأخرى) تقدم بين أطباقها أصنافا تحتوى على لحم الخنزير و هو مكتوب صراحة فى ال"Menu" الخاص بهم..

المشكلة أن المنيو مكتوب كله باللغة الأنجليزية بخط صغير جدا و الصفحة مليئة بالكتابة... يعنى لازم الواحد يكون صاحى أوى و هو بيختار لحسن يختار الطبق الغلط...

خلوا بالكم بأة و أنتو بتختاروا أطباق فى المطاعم و احذروا هذه السلسلة أو حاولوا تجنبها...

المهم... عشان منسببش مشكلة للمنتدى، اللى عايز يعرف اسم المطعم يبعتلى PM و أنا أقولله عليها...

تحياتى

[مصرى]

وبدل كده ما الواحد ياكل اللى يعرفه

أنا عن نفسى لا أجد حرجا فى أن أسأل عن نوع الطعام ومكوناته وطريقة طهيه اذا كنت أطلبه لأول مرة ..

وفى موفينبيك مثلا أفادنى هذا فى معرفة أن جميع الأطعمة يتم طهيها بالنبيذ فى المطعم الفرنسى فغادرته على الفور وذهبت مع ضيوفى الى الحسين .

واللحوم بصفة عامة تتطلب الحذر فى اختيار أماكن تناولها لأن هناك بعض المطاعم وخاصة على الطرق السريعة تستخدم اللحوم الميتة لرخص ثمنها ولتحقيق ربح سريع .. وربنا يستر

[Cleo]

أسفة يا مصرى...

أصل أنا أول مرة أعرف إن لحم الخنزير بيتقدم كدة عيانا بيانا فى المطاعم العادية و ليس فى الأماكن المتخصصة مثل محلات "مرقص" مثلا...

ثانيا المنيو اللى فيها لحم الخنزير ده مش فاصلة الأصناف عن بعض... يعنى صفحة اللحوم و صفحة الدواجن و صفحة الخنزير... لأ .. ده كله سايح على بعضه...

حكاية موفنبك دى جديدة... أنا أعرف لإن الفنادق و المطاعم اللى بيطبخ بالنبيذ أو غيره بتذكر ذلك فى المنيو مش بتسيبها كده أنت و بختك.... :?

إفففففففف.........

أنا باقول الواحد يبقى ياكل فى البيت أحسن و بلاش وجع قلب... :? :? :mad:

[مصرى]

محلات "مرقص" مثلا...

:mad:

لسه فاكرة مرقص بتاع الخنازير .. اللى عطاه يعطينا :?

بقى صاحب أكبر مدارس لغات فى مصر دلوقت .. وعضو الهيئة العليا لحزب الوفد الجديد :?

[الطفشان]

مطاعم الفنادق الكبيرة فيها خنزير في صورة السجق و البيكون للافطار

لكن بيحطوا عليه عليه يافطة في البوفيه

و فنادق كثير بيحطوا خمرة على الشوربة و على ماكولات تانية

و المدارس الفندقية بتعلم الفلامبيه (يعني "حنطفي" على الاكل بوضع نبيذ و توليعه!)

و حتى في القرى السياحية في شرم الشيخ بيحطوا خمرة على سلاطة الفواكة

دة الكلام من اللي شغالين في الاماكن دي

و الواحد بحكم العيشة بره، بيسأل عن كل حاجة في الاكل قبل ما يطلب

[ragab2]

المفترض

فى البلاد العربية والاسلامية

أن يبعد لحم الخنزير عن اللحوم الأخرى

وأن يكتب وينوح عنه بخط واضح حتى لا يحدث التباس بين مرتادى هذه المطاعم

[بنت شعنونة]

في حاجا غلط يا جماعا!! :D

النبيذ والخمرة غاليين

واحنا هنا مش عندنا ضمييير قوووووووووي كدا يعني عشان يحطوا نبيذ بجد على الأكل او خمرة على سلطة الفواكة!!!!!!!

دا كدا الراجل يخسر بالثلث!!

و الا ايه؟؟؟؟!!!!؟!؟ :? :? :roll: :roll: :D :D :!: :?:

[kokowawa1979]

ياجماعة العملية مش لحم خنزير وبس ده فيه كمان لحم حمير وضبطوا واحد مره يتبول على حيطه وهو يرفع رجله اليسرى على الحائط واليمنى مرتكزة عمودية على الأرض فسألوه ليه بتعمل كدة رد عليهم وقال لهم : لامؤاخذة أصل لسة واكل لحمة كلب!!!!!!

الضمير مات مات واقروا عليه الفاتحة

[kokowawa1979]

وبعدين ياجماعة ماكل واحد فينل ياكل في بيته أحسن . هو فيه طبيخ أحلى وأشهى من طبيخ الأم أو الزوجة أو الأخت ده كفاية إن فيه النفس والريق الحلو بس ماتكنش مزعل زوجتك لتحط لك فيه سم فئران ( أنا بهزر بس)

وعليكم في الخارج بالسمك لأنه هو الميتة الوحيدة حلال ومضمون

[الطفشان]

في حاجا غلط يا جماعا!! :D 

النبيذ والخمرة غاليين

واحنا هنا مش عندنا ضمييير قوووووووووي كدا يعني عشان يحطوا نبيذ بجد على الأكل او خمرة على سلطة الفواكة!!!!!!!

دا كدا الراجل يخسر بالثلث!!

و الا ايه؟؟؟؟!!!!؟!؟ :?  :?  :roll:  :roll:  :D  :D  :!:  :?:

يا ست شانا

الشيف و الا الميتر هو اللي قال لي

و الغرض انها ما تخسرش، و حاجة فانتازية كدة للخواجات

[disappointed]

بس ماقلتيش لينا يا "كليو"

المطعم ده ما بيقدّمش عصير خنزير زى بتاع عادل امام فى فيلم مراتى مدير عام؟؟؟؟

:D :D

ثم أعتقد ان المطعم الذى تكون قائمة طعامه باللغه الانجليزيّه فقط لايرتاده الاّ شريحة معيّنه من الزيائن قادرة على تمييز ما ستختاره من القائمه.....بالاضافة الى أن لى أصدقاء كثيرين يعملون فى مجال الفندقه أخبروننى أن المطاعم التى تقدّم لحم الخنزير يكون من الروتين فى نظامها أن الزبون عندما يختار طبق به لحم خنزير فان "المتر" يقوم فورا وبصورة آليّة بقول جملة محفوظة له وهى :

"أحب اذكّر سيادتك ان ده لحمة خنزير"

وهى جملة يتم التشديد عليها فى تدريب كل "متر" جديد

لا أعتقد ان الموضوع يمثّل شيئ يستوجب القلق

[Sharkiah]

طب وليه ياإخوانا بس يكون عندنا فى بلدنا مطاعم بتقدم لحم خنزير ومطاعم وأماكن بتطهى بالخمور أو تقدمها كمشروبات وليه يكون عندنا فى فنادقنا كازينو مقامره ؟ نفسى أفهم ليه حاله الإنفصام فى الشخصيه دى ؟ ليه كل أسبوع فى برنامج دنيا ودين على الفضائيه السوءال إللى حفظته تقريبا زى إسمى يامولانا أعمل فى فندق أو مطعم ـ أو جوزى يعمل فى فندق أو مطعم ـ بيقدم خمور أو لحم خنزير أو ملحق به كازينو قمار فما العمل ؟ ولاحظوا إن الأسئله بتأتى من مصريين مقيمين فى مصر

قبل ما يقول قائل فى بلدنا مسيحيين أقول له هم أيضا يحرموا الخمور بل ولحم الخنزير والقمار ولن يضاروا أبدا بمنعها

صدقونى كل الأخوه المقيمين فى الخارج هايفهمونى لما أقول إن حاله الإنفصام أو الفصام دى مش موجوده عند الغرب ؛ يعنى البنى آدم إللى بيطالعه فى الصحف وإللى بيشوفه فى التليفزيون وإللى بيتربى وبيقنع بيه ثقافيا هو إللى بيعايشه يوميا فى كل خلجه من خلجات حياته ؛ إنما إحنا بصراحه بقينا أشبه بحاجه زى غباشى النقراشى ؛ مجموعه من الأقنعه وكل قناع لموقف معين ومختلف تمام الإقتناع عن الموقف التالى ؛ يعنى مثلا الطفل يسمع فى المدرسه إن ياإبنى الخمر حرام ومنكر ومن الكبائر ؛ والميسر رجز من عمل الشيطان ؛ ولحم الخنزير حرمه الله وبعد كده يروح مع بابا وماما لفندق أو مطعم يلاقى كل ده شئ عادى خالص وناس بتاكله وتشربه وتعمله

ممكن واحد يقول طب والسياحه ؟ أقول له سيحترمك السياح وينحنوا لك إكبارا وتوقيرا لو علموا أنك تمنع هذه الأشياء لأن الله من فوق سبع سموات حرمها ؛ وزى مابيقلوها بالبلدى هل تقبل لقمه متغمسه بمعصيه لربنا ؟

[Faro]

قبل ما يقول قائل فى بلدنا مسيحيين أقول له هم أيضا يحرموا الخمور بل ولحم الخنزير والقمار ولن يضاروا أبدا بمنعها

بصراحة المسيحيين المصريين لا يقربوا لحم الخنزير ربما بعض الفقراء منهم ومن المسلمين أيضا كما كان يحدث فى أوروبا لحم البقر كان للقادرين. أما عن تنظيف الجروح بواسطة الكحول أو المطهرات التي تعتمد على الكحول فلم نسمع رأى الشرع فيها.

إذا كانت بعض الأنواع المعينة من الخمور تدخل فى عمل الصلصة فهذا يتم بمقدار قليل جدا لا يؤثر على الإيمان الديني. عامة أكل السمك له تأثيرا صحيا إيجابيا كذلك البقول تعوض عن أكل اللحوم الطازجة والفاسدة ولحم الحمير والكلاب و القطط .

[مصرى]

إذا كانت بعض الأنواع المعينة من الخمور تدخل فى عمل الصلصة فهذا يتم بمقدار قليل جدا لا يؤثر على الإيمان الديني

إللى أعرفه إن حكم الشرع فى المسألة دى إن "ما أسكر كثيره .. فقليله حرام"

[Cleo]

بس ماقلتيش لينا يا "كليو"

المطعم ده ما بيقدّمش عصير خنزير زى بتاع عادل امام فى فيلم مراتى مدير عام؟؟؟؟

:D  :cry: 

ثم أعتقد ان المطعم الذى تكون قائمة طعامه باللغه الانجليزيّه فقط لايرتاده الاّ شريحة معيّنه من الزيائن قادرة على تمييز ما ستختاره من القائمه.....بالاضافة الى أن لى أصدقاء كثيرين يعملون فى مجال الفندقه أخبروننى أن المطاعم التى تقدّم لحم الخنزير يكون من الروتين فى نظامها أن الزبون عندما يختار طبق به لحم خنزير فان "المتر" يقوم فورا وبصورة آليّة بقول جملة محفوظة له وهى :

"أحب اذكّر سيادتك ان ده لحمة خنزير"

وهى جملة يتم التشديد عليها فى تدريب كل "متر" جديد

لا أعتقد ان الموضوع يمثّل شيئ يستوجب القلق

بس المنيو لما تشوفها.. سايحة على بعضها و مكتوبة بخط صغير... و يمكن الواحد عشان مش واخد خوانة يختار أى حاجة و خلاص... و فيه ناس كتير معاها فلوس تقدرها ترتاد الأماكن دى من غير ما يكونوا بيعرفوا لغات..

و بعدين إفرض إن المتر نسى نبهك... أو طنش... أو افتكر إنك عشان شكلك بيه و ابن ذوات فانت اكيد عارف اللى مكتوب قام مكبر دماغه؟؟

[Proud Muslim]

الأخت cleo مستغربة من محلات تبيع لحم خنزير ؟؟

في محل في الزمالك اسمه توماس بيعمل سندوتشات خنزير كمان !

و بيتزا خنزير كمان !!!!

حسبنا الله و نعم الوكيل .

يعني الى كل من يأكل الخنزير ... ألا يصيبك قرف ؟؟ أوغثيان ؟؟

ربنا يهديك و يهدينا ..

[Cleo]

عزيزى برود مسلم....

أهو توماس ده بالذات هو اللى بتكلم عنه... و له فرع أخر فى مصر الجديدة و يمكن فروع أخرى...

على فكرة سمعت عن محل تانى فى الزمالك برضه بيقدم لحم الخنزير بس مش عارفه اسمه.... :D

[Proud Muslim]

فعلا هو لديه فرعين فقط في القاهرة و ليس له فروع في أماكن أخرى , الغريب أن المطعم يدعي أنه لا يقدم أي مشروبات كحولية ؟؟

علشان هي حرام ... سبحان الله .

:D :D :D

فعلا منطقة الزمالك بصفة عامة تحدث فيها الكثير من التجاوزات , طبعا أجانب و لازم نرضيهم .. :( :(

و تجاوزات من المصريين طبعا ..للأسف .. يعني والله الواحد يحزن عندما أرى مناظر في منتهى الانحدار الأخلاقي من شباب و بنات في تلك المنطقة !!!

اللهم اهدني و اهدي قومي .

[kokowawa1979]

نضيف ما يلي لهواة أكل لحم الخنزير :

(1) إن الله تعالى عندما يحرم شيئ فيجب الطاعة التامة لأنه اكتشفت أشياء ضارة كثيرة للحم الخنزير مثل الديدان وغيرها إلا أن أهم شيئ وأكثرها ضررا في رأيي أن من يتناول لحم الخنزير لايغار على زوجته وأخته وقد ثبت أن الخنزير هو الحيوان الوحيد الذي لايغار على أنثاه فعلا مثل باقي الحيوانات الأخرى والطيور وبالتالي لحم الخنزير يكسب الإنسان متناوله نفس الصفة .

والدليل الأوروبيين يتركون زوجاتهم تحضن وتقبل من رجال آخرين وهم في غاية السعادة .

هذا للعلم فقط فعلينا تنفيذ أوامر الله بدون مناقشة

[وسام]

عموما مفيش داعى للقلق لان هذا المطعم لما يتعرف انه حاطط لحم الخنزير فى الاصناف التى على قوائمه و حتى لو فى لحوم تانية فالناس مش حيجى على بالها تروح هناك لان ادوات الطبخ و السكاكين واحدة اللى بتتعمل بيها كل الاصناف

و بالتالى اشك انه بيعمل مبيعات عالية بحكم انه مربوط بالمنطقة اللى بيبيع فيها وبالتالى مش حيقدر يتوسع او ينتشر