أحمد فتحى فى الأهلى من أول يناير القادم لمدة 4 سنوات

[محمد عبدالعزيز]

قرأت هذا الخبر الآن على موقع مصراوى:

الأهلي يضم أحمد فتحي رسميا من شيفيلد يونايتد لمدة 4 سنوات

يارب بس إخواننا الاسماعيلاوية مايقولوش بتخطفوا اللاعيبة زى ما حصل مع حسنى عبد ربه.

بصراحة أنا عن نفسى لا أحبذ رجوع المحترفين من الخارج حتى ولو كان للأهلى, خصوصاً إنهم فى بداية مشوار الاحتراف, وهذا الوضع لن يساعد أبداً على ارتفاع مستوى الكرة فى مصر.

أتمنى أن تختفى من مصر ظاهرة رجوع المحترفين بعد أشهر قليلة من بداية مشوار الاحتراف.

كما أتمنى أن تنتبه الفرق المصرية للناشين حتى يكون هناك تواصل للأجيال.

[Ahmad Farahat]

لما الزمالك ياخد لعيب من الإسماعيلي متبقاش سرقة

يبقى اقتباس wst::

[مونتى]

وايه يعنى وعقبال حسنى عبد ربه كمان فيه ايه ياجماعة دة احتراف واللعيبه بتوعنا مالهمش فى الغربه وسلملى على الاحتراف !!!!!!!!!!!!!!!!!!!!! wst::

[أبو محمد]

بصراحة أنا عن نفسى لا أحبذ رجوع المحترفين من الخارج حتى ولو كان للأهلى, خصوصاً إنهم فى بداية مشوار الاحتراف, وهذا الوضع لن يساعد أبداً على ارتفاع مستوى الكرة فى مصر.

الأخ الفاضل محمد عبد العزيز

أنا معك قلبا وقالبا فى هذا .. ولكن ماذا تفعل مع اللاعبين الذين "تأكلهم الغربة" .. ولو إن معظم من يرجعون لا يرجعون لأنهم يفتقدون الأهل وألاحباب ..

معظمهم يرجعون لأنهم يفتقدون النجومية السهلة .. نجومية تصنعها جماهير غير واعية ، وإدارات من الهواة (أو الحواة) سواء فى الأندية أو اتحاد الكرة .. نجومية يصنعها إعلام فاشل لا يتقن سوى اللعب على وتر التعصب الجماهيرى .. أما النجومية الحقة التى لا تأتى لصاحبها إلا بالجهد والعرق واحتمال المنافسة ، وقبول دكة الاحتياطى عند انخفاض المستوى واتخاذها منصة لانطلاق جديد .. وهى النجومية فى الأندية المحترفة .. كل ذلك لا يحتمله بعض "النجوم" الذين لا يجيدون اختيار النادى الذى يحترفون فيه ..

أهو احتراف خارجى وقرشين والسلام

[Ahmad Farahat]

الصديق مونتي والأستاذ أبو محمد

بذمتكو الإحتراف الخاجي أضاف إيه لمصر

جيبولي لعيب فاد البلد باحترافه خارج مصر إلا هاني رمزي

حتى أحمد حسن باشا بيلعب على طريقة فيها يا اخفيها حتى في بطولة أفريقيا كان بيعمل كده

ولا ميدو

ولا زيدان

ولا أي حد فاد البلد بالإحتراف الخارجي

لو حد عنده رأي تاني يقول

أرسين

[أبو محمد]

وليه الأسئلة المحرجة دى يا أرسييييييييييين ؟؟ :quest:

الصراحة بعد ما شفت تصرف كابتن مصر فى مباراة بوروندى .. تأكدت مما كنت مقتنعا به من زماااااااااااان ..

المشكلة تكمن يا عزيزى فى عنصر من أهم عناصر الفساد .. وهو عدم وجود القيادة أو الإدارة المحترفة (ليس فى الكرة فقط) ... لكن للأسف .. كل الناس مهتمة بالعناصر الواضحة والتى يسهل إلقاء الخطب بشأنها مثل الرشاوى والاختلاسات ... وسايبين عنصر أنا باعتقد إنه لو ركزنا عليه وصلحناه سيكون إصلاح باقى العناصر سهلا ميسورا ..

تفتكر أحمد حسن أو أى لاعب مصرى آخر محترف بالخارج كان ممكن يعمل اللى عمله ده فى ناديه ؟ .. كام مرة سمعت عن لاعب مصرى محترف بالخارج انطرد من مباراة ؟ ... ألا تلفت ندرة حدوث ذلك نظرك ؟

كان من الواضح فى مباراة بوروندى الإعداد النفسى العكسى .. ولن أقول غياب الإعداد النفسى .. أليست هذه المجموعة من اللاعبين هم أفضل ما عندنا ؟ .. ألا يؤدون فى أنديتهم بشكل أفضل ؟ هل لو لعب منتخب بوروندى مع الأهلى أو الزمالك أو الإسماعيلى (حيث تتوافر الإدارة الفنية المحترمة) كانت المباراة ستنتهى بالتعادل أو فوز بوروندى كما كان سيحدث أمام المنتخب ؟

يبقى ندور على اتحاد محترم أو إدارة فنية محترمة لمنتخبنا وبعدين نتكلم عن اللاعبين المحترفين

نرجع لموضوعنا الأساسى وهو انتقال أحمد فتحى للأهلى .. أريدك أن تقرأ مشاركتى فى هذا الموضوع

وخاصة هذه الفقرة

يبقى فى رأيى المتواضع إن سبب المشهد الهزلى اللى حصل فى البرنامج ليس غباء الغندور أو قلة خبرته كمقدم برامج .. ولكن السبب هو الزر الذى ضغط عليه القيعى فى موضوع "الولد" بكل لطف ونعومة أعطت درسا (حتى للصحفى الذى كان يشارك بندق فى تقديم البرنامج) فى كيفية الخروج على الهواء والإدلاء بأحاديث لوسائل الإعلام عن مفاوضات وتعاقدات الأندية

بس ياريت كوكو حبيب الشعب ما يدخلش يقلب الترابيزة علينا ونلاقى نفسنا بنتكلم عن تزوير عقد شريف أشرف أو حسن حمدى المرتشى اللى مش بيتحاكم أبدا :hang:

[الطيار المصرى]

ارسين...علي الرغم من اتفاقي مع كلام حضرتك و ابو محمد....

الا ان ليا اعتراض صغير....هو ان محمد زيدان لاعب موهوب و علي مستوي عالي....و مكسب حقيقي لو اتوظف صح...و مبارياته في الدوري الالماني مه ماينز و فيردر بريمن بتقول كده.....لكن داء الانانية ده عايز علاج مش اكتر.....

و حسام غالي برده لاعب متميز....و احترافه في فينورد ثم في توتنهام و اشتراكه مع لاعبين علي مستوي زي روبي كين و لينون اعطاله خبرة كبيرة.....

اما عن ابو محمد....الية منتخبنا الحبوب بتعتمد علي ثلاثة عناصر زي ما حضرتك قلت: اتحاد محترم...و ادارة فنية واعية و اللاعبين المحترفين....ثم ياتي اللاعبن المحليين....

دايما في منتخبنا هنلاقي عنصر فيهم مضروب بالنار...يا اما اتحاد تعبان شغال في الهبر و الضحك علي الدقون...يا اما ادارة فنية ماشية بالبركة...يا اما لاعبين محترفين مستهترين ....او لاعبين محليين منهكين او ليسوا علي المستوي المطلوب

و في حالتنا هذه...نجد ان كل شروط الانهيار متوفرة في منتخبنا بصورة رائعة غير مسبوقة

و بالنسبة لموضوع احمد فتحي...بما اني اهلاوي الي اخر العمر....فاني اعتبر ان هذه الصفقة فاشلة...لأني مش معتبر احمد فتحي لاعب من الاصل...و شايف انه مش هيضيف حاجة...ده مجرد رأي....

تحياتي....

الطيار المصري

[Ahmad Farahat]

أخويا الجميل وحبيبي الطيار المصري بيقول

ارسين...علي الرغم من اتفاقي مع كلام حضرتك و ابو محمد....

الا ان ليا اعتراض صغير....هو ان محمد زيدان لاعب موهوب و علي مستوي عالي....و مكسب حقيقي لو اتوظف صح...و مبارياته في الدوري الالماني مه ماينز و فيردر بريمن بتقول كده.....لكن داء الانانية ده عايز علاج مش اكتر.....

و حسام غالي برده لاعب متميز....و احترافه في فينورد ثم في توتنهام و اشتراكه مع لاعبين علي مستوي زي روبي كين و لينون اعطاله خبرة كبيرة.....

حسام غالي كان يلعب في مصر قبل الإحتراف أكثر وأحسن مما بعد الإحتراف

وزيدان أناني جدا كما قلت

وعبد الظاهر محظوظ منتخب زي هاني سعيد

ومدحت فشل وعمارة فشل وطارق السعيد فشل وحازم إمام فشل وأحمد بلال فشل وعمرو زكي فشل وهيفشل وشوقي هيفشل وأيمن عبد العزيز مشفناش وشه من ساعة ما راح تركيا

أقلك ايه ولا ايه ولا ايه

و بالنسبة لموضوع احمد فتحي...بما اني اهلاوي الي اخر العمر....فاني اعتبر ان هذه الصفقة فاشلة...لأني مش معتبر احمد فتحي لاعب من الاصل...و شايف انه مش هيضيف حاجة...ده مجرد رأي....

ممكن جدا ميضيفش

وممكن جدا يضيف

بس أعتقد إن نسبة نجاحة عالية

وعايز أقلك حاجة

مصر مبتنفعش غير بالأجيال المحترفة جوة مصر مش بره مصر

أرسين

تم تعديل 11 سبتمبر 2007 بواسطة Arsen loben

[الطيار المصرى]

وعبد الظاهر محظوظ منتخب زي هاني سعيد

ومدحت فشل وعمارة فشل وطارق السعيد فشل وحازم إمام فشل وأحمد بلال فشل وعمرو زكي فشل وهيفشل وشوقي هيفشل وأيمن عبد العزيز مشفناش وشه من ساعة ما راح تركيا

و ياسر رضوان.... الي جانب العقيد حسام حسن...ده يتنسي....

لكن يا ارسين احمد فتحي لم يؤدي مباراة واحدة مع المنتخب نقدر نقول انه لعب ....الي جانب انه في الاسماعيلي لم يؤثر احترافه في الفريق....ده انا حتي حاسس ان اداء الفريق اتحسن بعد ما انكشح....و في مباراة انا مش قادر انسهاله هي مباراة مصر و المغرب في بطولة الامم الافريقية الاخيرة لما اضاع فرصة و هو علي اعتاب خط ال6 ياردات و حقق المعجزة لأنه لو عايز يضيعها مكنش هيعرف...لكنه قدر و ادهش العالم :quest:

و انا معاك ان المنتخب مابيقومش الا بالاحتراف الداخلي.....لكن الكرة في مصر اهلي و زمالك و احيانا الاسماعيلي...

و طبعا انت عارف اللعيبة الدوليين في الاندية خاصة لعيبة الاهلي طالع عينهم.....و المنتخب لازم يضم اللاعبين دول...لأن هم دول اللي بيقوم عليهم المنتخب حاليا....

لكن اذا استمر الاتحاد الميمون في سياسته دي.... اللاعبين هيفضلوا علي حالهم.....و المنتخب مش هتقومله قومة تاني....علي الاقل في الفترة دي...

و ندعي ربنا يفك ازمة المنتخب و يعدي عقبة فريق بتسوانا المخيييييييف.....

تحياتي....

الطيار المصري

[se_ Elsyed]

ده كان كلامي من 4 سنوات تقريباً لما قلت إن من أحرف اللعيبة في مصر أحمد فتحي وحُسني عبد ربه

أحمد فتحي إضافة قوية للاهلي وهو صاحب ظروف إحترافية خاصة ...

ففترة إحترافة كانت قصيرة للغاية ... فهو أحترف في يناير الحالي في نادي شيفيلد يونايتد مقابل 800 ألف يورو تقريباً ... وللأسف النادي كان في موقف حرج بالدوري الإنجليزي الشرس ... وهبط درجة ثانية وأصبح النادي يمر بضائقة مالية فقرروا بيع أحمد فتحي للإستفادة من بيعه بالإضافة إلى إن عنده البديل ... هنا تدخل الزمالك وكان ده منذ أكثر من شهرين .... ولكن للأسف أيضاً وضع الحاج ممدوح عباس العربة أمام الحصان وراح تعاقد مع نادي شيفيلد يونايتد ومضى عقود وتمام التمام مقابل 750 ألف يورو ... ونسي إنه بيشتري لعيب كرة مش فرخه بلدي مدبوحه من جمعية ام ترتر .... وطلع بيسو وهللي وكبر وحوقل وقال إن تم إنهاء التعاقد مع أحمد فتحي وإن اللاعب في الزمالك من الموسم الجديد ( اللي بدأ من شهرين ) طلع اللاعب وقال والله العظيم لا أعرف حاجه من بعيد او قريب عن التعاقد ده والتعاقد باطل لإن العروسة لازم توافق وإلا جواز عباس من فؤاده هايبقى باطل .. وأنا مش عايز ألعب للزمالك .. وعايز اكمل إحتراف بره ..

نادي شيفيلد إشتغل له في الأزرق وقعده إحتياطي ... وفوت عليه فرصة البحث عن فرصة إحتراف أخرى في أوروبا وقفل أمامه الأبواب لحد ما فترة الإنتقالات إنتهب في 31/8 ...

راح له عباس تاني والولد رفض برضوا

طلع عباس وقال إنه فعلاً لم يفاوض أحمد فتحي في الأول .. ولما كلمه بعد كده رفض عدة مرات وأصبح الزملكاوية يطاردوة من بيت لبيت بنظام حرب العصابات في لندن وبرضوا الولد رافض ..

هنا تدخل الأهلي وأنهى الموضوع في سويعات قليلة .. بمبلغ أقل من اللي عرضه الزمالك لرغبة اللاعب للعب في النادي الأهلي

فاضل حُسني عبد ربه بس بعد موافقته هو نفسه ويبق كده " قطعني يا معلم " ...

وبعد كده ندخل على الكومي :quest: ونقيده فوق السن وعمر جمال ومحمد فضل وحُمص وشريف عبد الفضيل ويبقى عندنا فريق متكامل ..

بالمناسبة بقى ... الأهلي هايعمل مصايب سودا من هنا لحد يناير القادم .. لإنه راصد مبلغ 30 مليون جنية للتعاقدات الجديدة ولتقوية الفريق وخفض معدل الاعمار ..

وهو ده الإحتراف .. عرض وطلب وتعاقدات متاحة للجميع واللي خايف يروح ..

عشان نقطع الطريق على اي كلام ..

الكومي إعترف إنه فاوض عصام الحضري وإسلام الشاطر ومحمد شوقي وحسن مصطفى قبل ما يجددوا مع الأهلي ... عادي والله وبرضوا ده هو الإحتراف

------------

نغمة : سيبوا اللعيبة تكمل بره عشان يبقى عندنا قاعدة احتراف عريضة .. لسه ظاهرة امبارح فقط .. وبصراحة أول ما سمعت الأراء الزملكاوية والإسماعلاوية دي .. احترمتها ورجعت لعقلي وقلت : إخص عليك يا أهلي ... وأنا هاجي أولع فيك يا قيعي ... بقى كده تجيبوا الأولاد من بره بعد ما كانوا متألقين عشان يلعبوا في دوري المكسحين ؟

بس بعد ما شربت بؤ ميه .. رجعت لعقلي تاني وقلت الله : هو حرام على بلابله الدوحُ .. حلال على الطيرِ من كل لونٍ

طب ما هو الزمالك لسه مرجع :

بسم الله الرحمن الرحيم :

- عمرو زكي من لوكوموتيف موسكو

- شيكابولا : من باوك اليوناني

- بيشو : من تركيا

- أحمد مجدي : اليونان

- احمد غانم سلطان : من بولندا

- أيمن عبد العزيز : لسه بيجروا وراه بالمشوار

- أحمد حسن : هايموتوا ويجيبوه

- حسني عبد ربه : رفض يلعب عندهم

- احمد فتحي لسه طازه ورفض برضوا

حتى الإسماعيلي ما هو رجع حسني من فرنسا .. ومحمد جوده من سويسرا بعد فترة بسيطة في المصري .. وهاني سعيد من برما ثم المصري ثم الإسماعيلي .

نقول كمان .... احتراف ... أحتراف يا جماعة واللي خايف يروح

[Ahmad Farahat]

فاضل حُسني عبد ربه بس بعد موافقته هو نفسه ويبق كده " قطعني يا معلم " ...

وبعد كده ندخل على الكومي :quest: ونقيده فوق السن وعمر جمال ومحمد فضل وحُمص وشريف عبد الفضيل ويبقى عندنا فريق متكامل ..

يا راجل انت عايز الكومي يتشنق في ميدان عام

بعدين انت شايف الإسماعيلي عامل بيهم ايه

كفاية فضل وعمر جمال

وخلي الباقي يكفوا لحد التالت بتاعهم

حتى فضل أصلا لحمنا

وباعترافهم مفيش لعيب من قطاع ناشئيهم الفضائي اللوذعي جاب 15 جول من عشرين سنة

بس تقول لمين

أرسين

[MZohairy]

اجيبولي لعيب فاد البلد باحترافه خارج مصر إلا هاني رمزي

الكابتن لطيف الله يرحمه :quest:

[أبو محمد]

في أول تصريح له لأي وسيلة إعلامية بعد توقيعه الرسمي للنادي الأهلي، وبعد دقائق من الإعلان عن توقيعه للنادي الأهلي، قال أحمد فتحي لاعب شيفيلد السابق في تصريحات لـ superkoora.com بالهاتف من لندن أنه سعيد بالانضمام للقلعة الحمراء.

هو اللاعب ده جنسه إيه ؟؟؟

هو ما سمعش عن النعش بتاع حسنى عبد ربه ؟

"الولد" ده إما إنه فى منتهى الشجاعة .. أو فى منتهى الغباء .. أو يكون عارف إن ......... :quest:

تم تعديل 11 سبتمبر 2007 بواسطة أبو محمد
قمت بحذف جملة كتبتها لا لزوم لها

[الطيار المصرى]

بس يا عمو ثين ثين في رأي بين المشجعين بيقول انه الدوري القوي محتاج تنافس بين الفرق المشاركة....فيقولون كيف بتحقق هذا بينما يتسابق الاهلي و الزمالك علي شراء اللاعبين الجيدين في فرق الدوري المختلفة مما يضعف تلك الفرق...

و للعلم ده مش رأيي....انا شايف ان اللاعبين الجيدين في ظل ادارة واعية و و تدريب فني متميز...اكيد اللاعبين هيقدموا اداء احسن من اللي كانوا بيقدموه في فرقهم ....

انا بس سمعت الكلام ده كتير و حبيت اسمع رأيكم....

تحياتي...

الطيار المصري

[kokowawa1979]

حبيبنا الغالي أبو محمد :

ألا صحيح آخر أخبار قضية تزوير شريف أشرف إيه :wub:

هو اللاعب ده جنسه إيه ؟؟؟

هو ما سمعش عن النعش بتاع حسنى عبد ربه ؟

"الولد" ده إما إنه فى منتهى الشجاعة .. أو فى منتهى الغباء .

طيب إنت مش ملاحظ إن جمهور الاسماعيلي المحترم فعلا - موضوع أحمد فتحي مش فارق معاه نهائي -لإنك لو تلاحظ إنه بمجرد إن ناديه الانجليزي عرضه للبيع مالقيناش غير الخديوي ( علشان خاطر عيونك بس ياأبومحمد :rolleyes: ) والأهلي اللي جريوا وراه !!

واليوم جاء في جريدة المصري اليوم إن الشركة التي تعاقدت مع أحمد فتحي صرحت بأنها كانت ترتب له الانتقال لقطر قبل شيفيلد الانجليزي - حتى يذهب للأهلي مباشرة بعد انتقاله لقطر لولا جاء عقد النادي الانجليزي فجأة !! يعني ياأبو محمد يابركة موضوع انتقال أحمد فتحي للأهلي محسوم من زمان قبل حتى الخديوي مايضيع وقته في مفاوضات مع النادي الانجليزي !!

لكن أقول لحضرتك ياأبو محمد إن مستوى أحمد فتحي لايزيد عن مستوى إينو ( خليفة محمد شوقي المرتقب كما قال الجهبذ جوزيه) وصدقني حينما يمجد جوزيه في أي لاعب إعرف إنه هايركنه على الدكة بجوار شلة الأنس :blush2:

وفي النهاية سرعة عودة لاعبينا المحترفين من الخارج تقول لك إن دول محليين وبس - يعني مش هم اللاعبين السوبر اللي يستحقوا هذه الصراعات من أجلهم .

باقي : عمر جمال- سيد معوض- محمد صبحي - محمد حمص لاستكمال فريق الاسماعيلي 2 :wub:

همتك ياقيعي :wub:

[se_ Elsyed]

هما دول الزملكاوية ... حيويه وعزم وهمه

لكن أقول لحضرتك ياأبو محمد إن مستوى أحمد فتحي لايزيد عن مستوى إينو

ولما هو لعيب تعبان وعدمان ... كنتو بتجروا وراه ليه يا

يا

يا زملكاوية ؟

يا راجل عيب .. ما تبقاش وجهات نظرنا كده على كل لون يا بطيسطة ...

يعني لاعب الزمالك كان هايحفى وراه وبيمجدوا فيه إمبارح ... وهوووووووووب النهاردة يروح الاهلي يبقى كوخه ومكسح وكان عضو في فريق النور والامل ...

بالذمة وعايزنا نوصل كأس العالم 2010 أو حتى غانا 2008 ..

ياخي ....

ديهدا

----------------

ألا صحيح آخر أخبار قضية تزوير شريف أشرف إيه

محجوزه في الرول مع قضية محمد عبد الواحد وجمال حمزه ...

------------

وفي النهاية سرعة عودة لاعبينا المحترفين من الخارج تقول لك إن دول محليين وبس - يعني مش هم اللاعبين السوبر اللي يستحقوا هذه الصراعات من أجلهم

فعلاً محليين بإمارة الكلام اللي إنت ما قرأتوش ده

- عمرو زكي من لوكوموتيف موسكو

- شيكابولا : من باوك اليوناني

- بيشو : من تركيا

- أحمد مجدي : اليونان

- احمد غانم سلطان : من بولندا

- أيمن عبد العزيز : لسه بيجروا وراه بالمشوار

- أحمد حسن : هايموتوا ويجيبوه

- حسني عبد ربه : رفض يلعب عندهم

- احمد فتحي لسه طازه ورفض برضوا

آه يا محليين يا وحشين ... إخيه عليكو

[kokowawa1979]

سي السيد كتب :

ولما هو لعيب تعبان وعدمان ... كنتو بتجروا وراه ليه يا

هو بعد الشر إينو تعبان ياسي السيد :wub: لإني قارينته بإينو مش غيره !!!

وبعدين إينو ده فوار والا انت ناسي ياحاج :rolleyes:

[أبو محمد]

طيب إنت مش ملاحظ إن جمهور الاسماعيلي المحترم فعلا - موضوع أحمد فتحي مش فارق معاه نهائي

كل سنة وانت طيب ياكوكو .. ربنا يعيد عليك وعلى الأسرة الكريمة الشهر الكريم بكل الخير والبركة

جمهور الاسماعيلى المحترم بيتمتع بصفة تانية جميلة وهى خفة الدم .. أنا دخلت موقعهم ولقيت موضوع إسمه "حسنى عبد ربه" .. فيه 200 صفحة (أى والله صفحة مش مشاركة) .. وفيه كلام لذيد قوى يا ريتكم كلكم تدخلوا تقروه .. واحد بيقول إن أحمد فتحى ده رايح الأهلى من نادى انجليزى .. إنما حسنى ده الأهلى بياخده مننا احنا مش من أى نادى تانى :wub:

وبعدين قريت (نقلا عن أعضاء الموقع ) إن سيد بازوكا بيهدد إن لو الاتحاد الدولى ما أنصفهمش حيصعدوا القضية للفيفا :rolleyes:

يا كوكو إنت بتعد لاعبى الاسماعيلى اللى انتقلوا للأهلى .. ولو عديت لاعبى الأهلى اللى انتقلوا للإسماعيلى حتلاقى إن الموضوع عبارة عن تبادل قفص مانجة صفرا مع قفص طماطم حمرا .. كل قفص فيه الحلو والمفعص .. بس الشاطر هو اللى يعرف ياخد حلو أكتر من المفعص ... إيه أخبار الطماطم اللى بتشرب لبن :blush2:

حتسأل نفسك هو مال ابو محمد النهاردة نازل ضحك .. حقوللك أصلى نجحت فى الحصول على موافقة "جهاز إعداد الدولة للحرب" .. وحابدأ الرحلة من تانى مع الشهر العقارى :wub:

[kokowawa1979]

أبو محمد كتب :

حتسأل نفسك هو مال ابو محمد النهاردة نازل ضحك .. حقوللك أصلى نجحت فى الحصول على موافقة "جهاز إعداد الدولة للحرب" .. وحابدأ الرحلة من تانى مع الشهر العقارى

كل سنة وانت طيب ياأبومحمد أنت وجميع الإخوة الكرام والله تعالى أسأل أن يعيده عليكم جميعا وعلى أسركم بالخير والبركات - وأن تتوبوا توبة صادقة عن تشجيع نادي مبادئ كل لون يايطسطة :wub:

وألف مبروك على انتهاء موضوع الجيش - وهانت المسائل ياأبو محمد والشهر العقاري ديته قرشين ويخلص الفيلم ده بقى .

بس إنت ماقلتش يابركة هي الأرض أرض زراعية واللا مياني يمكن أفيدك .

صدقني موقع الاسماعيلي من أفضل المواقع الرياضية - وأظن لو دخلت موقع الأهلي - ماعتقدش إنك ممكن تدخل من غير ما توضع كمامة معفمة على أنفك مثل الأطباء قبل الدخول :rolleyes: ماهو أنا ( وأعوذ بالله من كلمة أنا ) دايما أتسلل لمواقع العدو علشان أعرف أخبارهم إيه وغيه الجديد اللي عندهم واقدر أستغله ضدهم .

بالمناسبة أشوفكم جميعا على خير بعد انتهاء شهر رمضان - فرصة الواحد بقى يا خد هدنة - ويتقرب لله بإذن الله أكتر .

وبالمناسبة طماطم الحليب تم تصديرها ( وهي خاصة بصديقي وليست لي ) - هيا بقى جهز أرضك ياأبو محمد :blush2:

عموما والله فرحتني ياأبو محمد بالنسبة لموضوع الأرض وانتهاء مشكلتها مع الجيش وعقبال الشهر العقاري .

[Ahmad Farahat]

جمهور الاسماعيلى المحترم بيتمتع بصفة تانية جميلة وهى خفة الدم .. أنا دخلت موقعهم ولقيت موضوع إسمه "حسنى عبد ربه" .. فيه 200 صفحة (أى والله صفحة مش مشاركة) .. وفيه كلام لذيد قوى يا ريتكم كلكم تدخلوا تقروه .. واحد بيقول إن أحمد فتحى ده رايح الأهلى من نادى انجليزى .. إنما حسنى ده الأهلى بياخده مننا احنا مش من أى نادى تانى :wub:

طيب ما دام كده بقى يسنوا التانيين واللي بيقولوا اننا خدناهم منهم

وبعدين قريت (نقلا عن أعضاء الموقع ) إن سيد بازوكا بيهدد إن لو الاتحاد الدولى ما أنصفهمش حيصعدوا القضية للفيفا :rolleyes:

ما هو ده جزاة اللي مسمعشي كلمة ماما تقولها

عموما رمضان كريم ع الكل ان شاء الله