يا مصريين في الداخل أوعوا تسافروا للخارج

[Super kangaroo]

ده غير الجثث الاخري للهاربين من مصر الي ايطاليا تسبح و تلعب مع الاسماك في البحر الآبيض !!! ان البحر ساعة الغروب يسبغ باللون الآحمر من دمائهم

يا جماعة اعقل و تلكلم بكلام يعقل

مش حكاية بعد ما تلات تربع اللي في الخارج ماشاء الله واللهم لا حسد عملوا حياتهم و فلوسهم الآخريين الذين يردون السفر و العمل و التعب و التجربه يحبطوهم من قبل السفر او المحاولة حتي !!!

اسعي يا عبد

و الارزاق بتاعت ربنا

رزقك ضيق في مكان ..اقلب علي اللي بعده شوف العالم جرب و عيش و يا اخي لما تتطلع وحشة ارجع و احمد ربنا انه اعط لك الصحة و العافيه للسفر و التجربة

احسن ما تكون في بلدك زيك زي رجل الكنبة

التوفيق للجميع في الداخل و الخارج و ادعوا الله ان يحسن ختماتنا و يرزقنا بالحلال و الطيب جميعا انشاء الله

[afreet]

لا اعرف لماذا هذا الانفعال وكانما نحن من يقف فى طريق من يسافر اويقتل نفسه حتى

من اراد ان يسافر الى الخليج او ادغال افريقيا سيفعل ولن ينتظر اذن منا

ان ماكتبته واضح وصريح وناتج تجربة طويله اما ماتقول عنه من ان الناس تسافر الخليج وربنا يفتحها عليها ثم تخاف الحسد او لاتريد الخير للاخرين فهذا الكلام مرفوض جملة وتفصيلا ولا معنى لمناقشته

والكلام واضح وصريح السفر لدول الخليج عملية تعذيب وخراب للاسر وهو كلام صحيح وانظر كل ردود الاخوه فى هذا الموضوع او موضوع هنا الخليج وليس كلام فرد بعينه الا اذا اعتبرت الجميع يخاف الحسد

واذا اضطر شخص ما للسفر للخليج فعليه ان يحسب بدقة مدى سيعود ولا يترك الحياة تاخذه

اما اذا كانت هذه رؤيتك لمصر وان كل مافيها قبيح بهذه الصورة فهى اذا مكان لا تريد الاقامه فيه وهنا يكون سفرك للخليج ليس بغرض المال فقط وانما هروبا من مصر بالدرجة الاولى للظروف والمشاكل التى ذكرتها وهذا ما اقوله بمنتهى البساطه اذا كنت شابا الان ولا تستطيع ان تبدأ فى بلدك بسبب الفساد كما قلت انت وارتفاع الاسعار الجنونى فماذا تتوقع من دول الخليج وهل تعتقد ان دول الخليج بظروفها الحاليه تستطيع ان تعمل بها وتشترى اوحش شقة بربع مليون جنيه كما قلت وفى الصحراء وبعد كم سنه واجعل اى شخص مقيم فى الخليج يحسبها لك ولا تصعق من النتائج

سيدى الفاضل هذه ليست هجرة و انت لاتفر بدينك من مصر لتنطبق عليك الايات

الموضوع سهل وبسيط ولا يحتاج لكل هذه الحدة كما ان هجومك علينا لن يغير من راينا ولا من تجاربنا وواقع حالنا

انا انقل وجهة نظر اذا اعجبتك وصادفت هواك فاهلا وسهلا واذا لم تعجبك فاتركها

ويكفينى انى نصحت و لا اخاف حسدا ولا يوجد ما احسد عليه

[المكافح]

اتفق معك اخى العزيز أفريت فى كل ما قلتة تماما وانا من مؤيدى كل كلمة قلتها وليس اقتناعى بما تقول لمجرد انة كلام مقنع فحسب ولكن لأنة من واقع تجربة شخصية لى

فبالنسبة لموضوع الحرية الدينية وممارسة الشعائر الدينية بكل حرية فأحب ان ازيدك من اليبت شعراً كما يقولون فأنا عشت فترة ليست بالقليلة ملتحى لحية كاملة واحضر الدروس والخطب الدينية فى المساجد لكبار الشيوخ ومنهم من كان يتم القبض علية بعد الخطبة وكنت ايضاً استمع لشرائطهم الدينية ومتابع جيد لها كما كان لى بعض الاصدقاء ممن تم القبض عليهم للاشتباة بهم فى انتمائهم لجماعات دينية وتم الافراج عنهم بعد ذلك وكنت ايضا اعمل بشركة من ضمن مجموعة شركات بن لادن السعودية فى تلك الفترة

كل ذلك ولم يتعرض لى احد او حتى اتعرض لمسائلة فى كمين شرطة ليلى عن لحيتى او اصدقائى او اى شيىء من ذلك القبيل

خلاصة القول ان الحرية الدينية فى مصر موجودة حسب تجربتى شريطة عدم التعرض لتحرشات سياسية مع الحكومة واستغلال الدين ذريعة فى ذلك

انا لا اقول ان مصر جنة اللة فى ارضة من الناحية الامنية وان وزارة الداخلية تترك كل فرد على هواة فيما يفعلة ولكنى اعنى ان التزامك الدينى وبعيدا عن اى ارتباط سياسى لن يعرضك بأى حال من الاحوال الى مواجهة الشرطة هذة واحدة

من ناحية اخرى اتفق معك تماما فى اننا كمغتربين فى الخارج وعن تجربتى ايضا كمغترب فى السعودية مما يقرب من خمس سنوات ان الحالة الخليجية اصبحت حالة يرثى لها وان ما يظنة المصريون فى الداخل من ثراء العاملين فى الخليج الان هو وهم ودرب من الخيال

فأنا يامن هم فى الداخل على سبيل المثال واعتقد ان حالى هو حال كثير من المصريين هنا فى السعودية اعيش ومعى عائلتى المكونة من 4 افراد ومن فى السعودية يعلمون كم ارتفعت قيمة الايجارات الى ان وصلت الضعف ناهيك عن ارتفاع سعار المأكل والمشرب بشكل غير طبيعى ومصاريف السيارة والعلاج الطبى الذى نكتوى بة بسبب عدم وجود تأمين صحى للشركة التى اعمل بها غير مصروفات المدارس الانترناشيونال التى بها اولادى والتى تتعدى فى بعض الاحيان حاجز العشرين الف ريال سنويا

كل ذلك وغيرة كثير ممن يعلمة من هم بالخليج ولا يعلمة من هم بالداخل

فمن اين لنا الان يا سيدى الفاضل بالشقة ( المعفنة ) ام ربع مليون جنية

نحن يا اخوتى الافاضل لا نسد الباب فى وجة احد فباب السفر مفتوح لمن يريد وسيسافر من يريد شئنا ام ابينا ولكننا ننصح وليس لنا اى مصلحة فى عدم سفر اخواننا بالداخل

اما حكاية الحسد دى فخليها على حنب شوية وعلى رأى المثل

ايش ياخد الريح من البلاط

تحياتى للجميع

[afreet]

اخى المكافح " وكلنا مكافحون"

ان اشد مايغيظنى فينا نحن المصريون ان نسمع كلاما من احد الاشخاص ويتكرر من شخص اخر فيصبح حقيقة لا مجال للنقاش فيها

والغريب عندما تسال احد الشخصين هل رايت بعينك يقول لا انما سمعت ذلك ورغم ذلك نظل على اعتقادنا الراسخ فيما قيل

انا ياسيدى الفاضل لى تجارب مع الشرطة وعوملت بكل احترام دون واسطه او معرفة ولى تجارب اخرى مع الشرطة حاولوا معاملتى بوقاحه فقمت بالاتصال بمكتب وزير الداخليه دون سابق معرفة او شىء وتم حل المشكله فورا وقام الضابط بالاعتذار

ما اريد قوله ان رجال الشرطه محترمين اولاد ناس فهم اخى واخيك ولكن لا يمنع وجود منحرفين وفاسدين بالطبع

والغريب ان منهم متدينين بل وبعضهم شديد التدين

والوضع فى مصر معروف اذا لم يكن لك ملف لديهم ولا تحاول اثارة بلبله من اى نوع فلا يتم مسك بسوء ولكن للاسف فى حالة وجود ملف يعامل الانسان معامله لا تليق بحيوان وهنا تكمن المشكله

الحرة الدينية مكفوله فى مصر والدليل الاف الجوامع التى تقام بها الصلوات يوميا مئات الالوف الملتحين الذين يجوبون الشوارع ليل نهار مئات الكتب من كل نوع ولون

واذا كان هناك تجاوز فيكون سببه الشخص نفسه ولا يجب التهاون فى حقة

[tarek hassan]

أشكر جميع الأخوة الأعزاء على هذا المستوى الرائع في الحوار والنقاش والفكر المستنير وأقول لأخي الفاضل Super kangaroo

استشهادك بالآية هنا رائع جدا

( الَّذِينَ تَوَفَّاهُمُ الْمَلآئِكَةُ ظَالِمِي أَنْفُسِهِمْ قَالُواْ فِيمَ كُنتُمْ قَالُواْ كُنَّا مُسْتَضْعَفِينَ فِي الأَرْضِ قَالْوَاْ أَلَمْ تَكُنْ أَرْضُ اللّهِ وَاسِعَةً فَتُهَاجِرُواْ فِيهَا فَأُوْلَـئِكَ مَأْوَاهُمْ جَهَنَّمُ وَسَاءتْ مَصِيرا)ً

الإنسان لا يقيم لا هنا ولا هناك لا في بلده ولا بلاد الدنيا على ذله أو مهانة فأنت تلاحظ أن هذا المستضعف في وطنه ظالم لأنه تحمل الظلم ورضخ له إن المظلوم ظالم في مقياس القرآن يستحق العقاب والمؤاخذة الا أن يقاوم الظلم، أو يهجر الظلم

فإن لم يتمكن من مقاومة الظلم كان ظالما يستحق ما يستحقه الظالمون من العقاب والحساب

والمظلوم الذي يتحمل الظلم، ويرضخ له هو السبب في ظهور فئة مستكبرة وظالمة في المجتمع تعمل على استضعاف وإفساد طبقة واسعة من المجتمع

إن كل مظلوم يتحمل الظلم لابد أن يتحمل جزءً من هذه المسؤولية بالضرورة، وكل مظلوم مشارك في توجيه الظلم الى نفسه والى الآخرين ولذلك فهو ظالم لنفسه.

أظن أن للإقامة في الوطن أحكام وللإغتراب أحكام والله أعلم فلنراجع ذلك.

[Super kangaroo]

شكرا طارق باشا

مفهوم الهجرة نسبي الي كل واحد حسب ظروف كل واحد يعني برضوة في ناس فكرة الهجرة مش في دماغها لو دبحتو في مصر حتفضل رأسه المقطوعة تلحس تراب مصر !! :lol:

بس انا كان عايز اوضح ان فكرة الهجرة خصوصا للمظلوم او حاسيس ان الدنيا خربت و قفلت في وجهه في بلده ان يسعي في ارض الله يحاول و انتشروا في الارض يا اخي !!!

لكن اول ما يجي يفكر في السفر و الهجرة اطلع له كارت بناع ناسك و اهلك و الشارع و الجيران !!!

سبحان الله !! و هو ممكن يكون قاعد في مصر ولاحد بيعبروه الا عشان مصلحه فقط !!! علي كل المستويات

انا باعتقد ان الهجرة كمان انواع يعني في ناس بتهاجر عشان ظروف كتيره و هم انواع كتيره

في الهجرة للفلوس و ديه من الاخر طالع يعمل قرشين و راجع تاني

في الهجرة الي العلم

وفي الهجرة من القرف

وفي الهجرة من النكد

و في الهجرة من الظلم

وفي الهجرة الي الابد و ديه بتشمل كل ده

و بعدين يا اخي ده احنا دخلين علي ال100 مليون

متسيب شويه يهجروا ... خصوصا ان احنا كده كده مش طايقين بعض !!!

و اكيد يوم ما يفكروا يجوا مصر تاني في ظروف احسن حيجوا بالخبرات الرهيبة اللي امتلاكوها هناك في كل التخصوصات .....

و حينفعوا البلد برضوة !!!

انا بشحع فعلا موضوع الهجرة ده و بعدين علي الناس ولا المشاعر النهاردة غير امبارح النهاردة انت ممكن تكون في كندا في اخر الدينا و عمال تتكلم مع امك و اخوك صوت و صورة زي الفل و كانك قاعد معاهم و سبحان من سخر لنا هذا !

الكلام ده مكنش موجود من شوية سنين قليلة جدا !! كان اللي بيتكلم بالتليفون ده محظوظ !!! و بيدفع دم قلبه

النهاردة صوت و فيديو و ببلاش يا معلم :lol:

علي فكره ( الدول العربية خارج موضوع نقاشي بخصوص الهجرة يعني مفيش دولة عربية تنفع دولة مهجر خالص خاااالص ...لاسباب عنصرية نفسية بحتة من جانب شبه الجزيرة العربية ((((الشقيقة))))))!!!!!!!!!!!!!

[tarek hassan]

في النهاية أخواني الكرام المحترمين لابد وأن نؤمن بحقيقة عظيمة أن الله سبحانه وتعالي هو الذي يسير من يشاء حيث يشاء هو فليس لي أو لك من الأمر شيء فليقبل من الداخل وليرضى من في الخارج ونتمنى للجميع التوفيق

{ هو الذي يسيركم في البر والبحر حتى إذا كنتم في الفلك وجرين بهم بريح طيبة وفرحوا بها جاءتها ريح عاصف وجاءهم الموج من كل مكان وظنوا أنهم أحيط بهم دعوا الله مخلصين له الدين لئن أنجيتنا من هذه لنكونن من الشاكرين } .

[TAREKJASER]

السلام عليكم ورحمة اللة وبركاتة

انا انسان مصرى مغترب وهذة اول مرة اتصفح هذا النتدى وبصراحة اعجبنى الموضوع وهو موضوع الغربة وبصراحة كانت كل الردود واللة وكانها تنطق بلسان حالى

فانا اتغربت حوالى 12 عام وزى بقية الاخوة كل اللى عملتة اتزوجت وقررت ارجع مصر بعد غربة 12 عام عشان اعيش مع اسرتى فى بلدى لان الغربة كادت ان تفتك بى رغم انى كنت اعلم ان الحال بمصر لايسر عدو ولا حبيب بس قلت ارضى بالقسوم وربنا يسهلها ونزلت وقضيت خمس سنوات بمصر

مش ح اقولكم ما اشتغلت لا اشتغلت لكن واللة صدمت فى البلد احسست انى مش من هنا وان الناس اتغيرت واتضح لى فىما بعد انى انا اللى بعدت ان الوطن المهم اقسم باللة تعبت جدااا من سلوك الناس وعدم قدرتى على مجارة الناس فى سلوكهم وكلة كوم والمرتب اللى كنت باخدة كوم تانى واللة كان 600 جنية طيب اعيش ازاى ورغم كدة صبرت لكن حقيقى احساسى انى اصبحت مغترب فى بلدى كان شىء صعب واول مالقيت فرصة سفر تانى عودت ورجعت تانى لقيت نفسى بحن لمصر

شىء غريب احنا المصريين بنكرة بلدنا لظروفها وف نفس الوقت بنحب بلدنا

بس واخيرا انا مع الراى ان اى شاب قبل السفر يفكر جيدا واذا كان عندة عمل بمصر يفكر جيدااا لان الغربة فعلا على المدى الطويل دمار فى كل شىء والحمد اللة رب العالمين وربنا يسترها

[afreet]

اخى العزيز جاسر

كان الله فى عونك وفى عونا اجمعين

ان 12 سنه غربة عن مصر تحتاج على الاقل الى 3 سنوات فى مصر اعادة تاهيل حتى تعود مصرى مره اخرى

ان الاجازات التى ننزل فيها الى مصر ننزل كاننا سياح ولا تحتسب اقامة فى مصر لذلك عند العودة نهائيا فاننا نحتاج الى اعادة تاهيل لا تقل عن ربع المدة

فببساطه الناس فى مصر تعودت على الزحام وعرفت تدبر امورها اما الغربة فنحن محنطون الى حين ميسرة ليس عندنا استعداد لهذا " الدعك" اليومى على سبيل المثال ان احتياجاتك من المواد الغذائية فى الغربة تاتى بزياره لاحد السوبر ماركت الكبرى لتغطى احتياجاتك الشهرية بزيارة واحدة مريحة تكون اقرب الى النزهة

اما فى مصر فتجد المقيمين بها يقومون بعشرين زيارة لعشرين مكان للحصول على الاحتياجات باسعار مناسبة وهذا مالانفهمه فتجد نفسك تشترى شوية بقاله بستمائة جنيه يحصل غيرك عليها او على بدائل لها بمبلغ لا يتجاوز خمس هذا المبلغ

وهكذا فى باقى امور الحياة

كان الله فى عوننا اجمعين وصبرنا على مابلانا به

[chebtamerII]

يا جماعة بالراحة بعد إذنكم انتم كلكم أو معظمكم مصريين, مش كدة ؟؟

أنا عايز أفكركم بمثل بيقول ( إللي إيده في المية مش زي إللي إيده في النار )

سيبكم من اللي يقول أنا عايز أرجع مصر والكلام ده كله, ما برضو الواحد لما بيروح مصيف أو بيسيب القاهرة وبروح أسوان بيشتاق لبيته بعدها بأسبوع أو اتنين بالكتير...

فعلا بيبقوا عايزين يرجعوا, لكن لما بيرجعوا بنشوف احنا الموضوع بجد وللا بس البلد وحشتهم..

يعني الأمثلة معايا كتير, أقارب وأصحاب, في بلاد العرب وفي بلاد الغرب, اللي راجع ممن السعودية يقضي أجازة شهر وللا اتنين بيبقى مشتاق أوي يرجع ولما ييجي مصر يلعن اليوم اللي فكر يرجع فيه من الزحمة والهيصة والقرف اللي بيشوفه مع الرغم من إني باحكيلكم مثال على واحد بقاله سنة أو أكتر بحاجة بسيطة جدا في السعودية.. مش في أمريكا وللا فرنسا..

وتعالى شوف اللي راجع من ألمانيا, ده هناك يقول ويحلف ونفسي أرجع بلدي و أسمع أذان الفجر يصحيني من أحلى نومة عشان أقابل رب العباد, وأول ما يرجع يلاقي هنا الجو حر وعرق وأوتوبيسات وتراب وريحة السولار والبنزين وسواقين التاكسي الدباحين, ولو جه في الشتاء فالشتاء هنا غير هناك, الشتا هنا كله طينة ومازوت وقرف في الشوارع (بالطبع بنسبة أكتر من 80% من شوارع البلد)

وما ينفعش تلبس ملابس بيضاء, عشان لو فكرت هاتلاقي شاب حليوة فرحان بعربيته وبيأمرك بيها (بيأمرك هنا طبعا عشان مش عارف يروح أمريكا) وطبعا يطرطشلك القرف اللي في الشوارع ويبهدلك هدومك, وحسبي الله ونعم الوكيل..

دي يا جماعة أمثلة بسيطة جدا جدا ناهيكم عن اللي يروح يخلص ورق وللا راجع يتجوز وللا عايز يشتري شقة وللا راجع يعالج حد من أهله و و و....إلخ

افتكروا دي كويس والله ومش تشاؤم (ماحدش بينفع حد) (واللي إيده في المية مش زي اللي إيده في النار)

االأفضل إننا نجرب, ربنا خلقنا كده نحب التجربة, فضوليين, ويمكن ربنا يسهل..

مش كل اللي في الغربة متبهدل ومش كل اللي هنا عايشيين وحش...

أتمنى ما أكونش أذيت حد بكلامي ولا سببت لأي حد إحراج ولا لنفسي كمان..

وشكرا لسعة صدركم..

وكل عام وأنتم بخير....

[الباشمهندس ياسر]

للرفع

[herohero]

القصة ان الانسان اوقات بيضحك ع نفسه يعني بنسى ظروفه ولكن لكل شيئ ايجابياته وسلبياته وفيه ناس استفادت من الغربة وفيه ناس انضرت ولكن ماهو الغربة مش غربة مكان ناس كتير كانت غريبة ف مصر

لما تحس ان علية القوم بقوا الراقصات وما شابه ولما تلاقي الرشاوي والفساد بقى نط حياة هنعمل ايه مش بنحس بغربة لما تلاقي الناس بقت سلبية ومش عاوزة تتغير مش بتتخنق بتحس انك بتموت بالبطيئ وبصراحه اللي ما شافش بيكون مرتاح يعني لو واحد عايش طول عمره ف مصر بيكون مرتاح لانه ماشافش غير كده

انما اللي بيشوف بيتعب من المقارنة الناس ف مصر متصورة ان الطبيعي فوضى المرور اللي موجوده وان اختراع اشارات المرور لسه مش مطبق ف العالم وان استغلال مقدم الخدمة للمستهلك ده شي طبيعي

ياجماعة حكوماتنا المتعاقبة نجحت ف جعلنا شعب غير منظم انا شوفت دده ف السافرة المصرية ف الرياض عاملين ارقام وشيئ منظم الناس مش عاوزة تبقى منظمة ودول بره مصر

خلاص بقي ف جيناتنا طب نعمل ايه

لما تحس كل اللي حواليك بيدفعك للفوضى

انا راي سافر وجرب وشوف احنا مشكلتنا كمصريين لفتره طويلة كنا مقتنعين اننا صح وغيرنا غلط احنا بلد 7000000000000000000000000سنة حضارة

ياجماعة لازم نبص وننفتح ع العالم حتى تاريخنا الطويل ده مش عارفينه متاحفنا مليانه بالاجانب مش بالمصريين

يبقى نطلع وهنهاجر ونشوف عشان ننطور وياريت اللي يسافر ولا يهاجر يفيد البلد باللي اتعلمه هنعمل ايه مادام حكومتنا معندهاش برنامج وطني لينا يبقى احنا نتصرف لوحدنا