حمد الله عالسلامه يا حاج موديست

[se_ Elsyed]

نقلاً عن وكالة انباء شيخوان الصينية

" عاد بسلامة الله إلى أرض الوطنب الثني الحاج موديست بعد رحلة علاجية .. قصدي إجازة خاطفة إلى مصر المحروسة أستغرقت إسبوعين ونيف .. هذا وقد ناقش خلالها أبا الحاج موديست مع السادة المسئولين المصريين سُبل دفع عجلة السلام وبعض القضايا الهامة الاخرى ..

حفظ الله الحاج موديست في حِله وترحاله هو وعياله "

إفتقدناك والله يا موديست وكان ناقصنا حاجه مهمة ... ورجوعك تزامن مع أيام مباركة وجميلة فالنهاردة هي ليلة الرؤيا في السعودية ... يعني لو الهلال ظهر عندك في جده إبقى إديني ميسد ....

وكمان تزامن رجوعك مع صفقة احمد فتحي وأنضمامة للأهلي wst:: :unsure: ... وياريت تغطس لنا قد شهرين تلاته وتجيب لنا حُسني عبد ربه وشريف عبفضيل وكام لعيب على ذوقك .... حبيبي والله يابو اشرف .

أي نعم إنت حلقت لي في اللينك اللي إدتهولي قبل ما اتسافر بتاع تحويل ملفات صيغ الفيديو ... لكن حلقه مقبوله وإفطاراً شهياً ولسه برضوا مستني البرنامج

[لخبطه]

طبعا برحب بعمي مودست وعمي سي السيد وكمان برحب بنفسي

لاني رحت شهرين في التمام ولسه راجع امبارح

حمدا الله على السلامه ياجنرال

صحيح - السؤال التقليدي - ليه المحاورات مش بتفتح في مصر جربت من حدانا ف الكفر مش فتحت طلعت على المحروسه شرحه أكتر من مكان من أكثر من مدينة نفسه فكان إني عزلت عن المحاورات كل الفترة دي

[shahd]

عمووووووووو الحاج موديست مليوووووووووون حمدلله على السلامه.. حج مبرور وذنب مغفور ان شاء الله

[Folana]

السلام عليكم ورحمة الله .....

وأنا عمالة أقرأ العنوان وأقول حاج؟؟؟ فى سبتمبر؟؟؟ أو أغسطس كمان؟؟...هى حتى المجاملات بقت فى الحج..علشان ماهو اكمن أبا الحاج موديست من الاعيان يعنى ..قوم يحج وقت مايحب....

لكن مادام طلع انه كان فى المحروسة يبقى يستاهل....أأأأ...يعنى كويس انه قضى اجازة جميلة رائعة فى أم الدنيا....

حمدلله على السلامة يا اوستاز موديزت ....

اوعى تفتكر انى داخلة ارحب كده لوجه الله ...تؤتؤتؤتؤ...انا لى عند سيادتك طلب....وهو انك تقول لنا نتيجة تنسيق الاى جى اكس واى زد ابوسترف اس عملت ايه...وصيدلية اخدت من كام ...ومعهد اللاسلكى برضه اخد من كام ...علشان اعمل حسابى من دلوقت وخصوصا ان البنية بنتى فضلها سنة وتطلع بره....يعنى اكتب لنا تاريخ حياتك وذكرياتك ورحلتك اللولبية للحصول على مقعد فى احدى الجامعات المصرية ..(او الالمانية )... wst::

وكمان حمدلله على السلامة يا لخبطة نورت المحاورات ....ان شاءالله تكون قضيت اجازة موفقة....

:unsure:

[MZohairy]

جئت

جئت بالشراحل كأنها ..لمع الذبا في ماطعيه وصير

فكأنما

فكأنما لمح السمير.. و طاف من لاطعيه دنة وعصير

[Ahmad Farahat]

ألف مبروك لينا رجعوك بالسلامة يا جنرال

واحشنا قوي ووحشانا كلاسيكياتك

أخوك الصغير أرسين اللي دخل المنتدى ده بسببك بقى سوبر ميمبر وكل بفضل دعواتك

ياريت ترجع وتشوف الموضوع الروعة بتاع حضرتك وتصلح الروابط البايظة وتضيف عليها من مغارتك الحلوة

مغارة موديست بابا

جئت

جئت بالشراحل كأنها ..لمع الذبا في ماطعيه وصير

فكأنما

فكأنما لمح السمير.. و طاف من لاطعيه دنة وعصير

يا ريت با عمو زهيري تشرحلي البيت الأول

والنبي والنبي

أصل حاسس انه كويس

ليه مش عارف

[عبده بيه]

الكريم موديست حمد لله علي سلامتك

ان شاء الله تنورنا كعادتك

وكل عام وانتم بخير

[MZohairy]

ألف مبروك لينا رجعوك بالسلامة يا جنرال

واحشنا قوي ووحشانا كلاسيكياتك

أخوك الصغير أرسين اللي دخل المنتدى ده بسببك بقى سوبر ميمبر وكل بفضل دعواتك

ياريت ترجع وتشوف الموضوع الروعة بتاع حضرتك وتصلح الروابط البايظة وتضيف عليها من مغارتك الحلوة

مغارة موديست بابا

جئت

جئت بالشراحل كأنها ..لمع الذبا في ماطعيه وصير

فكأنما

فكأنما لمح السمير.. و طاف من لاطعيه دنة وعصير

يا ريت با عمو زهيري تشرحلي البيت الأول

والنبي والنبي

أصل حاسس انه كويس

ليه مش عارف

شوف يا سيدي البيت الأول ده معجز و حشرحلك بعض كلماته

جئت بالشراحل كأنها ..لمع الذبا في ماطعيه وصير

جئت= جيت يعني كنت في حته و لسه راجع :unsure:

كأنها= زي ما تكون

في ماطعيه = جوه ماطعيه

واضح؟

[nash]

يا ألف نهار أبيض...يا الف نهار مبروك... :unsure:

حمدلله علي السلامه يا موديست...

وإن شاء الله حجا مبرورا" وإفطارا" شهيا"

مدام ناديه

.................................................

نورت المحاضرات يا لخبطه...

إن شاء الله أجازة سعيده...

علي فكرة المحاورات فتحت معايا عادي جدا في مصر ...

مش عارفه الحقيقه المشكله ممكن تكون فين....

.................................................

بكرة صيام...محدش ينسي ويقول فارق التوقيت لخبطنا

[badroora]

استاذ موديست حمدالله عالسلامة وكل سنه وحضرتك طيب

استاذ لخبطة حمدالله عالسلامة ايضا وكل سنه وحضرتك طيب

انتوا الاتنين رمضان كريم وادعوا الله ان يكون شهر مبارك علينا وعليكم وعلى المسلمين جميعا

نجفة :unsure:

[Modest]

نقلاً عن وكالة انباء شيخوان الصينية

" عاد بسلامة الله إلى أرض الوطنب الثني الحاج موديست بعد رحلة علاجية .. قصدي إجازة خاطفة إلى مصر المحروسة أستغرقت إسبوعين ونيف .. هذا وقد ناقش خلالها أبا الحاج موديست مع السادة المسئولين المصريين سُبل دفع عجلة السلام وبعض القضايا الهامة الاخرى ..

حفظ الله الحاج موديست في حِله وترحاله هو وعياله "

السيد المُرَبِّي الفاضل و الوالد العزيز / سين سين :blush2:

مع إني كنت مش ناوي أطلبك في التليفون و لا أدخل المحاورات إلا بعد ما أنتهي من أكل أقفاص المنجة العويسي اللي جايبهم معايا من مصر :wub: ، لكن بصراحة ضعفت و اتصلت بك علشان وحشتني و دلوقتي كمان ما يمنعش أرد عليك و ابقى أرجع بسرعة أكمل أكل بعد ما أخلّص كتابة.. المنجة لذيذة جداً يا سين سين :P

وكمان تزامن رجوعك مع صفقة احمد فتحي وأنضمامة للأهلي :wub: :rolleyes: ...

أنا سمعت إنهم هايطلّعوه إعارة يشتغل مدرس في أي بلد عربي 3 أشهر لغاية ما يناير ييجي و يسجّلوه.. لو صحيح نادي المبادئ و الكلام الأونطة ده ، ما يعيروه للزمالك التلات أشهر دول؟! :wub:

[Modest]

طبعا برحب بعمي مودست وعمي سي السيد وكمان برحب بنفسي

لاني رحت شهرين في التمام ولسه راجع امبارح

حمدا الله على السلامه ياجنرال

أبو اللخابيط حبيبي :blush2:

ألف حمد الله على السلامة و يارب تكون اتبسطت في المحروسة :wub:

أنا فوجئت و أنا بادعبس في أحد المواضيع إنك جاري هنا و انا مش عارف .. بقى ده كلام!! .. عموماً أنا في انتظار تعزمني على الفطار في الأيام الجاية المفترجة علشان تاخد ثواب في أخوك :wub:

صحيح - السؤال التقليدي - ليه المحاورات مش بتفتح في مصر جربت من حدانا ف الكفر مش فتحت طلعت على المحروسه شرحه أكتر من مكان من أكثر من مدينة نفسه فكان إني عزلت عن المحاورات كل الفترة دي

بخصوص دخول المحاورات من مصر .. السنة دي لم استطع الدخول لضيق الوقت و لكن الصيف اللي فات على ما أتذكر دخلت من رقم 07775000... عارفُه انت بتاع أغنية "زيرو تلات سبعااااااااااات.. خمستلاف" :rolleyes:

[Modest]

عمووووووووو الحاج موديست مليوووووووووون حمدلله على السلامه.. حج مبرور وذنب مغفور ان شاء الله

تيتة الغالية شهد :blush2:

الله يسلمك يارب و ما يحرمناش من ذوقك :wub: .. دعيت لك على عرفات على فكرة :rolleyes:

[Modest]

السلام عليكم ورحمة الله .....

وأنا عمالة أقرأ العنوان وأقول حاج؟؟؟ فى سبتمبر؟؟؟ أو أغسطس كمان؟؟...هى حتى المجاملات بقت فى الحج..علشان ماهو اكمن أبا الحاج موديست من الاعيان يعنى ..قوم يحج وقت مايحب.... :wub:

لكن مادام طلع انه كان فى المحروسة يبقى يستاهل....أأأأ...يعنى كويس انه قضى اجازة جميلة رائعة فى أم الدنيا....

حمدلله على السلامة يا اوستاز موديزت ....

و عليكم السلام و رحمة الله و بركاته

الله يسلمك يا نينة :blush2: .. كنت ناوي أحج الصيف ده لكن ظروف نزولي مصر خلتني أأجل الفكرة شهرين تلاتة :wub:

اوعى تفتكر انى داخلة ارحب كده لوجه الله ...تؤتؤتؤتؤ...انا لى عند سيادتك طلب....وهو انك تقول لنا نتيجة تنسيق الاى جى اكس واى زد ابوسترف اس عملت ايه...وصيدلية اخدت من كام ...ومعهد اللاسلكى برضه اخد من كام ...علشان اعمل حسابى من دلوقت وخصوصا ان البنية بنتى فضلها سنة وتطلع بره....يعنى اكتب لنا تاريخ حياتك وذكرياتك ورحلتك اللولبية للحصول على مقعد فى احدى الجامعات المصرية ..(او الالمانية )... wst::

ماتفكرينيش باللي جرى لإن اللي حصل لا ينكتب و لا ينقرا :cry: (حلو بيت الشعر ده؟ :rolleyes: .. لسه مألفه حالاً).. اشمعنى زهيري بيألف و محدش كلّمه :wub:

نتيجة التنسيق لم تظهر حتى ساعة تاريخه و قلوبنا جميعاً في رجلينا :sad: .. قصدي مرعوبين أكثر من وقت نتيجة الأي جي نفسها.. إدعي للواد ربنا يوفقه يارب... و أنا هادعي طبعاً لبنّوتّك الغالية :wub: (هاتدعي هادعي.. مش هاتدعي مش هادعي :P)

[Modest]

جئت

جئت بالشراحل كأنها ..لمع الذبا في ماطعيه وصير

فكأنما

فكأنما لمح السمير.. و طاف من لاطعيه دنة وعصير

حبيبي و ابن حبيبي موزهوراتي الغالي :rolleyes:

أنا في غاية التأثر و الانبساط لإنك حطيت "عصير" في نهاية البيت التاني :blush2: .. عمرك ما نسيت أبدأ إني باحب الشعر يا إما بالعصير أو باللحمة :wub:

في انتظارك في عمرة رمضان بإذن الله و ما تحلقليش زي الشهر اللي فات :wub: .. إحنا بنحلق لواحد بس "قاعد في الرياض بالأمارة :wub: " لكن مش بنحلق لبعض يابو إياد.

[Modest]

ألف مبروك لينا رجعوك بالسلامة يا جنرال

واحشنا قوي ووحشانا كلاسيكياتك

أخوك الصغير أرسين اللي دخل المنتدى ده بسببك بقى سوبر ميمبر وكل بفضل دعواتك

صديقي العزيز أرسين :wub:

الله يسلمك من كل سوء و انتم واحشينّي أكتر... ادعي لي بقى أنا كمان أبقى سوبر ميمبر قد الدنيا :rolleyes:

ياريت ترجع وتشوف الموضوع الروعة بتاع حضرتك وتصلح الروابط البايظة وتضيف عليها من مغارتك الحلوة

مغارة موديست بابا

إن شاء الله نعيد فتح المغارة و نعود إلى الكلاسيكيات و المودرنات و غيرهم قريباً بعد شوية تمرينات لفك العضلات.

[kokowawa1979]

حمدا لله على السلامة يا جنرال موديست - ومكانش فيه داعي تجيب سيرة المانجو العويسي لزعيم الأهلوية سي السيد - أحسن إنت ماتعرفش اللي حصل معاه في موضوع المانجو السنة دي :wub:

وبعدين ياعم أحمد فتحي مين اللي ناخده إعارة - هو مستواه معقول صحيح لكن هو ملائم أكتر لدكة الأهلي خاصة موسم البرد على الأبواب :rolleyes:

نورت المحاورات يا زعيم الجنرالات

[Modest]

الكريم موديست حمد لله علي سلامتك

ان شاء الله تنورنا كعادتك

وكل عام وانتم بخير

أخي الفاضل عبده بيه :rolleyes:

النور نوركم و اشكرك على ذوقك الفائق.

كل عام و حضرتك و الأسرة الكريمة بخير :wub:

[Diab]

الجنرال موديست وهو بيصلح عجلة السلام مع أحد أنجاله

[Modest]

يا ألف نهار أبيض...يا الف نهار مبروك... :wub:

حمدلله علي السلامه يا موديست...

وإن شاء الله حجا مبرورا" وإفطارا" شهيا"

مدام ناديه

يادي الهنا يادي النور :wub:

الغالية مدام نادية هانم :rolleyes:

ينفع كده؟ :wub: .. أجّرت منادي في تلك المدينة الساحلية الهادئة ينادي عليكي لمدة أسبوع و مالقاش حد بالإسم ده .. أقول له يابني إتأكد.. طيب إسأل على ناش و بلاش نادية.. يقول لي فيه حد في الدونيا إسمه ناش!!.. ماعرفتش أرد بقى (عايز 1500 ريال حق المنادي :sad: )

ألف حمد الله على سلامتك و يارب تكوني اطمنتي على فلذة كبدك و ما تخلصتيش منه في أول فرصة و رجعتي من غيره زي ما أنا عملت :blush2:

على فكرة دعيت لك انتي كمان على عرفات و انا بافطر سمبوسة :P