حكايات من الف ليلة و ليلة

[هشام عبد الوهاب]

اول الحدوته

يحكى ان الملك كمبور استيقظ من نومه مزعور

لما رأى فى المنام حلم مش تمام

شاف المملكه بتطير بعيد عن ابنه الجميل

نده باعلى صوته ياوزير الحقنى بتفكير

جه الوزير بيهرول و ف هدومه بيتكعبل

أأمر يا مولاى فى الحال اسعفك بأى قرار

قال الملك كمبور للوزير المسئول

اغسل دماغ الرعيه بكل طريقه وكل غيه

قال الوزير المسئول هانفتح عليهم الحنفيه

بس يا مولاى فهمنى ايه الغرض والمطلوب

قال الملك كمبور بكل فخر وغرور

مطلوب نغسل دماغ الرعيه من اجل اببنا الفتيه

يمسك الحكم بعديه ويصبح ملك الرعيه

ما اسهل ما تطلب يا مولاى .. من الغد يصير الامر فعال

قال الملك كمبور : وهاتعمل ايه ياوزير

رد الوزير بقوه : نغسل دماغهم بالمنشور و نعتم على كل مشهور

قال الملك كمبور : مش كفايه يا وزيرابننا لازم يكون امير

فكر الوزير تفكير وشغل التدابير ورد على الملك وقال

ممكن يا مولاى نعدل الدساتير ونخلى الوزير غير الامير

ضم الملك حاجبيه وقال للوزير قصدك ايه

رد الوزير رد سريع .. يا مولاى قصدى الوزير استحاله يبقى امير

وبكده يا مولاى يبقى ماعندناش امير غير ابنكم الجميل

رد الملك على الوزير : فكره خبيثه وحيله نميسه بكره ناخد القرار بعد طلوع النهار

سأل الوزير سؤال : والشعب يامولاى مش نحضره الاول للقرار

رد الملك كمبور: الشعب مش مسئول الشعب ده محكوم

يالا بسرعه روح واغسل دماغهم بالمنشور ولك عندى جايزه اعملك ريس للجنه

رد الوزير بسرور : العفو يامولاى العظيم جايزتى رضاك الكريم

حالا وفى التو واللحظه نغسل دماغهم بالمنشور ونعتم على كل مشهور

مين هايكمل ...

[disappointed]

يــا سـيـــــّاف

:shock: :shock: :D :D

[disappointed]

مين هايكمل ...

حاسس بحد بيزقّنى فى المنور

:D :D :D :D

[dimage]

يلة الف ليلة الف ليلة احسن من مافيش

نادي الوزير ، كبير المراسم الملكية ، ومستشار مملكة الكمبورية وقاموا بوضع الخطة الجهنمية

بدأت الخطة بضربة معلم ، للوزير ابو منجل ، ضربة صغيرة لاحد مساعدية ، وعملية تشهير في الرعية ، قام ابو منجل كش ملك ، وعملوا شوية ترتيبات ، تم بموجبها التخلص من كافة الوجهاء المنافسين للابن الصغير

وقام الوزير بتجنيد كافة المنادية في مملكة الكمبورية ، من اجل عملية التلميع الورنيشية ، واستمرت الخطة حسب الموضوع

وكان هناك توجية ، رفعة وزير السيوف ، الي طبقة المداحين ، في كافة امصار مملكة كمبورية ، ممنوع الحديث والاعتراض ، خلينا نعمل غسيل وشطف لمخ لرعاع المملكة

بس لحد كدة

[Khiber]

وبعدين معاكم مش ناويين تجبوها البر

:( :( :(

--------------------------------

قام طلع واحد من الرعيه إسمه أبوزيد الهديه

وقال مواطنين مش متفرجين

ولسه فينا مخ مش مهلبيه

:D :D :D :D

[Ragaai]

كما يحكى ان الأمير عبد الوهاب وكان زينة الشباب وبعد ان كتب ما كتب وأصبح هناك سبب كي ياخذه سيف الدولة لمبنى امن الدولة وعمل التحقيق بأسلوبهم الرقيق وصدر امر اعتقاله بعد بحث مقاله وما به من تلميح ودون اخذ التصريح وعلمنا ان البحث قد ابتدى لإغلاق المنتدى وليكون ما حدث لعبد الوهاب عبرة لأولي الألباب كما لن ينسوا وضع الحديد في ايدي الدكتور وليد واستخدام المنفاخ الهوائي لعقاب السيد رجائي والأكتفاء بتكسير الضلوع لكل من اطلع على الموضوع

[disappointed]

كما لن ينسوا وضع الحديد في ايدي الدكتور وليد

أنا -سعادتك- زقّونى -معاليك- فى المنور -يا باشا-

:oops: :oops: :oops:

[disappointed]

كما لن ينسوا وضع الحديد في ايدي الدكتور وليد واستخدام المنفاخ الهوائي لعقاب السيد رجائي

من شاف بلاوى الناس هانت عليه بلوته

مرحب مرحب بالحديد

الحمد لله ان المنفاخ ما وقعش فى.......قرعتى أنا

:oops: :oops: :oops:

[se_ Elsyed]

وبالعند فى الشعب الغلبان أصبح الأمير الهمام ملكاً على البلاد لإكمال مسلسل الفساد الذى بدأه زعيم الاستبداد ، وبقيت بطانة السوء كلً فى مكانة المرموق لإعانة الامير الشاب على بيع ما تبقى من البلاد للصهاينة الأحباب.

وفجأةً أنتفض الشعب المستكين ليحطم كل القيود ويعبر كل السدود ، ويتم القبض عل كل المسئولين الوحشيين وسحلوهم فى كل الميادين ،وتم توليه رجل من عامة الشعب المسكين ليحكم بما أمر الله والدين لتعود العزة للمسلمين وليقٌضى على اليهود والصليبيين ولتعود خلافة الأوليين.

وأنا حاسس أن أخرتنا هاتكون فى معتقل المغول حيث العدس والفول والسجن لأمد يطول ، لإننا بننفخ فى قربه مقطوعة وبنقول كلام مايدخلش العقول ، لكن يهون السجن والعذاب طالما هيكون مع الأصحاب ، أما تربية الأولاد فليتولهم رب الانام الذى لا يغفل ولا ينام.

[Taher Deyaa]

حاسس أن أخرتنا هاتكون فى معتقل المغول حيث العدس والفول والسجن لأمد يطول ، لإننا بننفخ فى قربه مقطوعة وبنقول كلام مايدخلش العقول ، لكن يهون السجن والعذاب طالما هيكون مع الأصحاب ، أما تربية الأولاد فليتولهم رب الانام الذى لا يغفل ولا ينام.

نتجمع عند النبى يا سي السيد و ربنا يشفى اخواتنا بتوع

معتقل المغول من استخدام الاسلوب الامنى فى

التعامل مع مشاكلنا.

[disappointed]

لتعود العزة للمسلمين وليقٌضى على اليهود والصليبيين ولتعود خلافة الأوليين.

دخّلت انت كده الأفلام فى بعضيها

دى قصّه ثانيه خالص عن القصّه اللى بتتحكى

صحيح كلّ يغنّى على ليلاه , بس الكوكتيلات والــMix & Match

مابينفعوش لمّا تكون القصّه دى غير القصّه "دوكهه"

:roll: :roll: :roll:

مش قصدى حاجه والله (اوعى تزعل منّى) بس مش عارف ليه افتكرت بنتى الصغيّره"سنتين ونصف" وأنا بأسمعها بتحاول تعدّ زى ما علّمتها فلقيتها بتقول :

واحد

اتنين

تلاته

أربعه

أحمر

:shock: :shock: :shock:

يابنتى ...دول أرقام و "دوكهم" ألوان

:oops: :oops: :oops:

(بأهزّر معاك والله.....بس انت عارف بقى القافيه لمّا بتحكم الواحد مابيقدرش يحوش نفسه.....اوعى تزعل)

:inlove: :inlove:

[هشام عبد الوهاب]

وجاء الوزير المسئول الى الملك كمبور

غسلنا عقول العباد فى كل انحاء البلاد

والشعب يامولاى بيدعى للى جاى

ردكمبور بغيظ يظهر انك يا مسئول تلميذ

اتخض مسئول خضه وبلعه ريقه بلعه

ليه يا مولاى الهمام ده حتى كله تمام

قاله كمبور يا سلام امال ايه حكاية اللسان

اتبرجل المسئول واحتار وقال لسان ايه يا جبار

رد كمبور بثقة : لسان التريقة

فيه السنه بتكتب وتقول ان الامر مفعول

رد مسئول نقطع اللسان ونسلقه كمان

فكر كمبور كتير وجمع التدابير و شخط فى الكبير

اتصرف يا مسئول اتصرف يا كبير لأحدفك فى البير

اترعش المسئول وتهته فى القول :

حأاتتصصررف يا مموللاى بكره بالكتير